ایرانی صدر ابراہیم رئیسی اور وزیر خارجہ ہیلی کاپٹر حادثے میں جاں بحق

ایران کے صدارتی الیکشن کیلئے دوبارہ ووٹنگ ہوگی

(24 نیوز)ایران کے قبل ازوقت صدارتی انتخابات میں کوئی بھی امیدوار مطلوبہ اکثریت حاصل نہ کرسکا ،اب صدارتی انتخابات کیلئے دوبارہ ووٹنگ ہوگی ،دوبارہ ووٹنگ میں دو امیدواروں کے درمیان مقابلہ ہوگا۔

عرب میڈیا کے مطابق ایرانی وزارت داخلہ نے اس بات کی تصدیق کی ہے کہ صدارتی انتخابات میں کسی امیدوار کو اکثریت (50 فیصد ووٹ) نا ملنے کے باعث ایران میں 5 جولائی کو دوبارہ صدارتی الیکشن منعقد ہونگے، صدارتی الیکشن کے دوسرے مرحلے میں مسعود پزیشکیان اور  سعید جلیلی میں مقابلہ ہوگا۔

رپورٹ میں بتایا گیا ہے کہ جمعہ کو  ہونے والے انتخابات میں جو نتائج سامنے آئے ہیں ان میں مسعود پزیشکیان تقریباً ایک کروڑ 40 لاکھ ووٹ لیکر سب سے آگئے رہے جب کہ ان کے مضبوط حریف سعید جلیلی نے تقریباً  95 لاکھ ووٹ حاصل کیے، محمد باقر 34 لاکھ ووٹ لیکر تیسرے نمبر  پر ہیں جبکہ مصطفیٰ پور محمدی محض 2 لاکھ سے کچھ زائد ووٹ حاصل کرسکے۔

حارث رؤف کی اہلیہ اور والدہ کیساتھ کرکٹ کھیلنے کی ویڈیو وائرل

(24 نیوز)قومی کرکٹر حارث رؤف کی والدہ اور اہلیہ کیساتھ کرکٹ کھیلنے کی ویڈیو  سوشل میڈیا پر وائرل ہو گئی۔

حارث رؤف نے اپنی ویڈیو سوشل میڈیا ایپلیکیشن انسٹاگرام پر پوسٹ کی جہاں وہ سُہانے موسم سے لطف اندوز ہوتے ہوئے اپنے گھر کے ٹیرس پر کرکٹ کھیل رہے ہیں۔

ویڈیو میں دیکھا جا سکتا ہے کہ حارث رؤف اپنی والدہ کو گیند کروا رہے ہیں تو کہیں اپنی اہلیہ مزنا اور والدہ کی بالنگ پر شاٹ کھیل رہے ہیں۔

ایرانی صدر کے بعد ملک کی ذمہ داریاں کون سنبھالے گا؟

(24 نیوز)ایران کے صدر ابراہیم رئیسی کے ہیلی کاپٹر حادثے میں جاں بحق ہونے کے بعد اب ملک کے نائب صدر اسلامی جمہوریہ ایران کے صدر کی ذمہ داریاں نبھائیں گے۔

ایرانی صدر ابراہیم رئیسی کا ہیلی کاپٹر موسم کی خرابی کے باعث تبریز شہر میں گر کر تباہ ہوا، حادثے کے وقت ہیلی کاپٹر میں ایرانی صدر کے ہمراہ وزیر خارجہ حسین عامر عبدالہیان، ایران کے سپریم لیڈر آیت اللہ علی خامنہ ای کے ترجمان اور ایران کے صوبے مشرقی آذر بائیجان کے گورنر رحمت کلمتی کے علاوہ دیگر اعلیٰ عہدیداران بھی سوار تھے۔

گزشتہ روز سے ہی حادثے کا شکارہ ہونے والے ایرانی صدر کے ہیلی کاپٹر کی تلاش کا کام جاری تھا اور تاہم خراب موسم کے باعث ہیلی کاپٹر کے حادثے کے مقام کا پتہ لگانے میں تاخیر ہوئی اور آج صبح ریسکیو ٹیمیں جائے حادثہ تک پہچیں۔

صدر ابراہیم رئیسی کے ہیلی کاپٹر کوحادثہ،ایرانی سفیر نے اہم پیغام دےدیا

(24 نیوز)پاکستان میں ایران کے سفیر رضا امیری مغدم نے ایرانی صدر ابراہیم رئیسی کے ہیلی کاپٹر حادثے سے متعلق پاکستان کے ساتھ کو خراج تحسین پیش کردیا۔

