شدید بارشیں اور برفباری ،محکمہ موسمیات نے خبردار کردیا

(روزینہ علی)محکمہ موسمیات نے خیبرپختونخوا، بلوچستان، پنجاب، کشمیر اور گلگت بلتستان میں بارش اور برفباری کی پیش گوئی کردی۔

تفصیلات کے مطابق محکمہ موسمیات کا کہنا ہے کہ آج رات ملک کے بیشتر علاقوں میں موسم سرد اور مطلع جزوی ابر آلود رہنے کا امکان  ہے۔ تاہم شمالی بلوچستان، بالائی خیبر پختونخوا ،گلگت بلتستان اورکشمیر میں چند مقامات پر ہلکی بارش/ برفباری کی تو قع ہے۔ مری ، گلیات ،اسلام آباد اور خطہ پوٹھوہار میں بھی ہلکی بارش اورپہاڑوں پر ہلکی برفباری کا امکان ہے۔ پنجاب کے زیادہ ترمیدانی علا قوں اور بالائی سندھ میں درمیانی سے شدید دُھند چھائے رہنے کی توقع ہے۔

محکمہ موسمیات کا جمعرات کے روزموسم کی صورتحال کے حوالے سے کہنا ہے کہ اسلام آباد اور گردونواح میں موسم سرد اور مطلع جزوی ابرآلود رہنے کے علاوہ ہلکی بارش/بونداباندی کا امکان ہے۔تاہم صبح کے اوقات میں چند مقامات پرہلکی سے درمیانی دھند پڑنے کی توقع ہے۔

یہ بھی پڑھیں:سردیوں کی چھٹیوں میں 5فروری تک توسیع، نوٹیفکیشن جاری

خیبرپختونخواکے علاقوں      چترال، دیر، سوات، کو ہستان ، با جوڑ ،خیبر، شانگلہ، بونیر،بٹگرام، مانسہرہ اور ایبٹ آباد میں بارش/ برفباری جبکہ شام/رات میں چند مقامات پر درمیانی سے شدید بارش/برفباری متوقع ہے۔ صوابی، مردان، پشاور، نوشہرہ ، کوہاٹ، کرک،کرم اوروزیرستان میں ہلکی بارش/ بونداباندی ہو سکتی ہے۔صبح کے اوقات میں صوابی، مردان، پشاور، نوشہرہ، بنوں، ڈیرہ اسماعیل خان اور گردو نواح میں چند مقامات پرہلکی سے درمیانی دھند پڑنے کی توقع ہے۔

رپورٹ کے مطابق پنجاب کے بیشتر اضلاع میں موسم سرد اور مطلع جزوی ابر آلود رہنے کی توقع۔راولپنڈی،اٹک،جہلم میں ہلکی بارش/بونداباندی جبکہ مری، گلیات اور گردو نواح میں بھی ہلکی بارش /ہلکی برفباری ہو سکتی ہے۔ صبح /رات کے اوقات میں سیالکوٹ، نارووال ،گوجرانوالہ، منگلا، جہلم ، راولپنڈی، لاہور، شیخوپورہ، قصور ،ا وکاڑہ، ساہیوال،سرگودھا، ٹوبہ ٹیک سنگھ، حافظ آباد، فیصل آباد،جھنگ،بھکر، لیہ ، ملتان،بہاولپور، بہا ولنگر،خانیوال، خانپور، رحیم یار خان ،ڈی جی خان اور گردونواح میں شدید دھند چھائے رہنے کی توقع ہے۔

یہ بھی پڑھیں:یکم رجب المرجب کب ہوگی؟ مرکزی رویت ہلال کمیٹی نے اعلان کردیا

 ادھربلوچستان کے بیشتر اضلاع میں موسم سرد اور مطلع ابرآلود رہنےکا امکان ہے ۔تاہم کو ئٹہ،چمن، پشین، زیارت، قلعہ عبدا للہ ، قلعہ سیف اللہ، ژوب،بارکھان،لورالائی،موسیٰ خیل ،قلات،پنجگور،تربت،دالبندین اورنوکنڈی میں چند مقامات پر بارش/ برفباری کا امکان ہے۔

سندھ کے بیشتر اضلاع میں موسم سرد اورخشک رہنے کا امکان ہے ۔ صبح /رات کے اوقات میں سکھر ، شہید بینظیر آباد،شکارپور، کشمور، خیر پور، مو ہنجو دارو اور گردونواح میں درمیانی سے شدید دھند چھائے رہنے کی توقع ہے۔

کشمیر اور گلگت بلتستان میں موسم شدید سرد/مطلع ابر آلود رہنے کے علاوہ بارش / برفباری کا امکان ہے۔

آج کم سےکم درجہ حرارت سکردو،گوپس منفی 09، لہہ منفی08، گلگت منفی 06،استور منفی05،ہنزہ اور چترال میں منفی 04 ڈگری سینٹی گریڈ ریکارڈ کیا گیا۔

یہ بھی پڑھیں:حکومت کا رمضان المبارک میں سکول بند رکھنے کا اعلان