قومی اسمبلی اجلاس:ماحول کے ساتھ تقاریر میں بھی گرمی،اپوزیشن کا حکومت کو جواب

(عثمان خان)26 ویں آئینی ترمیم پر بڑا بریک تھرو ہوگیا، مسلم لیگ ن اور پیپلز پارٹی آئینی عدالتوں کے قیام سے پیچھے ہٹ گئیں۔

ذرائع کے مطابق خصوصی پارلیمانی کمیٹی کے اجلاس میں حکومتی اتحادی جماعتوں اور جے یو آئی میں آئینی بنچ کی تشکیل پر اتفاق ہوگیا۔پارلیمانی ذرائع نے بتایا ہے کہ حکومت اور جے یو آئی نے مشترکہ مسودہ پر پی ٹی آئی سے مشاورت کا فیصلہ کیا ہے، مولانا فضل الرحمان حتمی مسودہ پی ٹی آئی قیادت کیساتھ شیئر کرینگے ۔ 

ذرائع کے مطابق پارلیمنٹ کی خصوصی کمیٹی کا اجلاس آج بھی بے نتیجہ ختم ہو گیا، اجلاس میں آج بھی آئینی ترمیم پر حتمی فیصلہ نہ ہو سکا، اجلاس کل دوبارہ ہو گا۔اس حوالے سے لیگی سینیٹر عرفان صدیقی نے کہا ہے کہ اتفاق رائے کے بہت قریب پہنچ گئے ہیں بس اب ایک پھونک کی دیر ہے، پھونک کمیٹی مارے گی، آج کمیٹی میں بہت اچھی گفتگو ہوئی ہے، تقریباً سب کا اتفاق ہوگیا ہے۔

رہنما پیپلزپارٹی شیریں رحمان کا اس حوالے سے کہنا تھا کہ آج پی ٹی آئی نے مسودہ پیش نہیں کیا، پی ٹی آئی آج شام جمعیت علمائے اسلام کے ساتھ بیٹھے گی، پیپلز پارٹی اور جمعیت علمائے اسلام کا مسودے پر اتفاق ہوگیا ہے۔

انہوں نے کہا کہ ایک دو دن کی بات ہے خود دیکھ لیجیے گا آئینی مسودے کی تیاری کے لیے بہت محنت ہوئی ہے، سب کی گزارشات سن کر آگے چلیں گے، بلاول بھٹو نے اس کی پہل کی ہے اور ہم اتفاق رائے پیدا کرنے کیلئے سیاسی فورمز استعمال کر رہے ہیں۔

پارلیمنٹ کی خصوصی کمیٹی کا اجلاس چیئرمین سید خورشید شاہ کی صدارت میں ہوا ۔اجلاس میں سینیٹر عرفان صدیقی ، بیرسٹرگوہر علی خان ، اعجاز الحق ،ے یو آئی کے سینیٹرکامران مرتضیٰ اور شاہدہ اختر علی شریک ہوئے۔

(24 نیوز)حکومت آئینی ترامیم کیلئے سرگرم مگر اپوزیشن رکاوٹ ڈالنے کیلئے پیش پیش،پارلیمنٹ کا اجلاس تاخیر کا شکار،مجوزہ آئینی پیکج کی منظوری کیلئے اجلاس جلد ہونے کا امکان ہے،حکومت اسے جلد ہی پارلیمنٹ میں پیش کرنے کا ارادہ رکھتی ہے اور اسے امید ہے کہ پیکیج کی منظوری کے لیے مطلوبہ حمایت حاصل کر لے گی۔

ایک رپورٹ کے مطابق  سینیٹ میں پاکستان مسلم لیگ (ن) کے پارلیمانی لیڈر عرفان صدیقی نے صحافیوں کو بتایا کہ اس بات کا قوی امکان ہے کہ آئینی پیکیج اکتوبر کے پہلے ہفتے میں ایوان میں پیش کیا جائے گا۔تاہم عرفان صدیقی نے اتفاق کیا کہ خاص طور پر سینیٹ میں جمعیت علمائے اسلام (ف) کے سربراہ مولانا فضل الرحمٰٰن کی حمایت کے بغیر آئینی ترامیم کا منظور ہونا ممکن نہیں ہے۔

ان کا کہنا تھا کہ حکومتی اتحاد اس حوالے سے سربراہ جے یو آئی (ف) کے ساتھ رابطے میں ہے، جنہوں نے آئینی عدالت کے تصور کی حمایت کی ہے لیکن وہ اہم معاملات پر وضاحت چاہتے، جس میں ججز کی تعداد، تقرر کا طریقہ کار، مدت، ریٹائرمنٹ کی عمر اور سروس اسٹرکچر شامل ہیں۔عرفان صدیقی نے بتایا کہ مجوزہ آئینی عدالت کی نوعیت وفاقی اور اس میں تمام صوبوں کی نمائندگی ہوگی۔

انہوں نے یاد دلایا کہ سابق وزرائے اعظم نواز شریف اور بے نظیر بھٹو کے درمیان مئی 2006 میں طے پانے والے میثاق جمہوریت میں آئینی عدالت کے قیام پر اتفاق کیا گیا تھا،  اس تجویز کی پی ٹی آئی کے بانی عمران خان سمیت تمام اہم سیاسی رہنماؤں نے تائید کی تھی۔ججز کی تقرری کے طریقہ کار میں مجوزہ تبدیلیوں کے حوالے سے انہوں نے یاد کیا کہ 18ویں ترمیم سے پہلے چیف جسٹس آف پاکستان اور صوبائی چیف جسٹسز کا ججوں کی تقرری میں اہم کردار تھا۔

2010 میں منظور کردہ 18ویں آئینی ترمیم کا مقصد طاقت کے توازن کو بحال کرنا تھا، جس میں 2 طریقے متعارف کرائے گئے، جس میں چیف جسٹس کی سربراہی میں جوڈیشل کمیشن اور حکومت اور اپوزیشن کی یکساں نمائندگی کے ساتھ 8 رکنی پارلیمانی کمیٹی شامل تھی۔ 19ویں ترمیم کی منظوری نے تقرری کے عمل میں پارلیمنٹ کے کردار کو مؤثر طریقے سے بے اثر کر دیا، جو اُس وقت کے چیف جسٹس افتخار چوہدری کے دباؤ پر کیا گیا۔

عرفان صدیقی نے بتایا کہ پارلیمنٹ نے ’غیر ارادی طور پر‘ 19ویں ترمیم منظور کی، جس نے عملی طور پر عدالتی تقرریوں میں پارلیمانی کمیٹی کے کردار کو مفلوج کر دیا، انہوں نے دلیل دی کہ موجودہ تجویز کا مقصد 18ویں ترمیم کی طرف لوٹنا ہے، جس سے پارلیمنٹ کو زیادہ بامعنی کردار ملے گا۔

یاد رہے کہ مجوزہ آئینی ترمیمی بل  میں مجموعی طور پر 54  تجاویز شامل ہیں،دستاویز کے مطابق مجوزہ ترمیمی بل میں آرٹیکل 63 اے میں ترمیم کی تجویز شامل ہے، آرٹیکل 63 اے میں پارلیمانی پارٹی کی ہدایات کے خلاف جانے پر ووٹ شمار کرنے کی ترمیم کی تجویز بھی ہے۔

 آرٹیکل 17 میں ترمیم کے ذریعے وفاقی آئینی عدالت کی تجویز اور آرٹیکل 175 اے کے تحت ججز کی تقرری کے طریقہ کار میں بھی ترمیم کی تجویز شامل ہے،مجوزہ آئینی ترمیمی بل کے مسودے کے مطابق وفاقی آئینی عدالت کے چیف جسٹس کیلئے نام قومی اسمبلی کی کمیٹی وزیراعظم کو دے گی۔

 دستاویز کے مطابق قومی اسمبلی کی کمیٹی3 سینئر ترین ججز میں سے چیف جسٹس کا انتخاب کرے گی، ججز کی تقرری کیلئے قومی اسمبلی کی کمیٹی 8 ارکان پر مشتمل ہو گی،کمیٹی ارکان کا انتخاب اسپیکر قومی اسمبلی تمام پارلیمانی پارٹی کے تناسب سے کریں گے، کمیٹی چیف جسٹس کی ریٹائرمنٹ سے 7  روز قبل سفارشات وزیراعظم کو دے گی۔

 مجوزہ آئینی ترمیمی بل کے مسودے کے مطابق وفاقی آئینی عدالت کے جج کی ریٹائرمنٹ کی عمر 68 سال ہو گی، سپریم کورٹ کا جج وفاقی آئینی عدالت میں 3 سال کیلئے جج تعینات ہو گا۔بل میں ہائی کورٹس سے سو موٹو لینے کا اختیار واپس لینے اور ہائی کورٹ ججز کی ایک ہائی کورٹ سے دوسری ہائی کورٹ میں تبادلے کی تجویز بھی شامل ہے۔

 اس وقت ایوان میں پوزیشن کیا ہے؟

حکومتی بینچز پر قومی اسمبلی میں مسلم لیگ ن 110 اور پیپلز پارٹی کی 69 نشستیں ہیں جبکہ ایم کیو ایم پاکستان کے 22، ق لیگ کے 5، آئی پی پی کے 4، مسلم لیگ ضیا، بلوچستان عوامی پارٹی اور نیشنل پارٹی کا ایک ایک رکن ہیں۔

 قومی اسمبلی سیکرٹریٹ کے مطابق حکومتی بینچز پر20 مخصوص نشستوں کے سوا 213 اراکین ہیں جبکہ اپوزیشن بینچز پر سنی اتحادکونسل کے 80، جے یو آئی کے 8، پی ٹی آئی کے حمایت یافتہ 8 آزاد اراکین، پی کے میپ، بی این پی مینگل اور ایم ڈبلیو ایم کا ایک ایک ممبر ہے۔اپوزیشن بینچز پر موجود ایک آزاد رکن نے ن لیگ میں شمولیت اختیار کر رکھی ہے۔

 سیکرٹریٹ کے مطابق مسلم لیگ ن کو 15، پیپلز پارٹی پارٹی کو 5 اور جے یو آئی کو 5 مخصوص نشستیں دی گئیں تھیں تاہم مخصوص نشستیں گنتی میں شامل نہیں ہیں، قومی اسمبلی میں اراکین کی تعداد 23 مخصوص نشستوں کے بغیر313 ہے، خالی اور متنازع 23 نشستیں پی ٹی آئی کو دینے کے بعد تعداد 336 ہو جائے گی۔

  (حاشر احسن) پریکٹس اینڈ پروسیجر ایکٹ کے تحت قائم کردہ ججز کمیٹی کا آج ہونے والا اجلاس مؤخر کردیا گیا۔

ذرائع کے مطابق ججز کمیٹی کے اجلاس کے ایجنڈے میں 63 اے فیصلہ پر نظرثانی درخواستیں اورآڈیو لیک کیس سے متعلق درخواستیں بھی شامل تھیں۔ 3رکنی ججز کمیٹی چیف جسٹس قاضی فائز عیسیٰ،جسٹس منصور علی شاہ اور جسٹس منیب اختر پر مشتمل ہے۔

ذرائع کے مطابق سپریم کورٹ پریکٹس اینڈ پروسیجر ترمیمی آرڈیننس 2024 کابینہ میں پیش کیے جانے اور منظوری کا امکان ہے ۔ترمیمی آرڈیننس 2024 کے نفاذ سے عدلیہ میں جو بھی کارروائی ہوگی اس کا ٹرانسکرپٹ تیار ہوگا ،ترمیمی آرڈیننس کے نفاذ سے عدلیہ کی کارروائی عوام کے لیے دستیاب ہوگی۔

ضرورپڑھیں:ووٹوں کے سامنے فارم 45کی کوئی اہمیت نہیں، چیف جسٹس،انتخابی عذرداری کیس کا فیصلہ سنا دیا

 سپریم کورٹ پریکٹس اینڈ پروسیجر ترمیمی آرڈیننس 2024 کا مقصد عدالتی عمل میں مزید شفافیت لانا ہے،مقدمات کی میرٹ پر سماعت اور انہیں نمٹانے کو یقینی بنانے کے لئے کمیٹی کے اندر بہتری لائی جا رہی ہے،نئے ترمیمی آرڈیننس کے تحت کمیٹی کے کسی رکن کی عدم دستیابی پر چیف جسٹس کسی معزز جج کو کمیٹی کا رکن نامزد کر سکتے ہیں۔

اہم بات یہ ہے کہ آرٹیکل 63 اے فیصلے کیخلاف نظر ثانی اپیلیں سپریم کورٹ میں تاحال سماعت کیلئے مقرر نہ ہوسکیں ۔ جسٹس منیب اختر کے تحریر کیے گئے  فیصلے میں کہا گیا تھا پارلیمانی پارٹی کی ہدایت کے بر خلاف ووٹ دینے والے ممبران کا ووٹ شمار نہیں ہوگا ۔

مجوزہ آئینی ترمیم حکومت کے گلے پڑ گئی ،مخصوص نشستوں کی بندر بانٹ،پی ٹی آئی کو جھٹکا ،میزبان ثناء بچہ نے پروگرام’گونج‘میں اہم انکشافات کردئیے 

(ویب ڈیسک)سپریم کورٹ کورٹ کے اگلے چیف جسٹس منصور علی شاہ ہوں گے،چیئرمین پیپلز پارٹی بلاول بھٹو زرداری اور وفاقی وزیر اطلاعات عطاء اللہ تارڑ نے بتادیا ۔

 بلاول بھٹو زرداری نے نجی ٹی وی کے پروگرام میں گفتگو کرتے ہوئے کہا ہے کہ سپریم کورٹ کے اگلے چیف جسٹس منصور علی شاہ ہوں گے، سپریم کورٹ کے معزز ججز کو متنازع بنانے کی کوشش نہیں ہونی چاہیے۔موجودہ چیف جسٹس اور آنے والے چیف جسٹس دونوں معزز ہیں، سپریم کورٹ کے معزز ججز کو متنازع بنانے کی کوشش نہیں ہونی چاہیے۔ایک تجویز ہے کہ چیف جسٹس کی تعیناتی کا پروسیجر دوبارہ وزیر اعظم کے پاس آئے، چاہتے ہیں ایسی آئینی ترمیم نہ ہو جس پر کوئی کل اعتراض اٹھائے۔