تفصیلات کے مطابقپاکستان میں ایرانی سفیر رضا امیری مغدم نے اپنے پیغام میں کہا کہ میں معزز صدر آصف علی زرداری, وزیر اعظم محمد شہباز شریف اور تمام پاکستانی بہن بھائیوں کر خراج تحسین پیش کرتا ہوں کہ انہوں نے اس مشکل وقت میں ایرانی عوام کے لیے دعاؤں اور ہمدردی کا اظہار کیا ۔

انہوں نے کہا کہ  ہم سب تہہ دل سے  صدر رئیسی، وزیر خارجہ امیرعبداللہیان اور ہیلی کاپٹر پر سوار دیگر لوگوں کی خیریت اور سلامتی کے لیے دعا گو ہیں۔

ہیلی کاپٹر حادثہ: ایرانی صدر ،وزیر خارجہ ،گورنر تبریز جاں بحق ہوگئے،میڈیا نے تصدیق کردی

 (24 نیوز)ایرانی میڈیا نے ہیلی کاپٹر حادثے میں صدر ابراہیم رئیسی کے جاں بحق ہونے کی تصدیق کردی۔

ایرانی میڈیا کے مطابق ہیلی کاپٹر حادثے میں ایران کے صدر ابراہیم رئیسی اور وزیر خارجہ جاں بحق ہوگئے ہیں۔ایرانی صوبہ تبریز کے گورنر بھی اس ہیلی کاپٹر میں موجود تھے۔ایرانی سپریم لیڈر آیت اللہ خامنہ ای کے ترجمان اور مشرقی آذربائیجان کے گورنر بھی اس ہیلی کاپٹر میں سوار تھے۔
ایرانی خبر رساں ادارے تہران ٹائمز کا بتانا ہےکہ ہیلی کاپٹر حادثہ تبریز سے 100 کلومیٹر دور پیش آیا جس میں  گورنر تبریز بھی جاں بحق ہوئے ہیں۔خبر ایجنسی کے مطابق ایرانی سپریم لیڈر آیت اللہ خامنہ ای کے ترجمان آیت اللہ علی ہاشم اور مشرقی آذربائیجان کے گورنر بھی اس ہیلی کاپٹر میں سوار تھے۔

ایرانی میڈیا  نے کہا کہ سرچ ٹیمیں صدر ابراہیم رئیسی اور ایرانی وزیرخارجہ حسین امیر عبداللہیان کے حادثے کا شکارہونیوالے ہیلی کاپٹر کے ملبے تک پہنچ گئی ہیں۔خبر رساں ادارے کے مطابق ایران کے ہلال احمر کے سربراہ نے کہا ہے کہ ایرانی صدر ابراہیم رئیسی کا لاپتہ ہیلی کاپٹر مل گیا ہے لیکن صورتحال بہتر نہیں ہے،علاوہ ازیں ترکیہ کے ڈرون نے تپش کے ایک ماخذ کی نشاندہی کی ہے جو ممکنہ طور پر ایرانی صدر رئیسی کے تباہ ہیلی کاپٹر کا ملبہ ہو سکتا ہے۔

ادھر ایرانی عہدیدار نے کہا ہے کہ ہیلی کاپٹر کے حادثے کے بعد صدر رئیسی کے بچنے اور زندہ ہونے کی توقعات کم ہیں، برطانوی خبر ایجنسی سے گفتگو کرتے ہوئے ایک ایرانی عہدیدار نے کہا کہ حادثے کے مقام پر زندگی کے کوئی آثار نہیں کیونکہ اس جگہ پر موجود ہیلی کاپٹر مکمل طور پر جل گیا ہے،انہوں نے کہا کہ بدقسمتی سے ایرانی صدر رئیسی کے ہیلی کاپٹر کے حادثے میں تمام مسافروں کے جاں بحق ہونے کا خدشہ ہے۔

صدر رئیسی کے زندہ ہونے کی توقعات کم ہیں، ایرانی عہدیدار

(ویب ڈیسک)ایرانی عہدیدار نے کہا ہے کہ ہیلی کاپٹر کے حادثے کے بعد صدر رئیسی کے بچنے اور زندہ ہونے کی توقعات کم ہیں۔

برطانوی خبر ایجنسی سے گفتگو کرتے ہوئے ایک ایرانی عہدیدار نے کہا کہ حادثے میں ایرانی صدر ابراہیم رئیسی کا ہیلی کاپٹر مکمل طور پر جل گیا ہے۔

انہوں نے کہا کہ بدقسمتی سے ایرانی صدر رئیسی کے ہیلی کاپٹر کے حادثے میں تمام مسافروں کے جاں بحق ہونے کا خدشہ ہے،اس سے پہلے ایرانی ریڈ کریسینٹ کے سربراہ نے بھی کہا تھا کہ صورتحال اچھی نہیں ہے۔

