فضائی حادثہ ایک المیہ،کوئی زندہ نہیں بچا، آج امریکا کیلئے تکلیف دہ دن ہے،صدر ٹرمپ

(24نیوز) امریکی صدر ڈونلڈ ٹرمپ کا کہنا ہے کہ فضائی حادثہ ایک المیہ ہے،حادثے میں کوئی زندہ نہیں بچا، آج امریکا کیلئے تکلیف دہ دن ہے۔ 

امریکی میڈیا کے بعد صدر ٹرمپ نے بھی تمام افراد کی ہلاکت کی تصدیق کردی،ان کا کہنا تھا کہ حادثے کی وجہ سے امریکی غم میں ہیں،ٹرمپ نے سارا ملبہ سابق حکومتوں پر ڈالتے ہوئے کہا،ایوی ایشن سسٹم کو تبدیل کرنے کی ضرورت ہے،ائیرٹریفک کنٹرولر ہر طرح سے اس نوکری کیلئے فٹ ہونا چاہیے،صدر نے کہا کہ ان کی انتظامیہ ایوی ایشن کیلئے قابل افراد نامزد کرے گی۔

ٹرمپ بے بسی میں میڈیا کانفرنس کے دوران کہتے رہے ہیلی کاپٹر دائیں بائیں ،اوپرنیچے مڑ سکتا تھا،وہ ایسا کرسکتا تھا شاید اس کے پاس وقت ہی نہیں بچا کہ وہ مڑ جاتا،صدر ٹرمپ نے فوجی ہیلی کاپٹر کی قابلیت پر سوال اٹھا دیا،کہا پائلٹ کا کیا رول تھا اس حادثے میں؟ ائیرٹریفک سسٹم کو بھی شدیدتنقید کا نشانہ بناتے ہوئے اسے مکمل تبدیل کرنے کا اعلان کردیا۔ 

دوسری جانب  شون ڈفی سیکریٹری ٹرانسپورٹیشن نے واقعے کی تمام ذمہ داری قبول کرتے ہوئے کہا ،ہم تحقیقات میں دوتین ،چار سال نہیں لیں گے بلکہ اسے جلد از جلد مکمل کریں گے،جو کل ہوا ایسا نہیں ہونا چاہیے تھا، ہم طرح سے اس واقعہ کی ذمہ داری قبول کرتے ہیں اور امید کرتے ہیں اس طرح کا واقعہ دوبارہ نہیں ہونا چاہیے ۔
واضح رہے کہ تباہ ہونے والے مسافر طیارے میں عملے سمیت 64افراد سوار تھے جبکہ ہیلی کاپٹر میں 3فوجی اہلکار تھے ،دریا سے ابھی تک 30سے زائد لاشیں نکال لی گئی ہے، سرچ آپریشن جاری ہے جو کئی گھنٹے تک جاری رہ سکتا ہے۔

علاوہ ازیں، ریگن نیشنل ائیرپورٹ کا رن وے مقامی وقت کے مطابق صبح 11بجے کھول دیا جائے گا،ائیرپورٹ کو حادثے کے بعد عارضی طور پر بند کردیاگیا تھا۔

یہ بھی پڑھیں : محبت کی شادی میں کراچی آئی امریکی خاتون چھیپا ہیڈ آفس منتقل