بلاول بھٹو زرداری نے کہا کہ مولانا فضل الرحمٰن کے اتفاق رائے کے بغیر آئینی ترمیم منظور کرنا ناممکن ہے، مولانا فضل الرحمٰن سے پہلی ملاقات ہوئی تو ان کے تحفظات بہت زیادہ تھے، جے یو آئی کے مطابق خصوصی کمیٹی میں پارلیمانی اراکین، ججز اور بارز کے اراکین بھی ہوں، ایک کچا ڈرافٹ پیش کیا گیا جس پر جے یو آئی کے زیادہ اور پی پی کے کم اعتراضات تھے، پیپلزپارٹی اپنا ڈرافٹ اب جے یو آئی کے پاس پہنچائے گی تاکہ مشترکہ ڈرافٹ لائیں۔

ضرورپڑھیں:جلسے کا شور، لاہور سےپی ٹی آئی کی اہم شخصیات گرفتار

دوسری جانب  وفاقی وزیر اطلاعات عطا تارڑ نے کہا کہ  فی الحال یہی نظر آتا ہے کہ اگلے چیف جسٹس منصور علی شاہ ہوں گے، ڈرافٹ کو مشکوک بنایا جا رہا ہے، ڈرافٹ میں وزیر قانون، ان کی ٹیم اور اٹارنی جنرل شامل تھے۔مولانا فضل الرحمان کے ساتھ مثبت انداز میں بات چیت ہوئی، مولانا صاحب کی ٹیم کے پاس مسودہ موجود تھا۔

وزیر اطلاعات کا کہنا تھا کہ کامران مرتضیٰ اور وزیر قانون کی شق وار بات ہوئی ہے، سیاسی جماعتوں میں مزید مشاورت میں حرج نہیں، فی الحال یہی نظر آتا ہے کہ اگلے چیف جسٹس منصور علی شاہ ہوں گے، آئینی عدالت کو ہیڈ کرنے سے متعلق ابھی تک کوئی بات چیت نہیں ہوئی، یہ تاثر دینا درست نہیں کہ آئنی ترمیم کو مسودہ کہیں اور سے آیا۔

(24 نیوز)دوحکومتی عہدیداران کو آئینی ترمیم کے معاملے پر مولانا سے مذاکرات اور انہیں آن بورڈ لینے کی ذمہ داری سونپی گئی تھی لیکن سیاسی جوڑ توڑ میں ان دونوں کی ناتجربہ کاری کے باعث اسے خفیہ نہیں رکھا جا سکا اور معاملہ قبل از وقت منظر عام پر آگیا۔جو کام خاموشی سے کرنے کا تھا اُسے قبل از وقت ہی ٹی وی پر کھول کر پیش کردیا گیا جس کے باعث حکومت کے لیے پورے معاملے کا ستیاناس ہوگیا جس وقت پیپلز پارٹی، دیگر اتحادی شراکت دار حتیٰ کہ نون لیگ کے کئی رہنما سوچ بچار کر رہے تھے اور انہیں یہ تاثر دیا جا رہا تھا کہ مولانا کو بھی اعتماد میں لے لیا گیا ہے، اُس وقت انہیں یہ دیکھ کر حیرانگی ہوئی کہ مولانا نے تو مجوزہ آئینی ترمیم کا مسودہ دیکھا ہی نہیں۔

پروگرام’10تک‘کے میزبان ریحان طارق نے کہا ہے کہ اس پورے معاملے میں اسحاق ڈار بعد میں شامل ہوئے اور وزیراعظم بھی مولانا کی رہائش گاہ جا پہنچے، ایوانِ صدر نے بھی کوشش کی جب کہ بلاول بھی جے یو آئی ف کے سربراہ سے ملنے کے لیے گئے لیکن حکومت کے لیے کوئی راہ نہ نکلی۔سرکاری ذرائع کا کہنا ہے کہ ایسے معاملات میں سب کچھ حتمی طے ہونے کے بعد باتیں سامنے آتی ہیں لیکن اس معاملے میں مولانا سے کوئی ڈیل کیے بغیر قومی اسمبلی اور سینیٹ کے اجلاس طلب کر لیے گئے۔آئینی ترمیمی پیکج پہلے تو گزشتہ بدھ کو پیش کیے جانے کا ارادہ تھا لیکن عددی قوت پوری نہ ہونے کی وجہ سے اس میں تاخیر ہوئی۔ پی ٹی آئی سے ووٹوں کی مطلوبہ تعداد پوری تھی لیکن مولانا کی وجہ سے معاملہ خراب ہوگیا جس سے حکومت بالخصوص ن لیگ کو شدید خفت کا سامنا کرنا پڑا۔

ن لیگ کے ایک ذریعے کے مطابق، مولانا کو منانا اب بہت مشکل ہوگا لیکن ایک اور ذریعے کا کہنا تھا کہ یہ کام پورا کرنے کے لیے زبردست کوشش کی جائے گی۔ ذرائع کا کہنا ہے کہ حکومت کے پاس ہدف کے حصول کے سوا کوئی آپشن نہیں تاکہ حکمران جماعت اور شہباز حکومت کو بھاری قیمت چکانے سے بچایا جا سکے۔ن لیگ کے ایک رہنما کا کہنا تھا کہ ہفتے کے آخری دنوں میں ہوئی گڑ بڑ کے باوجود ہم اس معاملے کو مردہ قرار دیکر چھوڑنے کے متحمل نہیں ہو سکتے۔ انہوں نے کہا کہ ہمارے پاس یہ ترامیم 15 روز میں منظور کرانے کے سوا کوئی آپشن نہیں۔انہوں نے کہا کہ ہمارے پاس عددی قوت تھی، ہمارے پاس پیشکش موجود تھیں لیکن مولانا کی وجہ سے معاملہ تاخیر کا شکار ہوگیا۔ذرائع نے مزید کہا کہ حکومت اس معاملے کو مردہ قرار دیکر کر ایسے ہی چھوڑنے کی متحمل نہیں ہو سکتی۔ذرائع کا خیال ہے کہ شہباز شریف حکومت کا مستقبل اور سیاسی استحکام ان ترامیم پر منحصر ہے اور ذرائع نے بتایا کہ ہمیں جسٹس منصور علی شاہ کے چیف جسٹس بننے کی کوئی فکر نہیں، کچھ اور معاملات ہیں جو ہمارے لیے باعثِ پریشانی ہیں۔

ذرائع کے مطابق، ن لیگ اور پیپلز پارٹی مولانا کی حمایت کے حصول کے لیے اپنی تمام تر کوششیں کریں گی۔ ہمیں گورنر خیبر پختونخوا کے عہدے اور جے یو آئی ایف کے لیے وفاقی کابینہ میں کچھ عہدوں کی پیشکش ہوئی ہے۔ذرائع کا مزید کہنا تھا کہ جے یو آئی ایف کو سینیٹ میں دو نشستیں دینے پر بھی غور کیا جارہا ہے۔مزید دیکھئے اس ویڈیو میں 

مجوزہ آئینی ترمیم کا مسودہ بلا آخر منظر عام پر آگیا اس مبینہ مسودے کے مندرجات کے مطابق  صدر کو کابینہ یا وزیراعظم کی جانب سے بھجوائی جانے والی ایڈوائس پر کوئی عدالت ٹریبیونل یا اتھارٹی انکوائری نہیں کر سکے گی۔ آرٹیکل 48 میں مجوزہ ترمیم ،پارلیمانی پارٹی کی ہدایت کے خلاف ووٹ ڈالنے والے رکن کا ووٹ شمار کیا جائے گا۔ آرٹیکل 63 اے میں مجوزہ ترمیم،بل میں وفاقی آئینی عدالت کے قیام کی تجویز، آرٹیکل 78 میں مجوزہ ترمیم، ہائی کورٹس اور شریعت کورٹ کے ججز کا تقرر کمیشن کرے گا۔ آرٹیکل 175 اے میں مجوزہ ترمیم، وفاقی آئینی عدالت کے چیف جسٹس کمیشن کے سربراہ ہوں گے۔ مجوزہ ترمیم، کمیشن میں آئینی عدالت کے دو سینیئر ترین جج، سپریم کورٹ کے چیف جسٹس اور دو سینیئر ترین جج شامل ہوں گے، کمیشن میں وزیر قانون، اٹارنی جنرل سینیئر ایڈوکیٹ اور قومی اسمبلی و سینیٹ کے دو دو ممبران شامل ہوں گے،وفاقی آئینی عدالت کے ججوں کی تقرری کے لیے کمیشن میں سپریم کورٹ کے چیف جسٹس اور ججز کے بجائے آئینی عدالت کے تین مزید ججوں کو شامل کیا جائے گا، سپریم کورٹ کے ججوں کے تقرر کے لیے کمیشن کے سربراہ چیف جسٹس سپریم کورٹ ہوں گے،سپریم کورٹ کے ججوں کے تقرر کے لیے کمیشن میں آئینی عدالت کے بجائے سپریم کورٹ کے پانچ جج شامل ہوں گے،آئینی عدالت کے چیف جسٹس کا تقرر قومی اسمبلی کی کمیٹی کی سفارشات پر کیا جائے گا، قومی اسمبلی کی کمیٹی آئینی عدالت کے تین سینیئر ترین ججوں میں سے ایک کو نامزد کرے گی، کمیٹی کے نامزد کردہ جج کا نام وزیراعظم صدر مملکت کو بھجوائیں گے، آئینی عدالت کے پہلے چیف جسٹس کا تقرر صدر مملکت وزیراعظم کی ایڈوائس پر کریں گے۔
آئینی عدالت کے چیف جسٹس کے تقرر کے لیے قومی اسمبلی کی کمیٹی 8 رکنی ہوگی، سپریم کورٹ کے چیف جسٹس کا تقرر بھی قومی اسمبلی کی کمیٹی کی سفارش پر کیا جائے گا،چیف جسٹس سپریم کورٹ کے لیے تین سینیئر ترین ججوں میں سے ایک کو کمیٹی نامزد کرے گی،کمیٹی کی جانب سے نام وزیراعظم کو بھجوایا جائے گا جن کی ایڈوائس پر صدر مملکت تقرر کریں گے، وفاقی آئینی عدالت میں چاروں صوبوں کے ججز کی مساوی نمائندگی ہوگی، چیف جسٹس آف پاکستان کے بجائے چیف جسٹس آف سپریم کورٹ کا لفظ استعمال کرنے کی تجویز، کسی دوسرے ملک کی شہریت رکھنے والے کو سپریم کورٹ یا آئینی عدالت کا جج مقرر نہیں کیا جا سکے گا، آئینی عدالت کے ججز 68 سال کی عمر میں ریٹائر ہوں گے، تجویز، آئینی عدالت میں سپریم کورٹ سے آنے والے جج کی مدت تین سال ہوگی، تجویز، سپریم کورٹ اور آئینی عدالت کے چیف جسٹسز کی مدت ملازمت تین سال ہوگی، تجویز، آئینی عدالت کے پہلی مرتبہ ججز کا تقرر صدر مملکت آئینی عدالت کے چیف جسٹس کی مشاورت سے کریں گے۔

ضرور پڑھیں:عمران خان مجیب الرحمٰن پارٹ ٹو، فیض نیٹ ورک زندہ ہے
بہت ہی مشکل مرحلہ ہےجمعیت  علما اسلام کے سربراہ مولانا فضل الرحمٰن اپنے موقف (جائز موقف ) پر ڈٹ گئے کہ ترمیم سے قبل اس کا مسودہ فراہم کیا جائے ، مشاورت شامل کی جائے آنکھیں بند کرکے تو کسی ترمیم کو پاس نہیں ہونے دیا جائے گا ، اس دوران ملاقاتوں کے کئی دور ہوئے مولانا کا گھر ایک ایسے حکیم کی دکان محسوس ہونے لگا جہاں کیا حکومت کیا اپوزیشن سب کے لیے آب حیات میسر تھا ،جو اگر نا ملا تو شائد ان کی موت ہوجائے جیسے تاثر کو جنم دے رہی تھی ۔ 15 اور 16 ستمبر کی درمیانی شب یہ آنکھ مچولی چلتی رہی پورے پاکستان میں ہی ہیجانی کیفیت تھی۔ ہر کوئی ایک دوسرے سے صرف ایک ہی سوال کر رہا تھا کہ اس آئینی ترمیم میں ایسا کیا ہے جو حکومت اسے لانے میں اتنی بے چینی کا مظاہرہ کر رہی ہے اور اس سے زیادہ بے چینی کا مظاہرہ کر رہی تھی ،یہاں تک کہ مولانا کو ڈیزل اور فضلو کا طعنہ دینے والی تحریک انصاف نے وقت پڑنے پر مولانا کے پیچھے نماز باندھ لی ۔فوٹیج سامنے آئی تو ایک دوست نے پھبتی  کسی کہ " پی ٹی آئی کےسارےانجن ڈیزل پر منتقل ،مولانا سے ری فیولنگ کے لیے گئے ہیں " جتنے منہ اتنی باتیں ایک ٹی وی اینکر نے تو یہ تک کہہ دیا کہ مولانا کو ایک اسلامی دوست ملک سے دباو کا سامنا ہے اور نام لیے بغیر کہا کہ جو اس ترمیم کو لانا چاہتے ہیں وہ اس اسلامی ملک کو مجبور کر رہے ہیں کہ مولانا حکومت کے حق میں ووٹ دیں ۔
میرا ذاتی خیال ہے کہ یہ ٹی آر پی ریٹنگ لینے کے لیے کہا گیا ہے اس کی تحقیق  ہوگی تو جس ملک کا بھی نام لیا جائے گا اینکر صاف مکر جائے گا میں  نے اُس ملک کا نام ہی نہیں لیا ، ابھی یہ بونگی سُن رہا تھا تو ایک دوست نے لطیفہ بھیج دیا آپ بھی سُن لیں “ مویشی منڈی میں کسی تگڑے مویشی کے آنے کی خبر شہر میں پھیل جائے تو وہاں رش بڑھنے لگتا ہے۔ پے درپے حاضریاں لگنے لگتی ہیں۔ بیوپاری جمع ہوتے  بولیاں بلند کرتے ہیں، ڈیمانڈ دیکھ کر ریٹ اوپر جانے لگتے ہیں پھر دوست یاروں کی یہی دلچسپی رہتی ہے کہ باخبر لوگوں سے پوچھتے پھرتے ہیں کہ وہ مویشی بک گیا یا نہیں؟  گر بک گیا تو کتنے کا بکا؟
گو اس لطیفے کا پاکستانی سیاست اور موجودہ صورتحال سے کوئی تعلق تو نہیں ہے لیکن آپ اس بات سے اندازہ لگائیں کہ مولانا کے اصولی اور صحیح موقف کو بھی کیسے منفی انداز میں پیش کیا جاتا رہا یوں لگتا تھا کہ منڈی لگی ہے جہان ایک کے بعد ایک ٹھیکدار آتا ہے اور جمیعت علما اسلام کے اراکین کا مول لگاتا ہے ایسا ہرگز نہیں ہے مولانا نے جو موقف اختیار کیا وہ آج 24 کروڑ پاکستانیوں کی آواز تھی کہ ترمیم کرنا اسمبلی کا حق ہے لیکن اندھی ترمیم کسی طور قبول نہیں عوامی نمائندے عوام کی ترجمانی کریں اور یہی مولانا نے کیا اتنے دنوں سے آئینی ترمیم کی جو بلی تھیلے سے باہر آئی تھی واپس تھیلے میں چلی گئی ہے۔

