کراچی: چوروں نے فخرعالم کے گھر کا صفایا کردیا

(ویب ڈیسک) معروف اداکار، گلوکار اور میزبان فخر عالم کے کراچی میں واقع گھر میں چوروں نے ہاتھ صاف کردیا۔

اداکارنے مائیکروبلاگنگ ویب سائٹ ایکس پر یہ افسوسناک خبر دیتے ہوئے بتایا کہ کراچی میں میرے گھر کو لوٹ لیا گیا ہے، پولیس جائے وقوعہ پر موجود ہے اور واقعہ کی تحقیقات جاری ہیں۔

فخر عالم نے لکھاکہ یہ انتہائی پریشان کن ہے، مجھے امید ہے کہ ملزمان جلد قانون کے شکنجے میں ہوں گے، میرے لیے چیزیں اہم نہیں ہیں لیکن ذہنی سکون کی کوئی قیمت نہیں ہوتی اور یہ ہی ضروری ہے۔

میزبان کا کہنا ہے کہ یہ ذہنی سکون کا اصل نقصان ہوا ہے، براہ مہربانی تمام افراد چوکنا رہیں۔

یہ بھی پڑھیں:عمران عباس نے نیلم منیر کے ہمراہ نئی تصاویر شیئر کردیں

فخر عالم کی جانب سے یہ واضح نہیں کیا گیا کہ لوٹ مار کی واردات کے دوران وہ گھر میں موجود تھے یا نہیں؟،مداحوں کی جانب سے اداکار کے گھر چوری کے واقعہ کی مذمت کی جارہی ہے۔