ڈونلڈ ٹرمپ کی وائٹ ہاؤس میں واپسی ، دوسری بار امریکی صدر منتخب

(ویب ڈیسک) ڈونلڈ ٹرمپ نے حریف کملا ہیرس کو ٹکر کے مقابلے کے بعد شکست دے دی اور امریکا کے 47 ویں صدر بن گئے۔

کانٹے کے مقابلے کے بعد شاندار کامیابی پر ٹرمپ کی پوتی نے انہیں مبارک باد پیش کر دی۔سماجی رابطے کی ویب سائٹ ایکس پر ڈونلڈ ٹرمپ جونیئر کی صاحبزادی کائی میڈسن ٹرمپ نے اپنے دادا کے ہمراہ تصویر شیئر کی ہے۔

 انہوں نے اپنی تصویر شیئر کرتے ہوئے پوسٹ کے کیپشن میں لکھا ہے کہ آپ سے زیادہ کوئی بھی محنت نہیں کرتا اور نہ ہی آپ سے زیادہ کوئی امریکی عوام کی پرواہ کرتا ہے، مبارک ہو دادا جان، میں آپ سے پیار کرتی ہوں۔

خیال رہے کہ 17 سالہ کائی میڈسن ٹرمپ ماہر گولفر ہیں، وہ حال ہی میں ٹرمپ کی انتخابی مہم کے دوران پہلی بار سیاسی مہم کا حصہ بنی تھیں۔انہوں نے ٹرمپ کی انتخابی مہم کے دوران آر این سی میں پہلی بار تقریر کر کے ہر ایک کو حیران کر دیا تھا۔

 نو منتخب امریکی صدر کو انتخابی مہم کے دوران گولی لگنے کے بعد کائی ٹرمپ نے پہلی بار عوام سے خطاب کرتے ہوئے مذکورہ واقعے کو ’دل دہلا دینے والا‘ قرار دیا تھا۔انہوں نے کہا تھا کہ بہت سے لوگ میرے دادا کو جان سے مارنا چاہتے ہیں لیکن وہ اب بھی زندہ سلامت کھڑے ہیں، جو انہیں جان سے مارنا چاہتے ہیں وہ انہیں جانتے نہیں ہیں۔

ٹرمپ کی پوتی کا کہنا تھا کہ میرے داد تو بہت پیار کرنے والے شخص ہیں، وہی ہیں جو امریکی عوام کا بھلا سوچتے ہیں اور وہ امریکا کو دوبارہ عظیم بنانے کے لیے دن رات محنت کر رہے ہیں۔