ایرانی سرکاری ٹی وی کا حادثے کا شکار ہیلی کاپٹر سے متعلق بڑا دعویٰ

(ویب ڈیسک)ایران کے سرکاری ٹی وی نے دعویٰ کیا ہے کہ ریسکیو ٹیموں کو حادثے کا شکار ہیلی کاپٹر مل گیا ۔تاہم ریڈکریسنٹ نے ایرانی صدر کا ہیلی کاپٹر ملنے کے سرکاری رپورٹ کی تردید کر دی۔
تفصیلات ریسکیو ٹیموں نے حادثے کا شکار ہیلی کاپٹر کو تلاش کرلیا ہے،تاہم ایرانی صدر ابراہیم رئیسی اور دیگر افراد سے متعلق تفصیلات نہیں بتائی گئیں۔

ایران کے صدر ابراہیم رئیسی کا ہیلی کاپٹر حادثے کا شکار ہو گیا، ایرانی وزیر خارجہ بھی ہیلی کاپٹر میں سوارتھے ، ایرانی میڈیا کے مطابق ایرانی صدر ابراہیم رہیسی کے قافلے میں شامل 3 ہیلی کاپٹروں میں سے 2 ہیلی کاپٹر منزل پر پہنچ گئے اور ایک نہیں پہنچا، ایرانی صدر کا قافلہ مشرقی آذر بائیجان میں ڈیم کا افتتاح کر کے واپس آ رہا تھا۔

  ایرانی میڈیا کا مزید کہنا ہے کہ صدر ابراہیم رئیسی کے ہیلی کاپٹر نے  ہنگامی لینڈنگ کی، خراب موسم کے باعث پائلٹ سے رابطہ نہیں ہو سکا۔

ایرانی صدر کے ہیلی کاپٹر حادثے پر صدر مملکت، وزیراعظم کا اظہار تشویش

(24نیوز)ایرانی صدر کے ہیلی کاپٹر حادثے پر  صدر مملکت آصف زرداری اور وزیراعظم شہباز شریف سپیکر قومی اسمبلی آیاز صادق کی جانب سے گہری تشویش کا اظہار کیا گیا ہے۔ 

تفصیلات کے مطابق صدر مملکت آصف علی زرداری نے اپنے بیان میں کہا ہے کہ ایرانی صدر، وزیرخارجہ اور دیگر لوگوں کے ہیلی کاپٹر سے متعلق خبر پر گہری تشویش ہے، صدر رئیسی کی صحت و سلامتی کے لیے دل سے دعا گو ہوں۔

وزیر اعظم شہباز شریف نے کہا ہے کہ ایرانی صدر ابراہیم رئیسی سے متعلق افسوسناک خبر  سنی، بے چینی سے اچھی خبر کا انتظار ہے کہ سب ٹھیک ہے، انہوں نے کہا کہ ہماری نیک خواہشات ایرانی صدر اور قوم کے ساتھ  ہیں۔

اسپیکر قومی اسمبلی سردار ایاز صادق کا اظہار تشویش کرتے ہوئے کہنا ہے کہ پاکستان کی پارلیمان ،عوام اور میری دعا ہے کہ ایرانی صدر رئیسی اور ان کے تمام رفقاء اس حادثے میں محفوظ اور بخیرئیت ہو،صدر رئیسی سے ان کے حالیہ دورہ پاکستان میں انتہائی مفید ملاقات ہوئی تھی، انہیں پاک ایران دوستی کا اور خطے میں مشترکہ ترقی اور خوشحالی کا بھرپور داعی پایا،مشکل اور امتحان کی اس گھڑی میں پاکستان کی پارلیمان اور عوام اپنے ایرانی بھائیوں اور بہنوں کے شانہ با شانہ کھڑے ہیں۔

خیال رہے کہ آج ایران اور آذربائیجان کی سرحد پر ڈیم کے افتتاح کی تقریب سے واپسی پر ایرانی صدر کے  ہیلی کاپٹر کی مشرقی آذربائیجان صوبے میں حادثے کی اطلاعات موصول ہوئی تھیں۔

ایرانی وزیر داخلہ کا کہنا ہے کہ خراب موسم کی وجہ سے ایرانی صدرکے ہیلی کاپٹر نے ہارڈ لینڈنگ کی، ایرانی صدر اور ان کا وفد متعدد ہیلی کاپٹروں میں سوار تھا۔

ان کا کہنا تھا کہ موسم کی خرابی کی وجہ سے ایک ہیلی کاپٹر نے ہارڈ لینڈنگ کی، دشوارگزار  علاقے کی وجہ سے ہیلی کاپٹر تک پہنچنے میں کچھ وقت لگ سکتا ہے۔

