اداکارہ صرحا اصغرنے نومولود بیٹی کی پہلی جھلک اورنام شیئرکردیا
Stay tuned with 24 News HD Android App
(ویب ڈیسک)اداکارہ صرحا اصغر نے اپنی نومولود بیٹی کی پہلی جھلک شیئرکردی،ساتھ ہی نام کا اعلان بھی کردیا ۔
صرحا اصغر نے کچھ روزقبل ہی اپنے ہاں بیٹی کی پیدائش سے متعلق سوشل میڈیا پر اعلان کیا تھا۔
فوٹو اینڈ ویڈیو شیئرنگ ایپ انسٹاگرام پر صرحا اصغر نے گزشتہ روز اپنی فیملی کی نئی تصاویر شیئر کیں جن میں ان کے چھوٹے سے خاندان کو سرخ اور سفید تھیم کے کپڑوں میں ملبوس دیکھا جا سکتا ہے۔
31 سالہ صرحا اصغر نے شوہر اور بیٹے کے ہمراہ نومولود بیٹی کی خوبصورت تصویریں شیئر کرتے ہوئے بتایا کہ انہوں نے اپنی بیٹی کا نام علیین مرتضیٰ رکھا ہے۔
پوسٹ کے کیپشن میں اداکارہ نے اپنی ننھی شہزادی کے نام علیین مرتضیٰ کا اعلان کرتے ہوئے انتہائی خوشی کا اظہار کیا ہے۔
انسٹاگرام پر 1.3 ملین فالوور رکھنے والی اداکارہ صرحا اصغر کی نومولود بیٹی کا منفرد نام مداحوں کو پسندآیاہے،تصاویر کو دیکھ کر ناصرف صرحا اصغر کے مداح بلکہ سوشل میڈیا کے دیگر صارفین بھی اداکارہ کو مبارکباد اور ان کے خاندان کے لیے نیک تمناؤں کا اظہار کر رہے ہیں۔
یہ بھی پڑھیں:شدید ڈائیریا ہو گیا تھا،الحمدللّٰہ اب صحت یاب ہو رہی ہوں:صباقمر
اداکارہ صرحا اصغر نے دسمبر 2020ء میں کورونا کی وباء کے دوران خاموشی سے اپنے دوست عمر لالہ سے شادی کی تھی،ان کے ہاں نومبر 2022ء میں پہلے بچے کی پیدائش ہوئی تھی۔