اردو کی مشہور کہاوت ہے "بیگانی شادی میں عبداللہ دیوانہ " مجھے اس کہاوت کا اصل مقصد اس سے پہلے کبھی ایسے سمجھ نا آیا جیسے آج آرہا ہے ، امریکی الیکشن پاکستان تحریک انصاف کے چاہنے والوں نے جس طرح دھمال ڈالی ہے، اُس سے اس کہاوت کا مفہوم صحیع معنوں میں سمجھ آیا ہے لیکن ۔۔۔۔۔۔۔ 
اوہ یہ تو کھلا دھوکہ ہے، پاکستان میں امریکی ویزوں کے منتظر افراد میں عمران خان بھی شامل ہیں اور اسی لیے الیکشن امریکہ میں ہورہے تھے لیکن زور قوم یوتھ کا پاکستان میں لگ رہا تھا ، امریکی ان انتخابات میں ہمیشہ کی طرح پر سکون تھے لیکن پاکستان میں عمران خان کے چاہنے والوں کو کسی طرح یہ" تار" کے ذریعے علم ہوا کہ  سابق امریکی صدر ڈونلد ٹرمپ اگر دوبارہ برسر اقتدار آئے تو کپتان کو اڈیالہ سے رہا ہونے سے کوئی روک نہیں سکے گا، تاثر یہ دیا جارہا تھا کہ (اس میں کسی حد تک کردار امریکہ میں مقیم شہباز گل جیسے افراد نے بھی ادا کیا جنہوں نے ٹرمپ نامی ٹرمپٹ بجایا اور چوہا صفت اذہان کو اپنے پیچھے لگایا) بیانیہ یہ بنایا گیا کہ  ڈونلڈ ٹرمپ منتحب ہوتے ہی پہلا کام یہ کریں گے کہ پاکستانی عدالتوں اور اسٹیبلشمنٹ کو حکم جاری کر دیا جائے گا، کپتان کو اڈیالہ سے رہا کرو پورے پروٹوکول سے باہر لاو ،اسمبلیاں ختم کرو اور نئے انتخابات کراؤ عمران خان کو جتاؤ اور سب گھر جاؤ ، کپتان کے چاہنے والوں کو اس بات کا اس حد تک یقین ہے کہ انہوں نے سوشل میڈیا سے لیکر دوستوں کی محفلوں میں وہ ڈونلڈ ٹرمپ کی حمایت پر جذباتی نظر آئے۔ انہوں نے سوشل میڈیا پر ٹرمپ کی حمایت میں ایک مہم چلائے رکھی، اپنے سٹیٹس لمحہ بہ لمحہ اپ ڈیٹ کرتے رہے جہاں سے بھی ٹرمپ کے جیتنے کی خبر آتی وہاں کے صدقے واری جایا جاتا یہاں تک کہ یو ٹیوبرز اور ٹی وی پر بیٹھ کر خود کو انصافی تجزیہ کار ثابت کرنے والوں نے بھی ٹرمپ کی حمایت کی اور اس حد تک آگے چلے گئے کہ یہ بھی نا سوچا کہ ٹرمپ تو اسرائیل کا سب سے بڑا حمائتی ہے ، وہ تو تارکین وطن کو نکالنے کی بات کر رہا ہے وہ ان کو امریکی معیشت پر بوجھ قرار دے چکا ہے ، امریکہ کے مسلم اکثریتی علاقوں سے اسے شکست ہورہی ہے اور وہ اُس کے ذریعے بقول ان کے عالم اسلام کے "ہیرو" کو چھڑاوانے کا حکم نامہ جاری کرے گا تاکہ وہ وہ باہر نکل کر ریاست مدینہ بناسکے ،فرض کرلیں کہ امریکہ کے انتخابات میں ڈونلد ٹرمپ کی کامیابی میں پاکستان تحریک انصاف کی حمایت کا بھی کچھ نا کچھ حصہ ہے اور یہاں پاکستان میں چلائی جانے والی کاوشوں سے ہی وہ ان انتخابات میں جیتا ہے فرض کرلیں اگر ایسا ہی ہے تو بھی کپتان کے چاہنے والوں کو مایوسی ہے کہ ڈونلد ٹرمپ نے امریکی تاریخ میں آنے جانے والے تمام صدور کی طرح فوجی پالسیوں کو جاری رکھنے  کا عندیہ دیا ہے، اُس نے اسرائیل کی حمایت کا اعلان کیا ہے جسے لوگ شائد کپتان کی حمایت سے تعبیر کر رہے ہیں ۔

