(ویب ڈیسک) معروف اداکارہ کبریٰ خان اور گوہر رشید کی فروری 2025 میں ہونے والی شادی کا ممکنہ کارڈ سوشل میڈیاپروائرل ہوگیا۔
کبریٰ خان اور گوہر رشید نے اپنی شادی کا باضابطہ اعلان ایک خوبصورت مگر دلچسپ انسٹاگرام ویڈیو کے ذریعے کیا تھا جسے انہوں نے اپنے قریبی دوستوں کے ساتھ شوٹ کیا۔
میڈیا رپورٹس میں دعویٰ کیا جا رہا ہے کہ وہ رمضان المبارک سے قبل مکہ مکرمہ میں نکاح کریں گے اور تقریب میں جوڑے کے قریبی دوست اور خاندان کے افراد شرکت کریں گے۔
اب سوشل میڈیا پر شادی کا ایک دعوت نامہ وائرل ہوا ہے جس کے بارے میں خیال کیا جا رہا ہے کہ یہ کبریٰ خان اور گوہر رشید کی شادی کا ہے، کارڈ میں جوڑے کا نام واضح طور پر دیکھا جا سکتا ہے ،تاہم اس میں تقریب کی تاریخ واضح نہیں ہے۔
یہ بھی پڑھیں:پوری دنیا میں فلمیں ختم ہوگئیں،بالی وڈ رورہاہے:سیدنور
چند روز قبل ایک سوشل میڈیا میگزین پیج کی جانب سے کبریٰ خان کی پرانی برائیڈل شوٹ کی ویڈیو شیئر کرتے ہوئے دعویٰ کیا گیا تھا کہ دونوں فروری میں سعودی عرب میں نکاح کریں گے،تاہم یہ واضح نہیں کیا گیا تھا کہ دونوں کا نکاح کس تاریخ کو طے ہے۔