ہیلی کاپٹرحادثے پر ایرانی سپریم لیڈر علی خامنہ ای کا بیان

(ویب ڈیسک)ایران کے سپریم لیڈرعلی خامنہ ای نے ہیلی کاپٹر حادثے پر کہا ہے کہ صدر رئیسی کی سلامتی کیلئے دعاگو ہوں۔
ایرانی سپریم لیڈر کا کہناتھا کہ واقعے سے ملکی انتظامی معاملات متاثر نہیں ہوں گے،شہریوں کو ملکی معاملات پر فکرمند ہونے کی ضرورت نہیں۔

ہیلی کاپٹر حادثے سے متعلق خبروں پر ہماری نظر ہے،امریکا

(ویب ڈیسک)ایرانی صدر ابراہیم رئیسی کے ہیلی کاپٹر حادثے پر امریکی دفتر خارجہ کابھی بیان آ گیا۔
ترجمان دفتر خارجہ کا کہنا ہے کہ ہیلی کاپٹر حادثے سے متعلق خبروں پر ہماری نظر ہے۔

ایران کے صدر ابراہیم رئیسی کا ہیلی کاپٹر حادثے کا شکار ہو گیا، ایرانی وزیر خارجہ بھی ہیلی کاپٹر میں سوارتھے ، ہیلی کاپٹر کی تلاش جاری ہے۔ ایرانی میڈیا کے مطابق ایرانی صدر ابراہیم رہیسی کے قافلے میں شامل 3 ہیلی کاپٹروں میں سے 2 ہیلی کاپٹر منزل پر پہنچ گئے اور ایک نہیں پہنچا، ایرانی صدر کا قافلہ مشرقی آذر بائیجان میں ڈیم کا افتتاح کر کے واپس آ رہا تھا۔

 ایرانی میڈیا کا مزید کہنا ہے کہ صدر ابراہیم رئیسی کے ہیلی کاپٹر نے  ہنگامی لینڈنگ کی، خراب موسم کے باعث پائلٹ سے رابطہ نہیں ہو سکا،ریسکیو ٹیمیں اور ایمبولینسز جائے حادثہ کی طرف روانہ کر دی گئی ہیں۔

ابراہیم رئیسی کے ہیلی کاپٹر حادثے میں لاپتہ ہونے پر شدید پریشانی ہے،صدر آذربائیجان

(ویب ڈیسک)صدرآذربائیجان الہام علی نے کہاہے کہ ایرانی صدر ابراہیم رئیسی کے ہیلی کاپٹر حادثے میں لاپتہ ہونے پر شدید پریشانی ہے۔
اپنے بیان میں آذربائیجان کے صدر نے کہاکہ ابراہیم رئیسی اور ان کے وفد کی خیریت کیلئے دعاگو ہیں،پڑوسی اور دوست ملک کی حیثیت سے آذربائیجان ہر قسم کی سپورٹ فراہم کرنے کیلئے تیار ہے۔

ابراہیم رئیسی کے ہیلی کاپٹر کو حادثہ، آیت اللہ خامنہ ای کی زیرصدارت ہنگامہ اجلاس جاری

(ویب ڈیسک)ہیلی کاپٹر حادثے کا شکار ہونے والے ایران کے صدر ابراہیم رئیسی کی تلاش جاری ہے،دوسری جانب آیت اللہ خامنہ ای کی زیرصدارت ایرانی سپریم کونسل کا ہنگامہ اجلاس جاری ہے،ایرانی سرکاری ٹی وی نے عوام کو صدر کی سلامتی کیلئے دعاؤں کی اپیل کی ہے۔

تفصیلات کے مطابق ایرانی صدر کا ہیلی کاپٹر مشرقی آذربائیجان میں ڈیم کا افتتاح کرنے کے بعد واپس آتے ہوئے حادثے کا شکار ہو گیا تھا،  ایرانی میڈیا کا مزید کہنا ہے کہ صدر ابراہیم رئیسی کے ہیلی کاپٹر نے حادثے کے بعد ہنگامی لینڈنگ کی، ہیلی کاپٹر میں سوار چند افراد سے رابطہ ہوا ہے، امید ہے کہ تمام سوار بخیریت ہوں گے۔

ایرانی وزیر داخلہ نے صدر کے ہیلی کاپٹر کو پیش آنے والے حادثے کی تصدیق کر دی۔ ایرانی وزیرداخلہ احمد وحیدی نے ہنگامی پریس کانفرنس کے دوران کہا ہے کہ صدر رئیسی کے ہیلی کاپٹر کی کریش لینڈنگ ہوئی، ریسکیو ٹیمیں حادثے کی جگہ روانہ ہو گئی ہیں، موسم کی خرابی کے باعث ریسکیو آپریشن میں مشکلات کا سامنا ہے۔

ایرانی نیوز ایجنسی نے دعویٰ کیا ہے کہ ایرانی صدر ابراہیم رئیسی مکمل خیریت سے ہیں،صدر رئیسی گاڑی میں تبریز کی جانب سفر کررہے ہیں۔