ضرورپڑھیں:امریکا کے زخموں پر مرہم رکھیں گے،ایک بار پھر عظیم بناؤں گا:ڈونلڈ ٹرمپ کی وکٹری سپیچ
پاکستان کی تاریخ پر نظر رکھنے والوں کے لیے یہ اچنبے کی بات نہیں ہے کہ امریکہ ہمیشہ سے ہمارا عسکری نوعیت کا دوست رہا ہے، پاکستان میں ہر فوجی حکومت کے ساتھ اُس نے کام کرنے کو کسی بھی جمہوری دور سے زیادہ آسان اور سہل جانا ہے، پی ٹی آئی کے رہنما عمر گوہر ایوب کے دادا خود ساختہ فیلڈ مارشل ایوب خان ہوں یا بانی بنگلہ دیش یحییٰ خان پی ٹی آئی کے اتحادی اعجاز الحق کے والد آمر ضیا ہو یا آمر مشرف امریکہ بہادر ہمیشہ اُن کا دوست رہا جبکہ جمہوری قوتوں کو عبرت کا نشان بنانے کا اعلان کرتا رہا۔ (ذوالفقار بھٹو بارے نکسن کا بیان ریکارڈ پر ہے ) اور پاکستان کے ایٹمی ہتھیاروں کو ہتھیانے کے لیے ہمیشہ تیار اور مستعد رہا ، ریپبلکن ہوں یا ڈیموکریٹ سب ایک ہی تھالی کے چٹے بٹے اور  پاکستان کے لیے ایک ہی پالیسی کے تابع رہے ہیں کہ اس ملک کو ایک فوجی اڈے کے طور استعمال کرو ، یہ پالیسی نا کبھی تبدیل ہوئی نا کبھی ہوگی ۔
اب بھی امریکہ پاکستان کو اسی نظر سے دیکھ رہا ہے اسے علم ہے کہ خطے میں طاقت کے توازن کے لیے پاک فوج کا کردار کتنا اہم ہے، یہ فوج اپنے سے کئی گنا بڑے دشمن سے کئی مرتبہ نبرد آزما رہی ہے، عالم اسلام کی واحد اعلان شدہ ایٹمی قوت ہے، اس کی جغرافیائی اہمیت ایسی ہے کہ نظر انداز ہی نہیں کیا جاسکتا اس کے اردگرد اگر ایران کو بھی شامل کرلیاں جائے تو 4 ایٹمی قوتوں والے ممالک ہیں (چین ، بھارت ، روس ) اور وسطی ایشیائی مسلم ریاستوں کی قوت اس میں شامل کر لیں تو دنیا کا 70 فیصد ایٹمی اسلحہ اس وقت  اس خطے میں موجود ہے جو ایک چنگاری کا منتظر ہوگا،ہم حیران ہیں کہ ان حالات میں بھی کپتان کے چاہنے والے یہ سوچ کر ناچ رہے ہیں کہ ٹرمپو شہزادہ آگیا، اب کپتان کو باہر لائے گا،  وزیر اعظم بنائے گا لگ پتہ جائے گا ، خواب ہے جسے دیکھنے پر کوئی پابندی نہیں ۔

نوٹ:بلاگر کے ذاتی خیالات سے ادارے کا متفق ہونا ضروری نہیں۔ایڈیٹر 

(24 نیوز)امریکی سینیٹ میں ری پبلکن کی 51 اور ڈیموکریٹس کی 43 نشستیں ہو گئی ہیں،100 رکنی سینیٹ میں اکثریت کے لیے51 نشستیں درکار ہوتی ہیں۔

دوسری جانب امریکی صدر کے انتخاب کے لیے کئی ریاستوں میں پولنگ ختم ہو گئی جس کے بعد ووٹوں کی گنتی شروع ہو گئی اور نتائج آنے کا سلسلہ جاری ہے،امریکی صدارتی انتخاب میں اب تک 538 میں سے ڈونلڈ ٹرمپ نے 232 اور کملا ہیرس نے 216 الیکٹورل ووٹ حاصل کر لیے ہیں، کسی بھی امیدوار کو جیت کے لیے کل 538 میں سے کم از کم 270 الیکٹورل ووٹ درکار ہوں گے۔

ضرورپڑھیں:امریکی انتخابی دنگل ،متعدد ریاستوں میں ہاتھی نے گدھے کو چت کردیا ،ٹرمپ آگے آگے،کملا ہیرس پیچھے پیچھے 

امریکا میں صدارتی انتخابات میں الیکشن کے دن کی ووٹنگ کا آغاز رات نیو ہیمپشائر میں ہوا اور پہلا ووٹ نیو ہیمپشائر کے ایک چھوٹے سے قصبے ڈکسوائل نوچ میں ڈالا گیا۔

ادھر وائٹ ہاؤس کے سامنے ریپبلکن امیدوار ڈونلڈ ٹرمپ کے حامیوں کی جانب سے جشن شروع ہو گیا ہے،ڈونلڈ ٹرمپ کے حامیوں نے وائٹ ہاوس کے سامنے نعرے لگائے۔

(24 نیوز)امریکی صدارتی انتخابات میں نتائج کا سلسلہ جاری ہے، ڈونلڈ ٹرمپ آگے کملا ہیرس پیچھے۔ڈونلڈ ٹرمپ جیتے گئے تو وہ شکست کے بعد منتخب ہونے والے دوسرے صدر ہوں گے۔

