ہیلی کاپٹر حادثہ: ایرانی صدر ،وزیر خارجہ ،گورنر تبریز جاں بحق ہوگئے،میڈیا نے تصدیق کردی

(24 نیوز)ایران کے قبل ازوقت صدارتی انتخابات میں کوئی بھی امیدوار مطلوبہ اکثریت حاصل نہ کرسکا ،اب صدارتی انتخابات کیلئے دوبارہ ووٹنگ ہوگی ،دوبارہ ووٹنگ میں دو امیدواروں کے درمیان مقابلہ ہوگا۔

عرب میڈیا کے مطابق ایرانی وزارت داخلہ نے اس بات کی تصدیق کی ہے کہ صدارتی انتخابات میں کسی امیدوار کو اکثریت (50 فیصد ووٹ) نا ملنے کے باعث ایران میں 5 جولائی کو دوبارہ صدارتی الیکشن منعقد ہونگے، صدارتی الیکشن کے دوسرے مرحلے میں مسعود پزیشکیان اور  سعید جلیلی میں مقابلہ ہوگا۔

رپورٹ میں بتایا گیا ہے کہ جمعہ کو  ہونے والے انتخابات میں جو نتائج سامنے آئے ہیں ان میں مسعود پزیشکیان تقریباً ایک کروڑ 40 لاکھ ووٹ لیکر سب سے آگئے رہے جب کہ ان کے مضبوط حریف سعید جلیلی نے تقریباً  95 لاکھ ووٹ حاصل کیے، محمد باقر 34 لاکھ ووٹ لیکر تیسرے نمبر  پر ہیں جبکہ مصطفیٰ پور محمدی محض 2 لاکھ سے کچھ زائد ووٹ حاصل کرسکے۔

ضرورپڑھیں:امریکی صدر ڈٹ گئے،ٹرمپ کے مقابلے سے دستبردار ہونے سے انکار

ایرانی الیکشن کمیشن کے مطابق 28 جون کو ہونے والے صدارتی انتخابات میں ووٹر ٹرن آؤٹ 40 فیصد رہا جب کہ 2021 میں ہونے والے الیکشن میں ٹرن آؤٹ 48 فیصد تھا، صدارتی انتخابات میں 2 کروڑ 45 لاکھ ووٹوں کی گنتی مکمل کی گئی۔ ایرانی صدارت کیلئے سعید جلیلی، محمد باقر، مسعود پزیشکیان اور مصطفیٰ پور محمدی کے درمیان مقابلہ تھا مگر  50 فیصد سے زیادہ ووٹ حاصل نہ کرسکنے کے  بعد اب ایران میں 5 جولائی کو صدارتی انتخابات کے دوسرے مرحلے میں دوبارہ ووٹ ڈالے جائیں گے۔  ایران کے صدارتی انتخابات میں سپریم لیڈر کے پسندیدہ امیدوار سعید جلیلی ہیں جو دوسرے نمبر پر ہیں ۔

واضح رہے کہ سابق ایرانی صدر ابراہیم رئیسی کی ہیلی کاپٹر حادثے میں موت کے باعث ایران میں قبل از  وقت انتخابات منعقد ہوئے تھے۔صدر ابراہیم رئیسی، وزیر خارجہ اور آیت اللہ خامنہ ای کے ترجمان گزشتہ ماہ ہیلی کاپٹر حادثے میں جاں بحق ہو گئے تھے۔

(اظہر تھراج)ایرانی صدر ابراہیم رئیسی کی شہادت کا باضابطہ طور پرسرکاری اعلان کر دیا گیا، شہادت کا اعلان کرتے ہوئے سرکاری اہلکار کی آواز بھر اگئی۔ہیلی کاپٹر یا طیارہ حادثہ میں یہ کوئی پہلی موت نہیں اس سے قبل بھی بہت سارے حادثات ہوئے جس سے تاریخ بھری پڑی ہے۔

