عمران خان کوموت کی کوٹھڑی میں رکھا گیا ہے،پی ٹی آئی رہنماؤں نے سہولیات کی تردید کردی

(24 نیوز)پیپلزپارٹی نے حکومت سے نیب ختم کرنےکا مطالبہ کردیا،پاکستان پیپلز پارٹی کے چیئرمین بلاول بھٹو زرداری نے کہا ہے کہ نیب اور معیشت ساتھ ساتھ نہیں چل سکتے،بزنس مین نیب سے ڈرکر بیرون ملک چلے جاتے ہیں،عوام کا یہ مسئلہ نہیں کہ کون جیل جائےگا، کون نہیں،عوام کے بنیادی مسائل،روٹی ،کپڑا اور مکان ہے۔
قومی اسمبلی کےاجلاس میں اظہار خیال کرتے ہوئے بلاول بھٹو نے کہا ہے کہ ہم عوام کے مسائل جانتے ہیں، عوام کا مسئلہ بڑھتی مہنگائی اوربیروزگاری ہے،پاکستان کے دیرینہ مسائل کا حل چارٹرآف اکانومی ہے،چارٹر آف اکانومی کہیں سے ڈکٹیٹ نہیں ہوسکتا،ہم نے اس حکومت اور وزیراعظم کا ساتھ دینے کا فیصلہ کیا،حکومت اور اپوزیشن بنچوں پر بیٹھے دوستوں کو بھی ہم سے بات کرنا پڑےگی۔

ضرورپڑھیں: فیصل صدیقی صاحب اگر آپ نے کاغذات فائل کئے ہوتے تو سوالات نہیں پوچھنے پڑتے:چیف جسٹس
چیئرمین پیپلز پارٹی کا کہنا تھا کہ مہنگائی میں کمی آرہی ہے، امید ہے حکومت کی یہ پالیسی جاری رہے گی،بجٹ سے قبل دیگر جماعتوں سے مشاورت کی جاتی تو بہتر ہوتا،ہم حکومت کو اچھے مشورے ہی دیتے،حکومت دعوے کرتی ہے کہ عام آدمی پر ٹیکسوں کا بوجھ نہیں پڑےگا،بدقسمتی سے بجٹ میں ان ڈائریکٹ ٹیکسوں پر زور دیا جاتاہے،ان ڈائریکٹ ٹیکسز کا بوجھ عام آدمی کو اٹھانا پڑتاہے۔

ان کا کہنا تھا کہ عوام امید رکھتے ہیں کہ ہم ذاتی مسلئے سائیڈ پر رکھیں گے، وزیراعظم شہباز شریف میثاقِ معیشت کی بات کی، میثاقِ معیشت کے بغیر مسائل کا حل نہیں مل سکتا،پیپلز پارٹی اور مسلم لیگ ن کے درمیان ایک معاہدے کے تحت حکومت بنی،معاہدے کے تحت پی ایس ڈی پی باہمی مشاورت کے ساتھ بننا چاہئے تھا،وزیراعظم،وزیر خزانہ کو مشورہ ہے اتحادیوں اور اپوزیشن کے ساتھ مشاورت ہونی چاہیے تھی۔
بلاول بھٹو کا کہنا تھا کہ امید ہےوزیراعظم اور ان کی ٹیم پاکستان کو مشکلات سے نکالنے میں کامیاب ہو گی، بینظیر انکم سپورٹ پروگرام کے حجم میں 27 فیصد اضافہ قابلِ ستائش ہے، پی ٹی آئی حکومت میں باجوہ ڈاکٹرائن کے نام پر اپوزیشن نشانے پر تھی،18ویں ترمیم، این ایف سی ایوارڈ ،بینظیر انکم سپورٹ پروگرام ختم کرنے کی سازش کی گئی،ہم عام آدمی کو محصولات کی مد میں ریلیف دینے میں اب تک ناکام ہیں۔

ان کا کہنا تھا کہ اس بجٹ میں 70سے80فیصد ان ڈائریکٹ ٹیکس لگائے گئے،18وزارتیں ختم ہونی چاہئے تھیں جو کہ اب تک نہیں ہوئیں، بی آئی ایس پی کو آئینی تحفظ ملنا چاہئے کہ اسے کوئی نقصان نہ ہو،پڑوسی ملک کی حکومت ایگریکلچر کو اربوں روپے فنڈز دیتی ہے،اگر ہم اس سے آدھا بھی کسانوں کو سپورٹ کریں تو مقابلہ کیا جاسکتاہے،حکومت کو تجویز ہے کہ فارمرز کو سپورٹ کرے،فیصلے کرتے ہوئے ہمیں سوچنا چاہئے کہ ہمارا مقابلہ کس سے ہے۔

بلاول بھٹو نے کہا ہے کہ نیب سیاسی لوگوں کو بدنام کرنے کا انجینئرڈادارہ ہے،  نیب اور معیشت ساتھ ساتھ نہیں چل سکتے،بزنس مین نیب سے ڈرکر بیرون ملک چلے جاتے ہیں۔

نائب وزیر اعظم  سینٹر اسحاق ڈار نے بلاول بھٹو کا جواب دیتے ہوئے کہا کہ  بلاول بھٹو کی آج کی تجاویز کو بجٹ میں شامل کریں گے،وزارت خزانہ کا کام ہے کہ اچھی تجاویز کو بجٹ میں شامل کرے،بطور وزیرخزانہ 5بجٹ پیش کئے، ارکان کی اچھی تجاویز کو شامل کیا۔
ان کا کہنا تھا کہ یہ کہنا غلط ہے کہ سینیٹ کی قائمہ کمیٹی برائے خزانہ نے کوئی کام نہیں کیا،سینیٹ کی قائمہ کمیٹی برائے خزانہ آئین کے مطابق کام کرتی ہے،آئین میں ہے کہ سینیٹ اپنی تجاویز 14روز میں قومی اسمبلی کو بھیجے۔

(عثمان خان)قومی اسمبلی اجلاس میں خواجہ آصف کا اظہار خیال،وزیردفاع کو مائیک دینے پر اپوزیشن کا ہنگامہ ،احتجاج،اپوزیشن کےایوان میں آپریشن نامنظور کے نعرے،جے یو آئی کے ارکان بھی احتجاج میں شریک ہوگئے۔وزیر دفاع نے کہا ہے کہ ایسا کوئی فیصلہ نہیں کرینگے جو متنازعہ ہو۔یہ کل بھی 9مئی والے تھے، آج بھی 9مئی والے ہیں۔یہ اپنی اوقات دکھا رہےہیں،اپوزیشن شہدا کیخلاف اور دہشت گردوں کیساتھ کھڑی ہے۔ان کا لیڈر جنرل باجوہ کو تاحیات ایکسٹینشن دینے کی باتیں کرتاتھا ۔بجلی چوری بھی یہ کرتے ہیں ۔اور احتجاج بھی یہ کرتے ہیں۔ وزیردفاع خواجہ آصف کاآپریشن عزم استحکام کا معاملہ پارلیمنٹ میں لانے کااعلان کہاایسا کوئی فیصلہ نہیں کرینگے جو متنازعہ ہو۔اپیکس کمیٹی کے فیصلو ں کووفاقی کابینہ میں لے کرجائیں گے۔

قومی اسمبلی کا اجلاس ڈپٹی سپیکر کی زیر صدارت ہوا،اجلاس میں شروع ہوا تو اپوزیشن نے واک آؤٹ کردیا ،اپوزیشن ارکان واپس آئے تو سپیکر کے وزیردفاع کو مائیک دینے پر دوبارہ تنازع شروع ہوگیا،اپوزیشن نے ہنگامہ کردیا ،نعرے بازی کی ۔

قومی اسمبلی میں اظہار خیال کرتے ہوئے وزیردفاع خواجہ محمد آصف نے کہا ہے کہ میں بولوں گا،کوئی نہیں روک سکتا،ایوان میں بلیک میلنگ نہیں چلے گی۔اقلیتوں کا ملک میں رہنے کا برابر حق ہے،اپوزیشن جو مسئلہ اٹھانا چاہتی ہے،اسکا بھی جواب دونگا۔

خواجہ آصف کا کہنا تھا کہ پاکستان میں کوئی مذہبی اقلیت محفوظ نہیں،ایپکس کمیٹی کے فیصلے وفاقی کابینہ میں لیکرجارہے ہیں،یہ 9مئی والے ہیں اور ہمیشہ 9مئی والے رہیں گے،بجلی یہ چوری کرتے ہیں، بندکرتے ہیں تو احتجاج کرتے ہیں،یہ نہ ملک ،نہ ایوان، نہ آئین کیساتھ ہیں، صرف اپنی سیاست کیساتھ ہیں،اپوزیشن والے اپنی اوقات دکھا رہےہیں۔

خواجہ آصف نے کہا ہے کہ آپریشن عزم استحکام کا معاملہ پارلیمنٹ میں بھی لائینگے، اندر بیٹھا لیڈربھی روز پینترے بدلتاہے،ایسا کوئی فیصلہ نہیں کرینگے جو متنازعہ ہو، ان کا لیڈر جنرل باجوہ کو تاحیات ایکسٹیشن کی باتیں کرتاتھا، اپوزیشن مظاہرہ کرکےشہدا کیخلاف اور دہشتگردوں کیساتھ کھڑی ہے،یہ آج بھی 9 مئی کے مؤقف سے پیچھے نہیں ہٹے،اپوزیشن گالی اور تشدد کی سیاست کرنا چاہتی ہے۔

وزیردفاع کی تقریر کے بعد قومی اسمبلی کا اجلاس ایک گھنٹے کیلئے ملتوی کردیا گیا۔

(عثمان خان)قومی اسمبلی کی راہداریوں میں ٹک ٹاکرز ، یو ٹیوبرز اور میڈیا کی طرف سے ویڈیو بنانے پر پابندی عائد،مسلم لیگ ق کے طارق بشیر چیمہ کے رواں سیشن میں ایوان میں داخلے کو بین کردیا گیا۔

 قومی اسمبلی کا اجلاس اسپیکر سردار ایاز صادق کی صدارت میں  ہوا،وزیر دفاع خواجہ محمد آصف  نے اظہار خیال کرتے ہوئے کہا ہے کہ آپ یہاں دروازے سے نکلیں تو چالیس پچاس بندے کھڑے ہوتے ہیں ،میرا خدشہ سیکیورٹی سے متعلق ہے ،نوے کی دہائی میں کوئی ایم این اے مخصوص کارڈ جاری کراسکتا تھا ،داسو کے اندر جو واقعہ ہوا وہ دس دن پاکستان کے اندر رہی 
یہاں پر کوئی بھی اندر آسکتا ہے ۔
اس دن ایک پارٹی کے سو سے زائد لوگ گیلری میں بیٹھے ہوئے تھے ،سیکیورٹی سٹاف سے درخواست ہے کم از کم تعداد میں لوگوں کو آنے دیں،نہ یہ موچی دروازہ ہے نہ ڈی چوک ہے کہ لوگوں کو یہاں لائیں،پہلے بھی آپ کو بتا چکا ہوں کل بھی آپ کو پیغام بھیجا ،میں گیٹ پہ ٹک ٹاکرز اور سوشل میڈیا انفلوئنسرز کھڑے ہوتے ہیں۔

ضرورپڑھیں:ہر یونین کونسل میں شناختی کارڈکی سہولت، بائیومیٹرک مشینیں نصب ہوں گی،محسن نقوی نے نادرا کو مزید متحرک کردیا

