محکمہ موسمیات کی موسم سے متعلق اہم پیش گوئی 

(روزینہ علی)محکمہ موسمیات نے ملک کے بیشتر علاقوں میں موسم سرد اور خشک رہنے کی پیش گوئی کردی۔

رپورٹ کے مطابق اسلام آباد اور گردونواح میں موسم سرد اور خشک جبکہ صبح کے اوقات میں شدید سرد/ کہرا پڑ نے کا امکان ہے۔ادھرخیبر پختونخوا          بیشتر اضلاع میں موسم سرد اورخشک جبکہ پہاڑی علاقوں  میں صبح اور رات کے اوقات میں شدید سرد رہنے کا امکان ہے ۔تاہم صبح کے اوقات میں ایبٹ آباد، مانسہرہ ،صوابی، مردان، پشاور، نوشہرہ، کوہاٹ اور گردو نواح میں چند مقامات پر کہرا پڑنے کی توقع ہے۔

اسی طرح پنجاب کے بیشتر اضلاع میں موسم سرد اور خشک جبکہ مری، گلیات اور گردو نواح میں موسم شدید سرد رہنے کا امکان ہے۔ صبح کے اوقات میں خطہ پو ٹھو ہار میں کہرا پڑنے کی تو قع ہے۔ سیالکوٹ، ناروال، گوجرانوالہ، منگلا، لاہور، شیخوپورہ، ساہیوال، فیصل آباد،جھنگ، سر گو دھا ،اوکاڑہ ، ملتان،بہاولپور، بہاولنگر، رحیم یار خان ،ڈی جی خان اور گردونواح میں ہلکی سے درمیانی دھند /سموگ چھائے رہنے کی توقع ہے۔ادھربلوچستان کے بیشتر اضلاع میں موسم سرد اورخشک جبکہ پہاڑی علاقوں میں صبح اور رات کے اوقات میں شدیدسرد رہنے کا امکان ہے۔

یہ بھی پڑھیں: شوہر کو چھوڑ کر بھارت میں شادی کرنیوالی سیما حیدر سے متعلق اہم خبر

سندھ  کے بیشتر اضلاع میں موسم سرد اورخشک رہنے کا امکان ۔ تاہم صبح /رات کے اوقات میں سکھر، شہید بینظیر آباد،شکارپور، کشمور، خیر پور اور گردونواح میں ہلکی دھند /سموگ چھائے رہنے کی توقع ہے۔کشمیر اور گلگت بلتستان میں موسم شدید سرد اور خشک رہنے کا امکان ہے۔

آج کم سے کم درجہ حرارت  لہہ اور سکردومنفی09، استور، گلگت، گوپس منفی07، کوئٹہ منفی06، ہنزہ، قلات منفی05، دیر، اورکلام میں منفی04 ڈگری سینٹی گریڈ ریکارڈ کیا گیا۔

یہ بھی پڑھیں:جنوبی افریقہ کیخلاف پہلا ٹیسٹ ،عبداللہ شفیق کی چھٹی، اہم بلے باز شامل