(محمد حماد)پاکستان کرکٹ بورڈ نے آج ایچ بی ایل پاکستان سپر لیگ کے 10ویں ایڈیشن کے لیے 87 مقامی کھلاڑیوں کیٹگری تجدید کردی ہے جس میں پلاٹینم، ڈائمنڈ، گولڈ، سلور اور ایمرجنگ کیٹیگری شامل ہیں کھلاڑیوں کی ریٹینشن اور ریلیگیشن کا اعلان دسمبر کے آخر میں ہوگا، اور ڈرافٹ 11 جنوری 2025 کو ہوگا۔
پلاٹینم کیٹگری میں عماد وسیم، نسیم شاہ، شاداب خان (اسلام آباد یونائیٹڈ) فخر زمان، حارث رؤف، شاہین شاہ آفریدی (لاہور قلندرز)، افتخار احمد، محمد رضوان (ملتان سلطانز) اور بابر اعظم (پشاور زلمی) کو برقرار رکھا گیا ہےجبکہ تین ٹیسٹ کرکٹرز حسن علی (کراچی کنگز) محمد عامر (کوئٹہ گلیڈی ایٹرز) صائم ایوب (پشاور زلمی) اور انٹرنیشنل کرکٹر اسامہ میر (ملتان سلطانز) کو ڈائمنڈ کیٹیگری سے پلاٹینیم کیٹگری میں ترقی دے دی گئی۔
یہ بھی پڑھیں:سابق کپتان شاہد آفریدی ایک بار پھر نانا بن گئے
اس کے علاوہ ڈائمنڈ کیٹیگری میں کل 16 کھلاڑی شامل ہیں جن میں کوئٹہ گلیڈی ایٹرز اور ملتان سلطانز کے چار چار کھلاڑی ، کراچی کنگز کے تین کھلاڑی، اسلام آباد یونائیٹڈ اور پشاور زلمی کے دو دو کھلاڑی شامل ہیں جبکہ لاہور قلندرز کا ایک کھلاڑی اس کیٹیگری میں شامل ہے۔
گولڈ کیٹگری میں 30 کھلاڑی شامل ہیں جن میں پشاور زلمی کے سات کھلاڑی , کراچی کنگز، لاہور قلندرز اور کوئٹہ گلیڈی ایٹرز کے پانچ پانچ کھلاڑی ہیں جبکہ اسلام آباد یونائیٹڈ اور ملتان سلطانز کے چار چار کھلاڑی اس کیٹگری کا حصہ بنے ہیں۔
سلور کیٹگری میں شامل 16 کھلاڑیوں میں سے چار گلیڈی ایٹرز اور لاہور قلندرز کے ہیں جبکہ پشاور زلمی کے تین کھلاڑی اس کیٹگری میں شامل ہیں کنگز اور سلطانز کے پاس سلور کیٹگری میں دو دو کھلاڑی ہیں جبکہ اسلام آباد یونائیٹڈ کے پاس سلور کیٹگری کا ایک کھلاڑی ہے۔
مزید پڑھیں:افغان بولرکے اوسان خطا، لائن لینتھ بھول گیا،13گیندوں کا اوور کر ڈالا
علاوہ ازیں، ایمرجنگ کیٹیگری میں منتخب کیے گئے 12 کھلاڑیوں میں سے تین، تین کھلاڑی اسلام آباد یونائیٹڈ اور پشاور زلمی کا حصہ ہیں جبکہ کراچی کنگز اور ملتان سلطانز کے دو دو کھلاڑی اور کوئٹہ گلیڈی ایٹرز اور لاہور قلندرز کے ایک،ایک کھلاڑی ہیں۔
اس سے قبل جمعرات 12 دسمبر کو پی سی بی نے تمام چھ فرنچائزز کے لیے ٹریڈ ونڈو کے ساتھ ایچ بی ایل پی ایس ایل کے 10ویں ایڈیشن کے لیے غیر ملکی کھلاڑیوں کے لیے رجسٹریشن ونڈو کھول دی تھی کھلاڑیوں کی ریلیگیشن اور ریٹینشن کا اعلان دسمبر کے آخر میں کیا جائے گا۔
ایچ بی ایل پی ایس ایل پلیئرز کا ڈرافٹ 11 جنوری 2025 بروز ہفتہ کو ہونا ہے ڈرافٹ کے مقام اور وقت کا اعلان مقررہ وقت پر کیا جائے گا۔