ایک رپورٹ کے مطابق اس سے پہلے صرف گروور کلیولینڈ نے یہ کارنامہ انجام دیا تھا،سابق امریکی صدر کلیولینڈ پہلی مرتبہ 1885 میں امریکا کے 22ویں صدر منتخب ہوئے تھے۔گروور کلیو لینڈ کو 1888 کے صدارتی الیکشن میں شکست ہوئی ،گروور کلیو لینڈ 1893 میں دوبارہ امریکا کے 24ویں صدر منتخب ہوئے تھے۔

امریکا کی 235 سالہ تاریخ کے ابتدائی 6 صدور کا تعلق نہ ریپبلکن نہ ہی ڈیموکریٹ سے تھا۔امریکی صدور کی تعداد کے لحاظ سے ریپبلکن کا پلڑہ بھاری نظر آتا ہے۔اب تک ریپبلکن کے 18، ڈیموکریٹ کے 16صدور اقتدار مین رہے۔

ضرورپڑھیں:امریکی انتخابی دنگل ،متعدد ریاستوں میں ہاتھی نے گدھے کو چت کردیا ،ٹرمپ آگے آگے،کملا ہیرس پیچھے پیچھے

یاد رہے کہ ڈونلڈٹرمپ 2017 ء سے 2021ء تک امریکا کے صدر رہے ہیں،ٹرمپ ہیلری کلنٹن کو شکست دے کر صدر بنے تھے مگر دوسری بار منتخب نہیں ہو پائے تھے ۔اب ان کا مقابلہ نائب صدر کملا ہیرس سے ہے۔دلچسپ بات یہ ہے کہ پہلی مرتبہ جب ٹرمپ جیتے تب بھی مدمقابل عورت تھی اب کی بار ایک عورت مقابلہ کررہی ہے ۔

(ویب ڈیسک)  دنیا کی نگاہیں امریکی صدارتی انتخابات پر ہیں جس میں کملا ہیرس اور ڈونلڈ ٹرمپ مدمقابل ہیں،ادھر واشنگٹن سے 13,000 کلومیٹر سے زیادہ دور بھارت کے ایک گاؤں میں ہیرس کی کامیابی کے لئے مندروں میں پوجا ہو رہی ہے۔

امریکی صدارتی انتخابات میں ڈیموکریٹ امیدوار  اور نائب صدر کملا ہیرس کے حامی ان کی جیت کو یقینی بنانے کی صرف امریکہ میں ہی ہر ممکن کوشش نہیں کر رہے ہیں بلکہ وہاں سے ہزاروں کلومیٹر دور بھارت کے جنوبی صوبے تمل ناڈو کا ایک چھوٹا سا گاؤں، تھولاسندرا پورم، بھی ری پبلیکن امیدوار، سابق٫ صدر ڈونلڈ ٹرمپ کو شکست دینے کے لیے کملا ہیرس کے حق میں دعائیں کر رہا ہے، مندروں میں پوجا پاٹھ کا سلسلہ پچھلے کئی دنوں سے جاری ہے۔

مندر کے قریب ایک چھوٹا سا  سٹور چلانے والے جی مانی کندن نے کہا، "منگل کی صبح مندر میں ایک خصوصی دعا ہوگی ، اگر وہ (کملا) جیت گئیں تو ہم جشن منائیں گے۔"

 مندر میں ایک پتھر پر  کملا ہیرس کے نانا کے نام کے ساتھ ہی ان کا نام بھی عطیہ دینے والوں کے طور پر کندہ ہے،مندر کے باہر ایک بڑا بینر لگا ہوا ہے جس پر لکھا ہے ہم الیکشن میں "زمین کی بیٹی" کی کامیابی کی دعا کرتے ہیں۔"

کملا ہیرس کے نانا پی وی گوپالن ایک صدی سے زیادہ پہلے تھولاسندرا پورم گاؤں میں پیدا ہوئے تھے، بعد میں وہ چند سو میل دور ساحلی شہر چینئی ہجرت کر گئے، جہاں انہوں نے اپنی ریٹائرمنٹ تک ایک اعلیٰ سرکاری اہلکار کے طور پر کام کیا۔

کملا ہیرس کی والدہ شیاملا گوپالن چینئی میں پیدا ہوئیں،انہوں نے 19 سال کی عمر میں 1958 میں امریکہ ہجرت کرنے سے پہلے دہلی یونیورسٹی سے تعلیم حاصل کی۔

