سعودی عرب : سڑک پر المناک حادثہ میں 9 بھارتی شہری ہلاک

(ویب ڈیسک) سعودی عرب کے مغربی علاقے جیزان کے قریب ایک سڑک حادثے میں 9 بھارتی شہری ہلاک ہوگئے۔ جبکہ زخمیوں کی فوری طبی امداد کیلئے ہسپتال منتقل کر دیا گیا ہے۔

بھارتی ذرائع ابلاغ کی رپورٹ کے مطابق جدہ میں بھارتی قونصل خانے نے ایکس پر کہا، “ہم سعودی عرب کے مغربی علاقے جیزان کے قریب ایک سڑک حادثے میں 9 بھارتی شہریوں کے المناک موت پر گہرے دکھ کا اظہار کرتے ہیں۔ قونصل خانے نے متاثرہ خاندانوں سے  دلی تعزیت کا اظہار کرتے ہوئے کہا ہے کہ جدہ میں بھارت کا قونصلیٹ جنرل مکمل تعاون فراہم کر رہا ہے اور حکام اور اہل خانہ سے رابطے میں ہے۔ ہم زخمیوں کی جلد صحت یابی کے لیے بھی دعا گو ہیں۔ جبکہ معلومات کیلئے ہیلپ لائن قائم کی گئی ہے۔

یہ بھی پڑھیں:وفاقی حکومت کا ڈاکٹر عثمان انور کی خدمات واپس لینے کیلئے تیسری بار رابطہ، پنجاب کا پھر انکار