امریکی صدر کے ہم شکل پاکستانی کے سوشل میڈیا پر چرچے

(24نیوز)امریکا کے نومنتخب صدر ڈونلڈ ٹرمپ سے مشابہت رکھنے والے ساہیوال سے تعلق رکھنے والے کھیر فروش سلیم بگا کے سوشل میڈیا پر چرچے ہیں۔

میڈیا رپورٹس کے مطابق مقامی لوگوں کا کہنا ہے کہ ہمیں ایسا لگتا ہے جیسے ٹرمپ یہاں کھیر بیچنے آئے ہیں، ہم ان سے خریداری کرنا پسند کرتے ہیں۔ٹرمپ سے مشابہت رکھنے والا کھیر فروش سلیم بگا اپنے منفرد انداز میں آواز لگا کر گاہکوں کو متوجہ کرتا ہے۔

یہ بھی پڑھیں:نئے کرنسی نوٹوں کے شوقین افراد کیلئے اہم خبر، بڑااعلان ہو گیا

مقامی لوگوں کا کہنا تھا کہ جب وہ کھیر بیچنے کیلئے اپنی سریلی اور منفرد آواز میں صدا لگاتے ہیں تو ہم ان کے پاس کھینچے چلے آتے ہیں۔سلیم بگا کا کہنا ہے کہ میرا چہرہ ڈونلڈ ٹرمپ سے ملتا جلتا ہے، یہی وجہ ہے کہ لوگ میرے ساتھ سیلفی لیتے ہیں، یہ سب مجھے بہت اچھا لگتا ہے۔

انہوں نے نومنتخب امریکی صدر کو دعوت دیتے ہوئے کہا کہ ڈونلڈ ٹرمپ صاحب آپ الیکشن جیت چکے ہیں، اب یہاں تشریف لائیں اور میری کھیر کھائیں، آپ کو بہت مزہ آئے گا۔

یہ بھی پڑھیں:امیشا پٹیل اور عمران عباس کی شادی؟ بھارتی اداکارہ نے اپنے رشتے کے بارے میں کھل کر بتا دیا