پاکستان کا 78واں یوم آزادی،گھر گھر جشن، ریلیاں، قومی پرچموں کی بہار،ملک زندہ باد کے نعروں سے گونج اٹھا 

میں 77 برس کا ہوگیا ہوں ،میرا 78 واں جنم دن منایا جارہا ہے،میرے دن پر کچھ لوگ ترانے گارہے ہیں تو کچھ موٹر سائیکلوں کے سائلنسر نکال کر اپنے جذبے کا اظہار کررہے ہیں،بچے ’’باجے‘‘بجا کر میرے وجود کو اذیت بخش رہے ہیں،میرا پیدا ہونا دنیا کیلئے  حیران کن تھا اور دشمنوں کیلئے پریشان کن ۔

 یہ  ایک بہت لمبی کہانی ہے۔ ایک کٹھن سفر ہے،میں وہ واحد ملک ہوں جس کا نام اور کام  پیدا ہونے سے پہلے ہی  تجویز کرلیا گیا تھا۔ 1947ء میں جب میرا جنم ہوا تو مفلوک الحال غریب کے بچے کی طرح میرے تن پہ کپڑے، پیٹ میں نوالے نہیں تھے۔ میرا بچپن اور لڑکپن ایسے ہی گزر گئے بلکہ اس حال میں مجھے کئی لڑائیاں بھی لڑنی پڑیں، جس کے مجھ کو زخم بھی آئے جن سے آج بھی خون رس رہا ہے۔

 میری پیدائش پر جہاں خوشیاں منائی گئیں تو وہیں لاکھوں قربانیاں بھی دی گئیں، کئی سہاگ اجڑے تو لاکھوں یتیم ہوئے،ایک جنگ و جدل کی کیفیت تھی ۔ مجھے بچپن سے لیکر آج تک آئین کی زنجیروں میں جکڑنے کی کئی بار کوشش کی گئی، پہلے انگریزوں کا قانون لاگو کیا گیا۔ پھر 1949ء میں قرارداد مقاصد کے نام پر مجھے ’’مولوی ‘‘بنانے کی کوشش کی گئی، یہ بات جب سیکولر طبقے کو ہضم نہ ہوئی تو مجھے ’’لادین ‘‘ثابت کرنے کی کوشش میں لگ گئے۔ 1952ء اور 1956ء میں ایک بار پھر آئین کی  زنجیریں پہنائی گئیں جو دو سال بعد ہی ٹوٹ گئیں۔

1962ء، 1973ء میں بھی آئین آئین کا کھیل کھیلا گیا، جن میں کئی بار تبدیلیاں ہوئیں   لیکن آج تک اپنی روح کے حساب سے کبھی نافذ نہ ہو سکا۔ مجھ پر طرز حکمرانی کے بھی طرح طرح کے تجربے کیے گئے۔ کبھی جمہوری نظام لایا گیا تو کبھی فوجی چھتری تلے پناہ ڈھونڈی گئی، کبھی اسلامی سوشلزم کا سہارا لیا گیا تو کبھی خود ساختہ شریعت کا، میرے بیٹوں نے مجھ پر بندوق کے ذریعے اپنا حکم چلانے کی کوشش کی،میرے جسم پر آج بھی  کوڑوں کے نشانات ہیں ۔

 میں77 سال کا ہوگیا ہوں، لیکن آج بھی غریب ہوں۔ آج بھی کمزور ہوں، مجھے اپنی سانسیں بحال رکھنے کیلئے آج بھی ان کے آگے ہاتھ پھیلانا پڑتا ہے جن سے میں نے آزادی حاصل کی ۔بھلا کیوں؟ کبھی سوچا  میرے ساتھ جنم لینے والے کہاں سے کہاں پہنچ گئے۔ میرے سے 2 سال بعد  ہمسائے میں جنم لینے والا چین جس کا دنیا مذاق اڑاتی تھی۔ جو مجھ سے کئی درجے کمزور تھا۔ کل تک مجھ سے بھیک مانگتا تھا۔ آج دنیا پر راج کرتا ہے۔ دنیا کے سب وسائل اس کے قدموں میں ہیں۔ کل دنیا جسے گونگا سمجھتی تھی آج وہ بولتا ہے دنیا سنتی ہے۔

