معروف بھارتی اداکارہ کا کئی مرتبہ جنسی ہراسانی کا شکار ہونے کا انکشاف
Stay tuned with 24 News HD Android App
(ویب ڈیسک)تامل اورتیلگو فلموں کی معروف اداکارہ ورلکشمی سرتکمار نے بچپن میں جنسی ہراسانی کا شکار ہونے کا انکشاف کردیا۔
تامل اورتیلگو فلموں کی معروف اداکارہ نے حال ہی میں ایک شو کے دوران انکشاف کیا کہ انہیں بچپن میں جنسی ہراسانی کا سامنا کرنا پڑا تھا،اس شو میں ایک امیدوار نے اپنے خاندان کے افراد کی جانب سے ہراسانی کا ذکر کیا، جس پر ورلکشمی جذباتی ہوگئیں اور اپنی کہانی شیئر کردی۔
ورلکشمی نے کہاکہ میں بھی آپ کی طرح ہوں،میرے والدین کام پر جاتے تھے اور مجھے دوسروں کی دیکھ بھال میں چھوڑ دیتے تھے،اس دوران پانچ سے چھ افراد نے میرا استحصال کیا،مجھے ہراساں کیااور میری کہانی بھی آپ جیسی ہی ہے۔
اداکارہ نے والدین کو مشورہ دیا کہ وہ بچوں کو اچھے اور برے ٹچ کے بارے میں آگاہ کریں۔
یہ بھی پڑھیں:رشمیکا مندنا مہنگی ترین اداکاراؤں میں شامل، ایک فلم کا کتنا معاوضہ لیتی ہیں؟
واضح رہے کہ ورلکشمی معروف جنوبی بھارتی اداکار شرت کمار اور ان کی پہلی بیوی چایا دیوی کی بیٹی ہیں، وہ اداکارہ رادھیکا کی سوتیلی بیٹی بھی ہیں۔ ورلکشمی سرتکمار 3 جولائی 2024 کو ممبئی کے گیلریسٹ نکولائی سچدیف سے رشتہ ازدواج میں منسلک ہوئی تھیں۔