(وسیم احمد )چئیرمین پی سی بی محسن نقوی نے کہا کہ چیمپئنز ٹرافی کے شاندار انعقاد کےلئے تمام تیاریاں مکمل ہیں ،انہو ں نےراولپنڈی کرکٹ سٹیڈیم میں اپ گریڈیشن پراجیکٹ پر پیشرفت کا جائزہ لیا۔
چیئرمین پی سی بی امریکہ سے واپس آتے ہی چیمپئنزٹرافی کی تیاریوں کے سلسلہ میں متحرک ہو گئے،انہوں نے راولپنڈی سٹیڈیم کا دورہ کیا اور اپ گریڈیشن پراجیکٹ پر پیسرفت کا جائزہ لیا ۔
محسن نقوی نے پویلین، میڈیا باکس، وی آئی پی باکسز سمیت مختلف حصوں کا معائنہ کیا،چیئرمین پی سی بی محسن نقوی نے فنشنگ ورک بھی دیکھا،محسن نقوی نے اپ گریڈیشن پراجیکٹ پر پیشرفت پر اطمینان کا اظہار کیا۔
مزید پڑھیں:انٹرنیشنل کرکٹ کونسل کےCEO جیف آلڈرائس اپنے عہدے سے دستبردار
محسن نقوی نے کہا کہ راولپنڈی کرکٹ سٹیڈیم کی تزئین و آرائش کا کام آخری مراحل میں داخل ہوچکا ہے، مین پویلین اور میڈیا باکس کی تزئین و آرائش کا کام مکمل ہوچکا ہے، کرسیوں کی تنصیب کوچند روز میں مکمل کر لیا جائیگا۔
چیئرمین پی سی بی نے ٹیموں کیلئے مجوزہ سکیورٹی انتظامات کا بھی جائزہ لیا ۔
مزید پڑھیں:اے بی ڈی ویلیئرز کا تقریباً 4 سال بعد کرکٹ کے میدان میں واپسی کا اعلان
طویل عرصے بعد پاکستان میں آئی سی سی ٹورنامنٹ کا انعقاد ہو رہا ہے، میگا ایونٹ کے شاندار انعقاد کیلئے تمام تیاریاں مکمل ہیں، چیمپئنز ٹرافی ایونٹ کو یادگار بنائینگے، امید ہے شائقین کرکٹ کو بہترین کرکٹ دیکھنے کو ملے گی۔