دی ہنڈریڈ لیگ: فرنچائز کی فروخت کا مسئلہ سر اٹھانے لگا

(24 نیوز ) پاکستانی کھلاڑیوں کو نظر انداز کرنے کے بعد ’’ دی ہنڈرڈلیگ ‘‘ میں فرنچائز کی فروخت کا مسئلہ  اٹھا نے لگا ۔

انگلینڈ اینڈ ویلز کرکٹ بورڈ (ای سی بی) نے 'دی ہنڈرڈ' ٹورنامنٹ میں 49 فیصد حصص کی فروخت کیلئے مخصوص کردہ خصوصی مدت کو اپریل کے آخر تک بڑھا دیا،  کرک انفو کی رپورٹ کے مطابق انگلش کرکٹ بورڈ کی جانب سے فیصلہ معاہدے کی شرائط اور براڈکاسٹنگ حقوق سے متعلق خدشات کے بعد سامنے آیا ہے۔

رپورٹ میں کہا گیا ہے کہ بھارتی امیر ترین ریلائنس انڈسٹریز کے مالک امبانی خاندار اوول انوینسیبلز میں اپنے 49 فیصد حصص کیلئے 60 ملین یورو (یعنی پاکستانی روپوں میں 18 ارب 19 کروڑ 60 سے لاکھ سے زائد) ادا کرنے کو تیار ہے جبکہ امریکی ٹیک کنسورشیم (ایم سی سی) لندن اسپرٹ میں اپنے 49 فیصد حصص کیلئے 145 ملین یورو (یعنی پاکستانی روپوں میں 43 ارب 97 کروڑ 38 لاکھ سے زائد) کی قیمت لگائی ہے۔

  یہ بھی پڑھیں:ٹیم سے ڈراپ کرنے کا بدلا،سراج نے روہت شرما  کے ہو ش اڑا دئیے

مانچسٹر اوریجنلز اور ناردرن سپرچارجرز کے بھارتی مالکان کو بھی دیگر اسٹیک ہولڈرز کی شرکت کے معاہدے کے بارے میں تحفظات ہیں، یہ ایک اہم قانونی دستاویز ہے جو اس بات کا تعین کرے گی کہ مستقبل میں ٹورنامنٹ کے ٹیلی ویژن کے حقوق کس طرح فروخت کیے جاتے ہیں۔

 دی ہنڈریڈ فی الحال اسکائی اسپورٹس کے ساتھ انگلینڈ کرکٹ بورڈ (ای سی بی) کے خصوصی ڈومیسٹک حقوق کے معاہدے کا حصہ ہے، جس میں بین الاقوامی کرکٹ بھی شامل ہے اور 2028 سے 2032 سائیکل کے تمام میچز نشر کرے گا۔ 

 تاہم نئے مالکان نے اس ماڈل پر تشویش کا اظہار کرتے ہوئے مطالبہ کیا ہے کہ ٹورنامنٹ کیلئے ایک علیحدہ ادارہ تشکیل دینا چاہیے۔

ٹورنامنٹ میں شریک تمام 8 فرنچائزز کے مالکان معاہدوں پر دستخط کرنے سے گریز کررہے ہیں کیونکہ وہ نئے مالکان کے حوالے سے تذبذب کا شکار ہیں۔

 یاد رہے کہ بھارتی فرنچائزز  کی شمولیت کی وجہ سے دی ہنڈرڈ لیگ کے پلیئرز ڈرافٹ میں 50 پاکستانی کرکٹرز جن میں 5 خواتین بھی شامل تھیں کسی کو بھی پلئیر سکواڈ میں منتخب نہیں کیا گیا تھا ۔