ضرورپڑھیں:پاکستان کا 77واں یوم آزادی،گھر گھر جشن، ریلیاں، قومی پرچموں کی بہار،ملک زندہ باد کے نعروں سے گونج اٹھا 
1947ء سے قبل ایک گورے انگریز کا غلام تھا آج کئی کالے انگریزوں کے شکنجے میں جکڑا ہوا ہوں۔ معاشی طور پر سرمایہ دار گلا گھونٹ رہا ہے تو جاگیردار غریب کے بچوں کو اپاہج کر رہا ہے۔ ایسے گھناؤنے کام کیے جارہے ہیں کہ مجھے اپنا منہ چھپانا پڑ رہا ہے۔یہاں آزادی کے اپنے اپنے پیمانے ہیں،اپنے اپنے قوانین ہیں،غریب کیلئے الگ تو اشرافیہ کیلئے الگ قانون ہے،غریب سائیکل چوری میں پھانسی چڑھ جاتا ہے،امیر اربوں،کھربوں لوٹ کر بھی باعزت کہلاتا ہے۔

 یہاں آزادی ہے تو سود خوروں کو ہے،  یہاں بھتہ خوروں، بدعنوانوں، جھوٹے، منافقوں، ذخیرہ اندوزوں، دہشتگردوں، کام چوروں، خوشامدی سیاستدانوں کو آزادی ہے۔ یہاں کی صحافت تجارت بن چکی ہے،یہاں بیانیے بکتے ہیں،لیڈرز کی بولی لگتی ہے، یہاں علم  نیلام ہوتا ہے  ۔ سیاست بدنام ہوچکی، غیرت بے نام ہوچکی، یہاں کی تجارت پیشہ پیغمبری نہیں رہی، تھانوں میں جائے تو انسان کپڑے بھی اتروا کر نکلتا ہے، یہاں کے پولیس والے سگریٹ کی ڈبیا کی خاطر اپنا ایمان فروخت کردیتے ہیں، استاد، استاد نہیں رہا اور شاگرد، شاگرد نہیں رہا۔ علم دینے والے صنعتکار بن گئے اور علم حاصل کرنے والے سردار بن گئے ہیں۔ یہاں غریبوں کے بچے راتوں کو بھوکے سوجاتے ہیں اور بڑے بڑے گھروں اور توندوں والے پوچھنا تک گوارہ نہیں کرتے۔

 میرا نام لے کر سبھی اپنا الو سیدھا کرتے ہیں لیکن میرے وجود کو ٹھیک کرنے کا بندوبست نہیں کرتے،میری مظلومیت کے نام پر چندہ لیتے ہیں اور پارٹیاں بناکر مجھےہی  تکلیف دیتے ہیں ۔سب تکالیف کے باوجود میں مایوس نہیں،مایوس نہ ہونے کی وجہ میرا پاک وجود ہے،میرا نام ہے،میں نے مشکل دنوں میں دشمن کا مقابلہ کیا اورسرخرو ٹھہرا ،میں نے ایٹمی قوت حاصل کرکے اپنے آپ کو ناقابل تسخیر بنایا ،میں نے 2 عالمی طاقتوں کو اپنے سامنےگھٹنوں پر  جھکتے دیکھا ،دہشتگردی کیخلاف میں نے دنیا کی مشکل ترین جنگ جیتی ،کورونا کی وبا کا مقابلہ کیا ،حالیہ چیلنجر میرے لئے کوئی بڑی بات نہیں ،میرے بیٹے سرحدوں پر موجود ہیں۔ وہ مجھے بچائیں گے۔ مجھے فخر ہے ان ماؤں پر جو اپنے بیٹوں کی جدائی تو سہتی ہیں لیکن میرے خلاف اٹھنے والی آواز کو کبھی برداشت نہیں کرتیں۔ دنیا مجھے میرے روشن مستقبل کی نوید سنا رہی ہے، میں ایک روشن دلیل ہوں۔ میں اللہ کا انعام ہوں۔ میں پاک ہوں کیونکہ ’’میں پاکستان ہوں‘‘۔

نوٹ :بلاگر کے ذاتی خیالات سے ادارے کا متفق ہونا ضروری نہیں ۔ایڈیٹر 

(24نیوز)وزیراعلیٰ پنجاب مریم نواز نے کہا ہے کہ جو ہوگیا وہ ہوگیا، اب ہمیں آنے والے وقت کی فکر کرنی ہے، ہر زندہ قوم اپنا احتساب کرتی ہے۔

یومِ آزادی کے موقع پر پیغام جاری کرتے ہوئے انہوں نے کہا کہ قوم کو 77واں یوم آزادی مبارک ہو، آج ہر پاکستانی خوش ہے۔ اللہ تعالیٰ نے ہمیں پاکستان جیسی نعمت سے نوازا، اللہ کا شکر ہے کہ ہم آزاد ملک میں سانس لے رہے ہیں۔