سپیکر ایاز صادق  نے کہا ہے کہ کل قومی اسمبلی ایوان میں ایک انتہائی افسوس ناک واقعہ ہوا،مسلم لیگ ق کے طارق بشیر چیمہ کے رواں سیشن میں ایوان میں داخلے پر پابندی لگادی گئی،سپیکر نے تحریک کے ذریعے ایوان سے منظوری لے لی ۔طارق بشیر چیمہ نے سنی اتحاد کونسل کی رکن زرتاج گل کو ایوان میں گالی دی تھی۔
اسپیکر قومی اسمبلی  نے رولنگ دی کہ  قومی اسمبلی کی راہداریوں میں ٹک ٹاکرز ، یو ٹیوبرز اور میڈیا کی طرف سے ویڈیو بنانے پر پابندی عائد ہو گی، قومی اسمبلی کا اجلاس غیر معینہ مدت تک ملتوی کردیا گیا۔

(24نیوز)چیئرمین پیپلز پارٹی بلاول بھٹو نے کہا ہے کہ اپوزیشن لیڈرکی تقریررونے دھونے کے سواکچھ نہیں ،اپوزیشن اپنی ذمہ داری بھول چکی ہے۔چیئرمین بلاول بھٹو کاقومی اسمبلی میں اپوزیشن کوحکومت سے ڈائیلاگ کامشورہ ،کہتے ہیں کہ اپوزیشن کی تنخواہ تب حلال ہوگی جب وہ پارلیمنٹ میں مثبت کرداراداکرے ۔بلاول بھٹونے کہا صدر زرداری کی تقریرشارٹ اینڈسویٹ تھی۔انہوں نے صرف ملک وقوم کی بات کی۔ڈائیلاگ کی بات انہوں نے ذاتی مفاد کیلئے نہیں کی۔

قومی اسمبلی اجلاس میں خطاب کے دوران ان کا کہنا تھا کہ پاکستان کی تاریخ میں پہلی بار ہوا کہ سویلین صدر نے اس ایوان میں ساتویں بات خطاب کیا، صدر زرداری نے کوئی سیاسی یا ذاتی بات نہیں کی بلکہ انہوں نے واضح کیا کہ وہ وفاق اور عوام کی نمائندگی کرتے ہوئے ان کے مسائل کو ترجیح دیتے ہیں، انہوں نے تقریر میں اتحاد کی بات کی، ڈائیلاگ کی بات کی، یہ سب اپنی ذاتی مفاد کے لیے نہیں کیا وہ اس لیے کیونکہ وہ سمجھتے ہیں کہ اگر پاکستان کے مسائل جیسے غربت،مہنگائی جیسے مسائل کا حل نکالنا ہے تو سیاسی پروسس، ڈائیلاگ کے بغیر یہ نا ممکن ہے۔

بلاول بھٹو نے بتایا کہ اپوزیشن کی ذمہ داری ہے کہ ناصرف اپنے ذاتی مسائل پر رونا دھونا کرے بلکہ پاکستان کے عوام پر بھی بات کریں،جہاں ان کا حق وہ جمہوری انداز میں احتجاج کریں لیکن عوام کے مسائل کے حل کے لیے کام کرنا ان کا فرض ہے، میں بجٹ پر اپوزیشن اور حکومت کو تجویز دوں گا کہ اپوزیشن کا اس میں ان پٹ ہونا چاہیے، جب پاکستان معاشی بحران سے گزر رہا ہے تو شاید اپوزیشن اپنی ذمہ داری بھول گئے ہیں تو ہم ان کو یاد دلائیں کہ جو پیسے ان کو ایوان سے مل رہے ہیں وہ اس کو حلال کریں، بجٹ اور پارلیمان میں اپنا کردار ادا کریں۔

ان کا کہنا تھا کہ صدر زرداری کی تقریر تو بہت چھوٹی تھی مگر قائد حزب اختلاف کی تقریر ایک گھنٹے کی تھی جس میں 90 فیصد انہوں نے اپنا رونا دھونا کیا، اپنے بہادر خان صاحب کا رونا دھونا کیا جو دو تین مہینے جیل میں رہ کر تنگ آگئے ہیں، اور جو ان کی ذمہ داری بحیثیت قائد حزب اختلاف کے عوام کے مسائل کو اٹھائیں انہوں نے یہ ذمہ داری پوری نہیں کی۔

بلاول بھٹو کے مطابق صدر زرداری نے تقریر میں صحت اور تعلیم کے شعبے کی بات کی، پیپلز پارٹی کی سندھ حکومت نے دونوں شعبوں میں تاریخی کام کیا، ہم نے کراچی سمیت تمام بڑے شہروں میں دل کے مفت ہسپتال کھولے، انہوں نے تعلیم کے حوالے سے بھی تقریر میں ذکر کیا اس میں بھی ہم نے کوشش کی کہ تعلیم میں اسٹرکچرل مسئلے ہیں ان کو حل کرنے کے لیے بہت کام کروائے جو کامیاب ہوئے ہیں۔

سابق وفاقی وزیر نے بتایا کہ صدر زرادری نے ملک کے اندر عوامی مسائل پر بات کی مگر ساتھ ساتھ پاکستان کا جو مؤقف ہے کشمیر اور فلسطین کے مسئلے پر اس کو بیان کیا، میں مذمت کرنا چاہوں گا کہ جس وقت صدر اس ایوان میں کشمیر اور فلسطین پالیسی کو پاکستان کے سامنے رکھ رہے تھے مگر جو غیر ملکی سفارتکار تھے ان کے سامنے بیان کر رہے تھے تو اپوزیشن والے سیٹیاں بجا رہے تھے، شور شرابہ کر رہے تھے تو وہ کیا پیغام بھیج رہے تھے سب کو؟ کیا ان کا ذاتی رونا دھونا پاکستان کے مسائل سے زیادہ اہم ہے؟ وہ اپنے مسئلوں کو ترجیح دیتے ہیں ان اہم مسئلوں کو ترجیح نہیں دیتے۔

ضرورپڑھیں:وزیراعلیٰ نے گورنرکےپی کی خیبرپختونخوا ہاؤس آمدپر پابندی لگادی

بلاول بھٹو نے کہا کہ آزاد کمشیر میں جو مسئلہ چل رہا تھا اس پر صدرزرداری کا شکر گزار ہوں کہ انہوں نے جلد اس بات کا نوٹس لیا اور میں حکومت وقت کا بھی شکرگزار ہوں کہ انہوں نے مطالبات مانتے ہوئے کشمیر پیکج کا اعلان کیا، اس وقت پاکستان کے کسان سندھ اور پنجاب میں سراپا احتجاج ہیں اور ہم سب جماعتوں کا منشور ہے کہ پاکستان کی زراعت اس ملک کی معیشت کی ریڑھ کی ہڈی ہے، اگر کشمیر ہماری شہ رگ ہے تو ہمارے ملک کی شہ رگ کسان ہیں، اس معاملے پر سب سیاسی جماعتوں کو ایک پیج پر ہونا چاہیے، جو کسان کا معاشی قتل جاری ہے اس کا احتساب ہونا چاہیے کہ جو عبوری حکومت میں فیصلہ لیا گیا اور پاکستان کی عوام کا پیسہ دوسرے ممالک کو دیا گیا اور گندم درآمد کروائی گئی تو اس ے معیشت کو نقصان ہوا اور پیسہ ضائع ہوا اور ان کا نقصان آگے جا کر ہوگا۔

یہ بھی پڑھیں:کوئی پگڑی اچھالے گا تو ہم ان کی پگڑیوں کی فٹبال بنائیں گے: فیصل واڈا

ان کا کہنا تھا کہ ہم حکومت وقت سے درخواست کرتے ہیں کہ کمیٹی کمیٹی کھیلنا بند کریں، اگر ہم معاشی ترقی چاہتے ہیں، اگر کسانوں کو ترقی کرتے دیکھنا چاہتے ہیں تو کل نہیں آج یکشن لینا پڑے گا، اب حکومت کو فیصلہ لینا چاہیے اس میں دیر نہیں ہونا چاہیے یہ مانتے ہوئے کہ یہ نقصان کسانوں کو اپنی وجہ سے یا دنیا کے معاشی حالات کی وجہ سے نہیں ہوئے لیکن یہ نقصان نالائق، غیر جمہوری لوگوں کے فیصلے کی وجہ سے ہورہا ہے، حکومت کو فورا کسانوں کی مدد کا فیصلہ کرنا چاہیے، ایکسپورٹ پر پابندی ہٹائی جائے تاکہ کسان بھی کما سکے اور معیشت کو بھی فائدہ ہو۔

گزشتہ روز کی کارروائی یہاں پڑھئے 

بلاول بھٹو نے کہا کہ فلسطین میں ظلم ہورہا ہے، وہاں گندم بھیجی جائے مگر پاکستان کے کسانوں سے گندم خریدیں اور ان پر ظلم بند کیا جائے، ان فیصلوں کی وجہ سے یہ نا ہو کہ اگلے سال کسان کم فصل پیدا کرے، ہم سب مانتے ہیں کہ زراعت ریڑھ کی ہڈی ہے تو حکومت جو بجٹ پیش کرے گی اس میں ایک ایسا پیکج دے گی کہ سب مانیں کہ یہ ایک زراعی ملک ہے۔ اپوزیشن کے جو دوست ہیں ان کا جو غیر سنجیدہ رویہ ہے میں اس پر افسوس کا اظہار کرنا چاہتا ہوں، میں شروع کروں تو کہاں سے کروں؟ یہ آج کل کچھ پریشان ہیں، پیپلزپارٹی تین نسلوں سے جموہریت کی بحالی کے لیے جدو جہد کیے جارہے ہیں اور ان سالوں میں انہی لوگوں نے ہماری مخالفت کی۔

بلاول نے کہا یہ بات ایک کرتے ہیں اور سیاست ان کی کچھ اور ہے، بطور ان کے یہ آئین کی بالا دستی، حقیقی آزادی، قانون کے لیے جدو جہد کر رہے ہیں مگر بات کرنی ہے تو صرف افواج اور اسٹیبلشمنٹ سے، پاؤں اگر کسی کا پکڑا ہوا ہے تو انہی کا پکڑا ہوا ہے، بات ایک کرتے ہیں، سیاست ایک کرتے ہیں، اصل میں وہ نا جمہوریت نا آئین کی بالا دستی میں دلچسپی رکھتے ہیں، وہ صرف اپنی ذاتی مسئلوں پر یقین رکھتے ہیں، یہ عوام کے مسائل کا حل نہیں چاہتے صرف اور صرف وہ اپنے ذاتی مسائل کا حل چاتا ہیں اور وہ جانتے ہیں کہ کس کا پاؤں پکڑنا پڑے گا تو اس لیے وہ سیاستدانوں کو انکار کر رہے ہیں کہ آپ سے بات نہیں کریں گے لیکن آئین کی بالادستی کے لیے انہی سے بات کرتے ہیں جن کو قائد حزب اختلاف کہہ رہا تھا کہ سیاست میں مداخلت نا کرو، وہ انہی سے پاؤں پکڑ کے زبردستی مداخلت کروا رہے ہیں، یہ غیر سنجیدہ ہیں، یہ منافقت کی سیاست ہے۔

بلاول بھٹو کے مطابق یہ جمہوریت، پارلیمان  کے ساتھ منافقت ہے، جب تک یہ منافقت جاری ہے ان کا رونا دھونا جاری رہے گا،ان کا لیڈر رو رہا ہے ،مجھے نکالو ۔

