میانمار زلزلہ،ہلاکتوں کی تعداد 10 ہزار سے تجاوز کرسکتی ہے،334 ایٹم بمز کے مساوی توانائی پیدا ہوئی

(ویب ڈیسک) میانمار میں آنے والے زلزلے کے حوالے سے ماہر ارضیات کا کہنا ہے کہ زلزلے سے 334 ایٹم بموں کے مساوی توانائی پیدا ہوئی۔ وسطی میانمار میں آنے والے 7.7 شدت کے زلزلے میں ہلاک ہونے والوں کی تعداد 10 ہزار سے تجاوز کر سکتی ہے۔ 
سی این این  نیوز ٹی وی کے کرس لاؤ کی رپورٹ کے مطابق ماہر ارضیات نے بتایا کہ جمعے کے روز میانمار میں آنے والے 7.7 شدت کے زلزلے سے 300 سے زائد ایٹم بم دھماکوں کے برابر توانائی پیدا ہوئی۔ جیس فینکس نے سی این این کو بتایا کہ اس طرح کے زلزلے سے تقریباً 334 ایٹم بم نکلتے ہیں، انہوں نے خبردار کیا کہ زلزلے کے جھٹکے چند ماہ تک جاری رہ سکتے ہیں، کیوں کہ بھارتی ٹیکٹونک پلیٹ میانمار کے نیچے یوریشین پلیٹ سے ٹکرارہی ہے۔

یہ بھی پڑھیں: سعودی عرب میں شوال کا چاند نظر آگیا،عید کل ہوگی