شیاملا گوپالن نے یونیورسٹی آف کیلیفورنیا، برکلے سے ماسٹر‍ز ڈگری حاصل کی اور چھاتی کے کینسر کی تحقیقات میں نام کمایا۔ شیاملا نے 1963 میں، ڈونلڈ ہیرس سے شادی کی، جو کالج میں ان کے ساتھی تھے اور جمائیکا سے آئے تھے،کملا ہیرس اور ان کی چھوٹی بہن مایا امریکہ میں پیدا ہوئیں اور پرورش پائی۔ کملا ہیرس اکثر اپنی والدہ کو اپنا آیئڈیل قرار دیتی ہیں،کملا کی والدہ کا کینسر سے 2009 میں انتقال ہوگیا اور وہ ہندو رسومات کے مطابق اپنی والدہ کی استھیاں (راکھ) کو سپرد آب کرنے کے لیے چینئی آئی تھیں۔

 تھولاسندرا پورم گاؤں کو 4سال قبل اس وقت عالمی توجہ حاصل ہوئی جب کملا ہیرس امریکہ کی نائب صدر منت‍خب ہوئیں،کملا ہیرس نے بچپن میں بھارت کے اپنے دوروں کو یاد کرتے ہوئے میڈیا کو بتایا تھا کہ وہ اپنے نانا کا ہاتھ پکڑ کر دیر تک ساحل سمندر کی سیر کیا کرتی تھیں۔

انہوں نے کہا تھا  مجھے یاد ہے کہ ان تمام چہل قدمی کے دوران، میرے نانا نے مجھے نہ صرف جمہوریت کا مطلب بتایا تھا بلکہ جمہوریت کو برقرار رکھنے کے بارے میں بھی سبق سکھایا تھا۔ اور مجھے یقین ہے کہ یہ وہ سبق ہیں جو میں نے بہت چھوٹی عمر میں سیکھے تھے جنہوں نے سب سے پہلے عوامی خدمت میں میری دلچسپی کو متاثر کیا،گوکہ کملا ہیرس نے اپنی انتخابی تقریروں میں اس گاؤں کا ذکر نہیں کیا لیکن تھولاسندرا پورم کے باشندے ان کی جیت کے لیے دعائیں مانگ رہے ہیں۔

گاؤں کے ایک 80 سالہ ریٹائرڈ بینک مینیجر، این کرشنامورتی نے کہا، کملا ہیرس  کی وجہ سے ہی اس گاؤں کو اتنی شہرت ملی ہے، کسی اور نے ہمارے لیے اتنا کچھ نہیں کیا،ہمارا گاؤں ان کی وجہ سے دنیا بھر میں مشہور ہے، اور ہم بار بار ان کا شکریہ ادا کرتے ہیں، ان کے لیے نیک خواہشات کا اظہار کرتے ہیں اور ہماری دعائیں ہمیشہ ان کے ساتھ رہیں گی۔

یہ بھی پڑھیں: امریکی انتخابات میں نتیجہ برابر رہنے کی صورت میں کیا ہوتا ہے ؟

(ویب ڈیسک)امریکا میں آج صدارتی انتخابات کا سلسلہ جاری ہے ، کملا ہیرس اور ڈونلڈ ٹرمپ میں کانٹے دار مقابلہ جاری ہے تاہم سوال یہ ہے کہ دونوں صدارتی امیدواروں کا نتیجہ برابر رہنے کی صورت میں کیا ہوگا؟ 

 صدارتی انتخابات میں فیصلہ کن مرحلے میں کئی ممکنہ منظر نامے سامنے ہیں جن میں ایک "برابری" بھی ہے،یہاں یہ سوال سامنے آتا ہے کہ کیا 2024 میں برابری کا منظر نامہ ممکن ہے؟سروے نتائج قریب قریب ہونے کے باوجود ماہرین نے برابری کا منظر نامہ خارج از امکان قرار دیا ہے تاہم اگر واقعی معرکہ برابری پر ختم ہو گیا تو پھر کیا ہو گا ؟