(روزینہ علی)وفاقی وزیر امیر مقام نے کہا ہے کہ جو لوگ تقریر کرتے ہیں اللہ ان کو توفیق دے کہ وہ اپنی پارٹی میں عملی طور پر بھی اس پر عمل کریں،صرف تقریریں نہیں کرنی چاہئیں،ہمیں اپنے گریبانوں میں دیکھنا چاہیے کہ ماضی میں کیا کیا۔

قومی اسمبلی میں اظہار خیال کرتے ہوئے ان کا کہنا تھا کہ 9 مئی کی جو بات کرتے ہیں،حیران ہوں میں کیوں 9 مئی کی بات کرتے ہیں،آپ نے پورے ملک کو مفلوج بنایا،ریڈیو پاکستان پر جو حملہ کیا گیا وہ کون لوگ تھے کیا باہر سے کوئی آئے تھے۔

امیر مقام کی تقریر کے دوران شیر افضل مروت  نے شور شرابہ شروع کردیا ،پینل آف چیئرپرسن شہلا رضا نے شیر افضل مروت کو بیٹھنے کی ہدایت کردی۔امیر مقام نے کہا کہ نو مئی کا اگر ان کو معاف کر دیا جائے تو پھر تو سارا سسٹم ایسے چلے گا،پاکستانی عوام کا کیا قصور تھا،یہ بات کرتے ہیں ہم سنتے ہیں کہ وکٹمائزیشن ہو رہی ہے،حنیف عباسی بیٹھے ہیں ان کا کونسا جرم تھا کہ کال کوٹھڑی میں بند کیا،کتنی انتقامی کاروائیاں ہوئیں،یہ قانون اور آئین کی بات کرتے ہیں جب میٹنگ ہوتی ہے کہتے ہیں یہ نہیں ہوگی،گورننس کی بات کرتے ہیں کے پی میں دس سال آپ کی حکومت رہی،کوئی ایک سنگل منصوبہ بتائیں۔

ان کا کہنا تھا کہ این ایف سی ایوارڈ کی بات کرتے ہیں کہ کم ملا زیادہ ملا،آپ کی گورنمنٹ تھی کیا کام کیا،یہ فارم 47 اور 48 کی بات کرتے ہیں۔

ضرورپڑھیں:قومی اسمبلی اجلاس:ماحول کے ساتھ تقاریر میں بھی گرمی،اپوزیشن ارکان کا خواجہ آصف کو کرارا جواب

پیپلز پارٹی کے رہنماء سید خورشید شاہ  نے کہا کہ کاش علی محمد خان 2013-18 کی اسمبلی میں یہ بات کرتے،میں ان کی حکومت کا وکٹم رہا ہوں،میں دو سال ایک مہینہ جیل میں رہا،آصف علی زرداری نے کشمیر کے مسائل کا نوٹس لیا،وزیراعظم نے بھی نوٹس لیا،حکومت کی تعریف کرتا ہوں کہ کل کے دن میں سارے مسائل حل ہو گئے،حکومت نے اتنا جلدی اس کا نوٹس لیا، اس کی تعریف کرنی چاہئے،حکومت اور صدر آصف علی زرداری کا شکر گزار ہوں۔

ہم نے فلسطینیوں کے لئے آواز اٹھائی ہے:شازیہ مری 

شازیہ مری نے کہا کہ فلسطینی کیمپس میں جو ریلیف جارہا ہے اس روندھتے ہوئے دیکھا ہے،اس بات کی سخت مذمت کرتے ہیں،ہم نے فلسطینیوں کے لئے آواز اٹھائی ہے یہ انسانی حقوق کا مسئلہ ہے ،غزہ میں ہزاروں جانیں جا چکی ہیں،جو مدد جا رہی ہے اسے اسرائیلی روک رہے ہیں، یہ بربریت ہے،امداد کو روندھا جارہا ہے یہ گھناؤنی حرکت ہے۔

(روزینہ علی)سنی اتحاد کونسل کے رکن قومی اسمبلی علی محمد خان نے کہا ہے کہ ہمیں کوئی بروکر، ڈیلر نہیں چاہئے جو ہمیں آپس میں بٹھائے ۔

قومی اسمبلی اجلاس میں اظہار خیال کرتے ہوئے ان کا کہنا تھا کہ راولپنڈی سے ملک کو مضبوط ہونا تھا اسی شہر میں لیاقت علی خان اور محترمہ بینظیر بھٹو کو شہید کیا گیا ،ملک میں کبھی سابق وزیر اعظم نواز شریف کو ہتھکڑی لگا کر عدالت میں پیش کیا جاتا ہے ،سابق وزیر اعظم بانی پی ٹی آئی کو وزیر آباد میں چار گولیاں ماری گئیں ،سابق وزیراعظم کو آج اڈیالہ جیل میں قید رکھا ہوا ہے۔

انہوں نے کہا ہے کہ پاکستان کے مسئلے ایسے حل نہیں ہونگے ،آزاد کشمیر میں کل جو ہوا وہ ہم دیکھنا نہیں چاھتے،ہمیں کوئی بروکر، ڈیلر نہیں چاہئے جو ہمیں آپس میں بٹھائے ،آج سچ بولنے کا وقت ہے، آج وقت ہے کہ سب سچ بولیں ،بانی پی ٹی آئی نے پاکستان کی ایک انچ زمین کسی کو دینے سے انکار کیا۔

ضرور پڑھیں:قومی اسمبلی اجلاس :ماحول کے ساتھ تقاریر میں بھی گرمی،اراکین میں نوک جھونک

ان کا کہنا تھا کہ اس جرم کی پاداش میں بانی پی ٹی آئی جیل میں پڑے ہوئے ہیں ،میں اپنے کالے کوٹ پر فخر کرتا ہوں،ڈی جی آئی ایس پی آر سے پوچھنا چاہتا ہوں مجھ سے کون معافی مانگے گا 

سیاسی جماعتیں مسائل کا حل نکالیں،پنڈی ضرور جائیں سری پائے کھانےجائیں ،گیٹ نمبر 4 سے پرہیز کریں۔

(عثمان خان)قومی اسمبلی کا اجلاس سپیکر ایاز صادق کے زیرصدارت  شروع ہوگیا ۔اسلام آباد کے موسم کی طرح ارکان اسمبلی کی تقاریر میں بھی گرمی آگئی ،حکومتی اور اپوزیشن اراکین میں نوک جھونک ،اپوزیشن ارکان نے وزیر دفاع خواجہ محمد آصف کو آڑے ہاتھوں لے لیا ۔

قومی اسمبلی کا اجلاس اسپیکر ایاز صادق کی زیر صدارت شروع ہوا۔ اس دوران پاکستان تحریک انصاف کے رہنما اسد قیصر نے اپنے خطاب میں کہا کہ کل جس طرح خواجہ آصف نے اسپیکر کے ساتھ بات کی ہم اس کی مذمت کرتے ہیں، خواجہ آصف 80 سال کے بزرگ اور سینئر پارلیمنٹیرین ہیں لہذا انہیں اس بات کا احساس ہونا چاہیے اورانہیں برداشت کا مظاہرہ کرنا چاہیے۔

اسد قیصر نے فاٹا سے متعلق بات کرتے ہوئے کہا کہ پارلیمنٹ کی تمام جماعتوں نے متفقہ طور پر فاٹا کو ٹیکس چھوٹ دی تھی اور یہ سہولیت انہیں اس لیے دی گئی تھی تاکہ وہ ملک کے دیگر علاقوں کی برابری کرسکیں لیکن افسوس انہیں بنیادی حقوق سے محروم رکھا گیا۔ ہم کسی کی زور زبردستی نہیں مانتے، چاہے وہ ہمارا باپ ہی کیوں نہ ہو۔

انہوں نے کہا کہ فاٹا ایک جنگ زدہ علاقہ رہا ہے لیکن اب تک انہیں کوئی ہسپتال یا کالج نہیں دیا گیا جب کہ اس علاقے میں کسی قسم کے ترقیاتی کام بھی نہیں ہورہے، جس کا مطلب وہاں بے روزگاری پیدا ہوگی اور عوام میں مایوسی پیدا ہوگی۔ ایسے میں وہ دیگر علاقوں کی برابری کیسے کرسکتے ہیں اور اب اگر ان پر ٹیکس لاگو کردیا گیا تو یہ ان کے ساتھ زیادتی ہوگی۔ فاٹا سے متعلق کہا جاتا ہے کہ وہ ٹیکس نہیں دیتے، حالانکہ میرے پاس تمام اعدادو شمار موجود ہیں، فاٹا سے تقریباً 70 ارب روپے ٹیکس کی مد میں وصول کیے جارہے ہیں لیکن فاٹا کو ضم کرتے وقت جو وعدہ کیا گیا تھا کہ 3 فیصد وفاق اور صوبہ دے گا جس میں سے ابھی تک ایک پیسہ بھی نہیں دیا گیا۔

اس قیصر نے اسپیکر سے اپیل کی کہ وہ اس معاملے پر ایک کمیٹی بنائیں تاکہ اس پر بحث کی جاسکے اور اس میں فاٹا کی نمائندگی بھی شامل کی جائے۔

خواجہ آصف نے مجھ پر ذاتی حملہ کیا، عمر ایوب

قومی اسمبلی میں قائد حزب اختلاف عمر ایوب نے گزشتہ روز خواجہ آصف کے بیان پر ردعمل دیتے ہوئے کہا کہ خواجہ آصف نے گزشتہ روز میرے دادا اور میرے خاندان کا نام لیکر غیر پارلیمانی الفاظ کا استعمال کیا اور انہوں نے شاید تاریخ درست طریقے سے نہیں پڑھی اس لیے کچھ درستگی کرنا چاہتا ہوں۔ ان کے اطراف میں بیٹھے افراد مختلف جماعتوں میں شامل رہے ہیں جو اب مسلم لیگ ن کا حصہ ہیں جب کہ خواجہ آصف صاحب ریحانہ ڈار صاحبہ سے شکست کھانے کے بعد بوکھلائے ہوئے ہیں اور ان کے والد ۔۔۔ اس دوران اسپیکر قومی اسمبلی ایاز صادق نے انہیں مزید بات کرنے سے روک دیا اور کہا کہ اس طرح نہ کریں جو لوگ وفات ہوچکے ہیں ان کا تذکرہ نہ کریں اور اجلاس کو آگے چلنے دیں۔

قومی ایجنڈے میں کراچی کو شامل کیے بغیر ملک آگے نہیں بڑھ سکتا، فاروق ستار
متحدہ قومی موومنٹ پاکستان کے رہنما ڈاکٹر فاروق ستار نے  کہا کہ سندھ میں گزشتہ 15 سال سے بدترین اور کرپٹ حکومت قائم ہے، بینظیر انکم سپورٹ کا دائرہ 90 لاکھ لوگوں تک پھیلا لیکن لوگ غربت کی لکیر سے نیچے گئے ہیں۔ کراچی 4 ہزار ارب کا ٹیکس دیتا ہے لیکن اسے وفاق اور صوبے سے صرف 70 ارب روپے کی خیرات ملتی ہے، قومی ایجنڈے میں کراچی کو شامل کیے بغیر ملک آگے نہیں بڑھ سکتا۔

فاروق ستار نے مزید کہا کہ صدر مملکت کے خطاب میں معیشت کی بات کی گئی، کوشش کریں معاشرے کے سارے طبقات ترقی کریں۔

