میانوالی تھانے پر دہشتگردوں کا حملہ ناکام ،فائرنگ کے تبادلے 4خوارجی ہلاک

(اخترمجاز)پنجاب پولیس نے میانوالی کے تھانہ چاپری پر دہشتگردوں کا حملہ ناکام بنادیا،فائرنگ کے تبادلے میں4 دہشتگرد ہلاک ہو گئے۔

 ترجمان پنجاب پولیس کا کہنا ہے کہ کے پی کے سے متصل پنجاب کی بین الالصوبائی سرحد پر عیسیٰ خیل سرکل کے تھانہ چاپری پر دہشتگرد حملہ آور ہوئے، 20 سے زائد خوارجی دہشت گردوں نے بھاری اسلحہ کے ساتھ تھانہ پر اچانک حملہ کیا،پولیس اور خوارجی دہشت گردوں کے درمیان شدید فائرنگ کا تبادلہ ہوا، ترجمان کا مزید کہناتھا کہ دہشت گردوں نے تھانہ کی عمارت پر راکٹ لانچرز برسائے، ہینڈ گرنیڈز بھی پھینکے۔

حملے میں تھانہ چاپری کا تمام عملہ محفوظ رہا، 2 اہلکار معمولی زخمی ہوئے،پولیس کی جوابی فائرنگ سے 4 خارجی دہشت گرد ہلاک ہو گئے۔ 

یہ بھی پڑھیں:منشیات برآمدگی کیس:معروف  اداکارہ کے شوہر کو15سال قیدکی سزا

ڈی پی او میانوالی اختر فاروق اور سینئر پولیس افسران موقع پر موجود ہیں، آئی جی پنجاب ڈاکٹر عثمان انور نے دہشتگردوں کا حملہ ناکام بنانے پر میانوالی پولیس کو شاباش دیتے ہوئے کہاکہ پنجاب پولیس ہمہ وقت الرٹ ہے، دہشت گردوں کے ناپاک عزائم کو خاک میں ملا کر دم لیں گے، پنجاب پولیس امن دشمن عناصر کا اسی طرح جواں مردی سے مقابلہ کرتی رہے گی۔ 

یہ بھی پڑھیں:پہلا ٹی ٹوئنٹی، پاکستان نے زمبابوے کو جیت کیلئے ہدف دیدیا