نوٹ:بلاگر کے ذاتی خیالات سے ادارے کا متفق ہونا ضروری نہیں۔ایڈیٹر 

(24نیوز)وزیر دفاع خواجہ آصف نے کہا ہے کہ آئینی ترامیم کے معاملے میں کوئی سیاست شامل نہیں لیکن پھر بھی اس کو سیاسی رنگ دیا گیا تاہم آئینی مسودے پر مکمل اتفاق رائے ہوجائے گا تو ایوان میں پیش کیا جائے گا۔

قومی اسمبلی کا اجلاس اسپیکر ایاز صادق کی زیر صدارت شروع ہوا، اس دوران وزیر دفاع خواجہ آصف نے اظہار خیال کرتے ہوئے کہا کہ پچھلے چند دنوں سے آئینی ترامیم سے متعلق ایک ڈرافٹ گردش کرتا رہا میڈیا میں بھی آیا اور مختلف سیاسی رہنماؤں کے ملاقاتوں میں بھی زیر بحث آیا،انہوں نے کہا کہ آئینی ترامیم کے معاملے میں کوئی سیاست نہیں، ترامیم آئین میں عدم توازن دور کرنے کے لیے ہے، رکن پارلیمنٹ کے حیثیت سے آئین ہمیں اختیار دیتا ہے کہ ہم پارلیمنٹ کی سربلندی کے لیے کام کریں جب کہ قانون سازی اور آئین کی حفاظت کرنا ہمارا حق ہے۔

خواجہ آصف کا کہنا تھا کہ یہ ڈرافٹ حکومتی اتحادکی دانست میں آئین کو بہتر کرنےکی کوشش تھی، اس دستاویز میں آئینی عدالت سے متعلق تجویز ہے، یہ صرف پاکستان میں نہیں ہوگا بلکہ بہت سے جمہوری ممالک میں آئینی عدالتیں موجود ہیں لیکن اس کا یہ مطلب نہیں کہ پارلیمنٹ اس پر تجاوز کرلے گی، ہم یہ چاہتے ہیں کہ اتفاق رائے سے یہ منظور ہو، کابینہ سے منظوری تک آئینی ترمیم کی کوئی حتمی شکل سامنے نہیں آنی تھی اور جب اس پر اتفاق ہو جائے گا تو اس ایوان میں بھی ضرور آئے گا۔

پاکستان تحریک انصاف کے رہنما اسد قیصر نے کہا کہ مجھے انتہائی افسوس ہے جس طرح آج اس پارلیمان کی بے توقیری کی گئی اور اس پارلیمنٹ کو ربڑ اسٹمپ کے طور پر استعمال کرنے کی کوشش کی گئی، جس طرح پارلیمنٹ کو مذاق بنایا گیا میں اس کی مذمت کرتا ہوں۔

انہوں نے کہا کہ پی ٹی آئی کے تمام ایم این ایز کی بہادری کو سلام پیش کرتا ہوں، خاص طور پر مولانا فضل الرحمٰن کا شکریہ ادا کرتا ہوں جنہوں نے ہمت سے ان حالات کا مظاہرہ کرتا ہوں اور محمود اچکزئی کا بھی شکریہ ادا کرتا ہوں۔

ان کا کہنا تھا کہ میں پوچھنا چاہتا ہوں وزیر قانون کہہ رہے تھے کہ میرے پاس کوئی مسودہ نہیں ہے، اگر وزیر قانون کو پتہ نہیں، حکومت کے نمائندوں کو پتہ نہیں تو یہ ڈرافٹ کہاں سے آیا؟

اسد قیصر نے کہا کہ مجھے سب سے زیادہ افسوس پیپلزپارٹی اور بلاول بھٹو زرداری پر ہے، جن کو سارا علم تھا، اس میں 56 ترامیم پیش کی گئی تھیں، یہ بتائیں کہ آرٹیکل 8 اور 99 اس میں ترامیم کا کہا گیا تھا، یہ تو بنیادی شہری حقوق کو بھی سلب کرنا چاہتے ہیں،انہوں نے کہا کہ ہم کوئی اس ملک کے دشمن ہیں، ہم چاہتے ہیں جو جوڈیشل ریفامرز آئیں اور لوگوں کو سہولت ملے، ہم نے پہلے بھی اس پر بات کی ہے، اگر ترامیم لانی ہے تو بالکل لائیں مگر اس پر بحث کریں۔

اسد قیصر کا کہنا تھا کہ رات کی تاریکی میں چھٹی والے دن چوری کی طرح یہ ترامیم پاس کرنی ہوتی ہے، کیا اس اسمبلی کے کوئی رولز ہیں یا نہیں، آپ نے اگر اس قسم کی قانون سازی کرنی ہے تو سب سے پہلے اس کو پبلک کریں، اس پر تمام بار ایسوی ایشن کو اعتماد میں لیں، اسمبلی میں بحث کرائیں، اگر اس طرح کی جانے والی قانون سازی کو چوری کہا جاتا ہے۔

پی ٹی آئی رہنما نے کہا کہ گزشتہ 24 گھنٹوں میں جتنا جھوٹ بولا گیا وہ تاریخ کا بدترین جھوٹ بولا تھا، اس پارلیمنٹ کے پاس اخلاقی جواز نہیں کیوں کہ یہ فارم 47 کی پیداوار ہے لیکن پھر بھی کرنا ہے تو ہمارے 6 سے 7 لوگوں کو اغوا کیا گیا اور انہیں پنجاب ہاؤس میں رکھا گیا ہے، کیا قانون سازی اس طرح ہوتی ہے۔

(24 نیوز)پی ٹی آئی چیئرمین بیرسٹر گوہر علی خان نے کہا ہے کہ آئینی ترامیم کا مسودہ ابھی تک ہمیں نہیں ملا،آئینی ترامیم کر رہے ہیں تو تمام پارٹیز کو آن بورڈ لیں۔بل کا موخر ہونا مولانا کی کامیابی ہے۔

بیرسٹرگوہر علی خان نے میڈیا سے گفتگو کرتے ہوئے کہا ہے کہ جو مسودہ سامنے آیا اس کے مطابق عدلیہ پر قدغن لگائی جارہی،یہ سپریم کورٹ سے سارے اختیارات لینا چاہتے ہیں ،ترامیم کے مطابق نئی عدالت بنائی جائےگی۔

ضرورپڑھیں:گدھوں کی طلب اور قیمت میں بڑا اضافہ

ان کا کہنا تھا کہ یہ ججز کومرضی سے ٹرانسفر کرینگے، جونہیں ہو گااستعفیٰ لیا جائیگا،چیئرمین پی ٹی آئی بیرسٹرگوہر کہتے ہیں یہ سپریم کورٹ سے سارے اختیارات لینا چاہتے ہیں ،ترامیم کے مطابق نئی عدالت بنائی جائےگی،، ججز کو اپنی مرضی سے ٹرانسفر کریں گے ، جو ٹرانسفر نہیں ہونا چاہیں گے ان سے استعفیٰ لے لیا جائےگا۔

(24 نیوز )آئینی ترامیم،حکومت اوراپوزیشن میں سخت مقابلہ،نمبر گیم کس کے حق میں ہے؟
قومی اسمبلی میں دو تہائی اکثریت کیلئے 224 ووٹ درکار ہوں گے جبکہ حکومتی گنتی 211 ہے۔ سینیٹ میں 64 ووٹ درکار ہوں گے جبکہ حکومتی گنتی 54 ووٹ موجود ہیں۔مجموعی طور پر قومی اسمبلی کی 211 حکومتی نشستوں میں مسلم لیگ ن کے 110، پیپلز پارٹی کے 68، ایم کیو ایم کے 22، آئی پی پی اور پاکستان مسلم لیگ ق کے 4-4 ارکان شامل ہیں۔ مسلم لیگ ضیا اور بی اے پی کے 1-1 رکن بھی حکومتی اتحاد میں شامل ہیں۔

 قومی اسمبلی میں اپوزیشن بینچوں پر 101 ارکان موجود ہیں جن میں سنی اتحاد کونسل کے 80، پی ٹی آئی کے حمایت یافتہ 8 آزاد ارکان، جے یو آئی ف کے 8، بی این پی، مجلس وحدتِ مسلمین اور پشتون خوا ملی عوامی پارٹی کے 1-1 رکن بھی اپوزیشن بینچوں کا حصہ ہیں۔

 آئینی ترمیم کیلئے حکومت کو مزید 13 ارکان کی حمایت درکار ہے، جے یو آئی ف کے 8 اراکین شامل ہونے پر بھی 5 ووٹ مزید درکار ہوں گے۔

(24 نیوز) جے یو آئی (ف)حکومت اور اپوزیشن دونوں کیلئے اہم ہوگئی۔آئینی ترامیم کیلئے ووٹ حاصل کرنے کوششیں،دونوں طرف کے رہنماء مولانا فضل الرحمان کے گھر کے چکر لگانے لگے۔

آئینی ترامیم کیلئے جے یوآئی کے ووٹ اہم ہوگئے،حکومت اوراپوزیشن دونوں کی مولانافضل الرحمان کو منانے کی کوششیں جاری ہیں ۔چیئرمین پیپلز پارٹی بلاول بھٹو نے پیپلزپارٹی وفدکے ہمراہ مولانافضل الرحمان سے ملاقات کی ہے،وفاقی وزیرداخلہ محسن نقوی بھی بلاول بھٹو کے ہمراہ ملاقات میں موجودتھے۔

بلاول بھٹونےمولانا سے ملاقات کے بعد واپسی پروکٹری کانشان بنایا،وفاقی وزیر قانون اعظم نذیرتارڑکی سربراہی میں حکومتی وفدنے بھی مولاناسے ملاقات کی ،آئینی ترامیم کے مسودے پر مولانافضل الرحمان کو بریفنگ دی

پی ٹی آئی وفدبھی مولانا سے ملا، حکومت کاساتھ نہ دینے کی درخواست کی ۔  

پارلیمان میں نمبرز کس کے حق میں ہیں؟
قومی اسمبلی میں دو تہائی اکثریت کیلئے 224 ووٹ درکار ہوں گے جبکہ حکومتی گنتی 211 ہے۔ سینیٹ میں 64 ووٹ درکار ہوں گے جبکہ حکومتی گنتی 54 ووٹ موجود ہیں۔مجموعی طور پر قومی اسمبلی کی 211 حکومتی نشستوں میں مسلم لیگ ن کے 110، پیپلز پارٹی کے 68، ایم کیو ایم کے 22، آئی پی پی اور پاکستان مسلم لیگ ق کے 4-4 ارکان شامل ہیں۔ مسلم لیگ ضیا اور بی اے پی کے 1-1 رکن بھی حکومتی اتحاد میں شامل ہیں۔

 قومی اسمبلی میں اپوزیشن بینچوں پر 101 ارکان موجود ہیں جن میں سنی اتحاد کونسل کے 80، پی ٹی آئی کے حمایت یافتہ 8 آزاد ارکان، جے یو آئی ف کے 8، بی این پی، مجلس وحدتِ مسلمین اور پشتون خوا ملی عوامی پارٹی کے 1-1 رکن بھی اپوزیشن بینچوں کا حصہ ہیں۔

 آئینی ترمیم کیلئے حکومت کو مزید 13 ارکان کی حمایت درکار ہے، جے یو آئی ف کے 8 اراکین شامل ہونے پر بھی 5 ووٹ مزید درکار ہوں گے۔

(اویس کیانی،عثمان خان) وفاقی کابینہ کا اجلاس  ایک بار پھر تاخیر کا شکار ، ذرائع کے مطابق کابینہ اجلاس 4 بجے ہونا تھا تاہم اجلاس ایک مرتبہ پھر تاخیر کا شکار ہو گا جبکہ حکومت کا آج آئینی ترمیم قومی اسمبلی میں نہ لانے کا امکان ہے۔
وفاقی کابینہ اجلاس میں منظوری کے بعد آئینی ترمیم قومی اسمبلی میں پیش کی جائےگی ،کابینہ اجلاس میں منظوری کے بعد آئینی ترمیم قومی اسمبلی میں پیش کی جائیگی۔

