شادی کیلئے کراچی آنیوالی امریکی خاتون اونیجا کےمتعلق سنسنی خیز انکشاف سامنے آ گیا

(مبشر حسین) کراچی کے19 سالہ نوجوان سے شادی کرنے کے لئے شوہر سے طلاق لے کر اور دو بچوں کو چھوڑ کر پاکستان آنے والی امریکی خاتون اونیجا اینڈریو  رابنسن سے متعلق سنسنی خیز انکشاف کا سلسلہ جاری ہے۔ رپورٹ کے مطابق اونیجا انڈریو رابنسن کا کرمنل ریکارڈ غیر ملکی ویب سائٹ پر موجود ہے۔

ویب سائٹ کے مطابق  2021 میں اونیجا انڈریو رابنسن کو امریکی ریاست ساوٗتھ کیرولینا  کی چارلسٹن کائونٹی میں گرفتار کیا گیا تھا، اونیجا پر وارننگ کے باوجود کسی اور کی پراپرٹی میں زبردستی گھسنے کا الزام تھا اور خاتون کو گرفتاری کے بعد 465 ڈالر کا جرمانہ بھی کیا گیا تھا۔ویب سائٹ پر موجود تفصیلات کے مطابق اونیجا انڈریو رابنسن کی تاریخ پیدائش 12 جولائی 1992 درج ہے۔

یاد رہے کہ گزشتہ روز بھی امریکی خاتون نے دعویٰ کیا تھا کہ اس کی ندال سے آن لائن شادی ہوچکی ہے۔ ایک جانب نوجوان اپنی فیملی کے ہمراہ گھر سے فرار ہوگیا تو دوسری جانب اونیجا نے گارڈن کے علاقے میں واقع اس کی اپارٹمنٹ کی بلڈنگ میں ڈیرہ ڈال لیا۔اونیجا کو امریکا واپس روانہ کرنے کی کوشش کی گئی تاہم امریکی قونصل جنرل بھی خاتون کو وطن واپسی پر رضامند نہ کر سکے۔ اس کا کہنا ہے کہ وہ کچھ بھی ہوجائے اپنی محبت حاصل کیے بغیر نہیں جائے گی۔

یہ بھی پڑھیں:امریکی خاتون کو دھوکا بہت بری بات،نواب شاہ کے نوجوان نے شادی کی پیشکش کر دی