"گلیڈی ایٹر 2" کا باکس آفس پرراج، 106 ملین ڈالرکمالیے

 (ویب ڈیسک) فلم "گلیڈی ایٹر 2" نے باکس آفس پر تہلکہ مچاتے ہوئے 106 ملین ڈالر کی کمائی کرلی،یہ فلم 20 سال قبل ریلیز ہونے والی آسکر ایوارڈ یافتہ فلم "گلیڈی ایٹر" کا سیکوئل ہے۔

ہالی وڈ کی دو بڑی فلموں "وِکڈ" اور"گلیڈی ایٹر 2" نے ویک اینڈ پر عالمی سطح پر 270 ملین ڈالر کابزنس کیاہے،یونیورسل پکچرز کی فلم "وِکڈ" نے 114ملین ڈالر شمالی امریکہ اور  50.2 ملین ڈالرعالمی مارکیٹس سے کمائے جس کا کل عالمی باکس آفس 164.2 ملین رہا، یہ کسی بھی براڈوے میوزیکل پرمبنی فلم کا سب سے بڑا اوپننگ ویک اینڈ تھا۔

دوسری طرف پیراماؤنٹ پکچرز کی فلم "گلیڈی ایٹر 2" نے عالمی سطح پر 106 ملین کمائے، جس میں 55.5 ملین صرف امریکی اور کینیڈین تھیٹرز سے حاصل ہوئے،اس فلم کی مجموعی عالمی کمائی 221 ملین ہو چکی ہے ۔

یہ بھی پڑھیں:"ہیرا منڈی2" کی شوٹنگ 2025میں شروع ہوگی؟ منیشا کوئرالہ کاانکشاف

دونوں فلموں نے مجموعی طور پر شمالی امریکہ کے سینما گھروں میں 169.5 ملین کمائے،جس کی بدولت ویک اینڈ کا باکس آفس 201.9 ملین تک پہنچ گیا جو جولائی 2023 میں"باربی" اور "اوپن ہائمر" کی ریکارڈ اوپننگ کے بعد کا سب سے زیادہ رہا۔