پارلیمنٹ کی خصوصی کمیٹی کا اجلاس سید خورشید شاہ نے طلب کرلیا،سید خورشید شاہ کی زیر صدارت خصوصی کمیٹی کا اجلاس 10 بجے پارلیمنٹ ہاؤس میں ہوگا،خصوصی کمیٹی میں آئینی ترمیم اور عدالتی اصلاحات سے متعلق تجاویز پر غور ہوگا،خصوصی کمیٹی میں عدالتی اصلاحات سے متعلق مسودہ پیش کئے جانے کا امکان ہے۔حکومت اور اپوزیشن کے درمیان اتفاق رائے پیدا کرنے کی کوشش کی جائے گی۔

پارلیمان میں نمبرز کس کے حق میں ہیں؟
قومی اسمبلی میں دو تہائی اکثریت کیلئے 224 ووٹ درکار ہوں گے جبکہ حکومتی گنتی 211 ہے۔ سینیٹ میں 64 ووٹ درکار ہوں گے جبکہ حکومتی گنتی 54 ووٹ موجود ہیں۔مجموعی طور پر قومی اسمبلی کی 211 حکومتی نشستوں میں مسلم لیگ ن کے 110، پیپلز پارٹی کے 68، ایم کیو ایم کے 22، آئی پی پی اور پاکستان مسلم لیگ ق کے 4-4 ارکان شامل ہیں۔ مسلم لیگ ضیا اور بی اے پی کے 1-1 رکن بھی حکومتی اتحاد میں شامل ہیں۔

قومی اسمبلی میں اپوزیشن بینچوں پر 101 ارکان موجود ہیں جن میں سنی اتحاد کونسل کے 80، پی ٹی آئی کے حمایت یافتہ 8 آزاد ارکان، جے یو آئی ف کے 8، بی این پی، مجلس وحدتِ مسلمین اور پشتون خوا ملی عوامی پارٹی کے 1-1 رکن بھی اپوزیشن بینچوں کا حصہ ہیں۔

آئینی ترمیم کیلئے حکومت کو مزید 13 ارکان کی حمایت درکار ہے، جے یو آئی ف کے 8 اراکین شامل ہونے پر بھی 5 ووٹ مزید درکار ہوں گے۔

(24 نیوز)وزیر دفاع خواجہ آصف نےعلی امین گنڈا پور کے افغانستان سے خود بات کرنے کے بیان کو زہر قاتل قرار دیدیا ۔

وزیر دفاع خواجہ آصف نے قومی اسمبلی اجلاس میں اظہار خیال کرتے ہوئے کہا کہ شیر افضل مروت نے اپنی تقریر کے اختتام پر جو باتیں کیں وہ بھی اچھی ہیں، لیکن جب وہ مجھے اسمبلی میں اکر ملے تو ان کی پارٹی ان کے پیچھے پڑ گئی، یہاں پر یہ ماحول بن گیا ہے کہ اگر کوئی اپوزیشن رکن سرکاری عہدیدار سے ملے توشک کیاجاتاہے،پی ٹی آئی کے 4 سالہ دور حکومت میں اپوزیشن کودیوار سےلگایاگیا، پی ٹی آئی دور حکومت میں اپوزیشن کو صعوبتعوں کاسامنا کرناپڑا، قومی اسمبلی کے ماحول کو بہتر رہنا چاہیئے۔

انہوں نے کہا کہ ماحول کو خود خراب کیا جارہا ہے آج وزیراعلیٰ خیبرپختونخوا کابیان آیا ہے کہ ہم خود افغانستان سے مذاکرات کریں گے، یہ فیڈریشن کے اوپر براہ راست حملہ ہے، کوئی صوبہ کسی ملک سے براہ راست مذاکرات نہیں کرسکتا، یہ اس ملک کے لیے زہر قاتل ہے جس راستے پر وزیراعلیٰ خود چل رہے ہیں اور ساتھ اپنی پارٹی کو چلانے کی کوشش کررہے ہیں، ملک کی سلامتی کو وزیراعلی خیبرپختونخوا نے داؤ پرلگایاہے۔

ضرورپڑھیں:عمران خان نے علی امین گنڈاپورکی صحافیوں سے متعلق گفتگو کو نامناسب قرار دےدیا

وزیر دفاع خواجہ آصف نے کا کہنا تھا وزیراعلی خیبرپختونخوا نےکس حثیت میں افغانستان سے مذاکرات کا عندیہ دیا، ہم تنگ نظری کی حکمرانی نہیں کرتے۔

خیال رہے کہ وزیراعلیٰ علی امین گنڈاپور نے گزشتہ روز افغانستان سے مذاکرات کیلیے اپنا وفد بھیجنے کا اعلان کیا تھا۔علی امین گنڈاپور نے وفد بھیجنے کا اعلان کرتے ہوئے کہا تھا کہ مذاکرات کرکےجوخون بہہ رہا ہےاسے روکیں گے، انہوں نے شکوہ کیا تھا کہ ایپکس کمیٹی میں متعدد بار وفد بھیجنے کی درخواست کی لیکن کسی نے توجہ نہیں دی۔

یاد رہے کہ اسپیکر قومی اسمبلی کی طرف سے جاری پروڈکشن آرڈرز پر پاکستان تحریک انصاف (پی ٹی آئی) کے گرفتار 10 اراکین کو پارلیمنٹ پہنچا دیا گیا،ڈپٹی اسپیکر غلام مصطفیٰ کی زیر صدارت شروع ہونے والے قومی اسمبلی کا اجلاس میں جن پی ٹی آئی اراکین کو اسمبلی میں پہنچایا گیا ہے، ان میں شیخ وقاص اکرم، زین قریشی، ملک اویس، عامر ڈوگر، احمد چھٹہ، زبیر خان، سید احد علی شاہ، سید نسیم علی شاہ، شیر افضل مروت اور یوسف خان شامل ہیں۔

پی ٹی آئی کے گرفتار 10 ارکان کو قائم قام سارجنٹ ایٹ آرمز فرحت عباس کے حوالے کیا گیا۔گزشتہ روز اسپیکر قومی اسمبلی نے گرفتار پی ٹی آئی اراکین پروڈکشن آرڈر جاری کرنے کا حکم دیا تھا اور انہیں پارلیمنٹ کے اگلے اجلاس میں پیش کرنے کی ہدایت کی گئی تھی۔

(24 نیوز)چارٹر آف پارلیمنٹ،سپیکر قومی اسمبلی کی تجویز پر 18 رکنی خصوصی کمیٹی قائم کردی گئی ۔

اسپیکر قومی اسمبلی سردار ایاز صادق کی جانب سے پارلیمنٹ کی تجویز کے تحت خصوصی کمیٹی کا نوٹیفکیشن بھی جاری کردیا گیا ہے جس کے مطابق خصوص کمیٹی قومی اسمبلی میں منظور کردہ تحریک کی روشنی میں قائم کی گئی۔

اسپیکر قومی اسمبلی کی منظوری سے کمیٹی کے ٹی او آرز بھی جاری کر دیے گئے ہیں۔نائب وزیر اعظم اور سینیٹر اسحاق ڈار خصوصی کمیٹی کےسربراہ ہوں گے جبکہ کمیٹی میں وزیردفاع خواجہ آصف ، پیپلز پارٹی کے خورشید شاہ اور نوید قمر شامل ہیں۔

ضرورپڑھیں:سپیکر قومی اسمبلی ایاز صادق نےچارٹر آف پارلیمنٹ کی تجویز دیدی

ایم کیوایم کے خالد مقبول ، امین الحق اور مسلم لیگ ق سے سالک حسین کمیٹی کا حصہ ہیں جبکہ وفاقی وزیر سرمایہ کاری بورڈ ، نجکاری اور مواصلات عبدالعلیم خان بھی کمیٹی میں شامل ہیں،اعجازالحق ، خالد حسین مگسی ، پھیلن بلوچ ،صاحبزادہ حامد رضا ، بیرسٹر گوہرعلی خان ، شاہدہ اختر ، اختر مینگل ، حمید حسین ، محمود اچکزئی بھی خصوصی کمیٹی میں شامل ہیں۔

خصوصی کمیٹی پارلیمنٹ اور ارکان پارلیمنٹ کو درپیش امور کا جائزہ لےگی اور آئین و قومی اسمبلی کے قواعد وضوابط اور طرز عمل 2007 پر غور کرے گی،کمیٹی پارلیمنٹ کے معاملات کو ہموار بنانے اور درپیش مسائل پر سفارشات بھی تیار کرے گی۔

(24 نیوز)چیئرمین پیپلز پارٹی بلاول بھٹو زرداری نےقومی اسمبلی اجلاس سے خطاب کرتے ہوئے  کہا کہ آئین کی بالادستی کے بغیر پارلیمنٹ سمیت کوئی ادارہ نہیں چل سکتا، سیاست اپنی جگہ لیکن ہمیں ورکنگ ریلیشن شپ رکھنا ہے،عوام نے اپنے نمائندوں کو منتخب کیا، ہم نے سیاست کو گالی بنادیا ہے۔

انہوں نے کہا کہ اسمبلی کی گیلریز میں اس وقت طلبا جو ملک کا مستقبل ہیں ، وہ بیٹھے ہیں، ہم نے اسی سیاست سےعوام کو تحفظ، ریلیف دیناہے،ہم باہر جوسیاست کریں وہ ہمارا مسئلہ ہے، لیکن ایوان کےاندر ہمیں ذمہ داری کا مظاہرہ کرنا ہوگا، آئین کی بالادستی کے بغیر پارلیمنٹ سمیت کوئی ادارہ نہیں چل سکتا، سیاست اپنی جگہ لیکن ہمین ورکنگ ریلیشن شپ رکھنا ہے۔

انہوں نے کہا کہ ہمیں اپنی ذمہ داریاں پوری کرنی ہیں، حکومت کاکام آگ بجھنا ہے، مزید آگ لگانا نہیں، اپوزیشن کا بھی یہ کام نہیں کہ ہر وقت گالی دے، ہمیں اپنی ذمہ داریوں کو دیکھنا ہوگا،انہیں نبھاناہوگا، اگر حکومت یہ سوچے گی کہ اینٹ کا جواب پتھر سے دینا ہےتو یہ ایک دن کی خوشی ہوگی، اگلے دن آپ بھی اسی جیل میں ہوں گے، اگر ہم آپس کی لڑائی میں لگے رہے تو ملک کیسے آگے بڑھےگا۔

انہوں نے کہا کہ ہمیں اپنی ذمہ داریاں پوری کرنی ہیں، حکومت کاکام آگ بجھنا ہے، مزید آگ لگانا نہیں، اپوزیشن کا بھی یہ کام نہیں کہ ہر وقت گالی دے، ہمیں اپنی ذمہ داریون کو دیکھنا ہوگا،انہیں نبھاناہوگا،اگر حکومت یہ سوچے گی کہ اینٹ کا جواب پتھر سے دینا ہےتو یہ ایک دن کی خوشی ہوگی، اگلے دن آپ بھی اسی جیل میں ہوں گے، اگر ہم آپس کی لڑائی میں لگے رہے تو ملک کیسے آگے بڑھےگا۔

چیئرمین پیپلز پارٹی نے کہا کہ اگر حکومت کا کردار یہ ہے کہ عمران خان نے ہمیں جیل میں بند کیا تھا، اب ہم نے پتھر کا جواب پتھر سے دینا ہے تو ایک دن کے لیے ہم خوش ہوں گے لیکن کل میں اور آپ اسی جیل میں ہوں گے، جب عمران خان وزیراعظم تھے تو میری ان سے صرف اتنی مخالفت تھی کہ جس سسٹم کے لیے میرے خاندان نے قربانیاں دی ہیں، وہ چلے، اسی وجہ سے بنیظیر بھٹو اور نواز شریف نے میثاق جمہوریت کیا، 18ویں ترمیم کی، این ایف سی ایوارڈ منظور کرایا۔

بلاول بھٹو کا کہنا تھا کہ پہلے چیف الیکشن کمشنر حکومت کی مرضی سے ہوتا تھا، ہماری ترمیم کے بعد اپوزیشن لیڈر اور وزیراعظم کی مشاورت کے بعد تعینات ہوتا ہے، عبوری حکومت میں اپوزیشن، وزیر اعظم کی مشاورت اور پبلک اکاؤنٹس کمیٹی اپوزیشن دینے سمیت یہ تمام چیزیں ہم نے کروائیں، ہم نے سمجھا اکہ اگر اس ملک نے چلنا ہے تو اس سائیڈ (حکومت) اور اس سائیڈ (اپوزیشن) دونوں کو مل کر چلنا پڑے گا۔

انہوں نے کہا کہ اس سے فرق نہیں پڑتا کہ کسی نے میرے والد، والدہ کو جیل میں ڈالا، یا آپ کے رہنما چند مہینے کے لیے جیل میں ہیں، آپ ان کا کیس ہر سطح پر لڑیں لیکن یہاں آکر عوام کی خدمت کریں، ان کے کام کریں، ہمارا بھی حکومت سے اختلاف رائے ہوتا ہے، الیکشن مہنگائی کے نکتے پر لڑا، جہاں مناسب سمھا تنقید کی، لیکن وقت آگیا ہے کہ حکومت کی کارکردگی کا جائزہ لیں۔

ان کا کہنا تھا کہ ہم نے دیکھنا ہے کہ حکومت کی کارکردگی اس بنیادی معاملے پر کیا ہے، وزیر اعظم، ان کی معاشی کی کارکردگی کے بارے میں اس ایوان کو بتانا چاہوں گا کہ 8مہینے پہلے مہنگائی کی شرح کیا تھی، حکومت نے اپنے لیے بجٹ میں ہدف 12 فیصد لانے کا رکھا تھا، ابھی سال بھی پورا نہیں ہوا اور مہنگائی کی شرح 9.6 فیصد پر پہنچ گئی ہے۔

