پنجاب اسمبلی کا ہنگامہ خیز اجلاس، اپوزیشن کی حکومت پر تنقید ،عمران خان کی رہائی کا مطالبہ

(24 نیوز)پنجاب اسمبلی میں اپوزیشن کا شور شرابہ اور ہلڑ بازی،اسپیکر اسمبلی کا ایکشن،اپوزیشن کے گیارہ ارکان پر اسمبلی میں داخلے پر پابندی۔اسپیکرپنجاب اسمبلی کا ایوان میں نظم و ضبط برقرار رکھنے کیلئے ایتھکس کمیٹی بنانے کا اعلان، ملک احمد خان نے کہا ہے کہ گزشتہ روز کچھ ارکان نے ایوان میں نازیبا گفتگو کی اور گالیاں دیں،ہلڑ بازی کرنے والوں کی رکنیت موجودہ سیشن کیلئے معطل کی گئی،پارلیمان میں ہلڑ بازی یا گالیاں کسی صورت برداشت نہیں،کوئی ایوان کا ماحول خراب کرےگا تو ہر صورت ایکشن لیا جائے گا۔
پنجاب اسمبلی میں اپوزیشن کا شور شرابہ اور ہلڑ بازی،اسپیکر اسمبلی کا ایکشن،اپوزیشن کے گیارہ ارکان پر اسمبلی میں داخلے پر پابندی لگادی ،معطل ہونے والوں میں ذوالفقار علی،رانا شہبازاحمد، محمد عاطف، طیب راشد شامل،امتیاز محمود، حافظ فرحت عباس، چوہدری محمد اعجاز شفیع، رانا اورنگزیب، شعیب امیر، اسامہ اصغر علی گجر اور اسد عباس بھی فہرست میں شامل ہیں۔

پنجاب اسمبلی کے باہر میڈیا سے گفتگو کرتے ہوئے سپیکر اسمبلی ملک محمد احمد خان کا کہنا تھا کہ وزیر اعلیٰ پنجاب مریم نواز کے خطاب کے دوران اپوزیشن کی جانب سے کئے جانے والی بے ہودگی اور ہلڑ بازی کا مظاہرہ کسی صورت برداشت نہیں ہوگا، اپوزیشن لیڈر معاملات طے کرنے کے باوجود اپنے ارکان کو نہیں سنبھال سکے، اسمبلی میں اخلاقیات کے حوالے سے پارلیمانی کمیٹی بنانے کااعلان کرتا ہوں۔

 گزشتہ روز وزیر اعلیٰ مریم نواز کے خطاب کے دوران تمام اخلاقی اور پارلیمانی روایات کو بری طریقے سے پامال کیاگیا،جس کی اجازت نہیں دی جا سکتی، اپوزیشن لیڈر اپنے ہی ارکان کو سنبھالنے میں ناکام رہے۔ماضی میں اپوزیشن کو دیوار کیساتھ لگایا گیا لیکن گزشتہ چار ماہ کے دوران اپوزیشن کی تمام جائز باتوں کو ایوان میں لانے کی اجازت دی ۔تاہم گالی گلوچ اور ہلڑ بازی کا رویہ کسی بھی صورت قابل قبول نہیں ۔

ملک محمد احمد خان کا کہنا تھا کہ کسی کی گاڑی کو اسمبلی میں داخل ہونے سے اس لئے روکا گیا کہ مسلح لوگوں کی پنجاب اسمبلی میں آنے کی اطلاع تھی۔

ضرورپڑھیں:ایران کے صدارتی الیکشن کیلئے دوبارہ ووٹنگ ہوگی
ارکان پر پابندیوں کے خلاف اپوزیشن نےپنجاب اسمبلی گیٹ پر دھرنا دے دیا،اپوزیشن ارکان نے نعرے بازی کی توقیدیوں کیلئے وین بھی آ گئی،پولیس تعینات کر دی گئی،اپوزیشن لیڈرملک احمد بھچر کا کہنا ہے کہ ہمارے ارکان کو احتجاج کا حق نہیں دیا جا رہا،جو جمہوریت کے خلاف ہے۔

