PSL :رسل ڈومینگو لاہور قلندرز کے کوچ مقرر

(24 نیوز)رسل ڈومینگو کو پاکستان سپر لیگ (پی ایس ایل) 10 کے لیے لاہور قلندرز کا ہیڈ کوچ مقرر کر دیا گیا۔

لاہور قلندرز نے اس حوالے سے اعلان کرتے ہوئے کہا ہے کہ خوشی ہو رہی ہے کہ معروف جنوبی افریقی کوچ رسل ڈومینگو کو ٹیم کا نیا ہیڈ کوچ مقرر کیا گیا ہے۔

ٹیم کی جانب سے بتایا گیا ہے کہ وہ ڈیرن گف کی جگہ لیں گے جنہوں نے ناگزیر ذاتی وجوہات کی بنا پر دستیابی سے معذرت کر لی تھی۔

رسل ڈومینگو ایک انتہائی تجربہ کار کوچ ہیں جو اس سے قبل جنوبی افریقا اور بنگلادیش کی قومی کرکٹ ٹیموں کے ہیڈ کوچ کے طور پر خدمات انجام دے چکے ہیں۔

رسل ڈومینگو نے کہا ہے کہ میں لاہور قلندرز کے ساتھ 2025ء کے پی ایس ایل سیزن کا حصہ بننے پر بے حد پُرجوش ہوں۔

انہوں کہا کہ ہمیں اپنے پُرجوش مداحوں کی بھرپور سپورٹ حاصل ہو گی اور میں سب کے فخر کے لیے پوری محنت کروں گا۔

مزید پڑھیں:عمر گل بنگلہ دیش کے بائولنگ کوچ کیلئے مضبوط امیدوار