اس سے قبل  وفاقی وزیر اطلاعات عطا تارڑ نے کہا ہے کہ کچھ ویڈیو ثبوت سامنے آئے ہیں کہ ارکان کو ایوان کےاندر سے نہیں اٹھایا گیا، جو اسپیکر آفس میں موجود ہیں،ڈپٹی اسپیکر قومی اسمبلی کی زیر صدارت شروع ہونے والے اجلاس میں اظہار خیال کرتے ہوئے ان کا کہنا تھا کہ یہ پورا ایوان اسپیکر کےپیچھے کھڑا ہے، وفاقی وزیر عطااللہ تارڑ کی تقریر کے دوران پی ٹی آئی ارکان نے شور شرابہ کیا۔

چیئرمین پی ٹی آئی بیرسٹر گوہر نے خطاب کرتے ہوئے کہا کہ اس پورے واقعے کی تحقیقات ہونی چاہیے، ہم بھاگنے والے نہیں، لیکن جبری گمشدگیاں نہ ہوں۔قومی اسمبلی اجلاس کے دوران پی ٹی آئی رہنما علی محمد خان کا کہنا تھا کہ پرسوں رات یہاں پر نقاب پوش کالی گاڑیوں میں آئے، جو ہمارے اراکین کو اٹھا کے لے گئے۔

علی محمد خان نے مزید کہا کہ اس معاملے پر پیپلز پارٹی اور دیگر جماعتوں نے بات کی، اسپیکر چیمبر میں آئی جی اسلام آباد کو بلایا گیا، ہم نے پروڈکشن آرڈرز کی گزارش کی تو اسپیکر نے زبانی آرڈرز جاری کیے۔

پی ٹی آئی رہنما نے کہا کہ ابھی تک اسپیکر کے آرڈرز پر اسلام آباد پولیس نے عمل نہیں کیا، بات ہوئی کہ پورے ایوان کا استحقاق مجروح ہوا، اسپیکر نے کہا کہ استحقاق سے آگے جائیں گے اور ایف آئی آر کریں گے، کسی نے بھاگ کر ایوان میں پناہ نہیں لی، ہماری استدعا ہے کہ اراکین کو اجلاس میں پیش کریں، یہ پارلیمان کی بے توقیری ہوئی اس کو منطقی انجام تک پہنچائیں۔

(24 نیوز)پاکستان تحریک انصاف (پی ٹی آئی )کے رہنما علی محمد خان نے کہا ہے کہ کل رات ہمارے رہنماؤں کو پارلیمنٹ ہاؤس، مسجد اور حجرے سے اٹھایا گیا، کل رات جو ہوا، وہ پاکستان کی جمہوریت کا 9 مئی تھاجسے پاکستان کی تاریخ میں ایک کالے باب کے طور پر یاد رکھا جائے گا۔

اسپیکر ایاز صادق کی زیر صدارت جاری قومی اسمبلی کے اجلاس کے دوران اظہار خیال کرتے ہوئے انہوں نے کہا کہ ہم اپنا مقدمہ لڑ رہے ہیں، آج میرا مقدمہ جمہوریت کا ہے، کل رات جو ہوا، پارلیمان کے ساتھ ہوا ہے، اسپیکر صاحب، ہم اسرائیل میں نہیں، پاکستان میں ہیں۔

ان کا کہنا تھا کہ کل رات آپ کے ساتھ اراکین پارلیمنٹ نے اس ایوان میں پناہ لی، وہ چھپتے پھرے کہ پناہ مل جائے، پھر مسجد میں پناہ لینے والے مولانا نسیم صاحب کو بھی اٹھا لیا گیا، جمشید دستی کو پناہ نہ مل سکی، مسجد سے ملحقہ حجرے سے انہیں اٹھا لیا گیا، 9 مئی میں جو غلط تھا، وہ غلط تھا، کل رات جو ہوا، وہ پاکستان کی جمہوریت کا 9 مئی تھا، 10 ستمبر 2024 پاکستان کی تاریخ میں ایک کالے باب کے طور پر یاد رکھا جائے گا۔

ان کا کہنا تھا کہ وہ قومی تاریخ جو قربانیوں سے بھری پڑی ہے، جس میں ذوالفقاربھٹو، بینظیر بھٹو کی لاش بھی ہے، جس میں عمران خان کے جسم پر لگنے والی 4 گولیاں بھی ہیں، لیکن افسوس ہے کہ کل رات بھارت، امریکا اور اسرائیل سے نہیں، میرے اپنے وطن کے اداروں کے کچھ لوگ، کون تھے وہ نقاب پوش لوگ جو پاکستان کے عوام میں گھس گئے اور یہاں سے ہمارے لوگوں کو اٹھا کر لے گئے، یہ جمہوریت، پاکستان اور آئین پر حملہ ہے۔

علی محمد خان نے کہا کہ کل رات جس نے پاکستان کے پارلیمنٹ پر ہلہ بولا ہے، جہاں، جہاں سے یہ حکم آیا ہے، اگر آرٹیکل 6 لگانا ہے تو ان پر لگاؤ، ان پر لگنا چاہیے، اگر بے عزتی کوئی سمجے، یہ حملہ اگر کوئی سمجھے، عمران خان پر نہیں، عامر ڈوگر پر نہیں، شیخ وقاص پر نہیں، یہ حملہ اسپیکر صاحب آپ پر، وزیر اعظم شہباز شریف، شہید بینظیر کے بیٹے بلاول بھٹو پر ہے۔

(24نیوز)سپیکر قومی اسمبلی سردار ایازصادق نے  پارلیمنٹ ہاؤس سے گرفتارکئے گئے پی ٹی آئی رہنماؤں کوفوری رہاکرنے کاحکم دے دیا۔

سپیکر سردار ایاز صادق کی زیر صدارت قومی اسمبلی کا اجلاس  ہوا، سپیکر قومی اسمبلی نے گزشتہ روز کے واقعے پر کارروائی کا اعلان کرتے ہوئے کہا کہ کل رات جو پارلیمنٹ پر ہوا اسے تیسرا حملہ سمجھتا ہوں، اس پر خاموش نہیں رہا جا سکتا،تمام  ایم این ایز ان کے کولیگ ہیں اوران کی بے عزتی برداشت نہیں کرسکتا۔

اجلاس میں اظہار خیال کرتے ہوئے پاکستان تحریک انصاف کے رہنما علی محمد خان نے کہا ہے کہ کل رات جو ہوا وہ پاکستان کی جمہوریت کا 9 مئی تھا جسے پاکستان کی تاریخ میں سیاہ باب کے طور پر یاد رکھا جائے گا۔

ان کا کہنا تھا کہ کل رات ہمارے رہنماؤں کو پارلیمنٹ ہاؤس، مسجد اور حجرے سے اٹھایا گیا، ہم اپنا مقدمہ لڑ رہے ہیں، آج میرا مقدمہ جمہوریت کا ہے، کل رات جو ہوا، پارلیمان کے ساتھ ہوا ہے، سپیکر صاحب، ہم اسرائیل میں نہیں، پاکستان میں ہیں۔

انہوں نے کہا کہ کل رات آپ کے ساتھ اراکین پارلیمنٹ نے اس ایوان میں پناہ لی، وہ چھپتے پھرے کہ پناہ مل جائے، پھر مسجد میں پناہ لینے والے مولانا نسیم صاحب کو بھی اٹھا لیا گیا، مجھے 7 بار گرفتار کیا گیا، دنیا میں کہیں ایسا ہوتا ہے، اختلافات اپنی جگہ لیکن انا کا مسئلہ بنا ہوا ہے۔

ان کا کہنا تھا کہ 9 مئی میں جو غلط تھا، وہ غلط تھا، کل رات جو ہوا، وہ پاکستان کی جمہوریت کا 9 مئی تھا، 10 ستمبر 2024 پاکستان کی تاریخ میں ایک سیاہ باب کے طور پر یاد رکھا جائے گا۔

علی محمد خان نے کہا کہ افسوس ہے کہ کل رات بھارت، امریکا اور اسرائیل سے نہیں، میرے اپنے وطن کے اداروں کے کچھ لوگ، کون تھے وہ نقاب پوش لوگ جو پاکستان کے عوام میں گھس گئے اور یہاں سے ہمارے لوگوں کو اٹھا کر لے گئے، یہ جمہوریت، پاکستان اور آئین پر حملہ ہے۔

ان کا کہنا تھا کہ کل رات جس نے پاکستان کے پارلیمنٹ پر ہلہ بولا ہے، جہاں، جہاں سے یہ حکم آیا ہے، اگر آرٹیکل 6 لگانا ہے تو ان پر لگاؤ، ان پر لگنا چاہیے۔

رہنما پی ٹی آئی نے مزید کہا کہ اگر بے عزتی کوئی سمجے، یہ حملہ اگر کوئی سمجھے، عمران خان پر نہیں، عامر ڈوگر پر نہیں، شیخ وقاص پر نہیں، یہ حملہ سپیکر صاحب آپ پر، وزیر اعظم شہباز شریف، شہید بینظیر کے بیٹے بلاول بھٹو پر ہے۔

پاکستان پیپلز پارٹی کے سینئر رہنما نوید قمر نے کہا کہ میں آپ کو اس وقت بطور ہاؤس کے کسٹوڈین مخاطب کر رہا ہوں، اس وقت جو الزامات سامنے آ رہے ہیں جن پر یقین نہ کرنے کیلئے میرے پاس کوئی وجہ نہیں، یہ پورے آئین، پوری پارلیمنٹ پر بہت سنجیدہ حملہ ہے۔

انہوں نے کہا کہ پارلیمنٹ کی حدود سے چاہے کوئی بھی گرفتار کرنا، آپ کو یاد ہوگا کہ جب علی محمد خان، ان کی جماعت یا عمران خان، جب گیٹ تک پہنچے تھے تو اس کو بھی ہم نے پارلیمنٹ پر حملہ اور قابل مذمت کہا تھا، اگر پارلیمنٹ کے اندر گھس کر اراکین کو گرفتار کیا گیا تو باقی کیا بچا۔

ان کا کہنا تھا کہ سپیکر صاحب معاملے کی انکوائری کر کے ایکشن لیں، اگر ایکشن نہ لیا گیا تو پھر یہ سلسلہ یہاں رکے گا نہیں، یہ تو شروعات ہے، جب پارلیمنٹ پر حملے کی بات تو جہاں سے بھی ہو، ہم سب ایک ساتھ کھڑے ہوں، یہاں تو عزت کیا، یہاں تو مجھے مستقبل ہی نظر نہیں آرہا۔

وفاقی وزیر رانا تنویر حسین نے کہا کہ میں ہوں تو پاکستان ہے یہ اختلاف رائے نہیں، کچھ اور ہے، علی محمد خان آج جتنا چیخے ہیں، بانی پی ٹی آئی عمران خان کو سمجھایا ہوتا تو یہ حالات نہیں ہوتے، آج بھی موقع ہے اڈیالہ جیل جا کر قیادت کو سمجھائیں۔

ان کا کہنا تھا کہ پی ٹی آئی کے جلسے میں جس قسم کی تقاریر ہوئیں، کسی نے مذمت کی؟ محمود اچکزئی نے پارلیمنٹ میں وزیراعظم کو بے ایمان کہا، حیران ہوں محمود اچکزئی اس قسم کی باتیں کر رہے ہیں۔

رانا تنویر حسین نے کہا کہ ساری قوم پریشان ہے کہ یہ کیسا کلچر دے رہے ہیں، آپ اداروں کی تضحیک کریں اور کارروائی نہ کرنے کا مطالبہ بھی کریں، جب فیض حمید کو استعمال کیا جاتا تھا کو کسی کو خیال نہیں آیا۔

صاحبزادہ حامد رضا نے کہا کہ رات تین بجے نقاب پوش پارلیمنٹ کے کمروں میں بیٹھے ہوئے تھے، گراؤنڈ فلور سے چوتھے فلور تک ایک ایک کمرہ چیک کیا گیا ، یہ پارلیمنٹ کا سیاہ ترین دن تھا، سارجنٹ ایٹ آمرز کو کہیں مجھے گرفتار کرلیں مگر جو تذلیل کی گئی وہ ناقابل برداشت ہے۔

رہنما متحدہ قومی موومنٹ (ایم کیو ایم ) مصطفیٰ کمال کا کہنا تھا کہ پارلیمنٹ سے گرفتاریوں کی مذمت کرتے ہیں، کل کے واقعے کی کوئی بھی تائید نہیں کر سکتا۔

انہوں نے کہا کہ حکومت اور اپوزیشن سے درخواست ہے بریک لگا دیں، جب زہر بوئیں گے تو زہر ہی کاٹیں گے، جو کچھ ہو رہا ہے وہ ٹھیک نہیں، بانی پی ٹی آئی عمران خان کے پاس جائیں اور سمجھائیں، سپیکر قومی اسمبلی کل کے واقعے پر ایکشن لیں۔

اجلاس کے دوران پیپلزپارٹی کی رہنما آصفہ بھٹو زرداری نے یوٹیلیٹی سٹورز اور پی ڈبلیو ڈی کی بندش کے معاملے پر توجہ دلاؤ نوٹس پیش کیا۔

جس پر وفاقی وزیر صنعت و پیداوار رانا تنویر حسین نے کہا کہ یوٹیلیٹی سٹورز بند نہیں کر رہے، یوٹیلیٹی سٹورز کی ری اسٹرکچرنگ کر رہے ہیں، یوٹیلیٹی سٹورز کی ری اسٹرکچرنگ کیلئے تمام سٹیک ہولڈرز کے ساتھ بیٹھیں گے۔

اس موقع پر آصفہ بھٹو زرداری نے حکومت کے یوٹیلیٹی سٹورز کو بند نہ کرنے کے فیصلے کا خیرمقدم کرتے ہوئے کہا کہ بندش سے 25 ہزار ملازمین بیروزگار ہوں گے۔
 

