نوجوان کی محبت میں کراچی آئی امریکن خاتون بیمار

(24 نیوز)امریکا سے 19 سالہ پاکستانی نوجوان کی محبت میں کراچی میں آئی امریکن خاتون اونیجا بیمار پڑ گئیں۔

رپورٹس کے مطابق امریکی خاتون کو ہوٹل اور گیسٹ ہاؤس والوں نے کمرہ دینے سے انکار کردیا، جس کے بعد اسے ٹیپو سلطان تھانے والے لے گئے، آرام نہ کرنے کی وجہ سے اس کی طبیعت خراب ہو گئی،بعد ازاں امریکی خاتون کو سماجی رہنما رمضان چھیپا اپنے فلاحی ادارے میں لے گئے، ان کا کہنا تھا کہ خاتون کے رہنے کا انتظام کیا ہے، خاتون میری بہن ہیں، جب تک چاہیں یہاں رہ سکتی ہیں۔

مزید پڑھیں:نوجوان کی محبت میں کراچی آئی امریکی خاتون کو آنٹی نے بڑی پیشکش کر دی

دوسری طرف  تین پاکستانی شہریوں نے امریکی خاتون سے شادی کی حامی بھرتے ہوئے اپنی ڈیمانڈ بھی اسے بتا دی ہیں،ریٹائرڈ ملازم اور 62سالہ نابیناسمیت 3افراد نے شادی کی پیشکش کی، ان میں سے ایک نے مسلمان ہونے کی شرط رکھی ہے۔