(ویب ڈیسک)معروف ماڈل و اداکارہ صحیفہ جبارخٹک نے سوشل میڈیا صارفین کی تنقید کے بعد اپنی ملازمہ کے ساتھ ویڈیو شیئر کردی۔
صحیفہ جبارخٹک نے انسٹاگرام اسٹوری میں شیئر کردہ مختصر ویڈیو میں اپنی ملازمہ کو بتایا کہ بعض لوگ یہ بھی کہ رہے ہیں کہ انہوں نے اپنی ملازمہ کو فضول میں پیسے دیئے، انہیں نہیں دینے چاہئیں تھے۔
مختصر ویڈیو میں صحیفہ جبار کے ہمراہ ملازمہ خوشی سے بتاتی ہیں کہ اداکارہ انہیں بہن کی طرح سمجھتی ہیں، اس لیے ہی انہوں نے انہیں اتنے پیسے دیے،ملازمہ کا کہنا تھا کہ ان کی جانب سے دیے گئے پیسے ختم ہونے پر اداکارہ کا کیا قصور ہے؟ آپ لوگوں کو تو خوش ہونا چاہیے کہ وہ اپنی ملازماؤں کی مدد کرتی ہیں۔
اس سے قبل صحیفہ جبار نے انسٹاگرام پر لمبی چوڑی پوسٹ شیئر کرتے ہوئے بتایا تھا کہ انہوں نے اپنی ملازمہ کو 50 ہزار روپے دیے تاکہ وہ اپنی انتہائی اہم ضروریات پوری کر سکیں اور باقی پیسوں کو مشکل وقت کے لیے بچا کر رکھیں، لیکن ملازمہ نے وہ 50 ہزار روپے دو دن میں ختم کردیے۔
معروف اداکارہ نے بتایا تھا کہ ان کی ملازمہ نے بچوں اور اہل خانہ کے لیے عید کے کپڑے لینے سمیت بچے کے لیے سائیکل خریدی، جس میں پورے پیسے خرچ ہوگئے۔
اداکارہ نے ملازمہ کی جانب سے بچوں اور اہل خانہ کے لیے کی گئی خریداری کو فضول خرچی قرار دیا تھا، جس پر صارفین نے انہیں آڑے ہاتھوں لیا اور لکھا کہ وہ کون ہوتی ہیں کسی کو خیرات کے پیسے خرچ کرنے سے متعلق ہدایات دینے والی؟
سونیاحسین دلہن بن گئیں،خاموشی پرمداح تذبذب کاشکار
سوشل میڈیا صارفین کی شدید تنقید کے بعد اداکارہ نے اپنی پہلی پوسٹ ڈیلیٹ کردی اور ملازمہ کے ہمراہ انسٹاگرام اسٹوری میں ویڈیو شیئر کردی، جس میں دونوں کو خوش دیکھاجاسکتاہے۔
یہ بھی پڑھیں:تمام نعمتوں کے لیے الحمدللّٰہ:شانزے لودھی نے جذباتی پوسٹ شیئرکردی
ویڈیو میں ملازمہ نے لوگوں سے کہا کہ وہ صحیفہ جبار پر تنقید نہ کریں، ان کا کوئی قصور نہیں، انہوں نے تو پیسے دیے تھے، وہ بہنوں کی طرح ان کا خیال کرتی ہیں۔