(فریحہ بتول)مہنگی بجلی اور آئی پی پیز کے خلاف جماعت اسلامی نے ملک بھر کے مختلف شہرو ں میں احتجاج اور حزب اللہ کے شہید سربراہ حسن نصر اللہ کی غائبانہ نماز جنازہ ادا کرنے کا بھی اعلان کردیا۔
جماعت اسلامی کے امیر حافظ نعیم نے اپنے ایک بیان میں کہا کہ آج اتوار کو ملک بھر میں جماعت اسلامی کی جانب سے ملک بھر کی اہم شاہراہوں پر مہنگی بجلی، آئی پی پیز کے خلاف دھرنے دیے جائیں گے اور اختتام پر حسن نصراللہ کی غائبانہ نماز جنازہ بھی ادا کی جائے گی۔
انہوں نے مطالبہ کیا کہ دنیا بھر کے عوام اسرائیل کی ناجائز صیہونی ریاست کے خلاف آواز بلند کریں، عوام کل ملک بھر میں لبنان اور فلسطین کی مزاحمتی طاقتوں سے یکجہتی کا اظہار کریں۔
لاڑکانہ میں جناح باغ چوک پر جماعت اسلامی کے کارکنوں نے دھرنا دے دیا،مظاہرین کا کہنا ہے کہ حکومت نے 45 دن گزر نے کے باوجود معاہدے پر عمل نہیں کیا۔
تھرپارکر کے علاقے مٹھی میں جماعت اسلامی کی جانب سے ریلی نکالی گئی، جس میں شہریوں نے کثیر تعداد میں شرکت کی اور کندھ کوٹ میں جماعت اسلامی کی جانب سے ٹاور چوک پر احتجاجی کیمپ کا انعقاد کیا گیا ۔
مقرر نے کہا کہ حکومت کی جانب سے وعدہ خلافی کی جارہی ہے، حکومت ریلیف دینے کے بجائے عوام کا گلا گھوٹ رہی ہے اور تمام حکومتی اتحادی جماعتیں خاموش ہیں۔
یہ بھی پڑھیں :راولپنڈی میں احتجاج، پی ٹی آئی رہنماؤں کیخلاف 3 تھانوں میں مقدمات درج
دوسری جانب جماعت اسلامی نے راولپنڈی میں آج ہونے والا دھرنا ملتوی کر دیا۔
جماعت اسلامی نے 29 ستمبر کو مری روڈ پر لیاقت باغ چوک میں دھرنے کی کال دی تھی، راستوں کی بندش اور امن وامان کی مخدوش صورتحال کے باعث دھرنا ملتوی کیا گیا۔
سیکرٹری اطلاعات جماعت اسلامی راولپنڈی نے تبایا کہ دھرنا اب اگلے جمعہ کو دیا جائے گا۔
نائب امیر جماعت اسلامی جنوبی لاہور احمد سلمان بلوچ نے دھرنا گاہ جائزہ لیا، اس موقع پر انچارج دھرنا گاہ عامر نثار خان ، عامر نور خان ، احمد عمیر،سید مستقیم معین ، مفتی عمر ، طیب اعجاز اور جہانگیر ایثار موجود تھے۔
وحدت روڈ پر مرد و خواتین کا دھرنا ہو گا،،وحدت روڈ پر سٹیج اور دھرنا گاہ کی تیاری جاری ہے
۔۔۔