 18 جنوری 2023 کو یوکرین کی وزارت داخلہ کی تین اہم شخصیات ہیلی کاپٹر کے حادثے میں ہلاک ہو گئی تھیں۔ ان سمیت کل 14 افراد کی ہلاکت ہوئی تھی۔یہ حادثہ دارالحکومت کیؤ کے مشرقی نواحی علاقے میں ایک نرسری کے نزدیک پیش ہوا تھا۔ اس حادثے میں ملک کے وزیر داخلہ ڈینس مونسٹیرسکی، اپنے نائب وزیر اور ریاستی سیکرٹری کے ساتھ ہلاک ہوئے۔حکام کے مطابق یہ حادثہ مقامی وقت کے مطابق صبح 8:30 بجے ہوا۔ ہیلی کاپٹر گرنے سے کل 14 افراد ہلاک ہوئے تھے۔

 یکم اگست 2022 کو پاکستان کے صوبہ بلوچستان کے ضلع لسبیلہ میں ایک ہیلی کاپٹر حادثے میں پاکستانی فوج کے کور کمانڈر کوئٹہ لیفٹیننٹ جنرل سرفراز علی سمیت چھ افراد شہید ہوگئے تھے ،پاکستانی فوج کے شعبہ تعلقات عامہ آئی ایس پی آر کا کہنا تھا کہ اس ہیلی کاپٹر کا ملبہ وندر کے علاقے میں موسیٰ گوٹھ سے ملا تھا اور ادارے کے مطابق ابتدائی تحقیقات کے مطابق یہ حادثہ خراب موسم کی وجہ سے پیش آیا۔
اس حادثے میں ہلاک ہونے والوں میں کور کمانڈر کوئٹہ لیفٹیننٹ جنرل سرفراز علی، ڈائریکٹر جنرل پاکستان کوسٹ گارڈز میجر جنرل امجد حنیف ستی اور انجینئرنگ کور کے بریگیڈیئر محمد خالد کے علاوہ عملے کے تین ارکان بشمول پائلٹ میجر سعید احمد، پائلٹ میجر محمد طلحہ منان اور نائیک مدثر فیاض شامل تھے۔

 آٹھ دسمبر 2021 کو انڈین فوج کے چیف آف ڈیفنس سٹاف جنرل بپن راوت اور اُن کی اہلیہ سمیت 13 افراد انڈین ریاست تمل ناڈو میں ایک ہیلی کاپٹر حادثے میں ہلاک ہو گئے تھے۔انڈیا کے وزیر دفاع راجناتھ سنگھ کا کہنا تھا کہ انڈیا کے چیف آف ڈیفینس سٹاف کے ہیلی کاپٹر کا رابطہ لینڈ کرنے سے چند منٹ پہلے ہی منقطع ہوا تھا-

اگر اس سے تھوڑا دور جائیں تو 20فروری 2003 کو پاک ائیر فورس کے سربراہ مصحف علی میر کوہاٹ میں ہوائی حادثے میں شہید ہوگئے تھے۔ان کے ساتھ طیارے میں بیوی ،بچوں سمیت 17 افراد سوار تھے۔

مزید پیچھے جائیں تو 17 اگست 1988 میں بہاولپور کے قریب طیارہ حادثہ کے دوران صدر مملکت جنرل محمد ضیاء الحق شہید ہوگئے تھے۔ان کے ساتھ آرمی آفیسرز اور امریکی سفیر بھی سوار تھے۔

 (24نیوز)ایرانی میڈیا نے ہیلی کاپٹر حادثے میں صدر ابراہیم رئیسی کے جاں بحق ہونے کی تصدیق کردی۔

ایرانی میڈیا کے مطابق ہیلی کاپٹر حادثے میں ایران کے صدر ابراہیم رئیسی اور وزیر خارجہ بھی جاں بحق ہوگئے ہیں،ایرانی خبر رساں ادارے تہران ٹائمز کا بتانا ہےکہ ہیلی کاپٹر حادثہ تبریز سے 100 کلومیٹر دور پیش آیا جس میں  گورنر تبریز بھی جاں بحق ہوئے ہیں۔

 خبر ایجنسی کے مطابق ایرانی سپریم لیڈر آیت اللہ خامنہ ای کے ترجمان آیت اللہ علی ہاشم اور مشرقی آذربائیجان کے گورنر بھی اس ہیلی کاپٹر میں سوار تھے۔اس سے قبل ایرانی ہلال احمر کے سربراہ کا کہنا تھا کہ صدر رئیسی کا ہیلی کاپٹر کریش ہونے کے بعد زندہ بچے مسافروں کا کوئی نشان نہیں۔

