بھارت کا سب سے امیر کامیڈین کپل شرما نہیں تو پھر کون؟

(24نیوز)سب مانتے ہیں کہ موجودہ دور میں کپل شرما ہندوستان میں سب سے زیادہ مقبول کامیڈین ہیں، اپنے شوز، سٹیج اداکاری اور فلمی اداکاری سے وہ ملک بھر میں ایک بڑا نام بن چکے ہیں۔

بہت سے لوگوں کا خیال یہ بھی ہے وہ بھارت کے سب سے امیر کامیڈین ہیں لیکن کپل اور یہاں تک کہ کئی بالی ووڈ سٹار کی پہنچ سے بہت دور ایک 'کنگ آف کامیڈی' اس تخت پر آرام سے بیٹھا ہے۔ 
تجربہ کار تیلگو اداکار برہمانندم، جنہیں ٹالی ووڈ میں 'کنگ آف کامیڈی' کے نام سے جانا جاتا ہے، مبینہ طور پر ہندوستان کے سب سے امیر کامیڈین ہیں۔

یہ بھی پڑھیں:بجلی سستی!عوام کیلئے بڑی خبر آ گئی

میڈیا رپورٹس کے مطابق پورے کیریئر میں انہیں ایک ہزار سے زائد فلموں میں کام کرتے دیکھا گیا جو ایک عالمی ریکارڈ ہے، برہمانندم نے 60 ملین ڈالر کی دولت کمائی ہے۔

ان کی مجموعی دولت کا تخمینہ 500 کروڑ بھارتی روپے سے زیادہ ہے، جو اداکار کو نہ صرف ہندوستان کے تمام مزاح نگاروں سے زیادہ امیر بناتا ہے، بلکہ رنبیر کپور (350 کروڑ)، پربھاس (300 کروڑ)، اور یہاں تک کہ رجنی کانت (400 کروڑ) جیسے A-لسٹ اداکاروں کو بھی پیچھے چھوڑ دیتا ہے۔ہندوستان میں دیگر مشہور مزاح نگاروں میں سے کوئی بھی برہمانندم کے قریب آنے میں کامیاب نہیں ہوا۔ 
کپل شرما کی کل دولت300 کروڑ روپے بتائی گئی ہے، جب کہ بھارت میں کوئی بھی کامکس اپنی مجموعی مالیت کے ساتھ 100 کروڑ سے بھی تجاوز نہیں کر سکتا۔

اصل میں ایک اے پی کالج میں لیکچرر، برہمانندم نے اپنے شوبز کریئر کا آغاز 80 کی دہائی میں ایک تھیٹر آرٹسٹ کے طور پر کیا جو اپنی میمکری کی مہارت کے لیے جانے جاتے تھے۔اس کے نتیجے میں 1985 میں ایک ٹی وی ڈیبیو اور 1987 میں ایک فلم سے ان کے کریئر کی شروعات ہوئی اور پیشکشوں کا سیلاب آگیا۔

یہ بھی پڑھیں:مختلف شہروں میں تیز ہواؤں اور گرج چمک کیساتھ بارش کی پیش گوئی

90 کی دہائی میں، برہمانندم کے بارے میں کہا جاتا تھا کہ وہ بننے والی ہر دوسری یا تیسری تیلگو فلم میں ہوتے ہیں کیونکہ بنانے والے انہیں 'ضروری' سمجھتے تھے۔اپنی طلب کے ساتھ قابلیت نے اداکار کو اپنی فیس میں اضافہ کرنے اور ہر سال اعلیٰ ہیروز سے بھی زیادہ کمانے کا موقع فراہم کیا۔
 سال 2012 میں، انہیں کسی بھی زندہ اداکار کے لیے سب سے زیادہ اسکرین کریڈٹس حاصل کرنے پر گنیز بک آف ورلڈ ریکارڈز کی جانب سے اعزاز سے نوازا گیا۔2020 تک، انہوں نے پریم نذیر کو پیچھے چھوڑتے ہوئے اب تک کے کسی بھی اداکار کا سب سے زیادہ کریڈٹ حاصل کر لیا تھا۔

برہمانندم اب عمر کی 60 کی دہائی میں ہیں اور اداکاری بھی جاری رکھی ہوئی ہے اور اب جب کہ وہ اتنے کامیاب نہیں ہیں، وہ اب بھی فلم میں اپنی موجودگی کے لیے ایک بھاری معاوضہ وصول کرتے ہیں۔

یہ بھی پڑھیں:ہانیہ عامر شادی کیلئے تیار،سحری بناتے ہوئے انکشاف کردیا