جاپان میں ہولوگرافی ٹیکنالوجی پر مبنی نئے کرنسی نوٹوں کا اجرا

(ویب ڈیسک)جاپان میں نئے بینک نوٹ 3 جولائی کو جاری کئے جا رہے ہیں۔یہ دنیا کے پہلے ایسے کرنسی نوٹ ہیں جن میں جدید ترین ہولوگرافی ٹیکنالوجی کو استعمال کیا گیا ہے ،ہولوگرافی ٹیکنالوجی پر مبنی ان نئے کرنسی نوٹوں پر تاریخی شخصیات کے 3 ڈی پورٹریٹ موجود ہیں جو نوٹوں کے ساتھ حرکت کرتے محسوس ہوں گے۔

یہ جاپان میں 20 سال میں کرنسی نوٹوں کے ڈیزائن میں کی جانے والی پہلی تبدیلی ہے۔10 ہزار، 5 ہزار اور ایک ہزار ین والے نئے نوٹوں میں نمبروں کو زیادہ بڑا کرکے پرنٹ کیا گیا ہے تاکہ تمام افراد انہیں آسانی سے شناخت کرسکیں۔

جاپان میں 500 سے زائد کمپنیوں کی بنیاد رکھنے میں مدد فراہم کرنے والے Eiichi Shibusawa کا چہرہ 10 ہزار ین کے نوٹ پر موجود ہوگا جبکہ ٹوکیو سٹیشن کی عمارت بیک پر موجود ہے۔5 ہزار ین کے نوٹ پر Umeko Tsuda نامی خاتون کا چہرہ موجود ہوگا۔

انہوں نے اپنی پوری زندگی جاپان میں خواتین کے سماجی رتبے کو بڑھانے کیلئے کام کیا تھا جبکہ ایک ہزار ین کے نوٹ پر Shibasaburo Kitasato کا چہرہ استعمال کیا گیا ہے۔انہیں جدید جاپانی میڈیسن کا بانی قرار دیا جاتا ہے۔

یہ بھی پڑھیں: گڈبائے گرمی، آندھی، جھکڑ اور گرج چمک کیساتھ بارش کی پیش گوئی