ایرانی میڈیا کے مطابق صدر ابراہیم رئیسی کے ہیلی کاپٹر کریش ہونے کے مقام پر ہیلی کاپٹر کا ملبہ مل گیا ہے اور  ریسکیو ٹیمیں جائے حادثہ تک پہنچ گئی ہیں،اس سے قبل ایرانی عہدیدار نے بتایا تھا کہ ہیلی کاپٹر کے حادثے کے بعد صدر ابراہیم رئیسی کے بچنے اور زندہ ہونے کی توقعات کم ہیں، ایرانی صدر رئیسی کا ہیلی کاپٹر مکمل طور پر جل گیا ہے۔

پاسداران انقلاب نے بھی ہیلی کاپٹر حادثے کا ملبہ ملنے کی تصدیق کی،ترک میڈیا کے مطابق ترک ڈرون نے تپش موجود ہونےکا مقام ڈھونڈا جس کے بعد ترک حکام نے تپش کے مقام سے ایرانی حکام کو آگاہ کیا۔

یہ بھی پڑھیں: ہیلی کاپٹر حادثہ: ایرانی صدر ،وزیر خارجہ ،گورنر تبریز جاں بحق ہوگئے،میڈیا نے تصدیق کردی
 خیال رہے کہ  ایرانی صدر کا ہیلی کاپٹر خراب موسمی حالات میں دیزمر جنگل میں کریش ہوا، حادثہ ضلع اُوزی اور پیر داؤد قصبے کےدرمیانی علاقے میں پیش آیا،میڈیا رپورٹس کے مطابق ہیلی کاپٹر حادثے کی وجہ شدید دھند اور بارش کو قرار دیا گیاہے، پرواز  کے آدھے گھنٹے بعدصدارتی ہیلی کاپٹر کا دیگر 2 ہیلی کاپٹروں سے رابطہ منقطع ہوا۔

اس سے قبل ایران کے نائب صدر برائے ایگزیکٹوامور محسن منصوری نے تصدیق کرتے ہوئے کہا تھا کہ ایرانی صدر ابراہیم رئیسی کے وفد میں شامل شامل دو افراد نے ریسکیو ٹیم سے رابطہ کرلیا ہے،ایرانی صدر ابراہیم رئیسی ڈیم کے افتتاح کے بعد واپس تبریز جا رہے تھے، ڈیم کی افتتاحی تقریب میں آذربائیجانی صدر نے بھی شرکت کی تھی۔

حادثے کا شکار ہونے والے ہیلی کاپٹر میں صدر رئيسی کے ساتھ ایرانی وزير خارجہ حسین امیرعبداللہیان، مشرقی آذر بائیجان کے گورنر مالک رحمتی اور ایرانی سپریم لیڈر کے ترجمان بھی سوار تھے۔

 ہیلی کاپٹر حادثے میں جاں بحق ہونے والے ایرانی صدر ابراہیم رئیسی 2021 سے اسلامی جمہوریہ ایران کے صدر تھے،14 دسمبر 1960 کو ایران کے شہر مشہد کے ایک مذہبی گھرانے میں پیدا ہونے والے ابراہیم رئيسی قدامت پسند سیاستدان، اسلامی قانون دان اور مصنف بھی تھے۔

ابراہیم رئیسی نے مذہبی تعلیمات کا ٓآغاز قُم کے مدرسے سے کیا اور 20 سال کی عمر میں ہی وہ ایران کے عدالتی نظام کا حصہ بن گئے،کرج شہر کے پراسیکیوٹر نامزد ہونے سے لے کر ہمادان اور پھر تہران کے پراسیکیوٹر جنرل بنے، وہاں سے جوڈیشل اتھارٹی کے نائب سربراہ اور پھر 2014 میں ایران کے پراسیکیوٹر جنرل مقرر ہوئے۔

1988 میں ابراہیم رئیسی اُس پراسیکیوشن کمیٹی کا حصہ تھے جس نے ملک بھر میں بے شمار سیاسی قیدیوں کو سزائے موت سنائی۔