اجلاس کا ایجنڈا کیا ہے؟
اس سے قبل قومی اسمبلی سیکرٹریٹ کی جانب سے ایجنڈا  جاری کیا گیا ۔ایجنڈے کے مطابق  طلباء طالبات کی بسز کو پنک بس میں تبدیل کرنے سے متعلق توجہ دلائو نوٹس پر بحث ہوگی،اسی طرح ایجنڈے میں قرارداد ، تحریک تشکر اور نکتہ ہائے اعتراض سمیت توجہ دلائونوٹس شامل ہیں۔
ممبران اسمبلی کی جانب سے طلباء کو لانے اور لے جانے والی بسوں کی بندش اور بیس بسوں کو پنک بسوں میں تبدیل کرنے کا معاملہ اٹھایا جائےگا،وفاقی تعلیمی اداروں میں اساتذہ کی خالی اسامیوں کا معاملہ بھی توجہ دلائو نوٹس میں شامل ہے،وفاقی وزیر تعلیم توجہ دلائو نوٹس پر جواب دیں گے۔

خیال رہے کہ گزشتہ روز سنی اتحاد کونسل کے اراکین نے وزیر دفاع خواجہ آصف کے جنرل ریٹائرڈ ایوب خان سے متعلق بیان پر شدید احتجاج اور نعرے بازی کی تھی۔ خواجہ آصف نے ایوب خان سے متعلق بیان دیتے ہوئے کہا تھا کہ آئین کی خلاف ورزی کرنے والوں کے خلاف کارروائی ضرور ہونی چاہیے اور اس کی ابتدا جنرل ایوب سے ہونی چاہیے، جنرل ایوب کی لاش کو قبر سے نکال کر لٹکایا جائے۔

ضرور پڑھیں:الیکشن کمیشن کے پی ٹی آئی انٹرا پارٹی انتخابات پراعتراضات سامنے آ گئے 

(24نیوز)اسپیکر ایازصادق کی زیرصدارت قومی اسمبلی کا اجلاس،صدف احسان کے حلف اٹھانے پر اپوزیشن کا شور شرابا۔

جےیوآئی کے رکن قومی اسمبلی نورعالم خان نے کہا صدف احسان حلف نہیں لے سکتیں، یہ ہماری پارٹی کی ممبر نہیں، پارٹی نے ان کو ڈی نوٹیفکیشن کردیا تھا، آپ نے ان سے حلف لے کر غیرقانونی وغیرآئینی کام کیا، اسپیکرقومی اسمبلی نے کہا الیکشن کمیشن سے صدف احسان کا نوٹیفکیشن ہوچکاہے، نورعالم خان نے قومی اسمبلی میں کورم پورا نہ ہونے کی نشاندہی بھی کی۔

وزیرقانون اعظم نذیرتارڑ کا کہنا تھا کہ دہشتگردوں سے کوئی مذاکرات نہیں ہونگے، دہشتگردوں کو اینٹ کا جواب پتھر سے دیاجائیگا،حکومت کی زیروٹالرنس پالیسی ہے،دہشتگردوں سے ان ہی کی زبان میں بات ہوگی،ہزاروں کی تعداد میں دہشتگردوں کو لاکر آباد کیا گیا۔

یہ بھی پڑھیں: ہیلی کاپٹر حادثے کا شکار، فوجی سربراہ سمیت 10 افراد جاں بحق

 اجلاس میں اپوزیشن لیڈر عمر ایوب  نے اظہار خیال کیا تو اپوزیشن لیڈر کی تقریر کے دوران حکومتی ارکانے شورشرابا شروع کر دیا،عمر ایوب کا کہنا تھا کہ ملک میں آئین اور قانون کی حکمرانی کا فقدان ہے۔

(طیب سیف)سنی اتحاد کونسل کے  رہنماؤں نے کہا ہے کہ ہم نہ ڈریں گے نہ پیچھے ہٹیں گے،ہم مزاحمت کریں گے، یہ ایک لمبی جنگ ہے، ہمیں لمبا سفر کرنا ہے۔ہم نہ ڈریں گے نہ پیچھے ہٹیں گے۔ قانون سازی پارلیمان کا قانونی حق ہے ،یہ ترامیم کیا کرنے جا رہے ہیں کسی کو کوئی پتا نہیں۔

سنی اتحاد کونسل کے رہنما عمر ایوب نے  پارلیمنٹ کے باہر میڈیا سے گفتگو کر تے ہوئے کہنا تھا کہ آج کی کارروائی کے حوالے سے بریفنگ دینا چا رہے ہیں،آج انہوں نے آرڈیننس پاس کئے، مسلم لیگ ن، پی پی پی کی پیٹھ میں چھرا گھونپ رہی ہے،ترامیم کیا کرنے جا رہے ہیں کسی کو کوئی پتا نہیں، وزیر قانون نے کہا کہ آئی ایم ایف آیا ہوا ہے یہ اس کے لئے ہے، کرمنل لاء کا آئی ایم ایف سے کیا تعلق؟قانون کی شک میں نے فلور آف دا ہائوس میں پڑھ کر سنائی۔پاکستان شپنگ کارپوریشن میں ترمیم کے باعث یہ اپنی مرضی کے ٹھیکیدار کو ٹھیکہ دے سکتے ہیں۔

جس طرح سے بل پاس کئے گئے وہ غیر قانونی ہے:بیرسٹر گوہر خان
 بیرسٹر گوہر خان نے کہا ہے کہ قانون سازی پارلیمان کا حق ہے،آج پہلے دن ہی قانون سازی کی ابتدا قانون کو توڑ کر کی گئی ہے،وہ قانون جو آپ تبدیل کرنا چاہتے ہیں ممبران کے نوٹس میں لے آئیں،یہی آئینی طریقہ کار ہے،جس طرح سے بل پاس کئے گئے وہ غیر قانونی ہے۔آئینی طور پر ذمہ داری الیکشن کمیشن کی ہے۔اگر کوئی اپنی ذمہ داری نبھانے میں فیل ہوا ہے تو وہ الیکشن کمیشن ہے۔

یہ الیکٹڈ ہائوس نہیں ہے:اسد قیصر 
 اسد قیصر نے کہا ہے کہ جس نے ایم این اے بننا ہے وہ الیکشن کمیشن کو پیسے وغیرہ دے،یہ الیکٹڈ ہائوس نہیں ہے،یہ قانون کی بد ترین خلاف ورزی کر رہے ہیں، ان کا اگلا ٹاسک مسلم لیگ ن کو بیس سیٹیں اور دینی ہے، پنجاب سے بھی یہ سیٹیں مسلم لیگ ن کو دینا چاہتے ہیں،ہم مزاحمت کریں گے، یہ ایک لمبی جنگ ہے، ہمیں لمبا سفر کرنا ہے۔

انہوں نے کہا ہے کہ ہم وہ پاکستان بنائیں گے جس میں سب کے برابر حقوق ہوں گے،وہ دن قریب ہے جس دن خلق خدا طاقت میں ہو گی،ہم مشترکہ اجلاس میں بھی بھرپور احتجاج کریں گے،ہم نہ ڈریں گے نہ پیچھے ہٹیں گے۔

یاد رہے کہ قومی اسمبلی کے اجلاس میں حکومت کی طرف سے پیش کی گئی قرارداد کو منظور کرلیا گیا ہے حالانکہ اس دوران نے اپوزیشن نے خوب ہنگامہ کیا تھا ۔

(فرزانہ صدیق)قومی اسمبلی کا اجلاس سپیکر سردار ایاز صادق کی زیر صدارت جاری ہے۔

قومی اسمبلی کے اجلاس کا 8 نکاتی ایجنڈا جاری کردیا گیا ہے۔ایجنڈے کے تحت زرعی اشیاء کی برآمدات پر پابندی سے متعلق سید خورشید احمد شاہ توجہ دلاؤ نوٹس پیش کریں گے،وزیر برائے قانون و انصاف اعظم نذیر تارڑ دیوانی عدالتیں آرڈیننس 1962 میں مزید ترمیم کا بل (ترمیمی بل 2024) پیش کریں گے۔وزیر برائے قانون و انصاف اعظم نذیر تارڑ قانونی معاونت و انصاف ایکٹ 2020 میں مزید ترمیم کا بل ( ترمیمی بل 2024) پیش کریں گے۔
وزیر برائے قانون و انصاف اعظم نذیر تارڑ قومی اسمبلی کے سامنے 7 مختلف نوعیت کے آرڈیننس رکھیں گے،وزیر برائے قانون و انصاف اعظم نذیر تارڑ آرڈیننسوں کے متعلق قرارداد پیش کرنے کے لیے تحریک بھی پیش کریں گے،بیرون ملک روزگار تلاش کرنے والے شہریوں کی اوورسیز ایمپلائمنٹ پروموٹرز کے خلاف شکایات کا ازالہ کرنے میں امیگریشن اوورسیز ایمپلائمنٹ کی ناکامی سے متعلق عالیہ کامران توجہ دلاؤ نوٹس پیش کریں گی۔

(24 نیوز)نومنتخب وزیر اعظم شہباز شریف نے کہا ہے کہ سبسڈی پر کھاد فیکٹریوں کے بجائے براہ راست کسان کو دی جائے گی۔

وزیر اعظم منتخب ہونے کے بعد ایوان میں اپنا پہلا خطاب کرتے ہوئے شہباز شریف کا کہنا تھا کہ کون نہیں جانتا کسان سے ہے پاکستان کی ترقی، کسان زراعت پاکستان کی ترقی کی ریڑھ کی ہڈی ہے، نوازشریف اور آصف زرداری کے دور میں بھی زراعت پر بہت کام ہوا۔ نوازشریف نے سستی کھاد پورے پاکستان کو مہیا کی، نوازشریف نے کسان کو بجلی سے چلنے والے ٹیوب ویل سے سستی بجلی مہیا کی، پنجاب میں زراعت کی جعلی ادویات کا مکمل خاتمہ کردیا۔

انہوں نے اعلان کیا کہ سبسڈی کھاد فیکٹریوں کے بجائے براہ راست کسان کو دی جائے گی، سولر،ٹیوب ویل پروگرام کا اجرا کیا جائے گا، جوچھوٹے کسان کو مہیا کیا جائے گا، اس کے حوالے سے تفصیلی پیکیج سامنے آئے گا۔

لازمی پڑھیں:بیرونی قرض ملک کیلئے سب سے بڑا چیلنج ہے،شہباز شریف

شہباز شریف کا کہنا تھا کہ بیج مافیا کو ہمیشہ کے لیے ختم کردیا جائے گا، دنیا سے آلہ ترین بیج منگوا کر کسانوں کو دیں گے، تاکہ زرعی پیداوار بڑھے اور ملک آگے بڑھے، پہلی دفعہ کسان کو بیج مفت مہیا کرنے کی کوشش کریں گے بیج سے کسان کا بے پناہ فائدہ ہوگا۔

اس حوالے سے ان کا مزید کہنا تھا کہ جعلی ادویات اور کھاد کے بحران کا صوبوں کے ساتھ ملکر خاتمہ کریں گے۔

(روزینہ علی)  پارلیمنٹ کا مشترکہ اجلاس طلب، اسپیکر قومی اسمبلی سردار ایاز صادق نے پارلیمنٹ کا مشترکہ اجلاس طلب کر لیا۔ 

پارلیمنٹ کا مشترکہ اجلاس بروز ہفتہ 9 مارچ 2024 کو صبح 10 بجے پارلیمنٹ ہاؤس میں منعقد ہوگا۔

مزید پڑھیں:  سابق وزیراعظم سید یوسف رضا گیلانی کاسینیٹ الیکشن لڑنے کا فیصلہ

اسپیکر قومی اسمبلی نے مجلسِ شوریٰ پارلیمنٹ کا مشترکہ اجلاس صدارتی الیکشن کے رول 9 کی شق بی اور رولز 1988 کے تحت تفویض شدہ اختیارات کو بروئے کار لاتے ہوئے طلب کیا ہے۔

