یو اے ای میں پٹرول اور ڈیزل مہنگا، دبئی میں ٹول ٹیکس میں 50 فیصد اضافہ

( 24نیوز) متحدہ عرب امارات میں پٹرول اور ڈیزل کی قیمتوں میں اضافہ کر دیا گیا جبکہ ٹول ٹیکس بھی بڑھا دیا گیا۔

متحدہ عرب امارات میں پٹرولیم مصنوعات کی قیمتوں میں چار سے ساڑھے 5 فیصد تک اضافہ کیا گیا ہے جس کا اطلاق آج سے ہوگا۔

اماراتی فیول پرائس کمیٹی کے اعلان کے مطابق عرب امارات میں ایک لیٹر پٹرول 2.74 درہم یعنی 208 پاکستانی روپے میں ملے گا جبکہ ڈیزل کی قیمت 2.82 درہم (214.18 روپے) فی لیٹر ہوگی۔

مزید پڑھیں:سعودی حکومت کا رمضان اور عید سے متعلق اہم اعلان

دبئی میں ٹول ٹیکس بھی بڑھا دیا گیا
دبئی کے ٹریفک آپریشن کی نگرانی کرنے والے ادارے روڈ اینڈ ٹرانسپورٹ اتھارٹی نے ٹول ٹیکس "سالک" کی فیس میں 50 فیصد اضافہ کر دیا ہے جس کے تحت اب دبئی کے ٹول گیٹس پر گزرنے کے لیے اضافی چارجز لاگو ہوں گے۔ 

دبئی میں ٹول ٹیکس کے نئے نرخوں کے مطابق، صبح 6 بجے سے 10 بجے تک اور شام 4 بجے سے 8 بجے تک ٹول فیس 6 درہم (تقریباً 456 پاکستانی روپے) وصول کیا جائے گا جبکہ غیر مصروف اوقات کے دوران اور ہفتہ وار تعطیلات پر ٹول فیس 4 درہم (تقریباً 304 پاکستانی روپے) ہی رہے گا۔

مزید پڑھیں:سعودی عرب : سڑک پر المناک حادثہ میں 9 بھارتی شہری ہلاک

رمضان المبارک کیلئے بھی ٹول فیس کے اوقات تبدیل کر دیے گئے ہیں، دبئی چونکہ عالمی ایونٹس کا مقام ہے اس لیے ایونٹ زونز میں پبلک پارکنگ فیس 25 درہم (تقریباً 1898 پاکستانی روپے) فی گھنٹہ ہوگی جو دبئی ورلڈ ٹریڈ سینٹر کے قریب بڑے ایونٹس کے دوران وصول کی جائے گی۔

اسی طرح زیادہ طلب والے علاقوں میں پارکنگ فیس 6 درہم (تقریباً 456 پاکستانی روپے) فی گھنٹہ ہوگی جبکہ عمومی پارکنگ فیس 4 درہم (تقریباً 304 پاکستانی روپے) رہے گی۔