امریکا طیارہ حادثہ، جاں بحق افراد میں پاکستانی خاتون بھی شامل    

( 24  نیوز)امریکا میں مسافر طیارے سے فوجی طیارہ ٹکرانے کے واقعہ میں جاں بحق افراد میں پاکستانی خاتون بھی شامل ہے۔

امریکن ایئرلائنز کی پرواز 5342 واشنگٹن ڈی سی میں Black Hawk helicopter کے ساتھ ٹکرا کر حادثہ کا شکار ہوئی تھی۔

  ذرائع نے تصدیق کی ہے کہ ایک پاکستانی خاتون مسافر بھی طیارہ حادثے میں جاں بحق ہوگئی ہے، خاتون کا نام عسری حسین ہے۔

خاتون نے اپنے شوہر حماد رضا کو ٹیکسٹ میسج کیا تھا کہ بیس منٹ بعد پرواز ایئرپورٹ پر لینڈ کرنے والی ہے جس کے بعد طیارہ حادثے کا شکار ہوگیا اور شوہر ایئرپورٹ پر منتظر رہ گیا۔ 

 مزید پڑھیں:فضائی حادثہ ایک المیہ،کوئی زندہ نہیں بچا، آج امریکا کیلئے تکلیف دہ دن ہے،صدر ٹرمپ
 طیاروں کے حادثے میں 66 افراد مارے گئے ہیں جس میں 26 برس کی عسری بھی شامل ہیں، ان کے شوہر حماد رضا کی عمر پچیس برس ہے۔ 

حماد رضا کا تعلق میوزری سے ہے، رضا کے والد ڈاکٹر ہاشم رضا کا تعلق کراچی سے ہے اور وہ ڈاؤ یونیورسٹی کے گریجویٹ ہیں، ڈاکٹر ہاشم ریاست میزوری کے مایہ ناز ترین ڈاکٹروں میں سے ایک ہیں۔ 

وہ میزوری بیپٹیسٹ میڈیکل سینٹر میں خدمات انجام دے رہے ہیں جبکہ ان کا بیٹا حماد ارنسٹ اینڈ ینگ میں اکاؤنٹنٹ ہے، حماد اور عسری انڈیانا یونیورسٹی کے پڑھے ہوئے ہیں۔

 حماد نے بتایا کہ انکی اہلیہ عسری کسی کام کے سلسلے میں Wichita گئی تھیں۔