(عثمان خان)مسلم لیگ ن کے صدر میاں محمد شہباز شریف دوسری مرتبہ وزیر اعظم پاکستان منتخب ہوگئے ہیں۔

وزارت عظمیٰ کے امیدوار میاں محمد شہباز شریف نے سنی اتحاد کونسل کے امیدوار عمر ایوب کو شکست دیدی ہے۔شہباز شریف دوسری مرتبہ پاکستان کے وزیر اعظم منتخب ہوگئے ہیں ۔شہباز شریف پاکستان کے 24ویں منتخب وزیراعظم ہیں ۔نگران وزیراعظموں کو ملا کر مجموعی طور پر 33 ویں وزیراعظم ہیں۔

سپیکر قومی اسمبلی سردار ایاز صادق نے نتائج کا اعلان کرتے ہوئے بتایا کہ شہبا زشریف نے 201 ووٹ حاصل کیے جبکہ عمر ایوب نے 92 ووٹ حاصل کیے۔شہباز شریف کو وزیر اعظم کی سیٹ سنبھالنے پر میاں محمد نواز شریف ،آصف علی زرداری ،بلاول بھٹوزرداری اور دیگر اراکین اسمبلی نے مبارکباد پیش کی ۔

قومی اسمبلی کی لابی (اے) میں شہبازشریف کو ووٹ ڈالے گئے جبکہ عمرایوب کو لابی’’ بی ‘‘میں ووٹ ڈالے گئے۔جےیو آئی کے ارکان نے ووٹنگ کے عمل کا بائیکاٹ کیا،ارکان ایوان میں نہیں آئے۔بی این پی کے سربراہ سردار اختر مینگل نے بھی ووٹنگ میں حصہ نہیں لیا۔

ضرور پڑھیں:کون بنے گا وزیراعظم؟قومی اسمبلی اجلاس میں ووٹنگ ،ارکان کا شور شرابہ
  شہباز شریف تین سال  قومی اسمبلی میں قائدِ حزبِ اختلاف رہے ،گزشتہ اسمبلی میں تحریک عدم اعتماد کے جب وزیر اعظم عمران خان کو عہدے سے ہٹایا گیا تو شہبا شریف پہلی مرتبہ وزیر اعظم بنے ۔تاہم مرکز کی سیاست میں وہ کسی حد تک نووارد تصور کیے جاتے ہیں۔ ان کی پہچان صوبہ پنجاب کے حوالے سے زیادہ نمایاں رہی جہاں وہ تین ادوار میں مجموعی طور پر لگ بھگ 13 سال صوبے کے وزیرِاعلٰی رہے ہیں۔

(ویب ڈیسک)’پاکستان میں ہونیوالے انتخابات شفاف تھے‘۔90ممالک میں کام کرنے والے ادارے نے رپورٹ جاری کردی ۔

ملک میں 9 فروری کو ہونے والے عام انتخابات سے متعلق عالمی ریسرچ کمپنی کی جانب سے کی گئی حالیہ تحقیق میں دعویٰ کیا گیا ہے کہ 54 فیصد پاکستانیوں کا خیال ہے کہ انتخابات مجموعی طور پر شفاف تھے۔

انگریزی اخبار کے مطابق یہ تحقیق ’آئی پی ایس او ایس‘ کی جانب سے کی گئی ہے جو 90 ممالک میں کام کرنے والی سب سے بڑی ریسرچ کمپنیوں میں سے ایک ہے جس میں 10 ہزار سے زائد ریسرچ پروفیشنلز ہیں۔جہاں پی ٹی آئی الزام لگا رہی ہے کہ اسے قومی اسمبلی کی تقریباً 80 نشستوں سے محروم رکھا گیا ہے، وہیں اس تحقیق میں دعویٰ کیا گیا ہے کہ 54 فیصد پاکستانیوں نے الیکشن کو شفاف قرار دیا ہے۔تاہم 39 فیصد کا خیال تھا کہ 8 فروری کے انتخابات میں دھاندلی ہوئی تھی۔

ضرورپڑھیں:کا غذات نامزدگی منظور،شہباز شریف،عمر ایوب میں مقابلہ آج ہوگا

دھاندلی کا سب سے زیادہ تاثر خیبرپختونخوا سے آیا جہاں پی ٹی آئی نے اکثریت حاصل کی ہے۔ خیبر پختونخوا کے 73 فیصد لوگوں کا خیال تھا کہ انتخابات  منصفانہ نہیں ہوئے۔

آئی پی ایس او ایس کی تحقیق کیلئے  شفافیت اور دھاندلی کے حوالے سے انتخابات کے بعد لوگوں کے انٹرویوز کیے گئے۔ملک بھر  میں ملک بھر سے 3 ہزار سے زیادہ لوگوں کا انٹرویو کیا گیا۔

اس سے ظاہر ہوا کہ ہر 5 میں سے 3 پاکستانیوں کا خیال ہے کہ پولنگ کا طریقہ کار منصفانہ اور شفاف تھا، دیہی علاقوں میں رہنے والے لوگوں نے اس بارے میں زیادہ مثبت رائے کا اظہار کیا۔تقریباً 33فیصد کا خیال ہے کہ موبائل فون سروس بند کرنا اچھا فیصلہ تھا، جب کہ 29 فیصد لوگوں نے اسے غلط فیصلہ قرار دیا، جبکہ دیگر نے نیوٹرل رائے کا اظہار کیا، موبائل فون سروس کی بندش سے بلوچستان کے زیادہ تر لوگوں نے اطمینان کا اظہار کیا جبکہ خیبرپختونخواکے لوگ ناخوش دکھائی دیے۔

(24نیوز)  وزیر اعظم کے انتخاب کیلئےقومی اسمبلی اجلاس میں ووٹنگ کا عمل مکمل ہوگیا،وزرائے اعظم کے امیدواروں کیلئے ووٹوں کی کاؤنٹگ کی جارہی ہے۔ اجلاس ایک گھنٹے کی تاخیر کے بعد شروع ہوا۔ سپیکر قومی اسمبلی ایاز صادق کی زیر صدارت وزیر اعظم کے انتخاب کے لیے  اسمبلی کا اجلاس جاری ہے۔

اجلاس میں شرکت کیلئے قائد مسلم لیگ (ن) نواز شریف، صدر ن لیگ شہباز شریف، چیئرمین پاکستان پیپلز پارٹی بلاول بھٹو زرداری، صدر پاکستان پیپلزپارٹی پارلیمنٹرینز آصف علی زرداری، خواجہ آصف، حمزہ شہباز اور دیگر اراکین قومی اسمبلی ایوان پہنچ چکے ہیں۔

وزارت عظمیٰ کے انتخاب میں حکومتی اتحاد کے امیدوار شہباز شریف اور تحریک انصاف کے حمایت یافتہ سنی اتحاد کونسل کے امیدوار عمرایوب مد مقابل ہیں۔ امیدواروں کو سادہ اکثریت کیلئے 169 اراکین کے ووٹ درکار ہیں جبکہ شہباز شریف کو 200 سے زائد ارکان کی حمایت حاصل ہے۔

سنی اتحاد کونسل نے شہبازشریف کے کاغذات پر اعتراض دائر کیا جو مسترد ہوگیا، ن لیگ نے سنی اتحاد کونسل کے امیدوار عمر ایوب پر کوئی اعتراض دائر نہیں کیا، مسلم لیگ ن کو پیپلز پارٹی، بلوچستان عوامی پارٹی، ایم کیو ایم پاکستان، استحکام پاکستان پارٹی کی حمایت حاصل ہے۔ 336 رکنی ایوان میں وزارت عظمیٰ کے لیے 169 ووٹ درکار ہیں جبکہ اتحادی جماعتوں کو 209 ارکان کی حمایت حاصل ہے۔سنی اتحاد کونسل کے اراکین کی تعداد 91 ہے۔

قومی اسمبلی میں رولز آف پروسیجر اینڈ کنڈکٹ آف بزنس 2007ء کے دوسرے شیڈول کے مطابق وزیراعظم کا انتخاب اراکین قومی اسمبلی کی جانب سے کیا جاتا ہے۔ اس کے علاوہ پاکستان کے اسلامی جمہوریہ مملکت ہونے کی وجہ سے حکومت کے سربراہ کا مسلمان ہونا ضروری ہے۔

وزیراعظم کے انتخاب میں حصہ لینے والے امیدوار کو انتخاب سے ایک روز قبل دوپہر 2 بجے تک کاغذات نامزدگی جمع کروانے ہوتے ہیں جس کے بعد نئے منتخب اسپیکر قومی اسمبلی ان نامزدگیوں کی جانچ کرتے ہیں۔

اگر کوئی امیدوار انتخاب سے قبل اپنے کاغذات نامزدگی واپس لینا چاہے تو وہ کس بھی لمحے واپس لے سکتا ہے۔

ملک کے 24ویں وزیر اعظم کے انتخاب کے لیے شہباز شریف، عمر ایوب اور بلاول بھٹو زرداری نے بطور امیدوار کاغذات نامزدگی جمع کروائے جوکہ منظور کرلیے گئے تھے۔

وزیر اعظم کا انتخاب کیسے ہوتا ہے؟

وزیر اعظم کے امیدواروں کے کاغذات نامزدگی کی جانچ پڑتال کے بعد حتمی امیدواروں کا اعلان کیا جاتا ہے۔پولنگ ڈے پر وزیراعظم کے انتخاب سے قبل قومی اسمبلی کے اسپیکر کی جانب سے 5 منٹ تک گھنٹی بجانے کی ہدایت دی جاتی ہے تاکہ غیرحاضر اراکین ایوان میں آسکیں۔ سب کے آنے کے بعد اسمبلی کا اسٹاف، لابی کے تمام داخلی اور خارجی راستوں پر تعینات ہوجاتے ہیں اور ووٹنگ کا عمل مکمل ہونے تک کسی کو آنے اور جانے کی اجازت نہیں ہوتی۔

قومی اسمبلی کے اسپیکر کی جانب سے نامزد امیدواروں کے نام کو اسمبلی ارکان کے سامنے پکارا جاتا ہے اور پھر دوسرے شیڈول میں موجود طریقہ کار کے ذریعے انتخاب کا عمل آگے بڑھایا جاتا ہے۔

ووٹنگ کیسے ہوتی ہے؟
ووٹنگ کا عمل خفیہ نہیں ہوتا۔ اسپیکر کی جانب سے اراکین اسمبلی سے کہا جاتا ہے کہ وہ اپنے مرضی کے مطابق امیدوار کو ووٹ دینے کے لیے ایک داخلی مقام سے جاکر شمار کنندہ کے پاس اپنا ووٹ ریکارڈ کروائیں۔

جیسے مثال کے طور پر اگر دو امیدوار ہوں تو اسپیکر کہے گا کہ ’جو امیدوار الف کو ووٹ دینا چاہتا ہے وہ لابی الف میں جا سکتا ہے‘ جبکہ ’جو امیدوار ب کو ووٹ دینا چاہتا ہے وہ ب لابی میں جا سکتا ہے‘، اگر تین امیدوار ہیں تو ایک لابی سی بھی ہوسکتی ہے۔اس کے بعد متعلقہ لابی میں داخلے کے بعد شمار کنندہ کی ڈیسک پر پہنچ کر ہر رکن اسمبلی اپنا ڈویژن نمبر پکارتا ہے جو اسے قانون کے تحت دیا گیا ہوگا جس کے بعد شمار کنندہ ڈویژن فہرست میں اس رکن اسمبلی کے نمبر پر نشان لگائے گا اور ساتھ ہی اس کا نام پکارے گا۔