(حسن علی)سنی اتحاد کونسل کے رہنما رانا آفتاب نے کہا کہ حکومت جو بجٹ پیش کر رہی ہے اپوزیشن کو پوچھا ہی نہیں گیا۔

 پنجاب اسمبلی میں میڈیا سے گفتگو کرتے ہوئےرانا آفتاب نے کہا کہ کالے انگریز نے بجٹ پیش کر دیا ہے، حکومت والوں کو پتہ ہی نہیں کیا کرنا ہے، بجٹ پر تب ہی بحث ہو سکتی ہے جب ڈاکیومنٹ آپ کے پاس ہوں،قانونی طور پر یہ پیسے صرف ایمرجنسی کے طور پر خرچ کر سکتے ہیں،ہسپتالوں کی ٹائلیں لگوا دیتے ہیں مگر ادویات وہاں نہیں،پارلیمانی پارٹی کے اجلاس میں بجٹ کے حوالے سے بات ہوگی۔

سنی اتحاد کونسل کے رہنما رانا آفتاب کا کہنا تھا کہ کسی کی قربانی کو نظر انداز نہیں کیا جاتا، پارٹی کی اعلیٰ قیادت کی جانب سے بھیجے گئے ناموں پر غور کرنا تھا،نگہبان راشن حکومت نے اپنی ذاتی مشہوری کیلئے کیا جس میں پوری قوم کو فقیر بنا کر رکھ دیا ہے،پارلیمانی پارٹی کا لیڈر ہوں میاں محمودالرشید سے ملاقات کرنا چاہی تو میری ملاقات ہوم سیکرٹری کی اجازت سے مشروط کر دی،میں نے میاں محمودالرشید سے ملاقات ہی کرنی تھی کونسا ان کو ساتھ لے آنا تھا۔

(راؤدلشادحسین) پنجاب اسمبلی کا اجلاس آج طلب کر لیا گیا، حکومت نے اجلاس کا ایجنڈا بھی جاری کر دیا ۔

 پنجاب اسمبلی کا اجلاس آج 2 بجے ہو گا، پنجاب کے وزیر خزانہ مجتبیٰ شجاع الرحمان اجلاس میں آئندہ تین ماہ یکم اپریل سے 30جون تک بجٹ کا پیش کریں گے،گزشتہ 8 ماہ کا استعمال شدہ بجٹ بھی پنجاب اسمبلی کے اجلاس میں منظوری کیلئے پیش کیا جائے گا۔

 یکم سے 30 مارچ کے ایک ماہ کے بجٹ کی منظوری پہلے ہی پنجاب اسمبلی سے لی جا چکی۔

دوسری جانب شمالی وزیرستان چیک پوسٹ پر حملے کی مذمتی قرارداد پنجاب اسمبلی میں جمع،قرارداد پاکستان مسلم لیگ ن کی رکن پنجاب اسمبلی کنول لیاقت ایڈووکیٹ نے جمع کروائی ۔

 قرارداد کے متن کے مطابق  پنجاب اسمبلی کا یہ ایوان شمالی وزیرستان میر علی چیک پوسٹ پر دشمن کے بزدلانہ حملے کی بھرپور مذمت کرتا ہے،پوری قوم دہشت گردی کے اس حملے میں شہادت کا بلند رتبہ پانے والے فوجی جوانوں کو خراج عقیدت پیش کرتی ہے،پنجاب اسمبلی کا یہ ایوان اپنے بہادر سپوتوں کو سلام پیش کرتا  ہے۔

