(24 نیوز) سوات میں مالم جبہ کے قریب نجی ہوٹل کی بس کھائی میں گرگئی، حادثے کے نتیجے میں 7 افراد جاں بحق اور 5 زخمی ہو گئے۔
سوات میں مالم جبہ کے قریب نجی ہوٹل کے سٹاف کو لے جانے والی گاڑی بریک فیل ہونے سے گہری کھائی میں جاگری، گاڑی میں سوار 12 افراد میں سے 7 جاں بحق اور 5 افراد شدید زخمی ہو گئے ، زخمیوں کی حالت تشویشناک بتائی جارہی ہے، جاں بحق افراد کا تعلق مختلف علاقوں سے ہے۔
یہ بھی پڑھیں: ایئر ہوسٹس گرفتار، ایک کلو سونا کہاں چھپا رکھا تھا؟ جان کر ہر کوئی دنگ رہ جائے
جاں بحق افراد میں سے 2 کا تعلق شانگلہ ، ایک کا راولپنڈی، ایک پشاور ، ایک چارسدہ اور 2 کا ضلع شانگلہ سے ہے، تمام جاں بحق افراد کی لاشیں پوسٹ مارٹم کے بعد آبائی علاقوں کو روانہ کردی گئیں۔
دوسری جانب سرکار کے مدعیت میں حادثے ایف آئی آر درج کر لی گئی، ایف آئی آر میں حادثہ کو گاڑی ڈرائیور اور نجی ہوٹل انتظامیہ کی غفلت قرار دیا گیا۔