یہ یقینی بنانے کے لیے کہ ووٹ درست طریقے سے رجسٹر ہوا ہے، رکن اسمبلی تب تک اس جگہ سے واپس نہیں آسکے گا جب تک وہ شمار کنندہ کی جانب سے پکارے گئے اپنے نام کو واضح طور پر سن نہیں لیتا۔اپنا ووٹ ریکارڈ کروانے کے بعد وہ رکن اسمبلی تب تک چیمبر میں داخل نہیں ہوسکے گا جب تک دوبارہ گھنٹی نہیں بجائی جاتی۔

پولنگ کے اختتام پر وزیر اعظم  نتائج کا اعلان کیا جاتا ہے۔

(24 نیوز)مسلم لیگ ن کے  امیدوار سردار ایاز صادق تیسری بار قومی اسمبلی کےاسپیکر منتخب،ایاز صادق 199 ووٹ لے کر کامیاب ہوئے۔مدمقابل  امیدوار عامر ڈوگر نے 91 ووٹ حاصل کیے۔

نومنتخب سپیکر قومی اسمبلی سردار ایاز صادق نے کہا ہے کہ مقابلہ جمہوریت کا حسن ہے، سب میرے دوست ہیں، ایوان کا ماحول برقرار رکھنا سب پر فرض ہے، اگر ایوان میں شور شرابہ ہوگا تو کوئی قانون سازی نہیں کر سکے گا، سیشن چلانا آسان نہیں ہوتا یہ بڑی بھاری ذمہ داری ہوتی ہے۔

اسپیکر اور ڈپٹی اسپیکر قومی اسمبلی کے انتخاب کے لیے اجلاس راجا پرویز اشرف کی زیر صدارت ہو رہا ہے۔راجا پرویز اشرف نے پولنگ کے بعد ووٹنگ کی گنتی کا عمل مکمل ہونے کے بعد بتایا کہ سردار ایاز صادق 199 ووٹ لیکر  اسپیکر منتخب ہوئے جبکہ ان کے مد مقابل سنی اتحاد کونسل کے امیدوار ملک محمد عامر ڈوگر نے 91 ووٹ حاصل کیے۔

اسپیکر منتخب ہونے کے بعد ایاز صادق ملک عامر ڈوگر کی نشست پر گئے اور ان کے ساتھ مصافحہ کیا، ایاز صادق نے حامد رضا اور عمر ایوب خان سے بھی مصافحہ کیا جبکہ یوسف رضا گیلانی نے پرجوش طریقے سے گلے لگاکر ایازصادق کو مبارکباد دی۔ 

سردار ایاز صادق کے سپیکر منتخب ہونے کے بعد راجہ پرویز اشرف نے سپیکر کی چیئر نومنتخب سپیکر کے حوالے کردی ۔ڈپٹی سپیکر کا انتخاب سردار ایاز صادق کروائیں گے ۔ڈپٹی سپیکر کے انتخاب کیلئے پیپلز پارٹی کے غلام مصطفیٰ اور سنی اتحاد کونسل کے جنید اکبر کے مابین ہوگا ۔

قومی اسمبلی کے سپیکر ایاز صادق نے عہدے کا حلف لینے کے بعد اجلاس کی صدارت سنبھالتے ہوئے اپنے خیالات کا اظہار کرتے ہوئے کہا کہ سپیکر میں اس کرسی پر ہوں اور اس کے علاوہ میں آپ کا بھائی اور دوست ہوں ، میرے 23 سالہ سیاست کے دور میں ایسی دوستیاں بنیں جو ساری عمر رہیں گی، میری حکومتی اور اپوزیشن کے بینچوں سے گزارش ہے کہ اختلاف ضرور کریں کیونکہ یہ جمہوری حسن ہے ، اختلاف ملکی بہتری کیلئے کریں، حکومت کا کام ہے کارکردگی دکھانااور ملک کو درپیش مسائل سے نکالنا اور اپوزیشن کا کام اس کی اصلاح کیلئے تنقید کرناہے۔

تلخیاں ملک کیلئے نقصان دہ ہیں انہیں ختم کرنا ہوگا:سردار ایاز صادق کا اظہار خیال 

انہوں نے کہا ہے کہ  میں اللہ کے سامنے عاجزی اور انکساری کے ساتھ سر نگوں ہوں جس نے مجھے تیسری مرتبہ اس باوقار منصب پر فائز کیا ، تیسری مرتبہ اس منصب کیلئے نامزد کرنے پر نوازشریف کا شکریہ ادا کرتاہوں  انہوں نے مجھ پر اعتماد کیا، ن لیگ کے صدر شہبازشریف اور ان کے ساتھ گزشتہ پانچ سال کام کرنے کا موقع ملا، ان سے بہت کچھ سیکھنے کو ملا، میں صدر آصف علی زرداری کا شکر گزار ہوں جنہوں نے مجھے تیسری مرتبہ اعتماد کے ووٹ سے نوازا، میں بلاول بھٹو کا بھی اعتماد ظاہر پر شکریہ ادا کرتاہوں ۔خالد مقبول صدیقی اور ان کی جماعت کا بھی شکر یہ ادا کرتاہوں جنہوں نے مجھے دوسری مرتبہ سپیکر بنانے کیلئے ووٹ دیا ۔

عبدالعلیم خان ، بلوچستان عوامی پارٹی کے لیڈر خالد مگسی ، این اے 120 کے عوام اور ووٹرز کا شکریہ ادا کرتاہوں جنہوں نے مجھے اس منصب پر فائز کیا ۔ میں عامر ڈوگر کا بھی شکریہ اداکرتاہوں جنہوں نے جمہوری عمل میں حصہ لے کر اپنا کردار ادا کیا، عامر ڈوگر نے مجھے ہمیشہ عزت دی اور بھائی کہہ کر بلایا ہے میں آپ کو بڑا بھائی بن کر دکھاؤں گا۔

انہوں نے کہا ہے کہ سپیکر اسد قیصر۔ جنہیں میں ہمیشہ سپیکر کہتاہوں ، یہاں بے شمار میرے دوست بیٹھے ہیں جن کے ساتھ سیاست سے ہٹ کر دل کا رشتہ بھی ہے ، مجھ میں اور آپ میں کوئی فرق نہیں ، میں آپ کی ہی طرح رکن اسمبلی ہوں، یہ ذمہ داری وقتی ہے ، میں بطور سپیکر پوری کوشش کروں گا کہ قانون کو ذہن میں رکھ کر اپنے فرائض انجام دوں گا۔ 

میری حکومتی اور اپوزیشن کے بینچوں سے گزارش ہے کہ اختلاف ضرور کریں کیونکہ یہ جمہوری حسن ہے ، اختلاف ملکی بہتری کیلئے کریں، حکومت کا کام ہے کارکردگی دکھانااور ملک کو درپیش مسائل سے نکالنا اور اپوزیشن کا کام اس کی اصلاح کیلئے تنقید کرناہے ۔ آج ہمارے ملک کی سیاست میں جو تلخیاں آ گئیں ہیں وہ ملک کیلئے انتہائی نقصان دہ ہیں ، میری خواہش اور کوشش ہو گی کہ آپ سب کے تعاون سے قومی اتفاق رائے بنائیں ، دوسرے کی بات کو برداشت کریں اور ذاتی تنقید کی بجائے قومی مفاد کی بات کریں ۔

میری خواہش ہے کہ ملک کو درپیش مسائل پر سیاست کرنے کی بجائے مفاہت کے ساتھ ان مسائل کو حل کریں ، حکومت اور اپوزیشن گاڑی کے دو پہیے ہیں ، ان کو ساتھ بٹھانا اور مشاور کرنا میری ذمہ داری ہو گی ۔

 الیکشن میں عوام نے ہمیں 180سیٹیں دیں:عامرڈوگر 

 سنی اتحاد کونسل کے امیدوار عامر ڈوگر نے سپیکر کا انتخاب ہارنے پر کہا کہ فارم 45 کے مطابق الیکشن کا نتیجہ آتا تو میرے 225 ووٹ ہوتے۔ قومی اسمبلی میں سردار ایاز صادق کے حمایتیوں کو مخاطب کرتے ہوئے کہنا تھا کہ میرے آج 91 ووٹ نکلے ہیں اور آپ کے199،  میں سنگل پارٹی ہوں اور آپ 7 پارٹیاں ہیں۔

انہوں نے کہا کہ 8 فروری کا الیکشن خاموش انقلاب تھا، اس دن عوام نے بانی پی ٹی آئی کے نظریئے اور جدوجہد کو ووٹ دیا۔ عوام نے بینگن، ڈھول اور جوتا جیسے نشانات کو ڈھونڈ ڈھونڈ کر مہر لگائی۔ الیکشن میں عوام نے ہمیں 180سیٹیں دیں۔

انہوں نے کہا کہ آپ اور آپ کی قیادت جانتی ہے فارم 47 کے ذریعے ہمارے مینڈیٹ پر ڈاکہ ڈالا گیا، قومی اسمبلی کی 80 نشستیں ہم سے چھینی گئیں مگر ہم چاہتے ہیں کہ اس ایوان کا حصہ رہیں اور اسے باوقار بنائیں۔ 180 اور مخصوص نشستیں ہوں تو آج پی ٹی آئی سب سے بڑی جماعت ہے۔

ڈپٹی سپیکر کے انتخاب کیلئے خفیہ رائے شماری جاری ہے۔
 
 
 

(اویس کیانی)ایم کیو ایم اپوزیشن کےبجائے حکومتی بنچز پر بیٹھے گی،حکومت سازی کیلئے مسلم لیگ ن اور ایم کیوایم میں 3 نکاتی معاہدہ طے پاگیا۔

احسن اقبال اور مصطفیٰ کمال نے 3نکاتی معاہدے پر دستخط کیے،معاہدے کے تحت ، بلدیاتی نظام، کراچی کے مسائل بھی معاہدے کا حصہ ہونگے، چارٹر کے مطابق آئینی ترامیم ترجیح ہونگی،مسلم لیگ ن کو وزیراعظم اور اسپیکر کے انتخاب میں حمایت کی جائے گی۔

مسلم لیگ ن اور ایم کیو ایم پاکستان کے درمیان آئین کے آرٹیکل 140 میں ترمیم پر اتفاق ہو گیا ہے۔معاہدے کے مطابق آرٹیکل 140 کے تحت صوبوں کو دیے جانے والے فنڈز ضلعی حکومتوں کو جائیں گے۔مسلم لیگ ن سے معاہدے کے بعد ایم کیو ایم پاکستان نے اسپیکر اور ڈپٹی اسیپیکر کیلئے ووٹ دینے کا فیصلہ کیا۔

ضرورپڑھیں:’کھایا پیا کچھ نہیں، گلاس توڑا بارہ آنہ‘ نئی حکومت بننے سے پہلے مشکل میں پھنس گئی
قبل ازیں ایم کیو ایم پاکستان نے مسلم لیگ ن کے ساتھ معاہدہ طے نہ پا جانے تک ووٹنگ کے عمل کا حصہ نہ بننے کا فیصلہ کیا تھا۔

(24 نیوز)سنی اتحاد کونسل کے وزیراعظم کیلئے   نامزد امیدوار عمر ایوب نے کہاہے کہ اصلی مینڈیٹ کے حقدار بانی پی ٹی آئی ہیں،قیدی نمبر 804کو قائد ایوان کی سیٹ پر بٹھائیں گے۔

