محکمہ موسمیات کی بارش اور برفباری کی پیشگوئی

(روزینہ علی)محکمہ موسمیات کے مطابق آج رات بالائی خیبرپختونخوا، شمالی بلوچستان، گلگت بلتستان، کشمیر اور ملحقہ پہاڑی علاقوں میں بارش اور پہا ڑوں پر برفباری کا امکان  ہے جبکہ پنجاب، خیبر پختونخوا کے زیادہ ترمیدانی علا قوں اور بالائی سندھ میں درمیانی سے شدید دُھند چھائے رہنے کی توقع ہے۔

جمعہ کے روز موسم کے حوالے سے کہا گیا ہے کہ اسلام آباد اور گردونواح میں موسم سرد اور مطلع جزوی ابرآلود رہنے کا امکان ہے۔تاہم صبح کے اوقات میں چند مقامات پر ہلکی دھند پڑ سکتی ہے۔   

رپورٹ کے مطابق خیبرپختونخواکے علاقوں       چترال، دیر، سوات، کو ہستان ، با جوڑ ،خیبر، شانگلہ، بونیر،بٹگرام، مانسہرہ اور ایبٹ آباد میں بارش/ برفباری کا امکان ہے۔ صوابی، مردان، پشاور، نوشہرہ ، کوہاٹ، کرک،کرم اوروزیرستان میں ہلکی بارش ہو سکتی ہے۔تاہم صبح کے اوقات میں صوابی، مردان، پشاور، نوشہرہ، بنوں، ڈیرہ اسماعیل خان اور گردو نواح میں ہلکی سے درمیانی دھند پڑنے کی توقع ہے۔

یہ بھی پڑھیں:روپے کی قدر میں بہتری نہ آ سکی ،ڈالر نے پھر پچھاڑ دیا

محکمہ موسمیات کاکہناتھا کہ پنجاب کے بیشتر اضلاع میں موسم سرد اور مطلع جزوی ابر آلود رہنے کی توقع ہے۔ مری، گلیات اور گردو نواح میں مطلع جزوی ابر آلود رہنے کے علاوہ بعض مقامات پر بوندا باندی /ہلکی برفباری ہو سکتی ہے۔ صبح /رات کے اوقات میں سیالکوٹ، نارووال ،گوجرانوالہ، منگلا، جہلم ، راولپنڈی، لاہور، شیخوپورہ، قصور ،ا وکاڑہ، ساہیوال،سرگودھا، ٹوبہ ٹیک سنگھ، حافظ آباد، فیصل آباد،جھنگ،بھکر، لیہ ، ملتان،بہاولپور، بہا ولنگر،خانیوال، خانپور، رحیم یار خان ،ڈی جی خان اور گردونواح میں شدید دھند چھائے رہنے کی توقع ہے۔

ادھربلوچستان کے بیشتر اضلاع میں موسم سرد اور مطلع ابرآلود رہنےکا امکان ہے ۔تاہم کو ئٹہ،چمن، پشین، زیارت، قلعہ عبدا للہ ، قلعہ سیف اللہ، ژوب،بارکھان،لورالائی،موسیٰ خیل ،قلات،پنجگور،تربت،دالبندین،لسبیلہ اورنوکنڈی میں چند مقامات پر بارش/ برفباری کی توقع  ہے۔

یہ بھی پڑھیں:دوسرا ٹیسٹ؛جنوبی افریقا نے پاکستان کیخلاف پلیئنگ الیون کا اعلان کردیا

سندھ کے بیشتر اضلاع میں موسم سرد اورخشک رہنے کا امکان  ہے۔ صبح /رات کے اوقات میں سکھر ، شہید بینظیر آباد،شکارپور، کشمور، خیر پور، مو ہنجو دارو اور گردونواح میں درمیانی سے شدید دھند چھائے رہنے کی توقع ہے۔کشمیر اور  گلگت بلتستان میں موسم شدید سرد/مطلع ابر آلود رہنے کے علاوہ بارش / برفباری کا امکان ہے۔

آج کم سےکم درجہ حرارت سکردو، گوپس منفی 09، لہہ منفی08،استور منفی 05، پاراچنار منفی 04، بونجی، گلگت، ہنزہ میں منفی 03 ڈگری سینٹی گریڈ ریکارڈ کیا گیا۔

یہ بھی پڑھیں:کیا بانی پی ٹی آئی بنی گالہ شفٹ ہوجائیں گے؟صحافی کے سوال پر علی امین گنڈاپور نے کیا کہا؟جانیے