مریم نواز کا کہنا تھا کہ  کل میاں چنوں ارشد ندیم کو خراج تحسین پیش کرنے گئی، ارشدندیم کو جب گولڈ میڈل ملا تو پاکستان کا جھنڈا سب سے اوپر گیا۔ ملک کا نام روشن کرنے کا سلسلہ جاری رہنا چاہیے۔

انہوں نے کہا کہ پاکستان میں ٹیلنٹ موجود ہے، بس تلاش کرنے کی ضرورت ہے۔ ملک کا مستقبل نوجوانوں اور بچوں کے ہاتھ میں ہے۔ جتنا یہ وطن ہمارا ہے اتنا اقلیتوں کابھی ہے۔

وزیراعلیٰ نے کہا کہ نواز شریف نے ملک کی ترقی کے لیے بہت کام کیے، پاکستان کی ترقی میں حصہ ڈالنے والوں کا شکریہ ادا کرتی ہوں۔ بطور قوم اور انفرادی طور پر اپنا احتساب کرنا چاہیے۔

انہوں نے مزید کہا کہ پاکستان کو اللہ نے بہت سی نعمتوں سے نوازا ہے، ملک میں سیاسی استحکام ہوگا تو ملک ترقی کرے گا۔ افواج پاکستان کے جوانوں نے ملک کے لیے جانیں قربان کیں۔

(24 نیوز)حکومت آنے والے وقتوں میں مہنگائی کم اور معاشی ترقی میں اضافے کی پیش گوئی کر رہی ہےوزارت خزانہ نے آئندہ مالی سال 2025-26 کے دوران ملک کی معاشی ترقی میں اضافہ جبکہ مہنگائی میں کمی کا امکان ظاہر کر دیا ہے۔

وزارت خزانہ کی جانب سے میڈیم ٹرم میکرو اکنامک فریم ورک جاری کر دیا گیا ہے جس میں بتایا گیا ہے کہ آئندہ سال مہنگائی 12 فیصد سے کم ہو کر 7.5 فیصد پر آجائے گی جبکہ معاشی ترقی میں اضافہ ہوگا۔ سال 2025-26 میں جی ڈی پی گروتھ 4.8 فیصد ہونے کا امکان ہے۔ایف بی آر کا ٹیکس ریونیو بڑھ کر 15 ہزار 555 ارب تک جانے کا تخمینہ ہے اور نان ٹیکس ریونیو کی مد میں 3 ہزار 851 ارب روپے جمع ہونے کا امکان ہے۔ پیٹرولیم لیوی کی مد میں صارفین سے 1 ہزار 388 ارب روپے وصول کرنے کا منصوبہ ہے۔

ضرورپڑھیں:پاکستان کا 77واں یوم آزادی،گھر گھر جشن، ریلیاں، قومی پرچموں کی بہار،ملک زندہ باد کے نعروں سے گونج اٹھا 

وزارت خزانہ کے مطابق مالی خسارہ 9 ہزار 655 ارب تک جانے کا تخمینہ ہے۔ مالی سال 2025-26 میں قرضوں پر سود کا بل 10 ہزار ارب روپے سے تجاوز کرنے کا خدشہ ہے جبکہ قرضوں پر سود کی مد میں مجموعی طور پر 10 ہزار 283 ارب خرچ ہوں گے۔آئندہ مالی سال برآمدات 37.95 ارب ڈالر اور ترسیلات زر 31.70 ارب ڈالر رہنے کی توقع ہے۔ پنشن بل بڑھ کر 1166 ارب روپے اور سول امور کے اخراجات 881 ارب روپے ہو جائیں گے۔ 

(24نیوز)نائب وزیرِاعظم اسحاق ڈار نے کہا ہے کہ پاکستان میں تشدد کی کوئی گنجائش نہیں۔

کوئٹہ میں پرچم کشائی کی تقریب سے خطاب کرتے ہوئے اسحاق ڈار نے کہا کہ مل کر عہد کریں ہم نے سازش کا حصہ نہیں بننا، ہمیں مل کر پاکستان کو آگے لے کر جانا ہے،اسحاق ڈار نے کہا کہ 2017ء میں پاکستان دنیا کی 24 ویں بہترین معیشت بن چکا تھا، پاکستان اسٹاک ایکسچینج جنوبی ایشیا میں نمبر ون تھی۔

نائب وزیرِاعظم اسحاق ڈار نے یہ بھی کہا ہے کہ پاکستان مستقبل میں ایک ابھرتا ہوا ستارہ ہو گا،انہوں نے کہا کہ پاکستان کے پاس اربوں کھربوں روپے کی معدنیات ہیں، پاکستان ایٹمی قوت ہے اب معاشی قوت بھی بنانا ہے۔