(24 نیوز)جے یو آئی (ف)کے سربراہ مولانا فضل الرحمان نے کہا ہے کہ سینئرسیاسی قیادت کو سائیڈلائن کیا جارہاہے،سیاستدانوں کو بااختیاربناکرمعاملات ان کے حوالے کریں، کیا حکومت کے پاس اختیار ہے کہ کوئی فیصلہ کرسکے؟ہم مفاد کی جنگ نہیں بلکہ پروکسی جنگ لڑرہے ہیں،حالات اس قدر سنگین ہیں کہ کچھ اسکولوں میں پاکستان کا ترانہ نہیں پڑھا جاتا۔

قومی اسمبلی میں اظہار خیال کرتے ہوئے ان کا کہنا تھا کہ آگے بڑھیں اور بلوچستان میں جاکر لوگوں سے بات کریں،موجودہ انداز سے صورتحال خراب ہوتی جارہی ہے،جب ریاست ناکام ہوجاتی ہے توہم جاکر صورتحال کو کنٹرول کرتےہیں،ہم اپوزیشن میں ہیں لیکن ملک کو ضرورت پڑی تو حاضر ہیں،کوئی مشکل چیزیں نہیں ہیں اگر ہم سنجیدگی سے بیٹھ کر بات کریں، اختر مینگل نے اسی وجہ سے استعفیٰ دیا کہ پارلیمنٹ کا کوئی کردارنہیں ، بلوچستان کی صورتحال سنگین ہے، ایک ہی دن 4،5 جگہ پر حملے کیے گئے،اس سے کام نہیں بنے گا کہ ذمہ داری کسی اور پر ڈال دیں۔

قومی اسمبلی کا اجلاس اسپیکر سردار ایاز صادق کی زیرِ صدارت شروع ہوا، اس موقع پر اجلاس سے خطاب کرتے ہوئے سربراہ جمعیت رلمائے اسلام (ف) مولانا فضل الرحمن نے کہا کہ سیاستدانوں کو با اختیار بناؤ، سیاسی لوگوں کی اہمیت ختم کی جارہی ہے، جہاں معروف اور تجزبہ کار ہے ان کو سائیڈ لائن کیا جا رہا ہے اور ظاہر ہے اس کی جگہ نئے نوجوان لیں گے مگر وہ تجربہ نہیں رکھتے اور جذباتی ہوتے ہیں اس سے معاملات اتنے الجھ جاتے ہیں کہ اس گتھی کو سلجھانا مشکل ہوجاتا ہے، سب چیزیں اپنے اندر سمیٹنا اور سارے معاملات کے لیے فیصل آباد کا گھنٹا گھر بن جانا یہ شاید ایک خواہش ہوسکتی ہے مگر یہ مسئلے کا حل نہیں۔

سربراہ جمعیت علمائے اسلام (ف) مولانا فضل الرحمان نے کہا ہے کہ سیاسی جماعتوں اور سیاسی قائدین کو ملک کے لیے غیر ضروری سمجھنے سے زیادہ بڑی حماقت کوئی نہیں،سی پیک یہ سب معاملات ہیں جن کے سامنے رکاوٹیں کھڑی ہوگئی ہیں، ڈیرہ اسمعیل خان، لکی مروت کا علاقہ مسلح قوتوں کے قبضہ میں ہے، وہاں کوئی کام نہیں ہوسکتا، حالات کی سنگینی کا اندازہ اس سے لگائیں کہ کچھ علاقوں میں آج اسکولوں اور کالجوں میں پاکستان کا ترانہ نہیں پڑھا جاسکتا، پاکستان کا جھنڈا نہیں لہرایا جاسکتا، یہاں تک صورتحال خراب ہوگئی ہے۔

مولانا فضل الرحمن کا کہنا تھا کہ اس صورتحال میں ہمیں قدم اٹھانا چاہیے، ہم لڑیں گے، تنقید کریں اپوزیشن کا کرداد ادا کریں گے لیکن ملک کو ضرورت پڑی تو اپنا کردار نبھائیں گے، پارلیمان، سیاسی جماعتوں اور قائدین کو ملک کے غیر ضروری سمجھنے سے زیادہ بڑی حماقت کوئی نہیں ۔

انہوں نے دریافت کیا کہ کیا حکومت کے پاس فیصلوں کا اختیار ہے؟ کیا ان کے پاس صلاحیت ہے فیصلہ کرنے کی یا اپوزیشن کو اعتماد میں لے کر پارلیمان خود بات چیت کرے اور ملک کے اندر اضطراب کو ختم کرے، ہم پراکسی جنگ لڑ رہے ہیں، یہ ہمارے مفادات کی جنگ نہیں، عالمی قوت اس کا فائدہ اٹھا رہی ہیں۔

ے الیکٹرک نے ریاست کے اندر ریاست بنائی ہوئی ہے:رہنماء ایم کیو ایم 

قبل ازیں رہنما ایم کیو ایم پاکستان کا کہنا تھا کہ کے الیکٹرک نے ریاست کے اندر ریاست بنائی ہوئی ہے، وفاقی اور صوبائی حکومت کی بات وہ نہیں مانتے، بارش کا پہلا قطرہ پڑتا ہے تو درجنوں فیڈر ٹرپ کر جاتے ہیں۔

میرے حلقہ میں 8 گھنٹہ لوڈ شیڈنگ رہتی ہے:آصفہ بھٹو

 ممبر قومی اسمبلی آصفہ بھٹو نے کہا کہ ملک میں غیر اعلانیہ لوڈ شیڈنگ جاری ہے، لوگ لوڈ شیڈنگ کی وجہ سے لوگ مشکلات کا شکار ہورہے ہیں۔

اس سے پہلے اجلاس میں وفاقی وزیر توانائی کی عدم حاضری کے سوال پر وفاقی وزیر قانون اعظم نذیر تارڑ نے بتایا کہ وزیر توانائی ایوان میں زیادہ تر موجود ہوتے ہیں، آج ان کی ایک میٹنگ تھی، میں ان کی جگہ جوابات دے رہا ہوں، ونڈ انرجی کا پوٹینشل ایک لاکھ 32 ہزار میگا واٹ کا ہے، 36 کے قریب منصوبے سندھ میں انسٹال ہیں، ان منصوبوں کی 2011-2012 سے 2022 تک ان کی انسٹالیشن ہوئی ہے۔ دیگر شعبوں پر پی ایس ڈی پی کا زیادہ دباؤ ہے۔

وفاقی وزیر اعظم نذیر تارڑ نے وقفہ سوالات پر جواب دیتے ہوئے بتایا کہ فیڈرز کو ٹرانسفر کرنے کے لیے پالیسی مرتب کی جارہی ہے، اسمارٹ میٹرز لائے جارہے ہیں، اس پر آصفہ بھٹو کا کہنا تھا کہ میرے حلقہ میں 8 گھنٹہ لوڈ شیڈنگ رہتی ہے، وفاقی وزیر قانون نے بتایا کہ شاید پھر وہاں کوئی تکنیکی مسئلہ ہو۔

بعد ازاں قائد حزم اختلاف قومی اسمبلی عمر ایوب نے اظہار خیال کرتے ہوئے کہا کہ آپ ٹرانسفارمر زیادہ کریں، جس سے آپ کے لاسز کم ہوں گے، سرکلر قرض بڑھ رہا ہے، یہ پیمنٹ نہ آنے کی وجہ سے لوڈ شیڈنگ کررہے ہیں، انہیں معلوم ہی نہیں کہ چیزوں کے ساتھ نمٹا کیسے جاتا ہے، ان گرمیوں بجلی کی 26500 میگا واٹ ڈیمانڈ تھی، ہم گردشی قرضے کا بہاؤ زیرو کے قریب لے آئے تھے، لیکن اس وقت یہ پھر بڑھ گیا ہے، کینسر کا علاج یہ ڈسپرین گولی سے کر رہے ہیں۔

رہنما پیپلز پارٹی آصفہ بھٹو کا کہنا تھا کہ ملک میں گیس کی شدید قلت کی وجہ کیا ہے، گیس کی قلت کی وجہ سے لوگوں کو مشکلات کا سامنا کرنا پڑ رہا ہے۔اس پر وزیر پیٹرولیم مصدق ملک نے کہا کہ اس کا حل یہ ہے باہر سے گیس امپورٹ کرکے لوگوں کو سہولت دی جائے، ہمارا گمان ہے کہ ہمارے سمندری علاقوں میں گیس کے بڑے ذخائر ہیں، سمندری علاقوں میں گیس اور پٹرولیم کی تلاش کے لیے غیر ملکی کمپنیز کو بلا رہے ہیں، اس حوالے سے ملکی کمپنیز کے ساتھ بھی بات کررہے ہیں۔

رہنما پیپلز پارٹی سید حسین طارق نے اجلاس میں اظہار خیال کرتے ہوئے بتایا کہ آصف علی زرداری نے گیس کا حل نکالا تھا، آصف علی زرداری نے ایران کے ساتھ گیس کا معاہدہ کیا، کچھ دن پہلے ایران نے پاکستان کو حتمی نوٹس دیا ہے، سوال کیا کہ ایران کے ساتھ کام کہاں تک پہنچا؟ 18 ارب کا جرمانہ کہاں سے بھریں گے؟

وفاقی وزیر پیٹرولیم نے استفسار کیا کہ یہ 18 ارب کا نمبر کہاں سے آیا ہے؟ میں وزیر ہوں ایرانیوں نے اس کا ذکر نہیں کیا ہے، 18 ارب کی بات کہیں بھی نہیں ہوئی ہے، اس معاملے بین الاقوامی پابندیوں کے عوامل بھی ہیں، اس معاملے میں بہت زیادہ پیچیدگیاں ہیں، اگر بریفنگ لینا چاہیں تو ان کیمرا بریفنگ کے لیے تیار ہوں۔

بعد ازاں سابق وزیر اعظم و رہنما پیپلز پارٹی راجا پرویز اشرف نے آئی پی پیز سے متعلق بات کرتے ہوئے کہا کہ پورے ہاؤس کی ایک کمیٹی تشکیل دی جائے اور آئی پی پیز پر بحث ہو، یہ بہت گھمبیر کرائسز ہے، اس پر ابہام دور ہونے چاہئیں، اس پر رہنما مسلم لیگ (ن) حنیف عباسی نے کہا کہ کیا مصدق ملک اور اعظم نذیر تارڑ نے باقی وزرا کے جوابات دینے کا ٹھیکہ لیا ہوا ہے؟ آئی پی پیز کا مسئلہ کتنا مشکل ہے جس نے پورے ملک کو گھیرے میں لیا ہوا ہے، یہ پیسے لینے والے کون لوگ ہیں جو اربوں میں پیسے لے رہے ہیں، ان لوگوں کو بلائیں ان سے پوچھیں اگر نہیں مانتے تو کارروائی کریں۔

ان کا مزید کہنا تھا کہ یہ کون ہے میاں منشا؟ ملک میں 42 آئی پیپز بند پڑے ہیں۔اس موقع پر اسمبلی میں کے الیکٹرک کے بجلی کی ترسیل اور تقسیم کے نظام میں تعطل سے متعلق توجہ دلاؤ نوٹس پیش کیا گیا، توجہ دلاؤ نوٹس ایم کیو ایم پاکستان کے سید امین الحق نے پیش کیا۔

وفاق وزیر برائے اطلاعات عطا اللہ تارڑ نے توجہ دلاؤ نوٹس پر جواب دیتے ہوئے بتایا کہ جولائی اور اگست کے مہینے میں ضرورت سے زیادہ بارش ہوئی ہے، کے الیکٹرک نے1800 میں احتیاطا 300 فیڈرز بند کیے جہاں نکاسی آب کا مسئلہ ہے،24 واقعات گھروں میں تاروں اور شارٹ سرکٹ کے باعث پیش آئے، کے الیکٹرک کی غفلت کسی واقعے میں سامنے نہیں آئی۔

اس پر ممبر قومی اسمبلی رعنا انصار کا کہنا تھا کہ کے الیکٹرک ایسا سفید ہاتھی ہے جو عوام کو نچوڑ کر ان کا خون چوس رہا ہے۔عطا تارڑ نے کہا کہ میں کے الیکٹرک کی ریپئر اینڈ مینٹیننس کے بجٹ کو بڑھانے کا اعلان کرتا ہوں، گرڈ اسٹیشن پر دھاوا بولنا کسی مسئلے کا حل نہیں۔

بعد ازاں قومی اسمبلی اجلاس میں خلیجی ممالک میں گداگری کی سرگرمیوں سے متعلق توجہ دلاؤ نوٹس پیش کیا گیا، توجہ دلاؤ نوٹس رکن اسمبلی اسلم گھمن نے پیش کیا۔اس ھوالے سے بات کرتے ہوئے رہنما مسلم لیگ (ن) احسان الحق باجوہ نے بتایا کہ اس سلسلے میں حکام اور اداروں سے رابطہ کیا لیکن ڈیٹا شیئر نہیں کیا گیا، اگر کوئی سرگرمی میں ملوث پایا گیا تو اس کے خلاف کارروائی کی جائے گی، ہماری وزارت کا کام لوگوں کو روزگار کے سلسلے میں باہر بھجوانا ہے، جو لوگ زائرین کے طور پر جاتے ہیں یا اسٹوڈنٹ ویزہ پر جاتے ہیں شاید ان میں سے کوئی لوگ ہوں، بھیک مانگنے کی روک تھام کے لیے بیورو آف امیگریشن کے ایک مہم شروع کی ہے، اس حوالے سے ایف آئی اے کریک ڈاؤن کررہا ہے۔

بعد ازاں عطا تارڑ نے پاکستان کوسٹ گارڈز ترمیمی بل ایوان میں پیش کیا، بل کو متعلقہ قائمہ کمیٹی کے سپرد کردیا گیا۔

