سوات: معمولی تکرار پر بھائی کے ہاتھوں بھائی قتل

 (حیدر علی جان)خیبر پختونخواہ کے شہر سوات میں بھائی نے سگے بھائی کو معمولی تکرار پر  گولیاں مار کر قتل کردیا۔
تفصیلات کے مطابق اپر سوات کے علاقے خوازہ خیلہ میں بھائی نے اپنے سگے بھائی کو گولیاں مار کر قتل کردیا ،  دونوں بھائیوں نے  آپس میں معمولی تکرار سے جھگڑا کیا جس سے معاملہ  پستول اور جان لینے تک پہنچ گیا ، بخت منیر ولد خائستہ گل نے اپنے سگے بھائی امجد علی کو گولیوں سے چھلنی کر دیا ،مقتول کو پوسٹ مارٹم کیلئے سوات خوازہ خیلہ ہسپتال پہنچا دیا جبکہ قاتل موقع سے فرار ہوگیا ہے۔ 
پولیس نے موقع پر پہنچ کر قانونی کارروائی اور قاتل کی تلاش شروع کردی ، قاتل کی گرفتاری کیلئے مختلف جگہوں چھاپے مارے جارہے ہے۔
یہ بھی پڑھیں:جعلی ڈگریوں کے اجراءمیں ملوث غیر قانونی اداروں کے 3 مالکان گرفتار