یہ بھی پڑھیں:’ایک دن سب عوام پھٹ پڑیں گے‘سابق وزیراعظم نے خطرناک پیشگوئی کردی

متن کے مطابق پوری قوم متحد ہو کر پاکستان فوج کے ساتھ کھڑی ہے اور شہدائے وطن کی لازوال قربانیاں ناقابل فراموش ہیں،جام شہادت نوش کرنے والے شہداء ہمارا فخر ہیں۔

(راؤ دلشاد)پنجاب کی نومنتخب خاتون وزیر اعلیٰ مریم نواز نےتمام اسپتالوں کی ایمرجنسی میں مفت ادویات دینے کا اعلان  کردیا ۔

پنجاب اسمبلی میں اظہار خیال کرتے ہوئے مریم نواز نے کہا ہے کہ ہم عوام کے خادم ہیں، سہولیات لیکر نہیں بیٹھ سکتے،عوام کا حق انکی دہلیز پر پہنچانا ہماری ذمہ داری ہے،60 ہزار سے کم کمانے والے مستحقین ہیں، انکی مدد کرنا ہمارا فرض ہے،میرا مشن یوتھ کی زندگیوں میں بہتری لیکر آنا ہے۔پنجاب میں ائیر ایمبولینس شروع کی جائے گی ۔

مریم نواز کا کہنا تھا کہ یوتھ کو لیپ ٹاپ چاہیے، لیپ ٹاپ دینگے، ٹیب چاہیے ،ٹیب دینگے،نوجوانوں کو بلاسود قرضے دینگے۔

ضرورپڑھیں:انتقام کی خواہش نہیں، سب کیلئے دل کے دروازے کھلے ہیں:مریم نواز
انہوں نے کہا ہے کہ آئی ٹی اسٹارٹ اپس کیلئےتمام وسائل مہیاکرینگے،طلبہ کو الیکڑک موٹربائیکس دینگے،وزیراعلیٰ دفتر کے دروازے طلبہ کیلئے کھلے ہونگے،ماں ہونے کے ناطے خواب ہے ، وسائل کی کمی کی وجہ سے کوئی بچی اسکول سے باہر نہ ہو،مریم نواز کا پنجاب میں اسکول ٹرانسپورٹ سسٹم لانے کا اعلان،کہتی ہیں کہ پنجاب میں نصابی نظام کو اپ گریڈ کرنا ہوگا،چائلڈ لیبر پر بچوں کے بند وظائف بحال کرینگے،پنجاب کے ہر ضلع میں دانش اسکول ہوگا۔

 یاد رہے سابق وزیر اعظم نواز شریف کی صاحبزادی مریم نواز پنجاب کی بھاری اکثریت سے پہلی خاتون وزیراعلیٰ منتخب ہوگئی ہیں ۔

(24 نیوز)نو منتخب وزیراعلیٰ پنجاب مریم نواز نے خطاب کرتے ہوئے کہا ہے کہ قدرت کے نظام میں انسان پہلے مشکل سے گزرتا ہے پھر اسے یہ اعزاز ملتا ہے جو آج مجھے ملا۔کسی کیخلاف انتقام کی خواہش نہیں، سب کیساتھ ملکر کام کرنا چاہتی ہوں-

پنجاب اسمبلی میں پہلے خطاب میں ان کا کہنا تھا کہ میں سب کی وزیر اعلیٰ ہوں،میرے دفتر اور دل کے دروازے حکومتی اور اپوزیشن ارکان سب کیلئے کھلے ہیں ۔

انہوں نے کہا ہے کہ میرادل تھا ڈیموکریٹک عمل میں اپوزیشن موجودہوتی،ہم پر بھی بہت مشکل وقت آئے،ہرچیزہمارے خلاف تھی،میں اپوزیشن کی بھی وزیراعلیٰ ہوں،میں ان سب کی بھی وزیراعلیٰ ہوں جنہوں نے مجھے ووٹ نہیں دیا،میرے دفتر اور دل کے دروازے سب کیلئے کھلے ہیں،وزیراعلیٰ منتخب کرنےپرپنجاب کے عوام کی مشکورہوں،میرا منصب پاکستان کی ہرماں ،بہن ،بیٹی کا اعزازہے،میرے دل میں کسی کیلئے انتقام کا جذبہ نہیں۔