 برابری کا منظر نامہ: 
برابری کا منظر نامہ اس وقت سامنے آئے گا جب دونوں میں سے ہر ایک امیدوار 269 الیکٹورل ووٹ حاصل کرے،الیکٹورل کالج میں مجموعی ووٹوں کی تعداد 538 ہے،امریکی آئین میں اس صورت حال سے نمٹنے کا حل موجود ہے جہاں انتخابات کو ایوان نمائندگان منتقل کیا جاتا ہے اور پھر کسی ایک امیدوار کے لیے ووٹنگ ہوتی ہے،اس منظر نامے کے تحت ہر ریاست کا صرف ایک ووٹ ہوتا ہے، لہذا انھیں یا ڈونلڈ ٹرمپ یا کملا ہیرس کو ووٹ دینا ہو گا،البتہ نائب صدر کی ووٹنگ سینیٹ کے ذریعے ہوتی ہے، صدر کے انتخاب کے برخلاف ہر رکن کو ووٹ دینا ہوتا ہے۔

امریکا کی تاریخ میں اب تک صرف ایک مرتبہ یعنی سال 1800 میں تھامس جیفرسن اور آرون بور کے درمیان انتخابات میں برابری کا نتیجہ دیکھنے میں آیا !اب دیکھنا ہے کہ 2024 کے امریکی انتخابات کس منظر نامے کے منتظر ہیں ؟

یہ بھی پڑھیں: امریکی صدارتی انتخاب میں پہلا نتیجہ آگیا

امریکا پرکون حکمرانی کرے گا؟آج امریکی صدارتی الیکشن کے حوالے سےبڑا دن ہے،امریکا میں الیکشن کی تیاریاں مکمل ہوچکی ہیں ،بیلٹ پیپرز اور الیکٹرانک ووٹنگ مشینیں پولنگ سنٹرزمیں پہنچادی گئیں ہیں، 24 کروڑ سے زائد امریکی حق رائے دہی استعمال کریں گے،ارلی ووٹنگ میں اب تک 7 کروڑ سے زائد امریکی شہری ووٹ کاسٹ کر چک،کملا ہیرس نے مشی گن میں اپنا ووٹ کاسٹ کر دیا ہے،امریکا صدر کون ہوگا؟نئے امریکی صدر کو دیکھنے کو مودی ملے گا؟عمران خان کی اہلیہ بشریٰ بی بی کے رونے کی وجہ کیا ہے؟اس کے پیچھے چھپی کہانی کیا ہے؟سب دیکھئے 24 نیوز کے ڈائریکٹر نیوز میاں طاہر کا یہ شاندار تجزیہ

(24 نیوز)امریکی صدر کون ہوگا؟ ووٹنگ کے لئے میدان سج گیا،47ویں امریکی صدرکےانتخاب کیلئےووٹنگ  آج ہوگی ،تقریباً8کروڑلوگ باقاعدہ الیکشن سے پہلے ووٹ ڈا ل چکے ،باقی ووٹرزآج اپنے پسندیدہ امیدوار کاچناؤ کریں گے۔امیدواروں کوفتح کیلئے کم ازکم 270 الیکٹورول ووٹ درکار،7سوئنگ سٹیٹس امیدواروں کیلئے فیصلہ کن ہوں گی۔

میڈیا رپورٹس کے مطابق 435ایوان نمائندگان اور34سینیٹرزکاانتخاب بھی آج ہوگا۔ 6مختلف ٹائم زونزمیں پولنگ شروع اورختم ہونے کاوقت الگ الگ ہے۔

سیکیورٹی کے غیرمعمولی اقدامات،ریاست اوریگان،واشنگٹن اور نیواڈا میں نیشنل گارڈفعال،خطرات پرنظررکھنے کیلئے ایف بی آئی کمانڈپوسٹ قائم کردی گئی ،ایک لاکھ پولنگ سٹیشنزپرسیکیورٹی بڑھادی گئی۔پولنگ عملے کیلئے خصوصی مسلح ٹیمیں تعینات کی گئی ہیں،الیکشن عملے کی سکیورٹی کیلئے ایک ہزارپینک بٹن منگوالئے گئے۔ان بٹنزکوایمرجنسی کی صورت میں استعمال کیاجاسکے گا۔واشنگٹن میں ہفتوں تک غیریقینی صورتحال کاخدشہ  ہے۔

ضرورپڑھیں:امریکی صدارتی انتخابات:ٹرمپ آگے ہیں یا کملا ؟ امریکی صدر کا انتخاب کیسے ہوگا؟

