ایشوریا نے باضابطہ طور پر بچن کا سرنیم ہٹا دیا؟طلاق کی افواہیں پھر گرم

(ویب ڈیسک)بالی وڈ کی ناموراداکارہ ایشوریا رائے کی ایک حالیہ ویڈیو نےان کی  طلاق کے حوالے سے سوشل میڈیا پر ایک نئی بحث چھیڑ دی۔

ایشوریا رائے نے حال ہی میں دبئی میں گلوبل ویمنز فورم کی تقریب میں شرکت کی جہاں خواتین کو بااختیار بنانے کے حوالے سے جذباتی انداز میں خطاب کیا،ایونٹ کے آفیشل انسٹاگرام پیج نے ایشوریا کی ایک ویڈیو شیئر کی جس میں دیکھا جاسکتا ہے کہ جب ایشوریا نے اسٹیج پر قدم رکھا تو پس منظر میں ایک بڑی اسکرین پر ان کا نام"ایشوریا رائے، انٹرنیشنل اسٹار" لکھا تھا۔

View this post on Instagram

A post shared by WOKE (@woke_bycapital)

اداکارہ کے نام کے ساتھ "بچن" نہ لگائے جانے پر سوشل میڈیا صارفین نے اس خیال کا اظہار کیاہے کہ ایشوریا نے باضابطہ طور پر بچن اپنے نام سے ہٹا دیا ہے،تاہم  ایشوریا رائے کے انسٹاگرام اکاؤنٹ کی پروفائل سے بچن نام نہیں ہٹایاگیا کیونکہ انسٹاگرام پران کا نام یہی ہے۔

کچھ سوشل میڈیا صارفین نے تبصرہ کیا ہے کہ ایشوریا کی اپنی پہچان ہے،انہیں کسی بچن کی ضرورت نہیں لہٰذا پروفیشنل اِزم کے تحت ایونٹ میں اداکارہ کے نام کے ساتھ بچن نہیں لکھا گیا۔

یہ بھی پڑھیں:سیاسی کشیدگی،پنجاب کی تھیٹر انڈسٹری شدید مالی بحران کا شکار

واضح رہے کہ ایشوریا رائے اور ابھیشیک بچن 2007 ء میں شادی کے بندھن میں بندھے تھے ،تاہم کچھ عرصے سے دونوں میں طلاق کی افواہیں گردش کررہی ہیں،ایشوریا نے حال ہی میں انسٹاگرام پر اپنی بیٹی آرادھیا کی 13ویں سالگرہ کی تقریب کی تصاویر شیئر کیں توان تصاویر میں بھی ابھیشیک موجود نہیں تھے۔