ضرورپڑھیں:مریم نواز پنجاب کی پہلی خاتون وزیراعلیٰ منتخب ہوگئیں 

انہوں نے کہا ہے کہ میں مخالفین کی تہہ دل سے شکرگزارہوں،مخالفین قیدتنہائی میں نہ ڈالتے تو کامیاب نہ ہوتی،مخالفین نے مضبوط کیا، انکی احسان مندہوں۔مخالفین نے مضبوط کیا، انکی احسان مندہوں،میاں نوازشریف کیساتھ ملکراگلے 5سال کا پلان ترتیب دیا،خوش قسمتی ہے کہ 3دفعہ کے وزیراعظم سے رہنمائی ملی،شہباز شریف نے پوری دنیا میں اپنی صلاحیتوں کا لوہا منوایا۔
انہوں نے کہا ہے کہ مسلم لیگ ن کی نہیں پنجاب کی وزیراعلیٰ ہوں،میراویژن ہے پنجاب کو بزنس کا حب بنائیں گے،کاروبارکرنا حکومت کا کام نہیں،پالیسی بناناہے،
حکومت کا کام کاروبارکرنیوالوں کو سہولیات دیناہے،چاہتی ہوں پنجاب ایساسسٹم لیکر آؤں، ون ونڈوسہولت لیکرآؤں،ایسانظام لائینگےکہ کرپشن کی روک تھام ہو،میری ہیلپ لائن سب کیلئے کھلی ہوگی۔ہیلپ لائن کی کالز خود بھی سنوں گی۔

انہوں نے کہا ہے کہ ہم عوام کے خادم ہیں، سہولیات لیکر نہیں بیٹھ سکتے،عوام کا حق انکی دہلیز پر پہنچانا ہماری ذمہ داری ہے،60 ہزار سے کم کمانے والے مستحقین ہیں، انکی مدد کرنا ہمارا فرض ہے،میرا مشن یوتھ کی زندگیوں میں بہتری لیکر آنا ہے،یوتھ کو لیپ ٹاپ چاہیے، لیپ ٹاپ دینگے، ٹیب چاہیے ،ٹیب دینگے،نوجوانوں کو بلاسود قرضے دینگے۔

مریم نواز کا پنجاب میں اسکول ٹرانسپورٹ سسٹم لانے کا اعلان
انہوں نے کہا ہے کہ آئی ٹی اسٹارٹ اپس کیلئےتمام وسائل مہیاکرینگے،طلبہ کو الیکڑک موٹربائیکس دینگے،وزیراعلیٰ دفتر کے دروازے طلبہ کیلئے کھلے ہونگے،ماں ہونے کے ناطے خواب ہے ، وسائل کی کمی کی وجہ سے کوئی بچی اسکول سے باہر نہ ہو،مریم نواز کا پنجاب میں اسکول ٹرانسپورٹ سسٹم لانے کا اعلان،کہتی ہیں کہ پنجاب میں نصابی نظام کو اپ گریڈ کرنا ہوگا،چائلڈ لیبر پر بچوں کے بند وظائف بحال کرینگے،پنجاب کے ہر ضلع میں دانش اسکول ہوگا۔

تمام اسپتالوں کی ایمرجنسی میں مفت ادویات دینے کا اعلان
انہوں نے کہا ہے کہ چاہتی ہوں پنجاب کے ہر ضلع میں اسٹیٹ آف دی آرٹ اسپتال ہو،چاہتی ہوں بڑے اسپتالوں میں تمام شعبے قائم ہوں،مریم نواز کا پنجاب کےتمام اسپتالوں کی ایمرجنسی میں مفت ادویات دینے کا اعلان کرتے ہوئے کہنا تھا کہ پنجاب میں ائیرایمبولینس دیں گے۔خواجہ سراؤں کو مرکزی دھارے میں لائیں گے۔