 سپیکر راجہ پرویز اشرف کی زیرصدارت قومی اسمبلی کا اجلاس جاری ہے، عمر ایوب نے اظہار خیال  کرتے ہوئے کہاکہ اس ہاؤس میں گھس بیٹھیے آکر بیٹھ گئے ہیں،یہ یہاں آ کر جعلی مینڈیٹ سے ایوان میں بیٹھےہوئےہیں، وہ کس حیثیت میں ووٹ ڈال سکتے ہیں،جناب سپیکر عوامی مینڈیٹ پر ڈاکا ڈالنے والوں کو ایوان سے باہر نکالیں۔

انہوں نے کہا ہے کہ ہماری خواتین کی سیٹیں مکمل نہیں،ہماری خواتین ہاؤس میں نہیں، کیسے سپیکر کا الیکشن کنڈکٹ کر سکتے ہیں،فارم 45کچھ اور کہہ رہا، فارم 47کچھ اور کہہ رہا،اصلی مینڈیٹ کے حقدار بانی پی ٹی آئی ہیں،ان کا کہناتھا کہ آپ نے ہمارے سر کے تاج ہمارے ورکر کو جیل میں رکھا،ہاؤس نامکمل ہے، آپ کیسے پراسیس کو مکمل کر سکتے ہیں،آپ اس ہاؤس کو کیسے چلا سکتے ہیں۔

ضرورپڑھیں:قومی اسمبلی ،سپیکر کا انتخاب خفیہ رائے شماری سے کیا جارہا ہے

عمر ایوب نے کہاکہ الیکشن نتائج نامکمل ہیں یہ ایوان کیسے چلایا جا سکتا ہے،ایوان میں ہماری خواتین ارکان ہی نہیں، ہماری خواتین ارکان عالیہ حمزہ، ڈاکٹر یاسمین اور دیگر کو جیلوں میں  رکھا ہے،انہوں نے کہاکہ گلا خراب ہو یا کٹ جائے ہم نے آواز اٹھانی ہے۔

(24 نیوز)قومی اسمبلی میں ایوان کے نئے اسپیکر اور ڈپٹی اسپیکر کا انتخاب ،خفیہ رائے شماری سے سپیکر کا انتخاب کیا جارہا ہے، وزیراعظم کا انتخاب تین مارچ کو کیا جائے گا۔

سپیکر کے انتخاب کیلئے  رائے شماری میں جے یو آئی(ف) کے ارکان اسمبلی نے حصہ نہیں لیا ،ایم کیو ایم اپوزیشن کے بجائے حکومتی بینچوں پر آگئی اور ووٹنگ میں حصہ لیا ۔

قومی اسمبلی کے اجلاس میں گزشتہ روز  336 میں سے 302 ارکان نے حلف اٹھایا تھا۔16 ویں قومی اسمبلی کے پہلے ہی اجلاس میں اسپیکر ڈائس کے سامنے ن لیگ اور پی ٹی آئی کے حمایت یافتہ سنی اتحاد کونسل کے ارکان نے ایک دوسرے کے خلاف سخت نعرے بازی کی، نواز شریف کی ایوان میں آمد پر نعروں میں شدت آگئی۔

ایوان میں آنے کے بعد نواز شریف اور شہباز شریف نے آصف زرداری اور بلاول بھٹو سے مصافحہ کیا، نوازشریف کے نشست سنبھالتے ہی مسلم لیگ ن کے ارکان نے نواز شریف کے گرد حصار بنا کر شیر شیر کے نعرے لگائے۔پی ٹی آئی کے حمایت یافتہ سنی اتحاد کونسل کے ارکان نے نواز شریف کی طرف ماسک بھی اچھالا اور عمران خان کے حق میں نعرے بازی کی جبکہ ارکان رول آف ممبر پر دستخط کرتے ہوئے عمران خان کی تصاویر بھی لہراتے رہے۔

لازمی پڑھیں :ملک میں صدارتی انتخاب 9 مارچ کو ہو گا،الیکشن کمیشن نے شیڈول جاری کردیا

آصف زرداری کے دستخط کرتے وقت آصفہ بھٹو نے بھی نعرے لگائے، اجلاس کے دوران بلاول بھٹو نے ایوان میں موجود مولانا فضل الرحمان اور اخترمینگل سے ملاقات کی جبکہ گیلری میں وزیراعلیٰ پنجاب مریم نواز اور آصفہ بھٹو کی بھی ملاقات ہوئی دونوں ایک دوسرے سے گلے بھی ملیں۔

ادھر ایوان میں اسپیکر اور ڈپٹی اسپیکر کے انتخاب سے متعلق بات چیت کرتے ہوئے پی ٹی آئی کے بیرسٹر گوہر کا کہنا ہے کہ اسمبلی مکمل ہونے تک اسپیکر کا انتخاب نہیں ہو سکتا، عوامی نمائندہ تب ہی بنا جا سکتا ہے جب عوام کا مینڈیٹ حاصل ہو، مینڈیٹ کے مطابق قومی اسمبلی میں ہماری تعداد 186 ہے۔پی ٹی آئی کے رہنما عمرایوب نے کہا کہ مخصوص نشستوں پر ہماری خواتین ارکان جیل میں ہیں، اجلاس کیلئے نہیں لایا گیا۔

دوسری جانب جمیعت علمائے اسلام کے سربراہ مولانا فضل الرحمان نے اسپیکر ڈپٹی اسپیکر، اور وزیر اعظم کےانتخاب کے بائیکاٹ کا اعلان کر لیا ہے۔

مولانا فضل الرحمان کا کہنا تھا کہ یہ اسمبلی عوام کی نمائندگی نہیں کرتی، ووٹ استعمال نہیں کریں گے، اپوزیشن میں بیٹھیں گے۔عوامی نیشنل پارٹی نے بھی پارلیمانی الیکشن کا حصہ نہ بننے کا فیصلہ کیا ہے جبکہ اسفند یار ولی خان نے کہا ہے کہ اے این پی کے اراکین کسی اسمبلی، سینیٹ میں انتخابی عمل کا حصہ نہیں ہوں گے۔

(روزینہ علی)سینیٹ سے 11 نشستیں خالی ہوگئیں ۔سینیٹر تاج حیدرنے سینیٹ کی گیارہ خالی نشستوں پر جلد از جلد انتخابات کرانے کیلئےچیف الیکشن کمشنر کو خط لکھ دیا ۔

    سینیٹ سے استعفوں کے بعد گیارہ نشستیں خالی ہوگئی ہیں ۔پیپلز پارٹی کے رہنما سینیٹر تاج حیدر نے خالی نشستوں پر انتخابات کیلئے الیکشن کمیشن کو خط لکھ دیا ہے،خط کے متن کے مطابق اس وقت سینیٹ آف پاکستان کی گیارہ نشستیں خالی ہیں،  سینیٹ نامکمل ہے اور تعداد میں کمی تقریباً 10 فیصد ہے، الیکشن ایکٹ کا سیکشن 127 سینیٹ کی خالی نشستوں پر ضمنی انتخابات سے متعلق ہے۔

ضرورپڑھیں:قومی اسمبلی کے نومنتخب ارکان نے حلف اٹھا لیا ،سپیکر،ڈپٹی سپیکر کا انتخاب کل ہوگا

 سینیٹر تاج حیدر کی جانب سے لکھے گئے خط میں مزید کہا گیا ہے کہ اسی ایکٹ کا سیکشن 107 سینیٹ کے تمام انتخابات کا طریقہ کار بتاتا ہے، انتخابی شیڈول کے ہر مرحلے کو مکمل کرنے کے لیے ایک دن سے زیادہ کا وقت نہیں دیا جاتا،  سینیٹ کی مذکورہ خالی نشستوں پر جلد از جلد انتخابات کرائے جائیں۔
 سینیٹر یوسف رضا گیلانی،سینیٹر جام مہتاب، سینیٹر نثار کھوڑو،سینیٹر غفور حیدری،سینیٹر سرفراز بگٹی، سینیٹر نزہت صادق، سینیٹر صادق سنجرانی، سینیٹر شہزادہ عمر، سینیٹر مرحوم رانا مقبول، سینیٹر شوکت ترین اور سینیٹر انوار الحق کاکڑنے سینیٹر شپ سے استعفیٰ دیا ہے۔

(24 نیوز)پی ٹی آئی رہنما بیرسٹر گوہر خان نے کہا ہے کہ کسی کا مینڈیٹ چوری کر کے پارلیمان میں نہیں آنا چاہیے۔

قومی اسمبلی کے افتتاحی اجلاس میں شرکت کے موقع پر میڈیا سے گفتگو کرتے ہوئے پی ٹی آئی رہنما بیرسٹر گوہر خان کا کہنا تھا کہ پارلیمان میں صرف وہ لوگ جائیں جو لوگوں کے مینڈیٹ پرآئے ہیں۔

لازمی پڑھیں۔قومی اسمبلی اجلاس،کئی اراکین عمران خان کا ماسک پہن کر پہنچ گئے

بیرسٹر گوہر کا کہنا تھا کہ اس مرتبہ ففتھ جنریشن والی رگنگ ہوئی ہے۔ اصل مقصد تو یہ ہے کہ پارلیمان مضبوط ہو، کسی کا مینڈیٹ چوری کر کے پارلیمان میں نہیں آنا چاہیے۔

 یاد رہے کہ قومی اسمبلی کے 336 ارکان میں سے 282 ممبران نے حلف اٹھا لیا ہے۔میاں نواز شریف ، شہباز شریف،  آصف علی زرداری ، مولانا فضل الرحمان ، بلاول بھٹو زرداری ،بیرسٹر گوہر، اسد قیصر، عمر ایوب ،اختر جان مینگل، خالد مگسی، محمود اچکزئی، چوہدری سالک نے حلف سمیت ملک بھر سے نو منتخب ارکان نے حلف اٹھایا ۔

(24 نیوز)قومی اسمبلی کے ابتدائی سیشن میں جے یو آئی(ف)کے سربراہ مولانا فضل الرحمان نے بھی حلف اٹھالیا،مولانا فضل الرحمان نے کہا ہے کہ لگتا نہیں اسمبلی پانچ سال پورے کرے گی۔

جے یو آئی(ف)کے سربراہ مولانا فضل الرحمان کے پارلیمنٹ پہنچنے پر صحافی نے سوال کیاکہ اسمبلی کیسے لگی آپ کو ؟،مولانا نے جواب دیا کہ یہ کوئی اسمبلی ہے کیا۔صحافی نے پھر سوال کیا کہ مولانا صاحب اسمبلی پانچ سالُ پورے کرے گی، مولانا بولے کہ لگتا تو نہیں ہے۔

پارلیمنٹ ہاؤس آمد پر میڈیا سے گفتگو میں عبدالعلیم خان نے کہا کہ دعا کریں اسمبلی عوام کی امیدوں پر پورا اتر سکے اور  مشکل وقت میں عوام کے لیے ریلیف کا بندوبست کرسکیں۔

عبدالعلیم خان نے کہا کہ اللہ کا شکر ادا کرتاہوں،کوششیں ہوگی کہ پاکستان کی ترقی میں کردار ادا کرسکوں۔ مزید کہا کہ تحریک انصاف کے پاس ایک صوبائی اسمبلی موجود ہے، تحریک انصاف کو چاہئے کہ خیبرپختونخوا کے عوام کی بہتری کیلئے کردار ادا کریں۔

یاد رہے قومی اسمبلی کے اجلاس میں نو منتخب ارکان نے حلف اٹھالیا ہے۔سپیکر راجہ پرویز اشرف نے نو منتخب اراکین سے حلف لیا ۔