(ویب ڈیسک)ایرانی عہدیدار نے کہا ہے کہ ہیلی کاپٹر کے حادثے کے بعد صدر رئیسی کے بچنے اور زندہ ہونے کی توقعات کم ہیں۔

برطانوی خبر ایجنسی سے گفتگو کرتے ہوئے ایک ایرانی عہدیدار نے کہا کہ حادثے میں ایرانی صدر ابراہیم رئیسی کا ہیلی کاپٹر مکمل طور پر جل گیا ہے۔

انہوں نے کہا کہ بدقسمتی سے ایرانی صدر رئیسی کے ہیلی کاپٹر کے حادثے میں تمام مسافروں کے جاں بحق ہونے کا خدشہ ہے،اس سے پہلے ایرانی ریڈ کریسینٹ کے سربراہ نے بھی کہا تھا کہ صورتحال اچھی نہیں ہے۔

یہ بھی پڑھیں:صدر ابراہیم رئیسی مکمل خیریت سے ہیں،ایرانی نیوز ایجنسی کا دعویٰ

دوسری جانب ایرانی میڈیا کا کہنا ہے کہ سرچ ٹیمیں ایرانی صدر کے تباہ ہیلی کاپٹر کے ملبے تک پہنچ گئی ہیں۔

ایران کی خبر رساں ایجنسی تسنیم کے مطابق صدر کے ہیلی کاپٹر کا ملبہ ایک پہاڑی سے ملا ہے

(24نیوز)ایرانی صدر کے ہیلی کاپٹر حادثے پر  صدر مملکت آصف زرداری اور وزیراعظم شہباز شریف سپیکر قومی اسمبلی آیاز صادق کی جانب سے گہری تشویش کا اظہار کیا گیا ہے۔ 

تفصیلات کے مطابق صدر مملکت آصف علی زرداری نے اپنے بیان میں کہا ہے کہ ایرانی صدر، وزیرخارجہ اور دیگر لوگوں کے ہیلی کاپٹر سے متعلق خبر پر گہری تشویش ہے، صدر رئیسی کی صحت و سلامتی کے لیے دل سے دعا گو ہوں۔

وزیر اعظم شہباز شریف نے کہا ہے کہ ایرانی صدر ابراہیم رئیسی سے متعلق افسوسناک خبر  سنی، بے چینی سے اچھی خبر کا انتظار ہے کہ سب ٹھیک ہے، انہوں نے کہا کہ ہماری نیک خواہشات ایرانی صدر اور قوم کے ساتھ  ہیں۔

اسپیکر قومی اسمبلی سردار ایاز صادق کا اظہار تشویش کرتے ہوئے کہنا ہے کہ پاکستان کی پارلیمان ،عوام اور میری دعا ہے کہ ایرانی صدر رئیسی اور ان کے تمام رفقاء اس حادثے میں محفوظ اور بخیرئیت ہو،صدر رئیسی سے ان کے حالیہ دورہ پاکستان میں انتہائی مفید ملاقات ہوئی تھی، انہیں پاک ایران دوستی کا اور خطے میں مشترکہ ترقی اور خوشحالی کا بھرپور داعی پایا،مشکل اور امتحان کی اس گھڑی میں پاکستان کی پارلیمان اور عوام اپنے ایرانی بھائیوں اور بہنوں کے شانہ با شانہ کھڑے ہیں۔

خیال رہے کہ آج ایران اور آذربائیجان کی سرحد پر ڈیم کے افتتاح کی تقریب سے واپسی پر ایرانی صدر کے  ہیلی کاپٹر کی مشرقی آذربائیجان صوبے میں حادثے کی اطلاعات موصول ہوئی تھیں۔

ایرانی وزیر داخلہ کا کہنا ہے کہ خراب موسم کی وجہ سے ایرانی صدرکے ہیلی کاپٹر نے ہارڈ لینڈنگ کی، ایرانی صدر اور ان کا وفد متعدد ہیلی کاپٹروں میں سوار تھا۔