فیصل آباد میں میٹرو بس بنائیں گے، آئی جی پنجاب نے تھانہ کلچر کو تبدیل کرنے کیلئے بہت کام کیا،پنجاب کے تھانوں میں سائلین کیلئے مزید سہولیات فراہم کریں گے، جیلوں میں قیدیوں کو تمام سہولیات فراہم کریں گے، اسمارٹ ایگریکلچر زونز بنائیں گے،ایگریکلچر کیلئے جدید مشینری کی دستیاب یقینی بنائیں گے،جدید مشینری نہ ہونے سے 600ارب روپے مالیت کا چاول ضائع ہوجاتاہے۔

سپیکر نے پنجاب اسمبلی کا اجلاس غیر معینہ مدت تک ملتوی کردیا ۔نومنتخب وزیر اعلی پنجاب مریم نواز نے ایک گھنٹہ 24 منٹ تقریر کی۔

یاد رہے مریم نواز 220 ووٹ لیکر کامیاب ہوئیں،مریم نواز شریف پنجاب کی پہلی خاتون وزیر اعلی منتخب ہوئیں،مریم نواز پنجاب کی 30 ویں وزیر اعلیٰ ہیں۔

 (24 نیوز)پارلیمانی سیاست پر ایک ہی خاندان کا راج ،خانیوال کی تحصیل کبیروالا سے منتخب ہونیوالے 2 سگے بھائیوں  نے بھی پنجاب اسمبلی کی رکنیت کا حلف اٹھالیا ۔

این اے 144 سے منتخب رکن اسمبلی بیرسٹر رضا حیات ہراج، پی پی 212 سے بیرسٹر اصغر حیات ہراج اور پی پی 206 سے مہر اکبر حیات ہراج سگے بھائی ہیں،عام انتخابات میں ایک ہی تحصیل کے حلقوں سے منتخب ہوئے ہیں ۔جبکہ ایک کزن مہر عامر حیات ہراج خانیوال کی تحصیل  میانچنوں سے ایم پی اے منتخب ہوئے ہیں ۔انہوں نے بھی حلف اٹھالیا ہے۔چاروں ارکان اسمبلی  کا تعلق مسلم لیگ ن سے ہے۔بیرسٹر  اصغر حیات ہراج نے کہا کہ مسلم لیگ ن میں شمولیت کا فیصلہ کبیر والا کے عوام کے مفاد میں کیا ہے۔

ضرورپڑھیں:پنجاب کے نو منتخب ارکان صوبائی اسمبلی نے حلف اٹھا لیا،سپیکر،ڈپٹی سپیکر کا انتخاب کل ہوگا
 

یاد رہے پاکستان کی پارلیمانی تاریخ میں مگسی برادران نے الیکشن 2024 میں بھی منفرد اعزاز برقرار رکھا۔ عام انتخابات میں 2 بھائی ایم این اے اور 2 بھائی ایم پی اے منتخب ہو ئے۔

8 فروری 2024 کو منعقد ہونے والے عام انتخابات میں نوابزادہ خالد خان مگسی کچھی جھل مگسی نصیر آباد سے قومی اسمبلی کے رکن بنے۔نوابزادہ عامر خان مگسی قمبر شہداد کوٹ سے قومی اسمبلی کے رکن منتخب ہوٸے۔

نوابزادہ نادر خان مگسی شہداد کوٹ سے صوبائی اسمبلی کا الیکشن جیتے۔یہ چاروں بھائی 2018 کے عام انتخابات میں بھی انہی انتخابی حلقوں سے منتخب ہوٸے تھے۔

