اچھا ساتھی ملنے پر عمر کی پرواہ کیے بغیرشادی کرلینی چاہیے،مریم نفیس
فلم کی پیش کش ہوئی تو ضرور کروں گی،خواہش ہے کامیڈی کردار ملیں تو اچھا ہوگا
Stay tuned with 24 News HD Android App
(ویب ڈیسک) اداکارہ مریم نفیس نے کہا ہے کہ ان کے خیال میں عمر کی پرواہ کیے بغیر درست ساتھی ملنے پر شادی کرلینی چاہیے۔
مریم نفیس نے حال ہی میں نجی ٹی وی کے مزاحیہ پروگرام میں شرکت کی، جہاں مختلف معاملات پر کھل کر بات کی۔
مریم نفیس نے پروگرام میں بات کرتے ہوئے انکشاف کیا کہ شوبز انڈسٹری میں ان کے چند ہی دوست ہیں جو پہلے سے ہی ان کے دوست تھے،انہوں نے اپنی زندگی میں یہ سیکھا ہے کہ ہر کوئی ہر کسی کا دوست نہیں ہوتا، ہر کسی سے مختلف تعلقات ہوسکتے ہیں لیکن دوستی نہیں ہو سکتی۔
معروف اداکارہ نے کہا لازمی نہیں کہ ساتھ کام کرنے والے افراد بھی دوست ہوں، وہ اچھے کام کرنے والے ساتھی ہوسکتے ہیں لیکن دوست نہیں ہوسکتے،شوبز انڈسٹری میں خاندان اور ایک دوسرے سے انتہائی مخلص دوستی والی کوئی بات نہیں، تصاویر اور ویڈیوز میں صرف دکھاوا ہوتا ہے۔
ایک سوال کے جواب میں مریم نفیس نے کہاکہ ماضی میں ایک بار انہیں فلم کی پیش کش ہوئی تھی اور انہوں نے کام کرنے کی حامی بھی بھرلی تھی لیکن کورونا کی وجہ سے مذکورہ فلم ہی نہ بن سکی،اب اگر انہیں فلم میں کام کی پیش کش ہوگی تو وہ ضرور کام کریں گی لیکن ان کی خواہش ہے کہ انہیں فلم میں کامیڈی کردار ملیں تو اچھا ہوگا۔
اداکارہ نے بتایا کہ ان کے شوہر ان سے زیادہ خرچ کرتے ہیں جبکہ وہ نہیں بلکہ شوہر ان سے ڈرتے ہیں،عام طور پر مرد اپنی بیویوں سے ڈرتے ہیں اور انہوں نے بہت سارے دوستوں سے پوچھا ہے کہ وہ بیویوں سے کیوں کرتے ہیں؟ اس پر مرد بتاتے ہیں کہ وہ بیویوں کے مزید ڈرامے برداشت نہیں کرنا چاہتے، اس لیے پہلےہی ڈر جاتے ہیں۔
یہ بھی پڑھیں:نیٹ فلکس سیریز تنازع:تامل فنکاروں کے درمیان تنازع میں شدت
مریم نفیس نے کہا کہ عمر کی پرواہ کیے بغیر اچھا شریک حیات مل جانے پر شادی کرلینی چاہیے،اچھا ساتھی ملنے پر عمر کی پرواہ نہیں کرنی چاہیے۔
اداکارہ نے کہا کہ غلط جگہ پر شادی کرنے سے نہ صرف جسمانی بلکہ جذباتی اور نفسیاتی مسائل بھی پیدا ہوتے ہیں اس لیے دیکھ بھال کر اپنی پسند کے شخص سے شادی کرنی چاہیے۔