(24 نیوز)وزیراعظم شہباز شریف نے کہا ہے کہ مہنگائی کی شرح میں کمی کارکردگی کا ثبوت ہے، یہ ابھی شروعات ہے، سفر ابھی لمبا ہے، ہمیں اپنے اخراجات میں کمی لانی ہے،کرپشن اور اسمگلنگ کا خاتمہ کرنا ہے۔
وزیرِ اعظم میاں شہباز شریف کا وفاقی کابینہ اجلاس میں اظہارِ خیال کرتے ہوئے کہنا تھا کہ یہ سفر مشکل ہے مگر ناممکن نہیں،معیشت میں استحکام لانا ہے،روزگار کے نئے مواقع پیدا کرنے ہیں، آئی ایم ایف سے مذاکرات جاری ہیں، یہ آئی ایم ایف کے ساتھ آخری پروگرام ہو گا۔

وزیرِ اعظم شہباز شریف نے افراط زر کی شرح اور مہنگائی کے اعشاریوں میں کمی پر اطمینان کا اظہار کرتے ہوئے کہا ہے کہ اگست میں پاکستان میں مہنگائی کی شرح 9.6 فیصد تک گرنا حادثہ نہیں ہے بلکہ یہ نتائج ہیں۔

ضرورپڑھیں:آمدن میں شارٹ فال,وزیر اعظم ایف بی آر کی کارکردگی سے نالاں ہو گئے

سماجی رابطے کی ویب سائٹ ایکس پر جاری اپنے ایک بیان میں وزیر اعظم شہباز شریف نے لکھا کہ ادارہ برائے شماریات کے مطابق اگست میں پاکستان کی سالانہ افراطِ زر کی شرح 9.6 فیصد تک گر گئی ہے اور تقریباً تین سالوں میں پہلی بار یہ شرح سنگل ہندسے میں آئی ہے۔

وزیراعظم نے لکھا کہ ان کی توجہ عام آدمی کو ریلیف دینے پر ہے، ابھی کام مکمل نہیں ہوا اور ابھی بہت کچھ کرنے کی ضرورت ہے لیکن ہم حقیقی ترقی کررہے ہیں۔

(ویب ڈیسک)حکومت نے معاشی صورتحال بہتر کرنے  کے بجائے خزانے پر اضافی بوجھ ڈالنے کے اقدامات شروع کردئیے،وفاقی وزیر خزانہ محمد اورنگزیب نے مشیر اکنامک اینڈ فنانشل ریفارمز مقررکرنےکا فیصلہ کیا ہے۔ 

نجی ٹی وی کی رپورٹ کے مطابق خزانہ ڈویژن کا بتانا ہے کہ  مشیر اکنامک اینڈ فنانشل ریفارمز کے خواہش مند امیدواروں سے 9 ستمبر 2024 تک درخواستیں طلب کی گئی ہیں اور امیدواروں کو عہدےکے لیے نیشنل جاب پورٹل کے ذریعے آن لائن درخواست دینا ہوگی۔ 

 خزانہ ڈویژن  کے مطابق کامیاب امیدوارکو اسپیشل پروفیشنل پے اسکیل ون کے برابر تنخواہ ملےگی، اسپیشل پروفیشنل پے اسکیل کی تنخواہ 15 سے 20 لاکھ روپےمقرر ہے جبکہ مشیر کی تقرری دو سال کے لیے اکنامک اینڈ فنانشل ریفامزیونٹ میں کی جائے گی۔  

ضرورپڑھیں:عمران خان اسٹیبلشمنٹ کا پراجیکٹ ،ان سے بات کریں ہمیں کوئی خوف نہیں:رانا ثناء اللہ خان

خزانہ ڈویژن کا کہنا ہے کہ  اسامی کے لیےکم ازکم تعلیمی قابلیت فنانس، اکنامکس یا متعلقہ فیلڈ میں ماسٹر ڈگری مقرر کی گئی ہے، شارٹ لسٹڈ امیدواروں کو طے شدہ قواعد کے مطابق انٹرویو کے لیے بلایا جائے گا، دوسالہ کنٹریکٹ جاب والے مشیر کو کارکردگی کی بنیاد پر توسیع مل سکے گی۔

(24 نیوز)قومی اسمبلی نے اپوزیشن کے شدید احتجاج اور شور شرابے میں الیکشن ایکٹ ترمیمی بل کثرت رائے سے منظور کرلیا۔

قومی اسمبلی کا اجلاس اسپیکر ایاز صادق کی سربراہی میں ہوا جس میں چیئرمین قائمہ کمیٹی برائے پارلیمانی امور نے انتخابات ایکٹ ترمیم بل پرکمیٹی کی رپورٹ پیش کردی۔

اس دوران الیکشن ایکٹ ترمیمی بل منظوری کے لیے قومی اسمبلی میں پیش کیا گیا جب کہ  الیکشن ایکٹ ترمیمی بل زیر غور لانے کی تحریک بھی پیش کی گئی جسے ایوان نے منظور کرلیا۔تحریک بلال اظہر کیانی نے پیش کی جس کی اپوزیشن نے شدید مخالفت کی، اپوزیشن ارکان نے ایوان میں احتجاج اور نعرے بازی کی، اسپیکر ڈائس کا گھیراؤ  کیا اور ایجنڈے کی کاپیاں پھاڑ دیں۔

اس دوران علی محمد خان نے ترمیمی بل پر ترمیم پیش کی جس کی وزیر قانون نے مخالفت کردی۔وزیر قانون اعظم نذیر نے کہا کہ یہ قانون سازی آئین کی روح کے عین مطابق ہے  اور غیرآئینی نہیں، علی محمد خان نے کہا کہ یہ قانون سازی ہمارا راستہ روکنے کے لیے ہے، ان کے 41 ارکان نے حلف نامے دیے کہ ان کا تعلق سنی اتحاد کونسل سے ہے، آپ کے وکیل نےکہا مخصوص نشستیں سنی اتحاد کونسل کیلیے مانگ رہے ہیں، جس جماعت نے الیکشن میں حصہ نہیں لیا مخصوص نشستیں نہیں دی جاسکتیں ،ہم کسی جرم میں ترمیم کرنے نہیں جارہے۔

پارٹی سرٹیفکیٹ جمع نہ کرانے والا امیدوار آزاد تصور ہوگا، ترمیمی بل
ترمیمی بل کے مطابق انتخابی نشان کے حصول سے قبل پارٹی سرٹیفکیٹ جمع نہ کرانے والا امیدوار آزاد تصور ہو گا، مقررہ مدت میں مخصوص نشستوں کی فہرست جمع نہ کرانے کی صورت میں کوئی سیاسی جماعت مخصوص نشستوں کی حقدار نہیں ہوگی۔

ترمیمی بل میں کہا گیا کہ کسی بھی امیدوار کی جانب سے مقررہ مدت میں ایک مرتبہ کسی سیاسی جماعت سے وابستگی کا اظہار ناقابل تنسیخ ہو گا۔

 پی ٹی آئی سیاسی جماعت تھی، ہے اور رہے گی:علی محمد خان 

علی محمد خان نے کہا کہ سپریم کورٹ نے کہا ہے کہ پی ٹی آئی سیاسی جماعت تھی، ہے اور رہے گی ، الیکشن کمیشن سے پوچھا کہ کیا 39 ارکان کے لیے پی ٹی آئی حلال اور 41 کیلیے حرام ہے؟ ہم اس ترمیمی بل کو مسترد کرتے ہیں،  قانون سازی ضرور کریں لیکن یہ ملک کے مفاد میں ہونی چاہیے، اس قانون سازی کے خلاف عدالت جائیں گے۔

بعد ازاں اسپیکر نے الیکشن ایکٹ ترمیمی بل کی شق وار منظوری کا عمل شروع کیا اور ایوان نے اپوزیشن کے شدید احتجاج اور شور شرابے میں بل کو کثرت رائے سے منظور کرلیا جب کہ ایوان نے کثرت رائے سے اپوزیشن کی ترمیم مسترد کردی۔

قومی اسمبلی میں الیکشن ایکٹ ترمیمی بل منظوری کیلئے پیش، اپوزیشن ارکان کے الیکشن ایکٹ بل نامنظور ،نامنظور کےنعرے، پی ٹی آئی نے ایجنڈے کی کاپیاں پھاڑ کراسپیکرڈائس کی طرف پھینک دیں، پاکستان تحریک انصاف کے رکن اسمبلی علی محمد خان نے کہا کہ الیکشن ایکٹ ترمیمی بل غیر آئینی ہے، مخصوص نشستوں کا حق ہمیں سپریم کورٹ سے ملا ہے، الیکشن ایکٹ ترمیمی بل غیر آئینی ہے، کس طرح قانون سازی کرکے سپریم کورٹ کی جانب سے دیے گئے ہمارے حق سے محروم کیا جاسکتا ہے۔

علی محمد خان نے کہا کہ مخصوص نشستوں کا حق ہمیں سپریم کورٹ سے ملا ہے، الیکشن ایکٹ ترمیمی بل سیاسی مقاصد کے لیے پیش کیا گیا۔

پارلیمنٹ سپریم ضرور ہے لیکن تشریح کا اختیار سپریم کورٹ کو ہے:بیرسٹر گوہر علی خان 
چیئرمین پی ٹی آئی بیرسٹر گوہر نے کہا کہ آئین اور قانون کے خلاف قانون سازی ہورہی ہے، یہ ساری کوشش صرف اس لیے ہے کہ جس طرح فارم 47 کو تبدیل کرکے اپنی حکومت بنالی ہے، اس طرح یہ اب کوشش کررے ہیں کہ خواتین اور اقلیتیوں کی مخصوص نشستیں ان کو مل جائیں۔ہماری 68 خواتین اور 11 اقلیتیوں کی نشستیں ہیں جس کے لیے ہم نے مخصوص نشستوں سے متعلق الیکشن کمیشن کو 4 درخواستیں دیں، جس وقت کاغذات نامزدگی فائل کرلیے تو سازش کے تحت نشان لے لیا گیا، ہمیں ہرانے کی کوشش کی گئی لیکن دو تہائی اکثریت سے جیتے۔

انہوں نے کہا کہ سپریم کورٹ آف پاکستان نے کہا کہ پاکستان تحریک انصاف ایک سیاسی جماعت ہے، تھی اور رہے گی، یہ پارلیمنٹ سپریم ضرور ہے لیکن تشریح کا اختیار سپریم کورٹ کو ہے، اس قانون سازی کو سپریم کورٹ میں چیلنج کریں گے۔ اگر سیاسی جماعتوں کو جگہ نہیں دیں گے تو کوئی اور آئے گا، آپ کا انجام بھی حسینہ واجد جیسا ہوگا، کل ہمارا ایک رکن فوت ہوا لیکن وہ گھر نہیں جاسکا، وہ گھر جانا چاہتا تھا لیکن بربریت کی وجہ سے نہیں جاسکا۔

مسئلہ کشمیر کو سپورٹ نہیں کرتے تو اس کی نفی بھی نہ کریں:وزیر دفاع 
وفاقی وزیر دفاع خواجہ آصف نے قومی اسمبلی میں اظہار خیال کرتے ہوئے کہا کہ پارلیمنٹ آئین بناتا ہے اور دیگر ادارے اس کی تشریح کرتے ہیں، ایک روش تھی کہ حکومت کوگھر بھیج دیا جاتا تھا، اس کا تسلسل توڑا گیا اور یہ روایت ختم کردی گئی، اعتراضات آج بھی ہیں، لیکن جمہوریت جیسی بھی ہو، اس پر اعتراضات بھی ہوں، لیکن جمہوریت آمریت سے بہتر ہوتی ہے۔

خواجہ آصف نے کہا کہ ایک دوسرے کے سیاسی، آئینی وقانونی موقف کا احترام ہونا چاہیے، اس کی وجہ سے اداروں پر حملہ نہیں ہونا چاہیے، پارلیمنٹ سپریم ہے، یہ آئین اور قانون کے مطابق اس کی ایوان کی جو قدر وقیمت اور طاقت ہے وہ کسی اور ادارے کو حاصل نہیں، یہ ادارہ آئین بناتا ہے۔جمہوریت کےاس سفرمیں خامیاں ہوسکتی ہیں، اس پر سوالیہ نشان نہ لگائیں، امریکا سمیت دیگر جمہوری ممالک میں بھی کچھ خامیاں ہوسکتی ہیں۔

انہوں نے کہا کہ قوم کا 75 سال سےکشمیر پر ایک ہی موقف ہے، جو اقوام متحدہ اور سیکیورٹی کونسل کی قراردادوں میں رجسٹرڈ ہوچکا ہے، مسئلہ کشمیر کو سپورٹ نہیں کیا جاسکتا تو کم از کم اس کی نفی بھی نہ کی جائے، کشمیر میں بھارتی مظالم جاری ہیں۔ فلسطین کی جنگ آزادی میں ہزاروں لوگ شہید ہوچکے ہیں اور گزشتہ 10 ماہ کے دوران 40 ہزار فلسطینیوں کو شہید کیا گیا، اسی طرح مسئلہ کشمیر پر بھی جنگیں لڑی گئیں، مقبوضہ کشمیر میں رہائش پذیر لوگوں نے قربانیں دیں اور آج بھی ان کا استحصال ہورہا ہے۔

 اس بل پر ہمیں اعتماد میں نہیں لیا گیا،ایم کیو ایم کے تحفظات 
ایم کیو ایم پاکستان کے رکن اسمبلی فاروق ستار نے الیکشن ایکٹ ترمیمی بل کی منظوری پر تحفظات کا اظہار کرتے ہوئے کہا کہ اس بل پر ہمیں اعتماد میں نہیں لیا گیا، آئینی ادارے کی ضد میں کی جانے والی قانون سازی ٹھیک نہیں ہے۔

انہوں نے کہا کہ اس فیصلے سے پہلے صرف سیاسی جماعتیں دست گریبان تھی، سپریم کورٹ کے فیصلے کے بعد نہ ختم ہونے والی لڑائی شروع ہوگئی ہے، یہ قانون سازی کا حربہ تو ہوسکتا ہے لیکن حکومت اور اپوزیشن کی شکست ہے،آپ مفاہمت کا راستہ نکالنے کے لیے تیار نہیں ہے، کاش اس مسئلے کو سیاسی طور پر حل کیا جاتا، عدالت کے بجائے پارلیمنٹ اس کا فیصلہ کرتی تو راستہ نکل سکتا تھا۔

