ملک کے بیشتر علاقوں میں تیزہواؤں اور گرج چمک کیساتھ بارش کا امکان
Stay tuned with 24 News HD Android App
(روزینہ علی)محکمہ موسمیات نے وفاقی دارالحکومت سمیت ملک کے بیشتر علاقوں میں بارش اور پہاڑوں پر برفباری کی پیش گوئی کردی۔
رپورٹ کے مطابق آج رات بالائی خیبرپختونخوا، کشمیر اور گلگت بلتستان میں ا کثرمقامات پر تیز ہواؤں اور گرج چمک کے ساتھ وقفے وقفے سے مزید بارش اورپہاڑوں پر برفباری کا امکان ہے۔اس دوران بعض مقامات پر موسلادھار بارش اور شمالی علاقوں میں شدید برفباری کی توقع ہے ۔جنو بی خیبرپختونخوا ،شمال مشر قی بلو چستان ، شمال مشر قی/ وسطی پنجاب اور اسلام آباد میں چند مقامات پر تیز ہواؤں اور گرج چمک کے ساتھ بارش جبکہ چند مقامات پر ژالہ باری کی توقع ہے، ملک کے دیگر علا قوں میں مطلع جزوی ابر آلود رہنے کا امکان ہے۔
یہ بھی پڑھیں:لاکھوں ڈالر آمدن والا پاکستان کا امیر ترین کرکٹر کون؟
محکمہ موسمیات کاکہنا ہے کہ جمعرات کے روز اسلام آباد اور گردونواح میں وقفے وقفے سے تیز ہواؤں اور گرج چمک کے ساتھ مزید بارش جبکہ رات میں تیز بارش /ژالہ باری کی توقع ہے۔
ادھرخیبرپختونخواکے علاقوں دیر، چترال، کوہستان، سوات، شانگلہ، مانسہرہ ، بٹگرام ،بونیر، ایبٹ آباد ، صوابی، مردان، مالاکنڈ، باجوڑ، مہمند، خیبر، کرم، نوشہرہ، پشاور، چارسدہ ،کوہاٹ، ہنگو،اورکزئی، کرک، بنوں، وزیرستان، لکی مروت اور ڈی آئی خان میں اکژ مقامات پر تیز ہواؤں اور گرج چمک کے ساتھ وقفے وقفے سے مزید بارش اورپہاڑوں پر برفباری کا امکان ہے۔ اس دوران بعض مقامات پر موسلادھار بارش/ ژالہ باری اورپہا ڑوں پر شدید برفباری کی توقع ہے۔
پنجاب کے بیشتر اضلاع راولپنڈی، اٹک، جہلم ، گجرات،چکوال، میانوالی، منڈی بہاؤالدین، سرگودھا، خوشاب، فیصل آباد ، ٹوبہ ٹیک سنگھ، جھنگ، لاہور، اوکاڑہ، شیخوپورہ، گوجرانوالہ ،سیالکوٹ ، نارووال، نور پور تھل اورگردو نواح میں تیز ہواؤں اور گرج چمک کے ساتھ مزید بارش جبکہ چند مقامات پر ژالہ باری کی توقع ہے ۔ مری،گلیات اور گردونوا ح میں تیزہواؤں کے ساتھ وقفے وقفے سے بارش اور جبکہ چند مقامات پر تیز بارش /برفباری کا امکان۔ صو بہ کے دیگرجنوبی ا ضلاع میں مطلع ابر آلود رہنے کے علا وہ ہلکی بارش ہو سکتی ہے ۔
یہ بھی پڑھیں:روپے نے ڈالر کو روند دیا، قیمت میں بڑی کمی
بلوچستان کے علاقوں کوئٹہ، زیارت، چمن، پشین، قلعہ عبداللہ، قلعہ سیف اللہ ، قلات ، ژوب ، موسیٰ خیل، لورالائی ، بارکھان، سبی،ڈیرہ بگٹی،نصیر آباد،جھل مگسی،کوہلو،خضدار، خاران، پنجگور ،چاغی،دالبندین اورنوکنڈی میں تیز ہواؤں اور گرج چمک کے ساتھ بارش اور پہاڑوں پر برفباری کی تو قع ہے۔ صوبہ کے دیگراضلاع میں موسم سرد اور مطلع جزوی ابر آلود رہنے کا امکان ہے۔
سندھ کے بیشتر اضلاع میں موسم خشک جبکہ بالائی اضلاع میں مطلع جزوی ابرآلودرہنے کا امکان ہے۔اس دوران بالائی اضلاع میں چند مقامات پر ہلکی بارش/بوندا با ندی ہو سکتی ہے ۔
گلگت بلتستان میں تیز ہواؤں اور گرج چمک کے ساتھ وقفے وقفے سے بارش اور برفباری متوقع ہے۔ اس دوران بعض مقامات پر موسلادھار بارش/ شدید برفباری کا امکان ہے۔
یہ بھی پڑھیں:شہریوں سے جمعہ کو رمضان کا چاند دیکھنے کی اپیل
انتباہ: آج(رات) سے28فروری کے دوران شدید بارش/ برفباری کے باعث مری، گلیات، ناران، کاغان، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، اسکردو، وادی نیلم، باغ، پونچھ، حویلی میں سڑکوں کے بند ہونے اور پھسلن کی وجہ سے ٹریفک کی روانی میں خلل کا اندیشہ۔
شدیدبارش /برفباری کے باعث خیبر پختونخوا کے پہاڑی علاقوں ، کشمیر ، گلگت بلتستان ، مری اور گلیات میں لینڈ سلائیڈنگ کا خطرہ ہے۔
بارش اور برفباری کے دوران سیاحوں کو محتاط رہنے اور غیر ضروری سفر سے اجتناب کرنے کی ہدایت کی ہے۔