پی ٹی آئی کا خیبرپختونخوا سے احتجاجی تحریک شروع کرنے کا فیصلہ

(طیب سیف) پنجاب اور سندھ میں جلسوں کی اجازت نہ ملنے کے بعد پی ٹی آئی نے خیبرپختونخوا سے احتجاجی تحریک شروع کرنے کا فیصلہ کر لیا۔

ذرائع کے مطابق پاکستان تحریکِ انصاف (پی ٹی آئی) نے احتجاجی تحریکِ خیبرپختونخوا سے شروع کرنے کا فیصلہ کر لیا، فیصلہ پنجاب اور سندھ میں جلسوں کی اجازت نہ ملنے کے باعث کیا گیا، وکلاء کنونشن بھی پشاور میں منعقد کرنے کی تیاریاں شروع کر دی گئیں، وکلاء کنونشن میں ملک بھر سے وکلاء تنظیموں کو مدعو کیا جائے گا، مانسہرہ اور سوات میں جلسے منعقد کیے جائیں گے۔

یہ بھی پڑھیں: 100 عالمی رہنماؤں کی فہرست میں شامل اہم حکومتی عہدیدار اچانک مستعفی، وجہ بھی بتا دی

ذرائع کا مزید کہنا ہے کہ احتجاجی جلسے عید الاضحی سے قبل منعقد ہوں گے، احتجاجی جلسوں میں اپوزیشن جماعتوں کو شریک ہونے کے لیے دعوتیں بھی دی جائیں گی، تحریک انصاف احتجاجی جلسوں کی تاریخ کا اعلان بھی جلد کرئے گی۔