ادھر کملا ہیرس اور ڈونلڈ ٹرمپ میں مقابلہ سخت ہے،ٹرمپ اور کملا بھارت میں الیکشن مہم چلاتے تو کیسے لگتے؟انسٹا گرام پر مصنوعی ذہانت سے بنی امریکی سیاستدانوں کی دلچسپ تصاویر صارفین کی بھرپور توجہ حاصل کر رہی ہیں، تصاویر میں امریکی سیاست دانوں کو بھارتی ثقافت کے رنگ میں دکھایا گیا۔ڈونلڈ ٹرمپ اور کملا ہیرس بھارت کے روایتی ملبوسات پہنے ہوئے ہیں۔تصاویر میں سابق امریکی صدر باراک اوباما اور ایلون مسک بھی ہیں۔کملا ہیرس کو کھیتوں میں کام کرتے اور کھانا پکاتے بھی دکھایا گیا۔

یاد رہے کہ ڈونلڈٹرمپ 2017 ء سے 2021ء تک امریکا کے صدر رہے ہیں،ٹرمپ ہیلری کلنٹن کو شکست دے کر صدر بنے تھے مگر دوسری بار منتخب نہیں ہو پائے تھے ۔اب ان کا مقابلہ نائب صدر کملا ہیرس سے ہے۔دلچسپ بات یہ ہے کہ پہلی مرتبہ جب ٹرمپ جیتے تب بھی مدمقابل عورت تھی اب کی بار ایک عورت مقابلہ کررہی ہے ۔

امریکا میں نئے صدر کے انتخاب کے لیے ووٹنگ پانچ نومبر 2024 کو ہو گی لیکن کیا آپ جانتے ہیں کہ اس صدارتی انتخاب میں عوام کی جانب سے زیادہ ووٹ حاصل کرنے والا امیدوار ضروری نہیں کہ ملک کا نیا صدر بنے،اس کی وجہ یہ ہے کہ امریکہ میں صدر کا انتخاب براہِ راست عام ووٹر نہیں کرتے بلکہ یہ کام الیکٹورل کالج کا ہے،امریکی صدر کا انتخاب  کیسے  ہوتا ہے؟ اس طرف ہم بعد میں جائیں گے ،پہلے یہ دیکھیں کہ پاکستان کے روایتی سیاستدانوں کی طرح سابق امریکی صدر اور  ریپلکن کے صدارتی امیدوار ڈونلڈ ٹرمپ نے مخالفین پر دھاندلی کا الزام لگادیا ہے۔ٹرمپ کا انتخابی نشان ہاتھی ہے جبکہ ان کی مدمقابل امیدوار کملا ہیرس ہیں ہیں جو اس وقت امریکا کی نائب صدر بھی ہیں اور ان کا انتخابی نشان گدھا ہے۔

جوں جوں پولنگ کا دن قریب آتا جارہا ہے اقتدار کی جنگ  میں روز بروز شدت آنے لگی ہے۔میڈیا رپورٹس کے مطابق وائٹ ہاؤس کی دوڑ  میں کملا ہیرس اور ڈونلڈ ٹرمپ میں انتہائی کانٹے کا مقابلہ متوقع ہے امریکا میں صدارتی انتخابات سے قبل سروے میں ڈونلڈ ٹرمپ اب تک سب سے آگے دکھائی دے رہے ہیں، امریکا میں کئے گئے ایک سروے میں ڈونلڈ ٹرمپ کی مقبولیت 46 فیصد جبکہ کملا ہیرس کی مقبولیت 45 فیصد بتائی گئی ہے۔ ڈونلڈ ٹرمپ کو سروے میں تو برتری حاصل ہے ہی مگران کی مخالفت بھی بہت زیادہ ہے۔انتخابات کے بعد وائٹ ہاؤس کا مکین کون بنتا ہے؟اس کا فیصلہ تو پولنگ ڈے پر ہوگا مگر دلچسپ بات یہ ہے کہ ڈونلڈ ٹرمپ پہلے بھی ایک خاتون امیدوار کو شکست دے چکے ہیں۔