(24 نیوز)سابق وفاقی وزیر مریم اورنگ زیب بھی مریم نواز کے ساتھ پنجاب اسمبلی پہنچ گئیں۔مسلم لیگ (ن) کی مرکزی سیکرٹری اطلاعات مریم اورنگزیب کو رکن پنجاب اسمبلی بنانے کا فیصلہ کیا گیا ہے۔

مریم اورنگزیب کو رکن پنجاب اسمبلی بنانے کا فیصلہ پارٹی قائد نواز شریف اور پارٹی صدر شہباز شریف نے مشاورت سے کیا ہے۔مریم اورنگزیب آج پنجاب اسمبلی کی رکن کے طورپر حلف اٹھائیں گی اور وہ پنجاب میں وزیراعلیٰ کی معاونت کریں گے۔

واضح رہے کہ مریم اورنگزیب دو بار رکن قومی اسمبلی، دو بار وفاقی وزیراطلاعات رہ چکی ہیں، مریم اورنگزیب پہلی بار پنجاب اسمبلی کی رکن کے طورپر حلف اٹھائیں گی۔

(24 نیوز)مسلم لیگ (ن) کے رہنما ملک محمد احمد خان کو اسپیکر پنجاب اسمبلی نامزد کیے جانے کا امکان ہے۔

ذرائع کے مطابق مریم نواز کی سربراہی میں (ن) لیگ کی پارلیمانی پارٹی کا اجلاس ہوا جس میں نو منتخب ارکان اسمبلی نے شرکت کی۔ذرائع کاکہنا ہےکہ ملک احمد خان کو اسپیکر پنجاب اسمبلی نامزد کیے جانے کا امکان ہے۔

دوسری جانب میڈیا سے گفتگو کرتے ہوئے ملک احمد خان نے کہا کہ بدقسمتی سے کچھ کردار سیاست میں عدم استحکام کا سبب بنتے ہیں، ہم سیاست میں عدم استحکام کا باعث بننے والےکردار کو انجام تک پہنچیں گے۔

ضرورپڑھیں:پنجاب اسمبلی کا اجلاس کچھ دیر بعد شروع ہوگا،نومنتخب ارکان اسمبلی حلف اٹھائیں گے

ملک احمد خان نے سوال اٹھایا کہ  پی ٹی آئی نے احتجاج اور شر کے علاوہ کیا کیا ہے؟ جب کہ اسلم اقبال کےخلاف مقدمہ نہیں ہےتو انہیں اسمبلی آنا چاہیے۔

واضح رہےکہ اس سے قبل یہ خبر سامنے آئی تھی کہ مجتبیٰ شجاع الرحمان کو اسپیکر پنجاب اسمبلی بنانے پر اتفاق کیا گیا ہے۔

(حسن علی،راؤ دلشاد)پنجاب اسمبلی کااجلاس،ارکان اسمبلی کی حلف برداری،نومنتخب ارکان پنجاب اسمبلی نےحلف اٹھا لیا،سپیکرپنجاب اسمبلی سبطین خان نیازی نےنومنتخب ارکان سےحلف لیا،سپیکرپنجاب اسمبلی سبطین خان نے نومنتخب ارکان کومبارکباد دی۔

اس سے قبل پنجاب اسمبلی کا اجلاس 2گھنٹے 19 منٹ کی تاخیر سے شروع ہوا،نامزد وزیر اعلیٰ پنجاب مریم نواز ایوان میں موجود،لیگی نومنتخب ارکان مریم نوازکیساتھ تصاویربنوانےمیں مگن رہے،پنجاب اسمبلی کی مہمان گیلری میں آئےلیگی ورکرزنے نعرے بازی بھی،لیگی ارکان اسمبلی نواز شریف کی تصاویر بھی ساتھ ایوان میں لے آئے۔اجلاس شروع ہونے کے بعد سپیکر نے 45 منٹ کیلئے اجلاس میں وقفہ کردیا ۔وقفے کے بعد ارکان نے حلف اٹھایا ۔

