میجرحمزہ اسرار شہید کی نماز جنازہ  ادا، وزیراعظم، آرمی چیف ودیگر کی شرکت

(احمد منصور)میجرحمزہ اسرار شہید کی نماز جنازہ چکلالہ گیریژن راولپنڈی میں ادا کر دی گئی۔

پاک فوج کے شعبہ تعلقات عامہ  آئی ایس پی آرکے مطابق وزیراعظم شہباز شریف، آرمی چیف جنرل عاصم منیر نےنماز جنازہ میں شرکت کی،نائب وزیراعظم و وزیر خارجہ اسحاق ڈار، وزیر دفاع خواجہ آصف ،وزیر اطلاعات عطا اللہ تارڑ،فوجی افسران، جوانوں، شہید کے عزیز و اقارب نے شرکت کی۔

میجر حمزہ اسرار نے میر علی میں مادر وطن کا بے جگری سے دفاع کرتے ہوئے جام شہادت نوش کیا،وزیراعظم شہباز شریف نے پاکستان کے بہادر شہداء کو زبردست خراج عقیدت کیا،وزیراعظم نے دہشتگردی کے خاتمے کیلئے قوم کے غیر متزلزل عزم کا اعادہ کیا۔

وزیراعظم شہبازشریف نے کہاکہ  ایسی عظیم قربانیاں قوم کے عزم کو تقویت دیتی ہیں،بہادر شہداء کی قربانیاں آنیوالی نسلوں کیلئے محفوظ اور پرامن پاکستان کو یقینی بنانے کے اجتماعی یقین کو مزید مضبوط کرتی ہیں، پوری قوم دہشتگردی کے خلاف جنگ میں مسلح افواج اور قانون نافذ کرنے والے اداروں کے شانہ بشانہ ہے ۔

آئی ایس پی آر کے مطابق نماز جنازہ کے بعد شہید میجر حمزہ اسرار کا جسد خاکی آبائی علاقے کو روانہ کر دیا گیا، شہید میجر حمزہ اسرار کو مکمل فوجی اعزاز کے ساتھ سپرد خاک کیا جائے گا۔

یہ بھی پڑھیں:معروف گلوکار فخر عالم کے گھر چوری ،چورقیمتی ترین چیز لوٹ کر لے گئے؟