جمعہ کے روز موسم کیسا رہے گا؟محکمہ موسمیات نے خوشخبری سنا دی

(روزینہ علی)محکمہ موسمیات نےجمعہ کے روز ملک کے بیشتر علاقوں میں بارش اور پہاڑوں پر برفباری کی نوید سنا دی۔

رپورٹ کے مطابق آج رات ملک کے بیشتر میدانی علاقوں میں موسم سرد اور خشک رہنے کا امکان ہےتاہم بالائی خیبر پختو نخوا، گلگت بلتستان ،کشمیر اور ملحقہ پہاڑی علا قوں میں مطلع جزوی ابر آلود رہنے کے علا وہ چند مقامات پر ہلکی بارش اور پہاڑوں پر ہلکی برفباری کا امکان ہے۔

یہ بھی پڑھیں:بینکوں سے قرض لینے کے خواہشمند افراد کیلئے اچھی خبر

محکمہ موسمیات کاکہنا ہے کہ جمعہ کے روز اسلام آباد اور گردونواح میں موسم سرد اور مطلع جزوی ابر آلود رہنے کا امکان ہے۔

خیبر پختونخوا         کے بیشتر اضلاع میں موسم سرد اور مطلع جزوی ابرآلود رہنے کے علا وہ دیر، چترال، کو ہستان، ما نسہرہ، ایبٹ آباد، بٹگرام، شا نگلہ، بو نیر اورسوات میں چند مقامات پرہلکی بارش اور پہا ڑو ں پر ہلکی برفباری کی توقع ہے۔

یہ بھی پڑھیں:بجلی کے بل جمع کروانے والوں کو بڑا ریلیف مل گیا

ادھرپنجاب کے بیشتر اضلاع میں موسم سرد اور خشک جبکہ مری، گلیات اور گردونواح میں مطلع جزوی ابر آلود رہنے کے علاوہ چند مقامات پرہلکی بارش/ہلکی بر فبا ری ہو سکتی ہے۔

بلوچستان کے بیشتر اضلاع میں موسم سرد اور خشک جبکہ شمالی اضلاع میں شدید سرد رہے گا۔سندھ                 صوبہ کے بیشتر اضلاع میں موسم خشک جبکہ صبح/رات میں سرد رہے گا۔

کشمیر اور گلگت بلتستان میں مطلع ابر آلود رہنے کے علاوہ ہلکی بارش اور ہلکی برفباری کی توقع ہے۔

آج کم سےکم درجہ حرارت لہہ منفی 09، سکردو، زیارت منفی 06، کالام، گوپس منفی 05، پارہ چنار، مالم جبہ، استور، بگروٹ اور قلات منفی 03 ڈگری سینٹی گریڈ ریکارڈ کیا گیا۔

یہ بھی پڑھیں:یکم شعبان المعظم کب ہو گی؟رویت ہلال کمیٹی نے بڑا اعلان کردیا