پاکستان نے دوسرا کمیونیکیشن سیٹلائٹ پاک سیٹ ایم ایم 1 لانچ کردیا 

(24 نیوز ) پاکستان نے دوسرا کمیونیکیشن سیٹلائٹ پاک سیٹ ایم ایم 1 نے خلا میں لانچ کر دیا ہے ، سیٹلائٹ چین کے  شی چانگ سیٹلائٹ لانچ سینٹر سے لانچ کیا گیا ہے ۔

سیٹلائٹ سے پاکستان کےطول وعرض میں تیز ترین انٹرنیٹ کی سہولت فراہم کی جاسکےگی، سیٹلائٹ زمین سے 36000 کلومیٹر کی اونچائی پر خلا میں داخل کیا جائے گا،سیٹلائٹ کو زمین سے خلا تک پہچنے میں تین سے چار روز لگ سکتے ہیں، سیٹلائٹ ای کامرس،ای گورننس اورمعاشی سرگرمیوں کے فروغ میں اہم کردار ادا کرے گا، ایم ایم 1 سیٹلائٹ سپارکو اور چائنیز ایرواسپیس انڈسٹری کے اشتراک سے بنایا گیا ہے۔

پاک سیٹ ایم ایم 1،  15 برس تک کام کرے گا، جس سے ٹی وی نشریات، سیلولر فون اور براڈ بینڈ سروس بہتربنانےمیں مدد ملے گی ، یہ سیٹلائٹ رواں برس اگست میں سروس دینا شروع کر دے گا، پاک سیٹ ایم ایم 1 کے اے بینڈ 10 گیگابائٹس فی سیکنڈ صلاحیت کا حامل ہے،اس وقت پاکستان کے 2 کمیونیکیشن سیٹلائٹس خلا میں موجود ہیں، پاک سیٹ ون آر 2011میں لانچ کیاگیا تھا، اس کی لائف 15سال تھی جو 2026 میں مکمل ہوگی، پاکستان کا ایک اور ریموٹ سینسنگ سیٹلائٹ بھی خلا میں موجود ہے، پی آر  ایس ایس 1، 2018 میں لانچ کیا گیا تھا۔

یہ بھی پڑھیں : اتنے چھکے کیوں کھا رہے ہیں ؟ مداح کا شاداب خان سے سوال