’دی راک‘ کی ہالی ووڈ میں واپسی، جمانجی 3 کی ریلیز کا اعلان

(ویب ڈیسک) ہالی ووڈ کی بلاک بسٹر فلم’جمانجی‘ کی تیسرے پارٹ کی ریلیز کا اعلان کردیا گیا۔

ہالی ووڈ سپر سٹار اداکار ’دی راک‘ (ڈوین جانسن)، کیون ہارٹ، کیرن گیلن، اور جیک بلیک ایک بار پھر بلاک بسٹر فلم ’جمانجی‘ کے تیسرے سیکول یعنی ’جمانجی 3‘ میں جلوہ گر ہوں گے، ہدایتکار جیک کاسدان کی زیرِ قیادت یہ فلم 11 دسمبر 2026 کو سینما گھروں کی زینت بنے گی۔

رپورٹس کے مطابق فرنچائز کے تمام مرکزی اداکار ایک ساتھ واپس آرہے ہیں، جو ایکشن اور ایڈونچر کا نیا سفر شروع کریں گے۔

یہ بھی پڑھیں: اداکارہ ماہرہ خان کی ریمپ واک تنقید کی زد میں آگئی

یاد رہے کہ ’جمانجی: ویلکم ٹو دی جنگل‘ نے عالمی باکس آفس پر 960 ملین ڈالرز سے زیادہ کی کمائی کی تھی، جبکہ ’جمانجی دی نیکسٹ لیول‘ بھی 800 ملین ڈالرز کی شاندار کمائی کر چکی ہے، اب دیکھنا یہ ہے کہ کیا جمانجی 3 اپنی پیش رو فلموں کی طرح باکس آفس پر کامیابی کا جھنڈا گاڑھ پائے گی یا نہیں؟