(24نیوز) ورثہ کے بانی عکسیِ مفتی پر کتاب’عکس مفتی ‘ ڈاکٹر سہیل تاج کا شاہکار ہے،ادبی دنیا کےلیے ایک دلچسپ کتاب ہے جس میں عکسیِ مفتی کا ان کے والد ممتاز مفتی ، قدرت اللہ شہاب، بانو قدسیہ جیسی نامور شخصیات کے ساتھ تعلق اور ان کی زندگیوں کے اہم پہلووں کو اجاگر کیا گیا ہے ۔
کتاب کی تقریب رونمائی 15 ستمبر کو ہوگی ،فردوس جمال، عطا اللہ عالی، ڈاکٹر رویش ندیم اور ڈاکٹر سنوبر الطاف بطور مہمان خصوصی شرکت کریں گے،ممتاز مفتی کے بیٹے عکسی مفتی لوک ورثہ ، لوک ورثہ میوزیم ، اور پاکستان ورثہ میوزیم کے بانی اور ڈائریکٹر ہیں ۔ان کی خدمات کو ملکی و غیر ملکی دونوں جگہ سراہا گیا ان کو ستارہ امتیاز کے ساتھ ساتھ جاپان کا اعلیٰ ترین سول ایوارڈ ایشیا پرائز فار کلچر بھی دیا گیا ۔
یہ بھی پڑھیں:دیپیکا پڈوکون اوررنویر سنگھ بیٹی کے والدین بن گئے
ڈاکٹر سہیل تاج کی اس کتاب میں عکسیِ مفتی کی زندگی ان کے خیالات کو پیش کیا گیا ، ان کی زندگی کے اہم گوشوں سے پردہ اٹھایا گیا ۔ جو قارین کے لیے معلومات اور انکشافات کا نیا دروازہ کھولے گی ۔ تقریباً 200 صفحات پر محیط، "عکس مفتی" میں عکسیِ مفتی کی زندگی اور قدرت اللہ شہاب، بانو قدسیہ، اور ان کے والد ممتاز مفتی جیسی قابل ذکر شخصیات کے ساتھ ان کے تجربات و ملاقات کا ذکر ہے،اس پروقار تقریب کے مہمان خصوصی معروف ٹی وی آرٹسٹ فردوس جمال ہوں گے جبکہ ڈرامہ رائٹر ڈاکٹر عطاء اللہ عالی، پروفیسر ڈاکٹر رویش ندیم اور ڈاکٹر سنوبر الطاف مہمان خصوصی ہوں گے۔
یہ بھی پڑھیں:سیلینا گومزدُنیا کی ارب پتی شخصیات کی فہرست میں شامل ہوگئیں
کتاب کی تقریب رونمائی ممتاز مفتی لٹریری ٹرسٹ کے زیر اہتمام ہوگی۔ڈاکٹر سہیل تاج کی تحریر کردہ اور فکشن ہاؤس کی طرف سے شائع کردہ، یہ کتاب لوک ورثہ ہیریٹیج میوزیم کے مشہور بانی اور معروف پاکستانی عکسیِ مفتی کی زندگی پر ایک گہرائی سے نظر ڈالتی ہے۔کتاب کا آغاز مذہبی موضوعات پر بحث کے ساتھ ہوتا ہے، اللہ سے لے کر حضرت محمد ﷺتک، اور پھر اکسی مفتی کے مختلف تجربات کی طرف منتقل ہوتا ہے، جس میں ان کے ذاتی اور پیشہ ورانہ سفر کو سراہا گیا ہے ۔ اس میں مفتی خاندان کی تاریخ کی تفصیل دی گئی ہے، جس میں ان چیلنجوں اور کامیابیوں پر روشنی ڈالی گئی ہے جن کا سامنا عکسی مفتی اور ان کے والد ممتاز مفتی نےکیا تھا۔
یہ بھی پڑھیں: عالیہ بھٹ کی ایکشن تھرلرفلم"جگرا"کا ٹیزرریلیزکردیاگیا