 امریکی صدر کا انتخاب کیسے ہوتا ہے؟

 امریکی صدر کا انتخاب کیسے ہوتا ہے؟یہ بھی دلچسپ امر ہے،امریکی صدر کا انتخاب طویل انتخابی مہم کے بعد عمل آتا ہے،اس انتخابی مہم کے دوران امیدواروں کو کئی پاپڑ بیلنے پڑتے ہیں،یہ طریقہ انتخاب دنیا کا طویل ترین طریقہ ہے۔
امریکی صدر کا انتخاب دو مرحلوں میں مکمل ہوتا ہے،پہلے مرحلے میں پرائمری الیکشن اور کاوکسز کی جانب سے نامزدگی کے لیے ووٹنگ ہوتی ہے، جو مختلف ریاستوں میں مختلف دِنوں پر منعقد ہوتے ہیں صدارتی پرائمری الیکشن یا کاوکسز ہر ایک امریکی ریاست اور علاقے میں ہوتے ہیں، جو امریکی صدارتی انتخابات  میں نامزدگی کے عمل کا ایک حصہ ہے۔کچھ ریاستوں میں صرف پرائمری انتخابات ہوتے ہیں، کچھ میں صرف کاوکسز ہوتے ہیں، جب کہ دیگر میں دونوں ہی ہوتے ہیں۔پرائمریز اور کاوکسز جنوری سے جون کے مہینوں کے دوران ہوتے ہیں، جس کے بعد نومبر میں عام انتخابات منعقد ہوتے ہیں۔
پرائمری الیکشن ریاست یا مقامی حکومتوں کی جانب سے کرائے جاتے ہیں، جب کہ کاوکسز نجی معاملہ ہے، جنھیں سیاسی جماعتیں اپنے طور پر براہِ راست منعقد کرتی ہیں۔مقامی حکومتوں کے فنڈ کی مدد سے اسی طرح پرائمری انتخابات کرائے جاتے ہیں جیسے موسمِ خزاں میں عام انتخابات ہوتے ہیں۔ ووٹروں کے لیے پولنگ کا مقام، رائے دہی کا استعمال اور تعطیل یکساں طریقے کے ہوتے ہیں۔کاوکس میں وہ افراد جو کسی جماعت میں پسندیدہ خیال ہوتے ہیں، ان کی ڈیلیگٹ کے طور پر شناخت ہوتی ہے۔ تفصیلی غور و خوض اور مباحثے کے بعد غیر رسمی ووٹ کے ذریعے یہ طے ہوتا ہے کہ نیشنل پارٹی کنوینشن میں کون ڈیلیگٹ کے فرائض انجام دے گا۔
جولائی سے ستمبر کے آغاز تک پارٹیاں اپنے اپنے فائنل امیدواروں کو نامزد کرتی ہیں،اس کے بعد دونوں جماعتوں کی جانب سے نامزد کردہ امیدواروں کے مابین مباحثے ہوتے ہیں،نومبر کے آغاز میں پولنگ ڈے ہوتا ہے جو عموماً دوسرے ہفتے کے پیر کو ہی ہوتا ہے،اس دن 34سینیٹرز اورایوان نمائندگان کی تمام نشستوں کا بھی انتخاب ہوگا،جنوری2025ءکے شروع میں کانگریس کی جانب سے ووٹوں کی گنتی کی جائے گی اور 20جنوری کو وائٹ ہاﺅس کے نئے مکین یعنی نومنتخب امریکی صدرحلف اٹھائیں گے،امریکہ کا نیا صدر ڈونلڈ ٹرمپ بنے یا کملا ہیرس۔ دونوں صورتوں میں امریکہ میں تاریخ رقم ہونے جارہی ہے،اگر کملا صدر بنتی ہیں تو امریکہ کی پہلی خاتون صدر ہونگی اور اگر عوام ڈونلڈ ٹرمپ کو منتخب کرتے ہیں تو یہ تاریخ کے دوسری باریہودی امریکی صدر ہونگے۔کیونکہ اس سے پہلے بھی ڈونلڈ ٹرمپ امریکی صدر بن چکے ہیں اور انہوں نے خاتون امیدوار ہیلری کلنٹن کا 2017 ء میں مقابلہ کیا ۔اب کی بار بھی وہ ایک خاتون کا مقابلہ کررہے ہیں ۔