313نومنتخب ارکان اسمبلی نےحلف اٹھا یا ہے،،ن لیگ اوراتحادی جماعتوں کے215ارکان نےحلف لیا،سنی اتحادکونسل کے98ارکان نےحلف لیا،نومنتخب ارکان پنجاب اسمبلی رجسٹر پر دستخط کیے۔مخصوص نشستوں پرکامیاب خواتین ارکان اسمبلی نے دستخط کیے۔

سپیکر پنجاب اسمبلی نے کہا ہے کہ اجلاس دوبارہ شروع ہوتے ہی سب سے پہلے حلف ہوگا،میاں اسلم اقبال کے ابھی پروڈکشن آرڈر جاری کررہاہوں،گیلری میں سنی اتحاد کونسل کےمہمانوں کو جگہ دی جائے ،اسلم اقبال اتنے ہی اہم ہیں جتنے باقی تمام ممبرز ہیں،سنی اتحاد کونسل کےممبرز نے اجلاس ملتوی کر نے کی استدعاکی۔

قبل ازیں نومنتخب ممبران پنجاب اسمبلی حلف اٹھانے کیلئے پہنچ گئے ہیں ۔چودھری شیر علی ،شازیہ عابد ،خواجہ عمران نذیر پنجاب اسمبلی پہنچ گئے،رخسانہ کوثر، میاں عمران جاوید، ذکیہ شاہ نواز،حنا پرویز بٹ، بی بی وڈیری، بابا فلبوس، ملک صہیب بھرت ،عظمیٰ کاردار، منشا ء اللہ بٹ،سلمیٰ بٹ ،ملک اسد کھوکھر ،سہیل شوکت بٹ پنجاب اسمبلی پہنچ گئےہیں۔
شیر علی گورچانی ،میاں مرغوب احمد ،سہیل شوکت بٹ اسمبلی پہنچ گئے،ملک غلام حبیب اعوان ،ملک خالد پرویز کھوکھر پنجاب اسمبلی پہنچ گئے۔
ضرورپڑھیں:پیپلز پارٹی کا پنجاب اسمبلی کے پارلیمانی لیڈر کا اعلان

حکومت سازی کیلئے مسلم لیگ ن نے پنجاب اسمبلی میں ڈبل سنچری مکمل کرلی،مسلم لیگ ن پنجاب اسمبلی کےپہلے اجلاس میں بھرپور اکثریت ثابت کرےگی،مسلم لیگ ن نے پنجاب میں 137 نشستیں حاصل کیں۔23آزاد اراکین نے ن لیگ میں شمولیت اختیار کی۔

مسلم لیگ ن کی نمبر گیم آزاد اراکین کو ملا کر 160 ہو گئی،مسلم لیگ ن کو خواتین کی 36 ،اقلیتوں کی 5 مخصوص نشستیں الاٹ ہوئیں،مخصوص نشستوں کو ملا کر ن لیگ 201 اراکین کیساتھ سب سے آگے،پنجاب اسمبلی میں سادہ اکثریت کیلئے186 اراکین کی حمایت درکار ہوتی ہے۔
،پیپلز پارٹی کے 14،ق لیگ کے 10اراکین کی حمایت  بھی ن لیگ کو حاصل ہوگی۔تینوں  جماعتیں مسلم لیگ ن سے اتحاد کا اعلان کر چکی ہیں۔مسلم لیگ ن کو مجموعی طور پر کم از کم 230 ارکان کی اکثریت حاصل ہو گی۔

پنجاب اسمبلی کا اجلاس کل چار بجے تک ملتوی کردیا گیا،کل بھی اجلاس کے آغاز پر صدارت سپیکر سبطین ہی کریں گے،کل سپیکر اور ڈپٹی سپیکر کا انتخاب ہو گا،کل سبطین خان سپیکر سے حلف لینے کے بعد سپیکر کی نشست نومنتخب سپیکر کے حوالے کردیں گے۔