(عیسیٰ ترین) بلوچستان اسمبلی کے اجلاس میں اسپیکر اور ڈپٹی اسپیکر کا انتخاب کر لیا گیا۔

مسلم لیگ ن کےعبدالخالق اچکزئی بلا مقابلہ اسپیکر بلوچستان اسمبلی جبکہ غزالہ گولہ بلا مقابلہ ڈپٹی اسپیکر منتخب ہوئیں۔آج بلوچستان اسمبلی اجلاس میں اسپیکراورڈپٹی اسپیکر حلف اٹھائیں گے۔

 کسی مخالف اُمیدوار نے اسپیکر اور ڈپٹی اسپیکر کے کاغذات نامزدگی حاصل نہ کیے۔ذرائع کے مطابق بلوچستان اسمبلی کے اسپیکر کی نامزدگی کا فیصلہ نوازشریف اور شہبازشریف نے صوبے کی قیادت سے مشاورت کے بعدکیا۔

واضح رہے کہ بلوچستان اسمبلی کے اسپیکر اور ڈپٹی اسپیکرکا انتخاب آج کیا جائے گا۔ آج سہ پہر 3 بجے صوبائی اسمبلی کے نومنتخب اراکین ایوان کے نئے اسپیکر اور ڈپٹی اسپیکر کے انتخاب کیلئے ووٹ کاسٹ کریں گے۔

مزید پڑھیں:  شہباز شریف نے عمران خان کے آئی ایم ایف کو لکھے خط کو ملک دشمنی قرار دیدیا

بلوچستان اسمبلی میں اسپیکر اور ڈپٹی اسپیکر کے انتخاب کیلئے کاغذات نامزدگی آج دوپہر 12 بجے تک جمع کرائے جا سکیں گے۔ بلوچستان کی صوبائی اسمبلی کے 65 اراکین کے ایوان میں سے گزشتہ روز 57 نومنتخب ارکان نے حلف اٹھایا تھا۔

(طیب سیف)قومی اسمبلی اجلاس میں حلف اٹھانے کیلئے نواز شریف بھی پہنچ گئے۔سابق وزیر اعظم نے کہا ہے کہ آئی ایم ایف کو خط لکھنا ملک دشمنی کے مترادف ہے، کوئی سیاسی جماعت ایسے خط نہیں لکھ سکتی، ایسے خط وہ لکھ سکتے ہیں یہ ان کا وطیرہ ہے، اب آپ خود ہی نتیجہ اخذ کرلیں۔

رہنماء پیپلز پارٹی یوسف رضا گیلانی پارلیممٹ پہنچ گئے ،کہتے ہیں کہ ہر الیکشن پر دھاندلی کی ہی باتیں ہوتی ہیں،میں 1985 سے ہی ایسی باتیں سن رہا ہوں۔ملتان سے منتخب رکن زین قریشی نے کہا ہے کہ میں آج اپنے والد اور عمران خان صاحب کو مس کر رہا ہوں،ہم جمہوری لوگ ہیں ، جمہوریت کو پسند کرتے ہیں،ہم اپوزیشن مین بیٹھے ہیں ، اور ایک اچھی اپوزیشن کر کے دکھائے گے۔

ضرورپڑھیں:قومی اسمبلی کا اجلاس،ارکان کی آمد جاری ،کارروائی تاخیر کا شکار

نوازشریف، شہبازشریف ،اسحاق ڈار ،بلاول بھٹو ،آصفہ بھٹو،ایاز صادق، عطاء تاڑڑ ،آئی پی پی کے صدر عبدالعلیم خان ، عون چوہدری پارلیمنٹ ہائوس پہنچ گئے،اسی طرح شازیہ مری، ایاز صادق، حنیف عباسی، سید نوید قمر ،خورشید شاہ، اعظم نذیر تارڑ ، خالد مگسی ،پیپلز پارٹی کی نو منتخب رکن اسمبلی ڈاکٹر نفیسہ شاہ پارلیمنٹ ہاؤس پہنچ گئیں،فاروق ستار بھی پارلیمنٹ ہاؤس پہنچ گئے ہیں ۔

تحریک انصاف کو مخصوص نشستیں ملی گی یا نہیں ۔۔اس کا فیصلہ الیکشن کمیشن نے محفوظ کر لیا ہے۔ یہ فیصلہ یو تو جمعہ کے روز ممکن تھا لیکن لٹکتے لٹکتے ہیں یہ فیصلہ آج ہوا ہے جو ابھی جاری نہیں کیا گیا ۔آج کیس کی سماعت ہوئی تو چیف الیکشن کمشنر سکندر سلطان راجہ کی سربراہی میں 5 رکنی بینچ نے سنی اتحاد کونسل کی مخصوص نشستوں کے معاملے پر سماعت کی جس سلسلے میں علی ظفر، بیرسٹر گوہر، فروغ نسیم، اعظم نذیر تارڑ، کامران مرتضیٰ، فاروق نائیک اور دیگر نے دلائل دیے۔پروگرام’10تک‘میں میزبان ریحان طارق نے کہا ہے کہ سنی اتحا دکونسل کے وکیل علی ظفر نے کہا کہ الیکشن کمیشن نےکل آرڈر کیا کہ تمام درخواستوں کو یکجا کرنا ہے، الیکشن کمیشن نے فیصلہ کیا اسمبلی میں موجود تمام جماعتوں کو نوٹس کیا جائے، ایسا نہیں ہوسکتا کہ آپ رات کو نوٹس کریں اور صبح جماعتیں تیار ہوں، اس سماعت کو معنی خیز کریں۔ اس پر چیف الیکشن کمشنر نے کہا کہ سب جماعتوں کو نہیں اسمبلی کی متعلقہ جماعتوں کو بلایا ہے علی ظفر نے کہا کہ حقیقت یہ ہےکہ پی ٹی آئی کا نشان لیاگیا، سپریم کورٹ میں کہا تھا نشان نہیں دیں گےتو مخصوص نشست کا مسئلہ ہوگا، سپریم کورٹ کو ای سی پی کے وکیل نے کہا کہ ایسا کچھ نہیں ہوگا لیکن پی ٹی آئی حمایت یافتہ امیدوار مختلف نشانات پر الیکشن لڑے،علی اسمبلی میں آزاد آمیدوارسیاسی جماعتوں سے زیادہ ہیں، ابھی غیر معمولی صورت حال ہے، پی ٹی آئی حمایت یافتہ آزاد امیدواوں کی اسمبلی میں اکثریت ہے۔ انہوں نے مزید کہا کہ آزاد امیدواروں کوکوٹے پرکیسے مخصوص نشست مل سکتی ہے، یہ سوال ہے، قومی اسمبلی میں آزاد نشستوں میں 86 نے سنی اتحاد کونسل میں شمولیت اختیار کی، سندھ میں 9، پنجاب میں 107 اور کے پی میں 90 ایم پی ایز نے سنی اتحاد کونسل میں شمولیت اختیار کی۔ علی ظفر نے اپنے دلائل میں کہا کہ آپ نے جس جماعت کو رجسٹرکیا اور نشان بھی دیا وہ سیاسی جماعت ہے، الیکشن کمیشن کی فہرست میں پی ٹی آئی رجسٹرڈ جماعت ہے، نشان مل جائے تو الیکشن ایکٹ کے تحت وہ جماعت الیکشن لڑ سکتی ہے۔ اس دوران پیپلز پارٹی کے وکیل فاروق نائیک نے کہا کہ سنی اتحادکونسل نےکوئی ترجیحی فہرست جمع نہیں کرائی، سیاسی جماعت کاغذات نامزدگی جمع کرانےکی تاریخ گزرجانےکے بعد ترجیحی لسٹ میں ترمیم بھی نہیں کرسکتی، قانون اتناسخت ہے کہ آپ کوئی نام تبدیل بھی نہیں کرسکتے، (ن) لیگ کے وکیل اعظم نذیر تارڑ کا دلائل میں کہنا تھا کہ ترجیحی فہرست قانون کے مطابق دی جائے گی، ایسی جماعت جس نے الیکشن میں حصہ نہیں لیاکیا آزاد ارکان اس میں شامل ہوسکتے ہیں؟ مخصوص نشست کے دعوے کیلئے سیاسی جماعت کوچند سیٹیں جیتنا لازم ہے، ایم کیو ایم کے وکیل فروغ نسیم نے دلائل دیتے ہوئے کہا کہ قانون کی نظر میں سنی اتحاد کونسل پارلیمانی جماعت نہیں، روکی ہوئی مخصوص نشستیں ایم کیو ایم کو کوٹے کے مطابق دی جائیں ، سنی اتحاد کونسل نے جنرل الیکشن لڑا نہ ترجیحی فہرست جمع کرائی، سنی اتحاد کونسل کے سربراہ نے خود آذاد حیثیت میں الیکشن لڑا، الیکشن کمیشن آئین، قانون کے مطابق مخصوص نشستوں پر فیصلہ کرے۔ کامران مرتضیٰ نے اپنے دلائل میں کہا کہ ہم اس کیس میں نہیں تھے،آپ نے بلایا تو آئے ہیں، قانون میں ہے جس جماعت کا جتنا حصہ ہے وہ اسے ملتا ہے، بطور آزاد امیدوار انہیں مخصوص نشست نہیں مل سکتی تھی، سیاسی جماعت کی فہرست ایگزاسٹ ہونے پر اس میں نیانام شامل ہوسکتا ہے، تاریخ گزر جانےکے بعدجماعت نئی ترجیحی فہرست جمع نہیں کراسکتی۔آج سماعت کے دوران چیف الیکشن کمشنر سکندر سلطان راجا نے سنی اتحاد کونسل کا کمیشن کو لکھا خط پاکستان تحریک انصاف (پی ٹی آئی ) کے وکیل بیرسٹر علی ظفر کو دیتے ہوئے ریمارکس دیے کہ سنی اتحاد کونسل کو مخصوص نشستیں نہیں چاہییں تو آپ کیوں ان کو مجبور کر رہے ہیں۔جس پر علی ظفر نے خط سے متعلق لاعلمی کااظہار کیا۔دلائل مکمل ہونے پر سنی اتحاد کونسل کی مخصوص نشستوں پر فیصلہ محفوظ کرلیا ج وکسی بھی وقت سنایا جا سکتا ہے۔الیکشن کمیشن کی جانب سے خط کا تزکرہ کرنے سے ایک بار ایسا محسوس ہوا جیسے سنی اتحاد کونسل نے خود سے نشستیں لینے سے انکار کر دیا ہے۔لیکن اس کی وضاحت بعد میں خود حامد رضا نے کی اور بتایا الیکشن کمیشن کو لکھے گئے خط کی حقائق کے برعکس تشریح کی جارہی ہے۔ الیکشن کمیشن عام انتخابات کرانے کے بعد تمام پارٹیوں کو خط لکھتا ہے کہ ٹکٹوں کی تقسیم میں پانچ فیصد کوٹا خواتین کو دیا جاتا ہے، وہ خط صرف ہمیں نہیں لکھا گیا تمام جماعتوں کو لکھا گیا ہے۔ حامد رضا نے کہا کہ چونکہ سنی اتحاد نے الیکشن میں حصہ نہیں لیا اس لیے ہم نے صرف یہ بتایا کہ ہم نے الیکشن میں حصہ نہیں لیا اس لیے ہمارے پاس 5 فیصد خواتین کو ٹکٹ دینے کی ایسی کوئی فہرست موجود نہیں۔مزید دیکھیے اس ویڈیو میں