ان کا کہنا تھا کہ موسم کی خرابی کی وجہ سے ایک ہیلی کاپٹر نے ہارڈ لینڈنگ کی، دشوارگزار  علاقے کی وجہ سے ہیلی کاپٹر تک پہنچنے میں کچھ وقت لگ سکتا ہے۔

یہ بھی پڑھیں:ہیلی کاپٹرحادثے پر ایرانی سپریم لیڈر علی خامنہ ای کا بیان

(ویب ڈیسک)ایرانی صدر ابراہیم رئیسی کے ہیلی کاپٹر حادثے پر امریکی دفتر خارجہ کابھی بیان آ گیا۔
ترجمان دفتر خارجہ کا کہنا ہے کہ ہیلی کاپٹر حادثے سے متعلق خبروں پر ہماری نظر ہے۔

ایران کے صدر ابراہیم رئیسی کا ہیلی کاپٹر حادثے کا شکار ہو گیا، ایرانی وزیر خارجہ بھی ہیلی کاپٹر میں سوارتھے ، ہیلی کاپٹر کی تلاش جاری ہے۔ ایرانی میڈیا کے مطابق ایرانی صدر ابراہیم رہیسی کے قافلے میں شامل 3 ہیلی کاپٹروں میں سے 2 ہیلی کاپٹر منزل پر پہنچ گئے اور ایک نہیں پہنچا، ایرانی صدر کا قافلہ مشرقی آذر بائیجان میں ڈیم کا افتتاح کر کے واپس آ رہا تھا۔

 ایرانی میڈیا کا مزید کہنا ہے کہ صدر ابراہیم رئیسی کے ہیلی کاپٹر نے  ہنگامی لینڈنگ کی، خراب موسم کے باعث پائلٹ سے رابطہ نہیں ہو سکا،ریسکیو ٹیمیں اور ایمبولینسز جائے حادثہ کی طرف روانہ کر دی گئی ہیں۔

یہ بھی پڑھیں: ابراہیم رئیسی کے ہیلی کاپٹر کو حادثہ،آذربائیجان کے صدر کا اہم بیان

(ویب ڈیسک)ہیلی کاپٹر حادثے کا شکار ہونے والے ایران کے صدر ابراہیم رئیسی کی تلاش جاری ہے،دوسری جانب آیت اللہ خامنہ ای کی زیرصدارت ایرانی سپریم کونسل کا ہنگامہ اجلاس جاری ہے،ایرانی سرکاری ٹی وی نے عوام کو صدر کی سلامتی کیلئے دعاؤں کی اپیل کی ہے۔

تفصیلات کے مطابق ایرانی صدر کا ہیلی کاپٹر مشرقی آذربائیجان میں ڈیم کا افتتاح کرنے کے بعد واپس آتے ہوئے حادثے کا شکار ہو گیا تھا،  ایرانی میڈیا کا مزید کہنا ہے کہ صدر ابراہیم رئیسی کے ہیلی کاپٹر نے حادثے کے بعد ہنگامی لینڈنگ کی، ہیلی کاپٹر میں سوار چند افراد سے رابطہ ہوا ہے، امید ہے کہ تمام سوار بخیریت ہوں گے۔

ایرانی وزیر داخلہ نے صدر کے ہیلی کاپٹر کو پیش آنے والے حادثے کی تصدیق کر دی۔ ایرانی وزیرداخلہ احمد وحیدی نے ہنگامی پریس کانفرنس کے دوران کہا ہے کہ صدر رئیسی کے ہیلی کاپٹر کی کریش لینڈنگ ہوئی، ریسکیو ٹیمیں حادثے کی جگہ روانہ ہو گئی ہیں، موسم کی خرابی کے باعث ریسکیو آپریشن میں مشکلات کا سامنا ہے۔

ایرانی نیوز ایجنسی نے دعویٰ کیا ہے کہ ایرانی صدر ابراہیم رئیسی مکمل خیریت سے ہیں،صدر رئیسی گاڑی میں تبریز کی جانب سفر کررہے ہیں۔

یہ بھی پڑھیں: ’’صدر رئیسی اور وزیرخارجہ کی زندگیاں۔۔۔‘‘ ایرانی حکام کا اہم بیان آ گیا