شعیب اختر ،محمد آصف کی نئی ویڈیو  سے فینز کےچہرےکھل اٹھے

( 24 نیوز )قومی ٹیم کے دو سابق فاسٹ باؤلنگ لیجنڈز کی امریکا میں ملاقات سے فینز کے چہرے کھل اُٹھے۔

 امریکا میں ایک تقریب کے دوران راولپنڈی ایکسپریس شعیب اختر اور محمد آصف کی ملاقات ہوئی جس میں دونوں نے ایک دوسرے کو گلے لگالیا تاہم اس دوران آصف کی طرف سے جذباتی مناظر دیکھنے کو ملے۔

دونوں باؤلرز کے درمیان ماضی میں رشتے کبھی سازگار نہیں رہے تھے لیکن شعیب اختر نے ہمیشہ محمد آصف کی گیند پر گرفت اور بالنگ کو سراہا ہے۔

مزید پڑھیں:  نعمان علی نے تاریخ رقم کر دی،اہم اعزاز کے مالک

سال 2007 ورلڈکپ سے قبل دونوں کرکٹرز کے درمیان ایک ناخوشگوار واقعہ رونما ہوا تھا جس میں راولپنڈی ایکسپریس شعیب اختر نے محمد آصف کو بیٹ مار دیا تھا جس کے بعد دونوں کو سکواڈ سے باہر کرکے وطن واپس بھیج دیا گیا تھا۔

ماضی میں شعیب اختر اور محمد آصف کہہ چکے ہیں کہ دونوں کے درمیان ہاتھا پائی کی وجہ شاہد آفریدی بنے تھے، سابق کرکٹر نے اپنی سوانح عمری اور خود آل راؤنڈر شاہد آفریدی نے کہا تھا کہ ڈریسنگ روم میں ہنسی مذاق میں محمد آصف میرا ساتھ دے رہے تھے جس پر شعیب ناراض ہوگئے اور واقعہ رونما ہوگیا۔

مزید پڑھیں: چیمپئینز ٹرافی کیلئےبھارتی سکواڈ پر  ہربھجن سنگھ بھڑک اُٹھے

دوسری جانب دونوں فاسٹ بولر کی ملاقات کی ویڈیو منظر عام پر آنے کے بعد فینز کے چہرے کھل اُٹھے اور انہیں دونوں کی پرانی جوڑی یاد آگئی جس نے پاکستان کو کئی تاریخی میچز جتوانے میں اہم کردار ادا کیا تھا۔