الیکشن ایکٹ کے حوالے سے غلط تاثر دیا جارہا ہے:شازیہ مری 
پاکستان پیپلزپارٹی کی رکن اسمبلی شازیہ مری نے کہا کہ ایوان میں عوام کے مسائل پربات ہونی چاہیے اور قانون بنانا پارلیمنٹ کا کام ہے، عدالتوں کا نہیں، الیکشن ایکٹ کے حوالے سے غلط تاثر دیا جارہا ہے، الیکشن ایکٹ ترمیمی بل سپریم کورٹ کے فیصلےکے خلاف نہیں ہے، اور یہ بل پارٹی سے وفاداری کو یقینی بناتا ہے تو غلط کیسے ہے۔

انہوں نے کہا کہ آپ نے ڈیجیٹل دہشت گردی شروع کی ہے، اب یہ دہشت گردی نہیں چلے گی، ہم آپ کے عمر رسیدہ چیئرمین پر بات نہیں کریں گے، پاکستان کے مسائل اس شخص سے بڑے ہیں، اس کو فریج دے دو، اے سی دے دو ، اور عوام کی بات کرو۔ مجھے فلسطین کی قرارداد پر آپ کی تکلیف کا پتہ ہے، آپ کے لیڈر نے ایک زائنسٹ کو سپورٹ کیا، امریکی کانگریس میں پاکستان کے خلاف قرارداد آتی ہے تو آپ خوش ہوتے ہیں، قرارداد وہ لاتا ہے جو اسرائیل کا سب سے بڑا سپورٹر ہے۔

انہوں نے کہا کہ 9 مئی والوں کی مذمت کریں، آپ نے نفرت کو پڑھوان چڑھایا، تقسیم اور نفرت پیدا کرنے والا محب وطن نہیں ہوسکتا، محب وطن 14 سال قید کاٹ کر صدر کی کرسی پر ہے، ہم استحکام قائم رکھنے کیلئے ہر قیمت ادا کریں گے۔

عمران خان معاہدہ کرکے ملک سے نہیں بھاگے:حامد رضا 
سنی اتحاد کونسل کے سربراہ حامد رضا نے کہا کہ یہ بھٹو، بے نظیر کے نظریے کی بات کرتے ہیں، ان لوگوں نے ذوالفقار علی بھٹو اور بے نظیر بھٹو کا نظریہ دفن کردیا، بے نظیر کی شہادت پر لوگوں کی املاک کو جلایا گیا۔

انہوں نے کہا کہ عمران خان کا سب کچھ اس ملک میں ہے، بانی پی ٹی آئی کی ملک سے باہر کوئی پراپرٹی نہیں ہے، وہ معاہدہ کرکے ملک سے نہیں بھاگے بلکہ آج بھی جیل میں بیٹھے ہوئے ہیں۔ اس وقت سے ڈریں جب وقت کا پہیہ بدلے گا، جو ہاتھ ہماری عزت کی طرف اٹھا وہ ہم واپس نہیں جانے دیں گے، ہمیں اخلاقیات کو یاد رکھنا ہوگا۔

بھارتی آئین میں ترمیم سے متعلق قرارداد منظور
قومی اسمبلی میں بھارتی آئین میں ترمیم سے متعلق قرارداد پیش کی گئی، جسے اتفاق رائے سے منظور کرلیا گیا۔قرارداد کے مطابق 5 اگست 2019 کے بھارتی غیر قانونی اقدامات اٹھائے گئے، اس دن کو پاکستان یوم استحصال کشمیر کے طور پر مناتا ہے، مسئلہ جموں کشمیر اقوام متحدہ کے ایجنڈے پر تاحال موجود ہے، اقوام متحدہ کی سلامتی کونسل کی متعدد قراردادیں منظور کی جاچکی ہیں۔

قرارداد میں کہا گیا کہ ایوان کشمیر کی غیر متزلزل سیاسی سفارتی اور اخلاقی حمایت کرتا ہے، ایوان لاکھوں بھارتی افواج کی موجودگی پر شدید تشویش کا اظہار کرتا ہے، بھارتی غیر ذمہ دارانہ بیانات کو مسترد کرتا ہے۔

بعد ازاں، قومی اسمبلی کا اجلاس 9 اگست جمعہ صبح 11 بجے تک ملتوی کردیا گیا۔

(24 نیوز)پیپلزپارٹی نے حکومت سے نیب ختم کرنےکا مطالبہ کردیا،پاکستان پیپلز پارٹی کے چیئرمین بلاول بھٹو زرداری نے کہا ہے کہ نیب اور معیشت ساتھ ساتھ نہیں چل سکتے،بزنس مین نیب سے ڈرکر بیرون ملک چلے جاتے ہیں،عوام کا یہ مسئلہ نہیں کہ کون جیل جائےگا، کون نہیں،عوام کے بنیادی مسائل،روٹی ،کپڑا اور مکان ہے۔
قومی اسمبلی کےاجلاس میں اظہار خیال کرتے ہوئے بلاول بھٹو نے کہا ہے کہ ہم عوام کے مسائل جانتے ہیں، عوام کا مسئلہ بڑھتی مہنگائی اوربیروزگاری ہے،پاکستان کے دیرینہ مسائل کا حل چارٹرآف اکانومی ہے،چارٹر آف اکانومی کہیں سے ڈکٹیٹ نہیں ہوسکتا،ہم نے اس حکومت اور وزیراعظم کا ساتھ دینے کا فیصلہ کیا،حکومت اور اپوزیشن بنچوں پر بیٹھے دوستوں کو بھی ہم سے بات کرنا پڑےگی۔

ضرورپڑھیں: فیصل صدیقی صاحب اگر آپ نے کاغذات فائل کئے ہوتے تو سوالات نہیں پوچھنے پڑتے:چیف جسٹس
چیئرمین پیپلز پارٹی کا کہنا تھا کہ مہنگائی میں کمی آرہی ہے، امید ہے حکومت کی یہ پالیسی جاری رہے گی،بجٹ سے قبل دیگر جماعتوں سے مشاورت کی جاتی تو بہتر ہوتا،ہم حکومت کو اچھے مشورے ہی دیتے،حکومت دعوے کرتی ہے کہ عام آدمی پر ٹیکسوں کا بوجھ نہیں پڑےگا،بدقسمتی سے بجٹ میں ان ڈائریکٹ ٹیکسوں پر زور دیا جاتاہے،ان ڈائریکٹ ٹیکسز کا بوجھ عام آدمی کو اٹھانا پڑتاہے۔

ان کا کہنا تھا کہ عوام امید رکھتے ہیں کہ ہم ذاتی مسلئے سائیڈ پر رکھیں گے، وزیراعظم شہباز شریف میثاقِ معیشت کی بات کی، میثاقِ معیشت کے بغیر مسائل کا حل نہیں مل سکتا،پیپلز پارٹی اور مسلم لیگ ن کے درمیان ایک معاہدے کے تحت حکومت بنی،معاہدے کے تحت پی ایس ڈی پی باہمی مشاورت کے ساتھ بننا چاہئے تھا،وزیراعظم،وزیر خزانہ کو مشورہ ہے اتحادیوں اور اپوزیشن کے ساتھ مشاورت ہونی چاہیے تھی۔
بلاول بھٹو کا کہنا تھا کہ امید ہےوزیراعظم اور ان کی ٹیم پاکستان کو مشکلات سے نکالنے میں کامیاب ہو گی، بینظیر انکم سپورٹ پروگرام کے حجم میں 27 فیصد اضافہ قابلِ ستائش ہے، پی ٹی آئی حکومت میں باجوہ ڈاکٹرائن کے نام پر اپوزیشن نشانے پر تھی،18ویں ترمیم، این ایف سی ایوارڈ ،بینظیر انکم سپورٹ پروگرام ختم کرنے کی سازش کی گئی،ہم عام آدمی کو محصولات کی مد میں ریلیف دینے میں اب تک ناکام ہیں۔

ان کا کہنا تھا کہ اس بجٹ میں 70سے80فیصد ان ڈائریکٹ ٹیکس لگائے گئے،18وزارتیں ختم ہونی چاہئے تھیں جو کہ اب تک نہیں ہوئیں، بی آئی ایس پی کو آئینی تحفظ ملنا چاہئے کہ اسے کوئی نقصان نہ ہو،پڑوسی ملک کی حکومت ایگریکلچر کو اربوں روپے فنڈز دیتی ہے،اگر ہم اس سے آدھا بھی کسانوں کو سپورٹ کریں تو مقابلہ کیا جاسکتاہے،حکومت کو تجویز ہے کہ فارمرز کو سپورٹ کرے،فیصلے کرتے ہوئے ہمیں سوچنا چاہئے کہ ہمارا مقابلہ کس سے ہے۔

بلاول بھٹو نے کہا ہے کہ نیب سیاسی لوگوں کو بدنام کرنے کا انجینئرڈادارہ ہے،  نیب اور معیشت ساتھ ساتھ نہیں چل سکتے،بزنس مین نیب سے ڈرکر بیرون ملک چلے جاتے ہیں۔

نائب وزیر اعظم  سینٹر اسحاق ڈار نے بلاول بھٹو کا جواب دیتے ہوئے کہا کہ  بلاول بھٹو کی آج کی تجاویز کو بجٹ میں شامل کریں گے،وزارت خزانہ کا کام ہے کہ اچھی تجاویز کو بجٹ میں شامل کرے،بطور وزیرخزانہ 5بجٹ پیش کئے، ارکان کی اچھی تجاویز کو شامل کیا۔
ان کا کہنا تھا کہ یہ کہنا غلط ہے کہ سینیٹ کی قائمہ کمیٹی برائے خزانہ نے کوئی کام نہیں کیا،سینیٹ کی قائمہ کمیٹی برائے خزانہ آئین کے مطابق کام کرتی ہے،آئین میں ہے کہ سینیٹ اپنی تجاویز 14روز میں قومی اسمبلی کو بھیجے۔

(عثمان خان)قومی اسمبلی اجلاس میں خواجہ آصف کا اظہار خیال،وزیردفاع کو مائیک دینے پر اپوزیشن کا ہنگامہ ،احتجاج،اپوزیشن کےایوان میں آپریشن نامنظور کے نعرے،جے یو آئی کے ارکان بھی احتجاج میں شریک ہوگئے۔وزیر دفاع نے کہا ہے کہ ایسا کوئی فیصلہ نہیں کرینگے جو متنازعہ ہو۔یہ کل بھی 9مئی والے تھے، آج بھی 9مئی والے ہیں۔یہ اپنی اوقات دکھا رہےہیں،اپوزیشن شہدا کیخلاف اور دہشت گردوں کیساتھ کھڑی ہے۔ان کا لیڈر جنرل باجوہ کو تاحیات ایکسٹینشن دینے کی باتیں کرتاتھا ۔بجلی چوری بھی یہ کرتے ہیں ۔اور احتجاج بھی یہ کرتے ہیں۔ وزیردفاع خواجہ آصف کاآپریشن عزم استحکام کا معاملہ پارلیمنٹ میں لانے کااعلان کہاایسا کوئی فیصلہ نہیں کرینگے جو متنازعہ ہو۔اپیکس کمیٹی کے فیصلو ں کووفاقی کابینہ میں لے کرجائیں گے۔

قومی اسمبلی کا اجلاس ڈپٹی سپیکر کی زیر صدارت ہوا،اجلاس میں شروع ہوا تو اپوزیشن نے واک آؤٹ کردیا ،اپوزیشن ارکان واپس آئے تو سپیکر کے وزیردفاع کو مائیک دینے پر دوبارہ تنازع شروع ہوگیا،اپوزیشن نے ہنگامہ کردیا ،نعرے بازی کی ۔

قومی اسمبلی میں اظہار خیال کرتے ہوئے وزیردفاع خواجہ محمد آصف نے کہا ہے کہ میں بولوں گا،کوئی نہیں روک سکتا،ایوان میں بلیک میلنگ نہیں چلے گی۔اقلیتوں کا ملک میں رہنے کا برابر حق ہے،اپوزیشن جو مسئلہ اٹھانا چاہتی ہے،اسکا بھی جواب دونگا۔

خواجہ آصف کا کہنا تھا کہ پاکستان میں کوئی مذہبی اقلیت محفوظ نہیں،ایپکس کمیٹی کے فیصلے وفاقی کابینہ میں لیکرجارہے ہیں،یہ 9مئی والے ہیں اور ہمیشہ 9مئی والے رہیں گے،بجلی یہ چوری کرتے ہیں، بندکرتے ہیں تو احتجاج کرتے ہیں،یہ نہ ملک ،نہ ایوان، نہ آئین کیساتھ ہیں، صرف اپنی سیاست کیساتھ ہیں،اپوزیشن والے اپنی اوقات دکھا رہےہیں۔

خواجہ آصف نے کہا ہے کہ آپریشن عزم استحکام کا معاملہ پارلیمنٹ میں بھی لائینگے، اندر بیٹھا لیڈربھی روز پینترے بدلتاہے،ایسا کوئی فیصلہ نہیں کرینگے جو متنازعہ ہو، ان کا لیڈر جنرل باجوہ کو تاحیات ایکسٹیشن کی باتیں کرتاتھا، اپوزیشن مظاہرہ کرکےشہدا کیخلاف اور دہشتگردوں کیساتھ کھڑی ہے،یہ آج بھی 9 مئی کے مؤقف سے پیچھے نہیں ہٹے،اپوزیشن گالی اور تشدد کی سیاست کرنا چاہتی ہے۔

وزیردفاع کی تقریر کے بعد قومی اسمبلی کا اجلاس ایک گھنٹے کیلئے ملتوی کردیا گیا۔

(24 نیوز)اپوزیشن لیڈر عمر ایوب نے عمران خان کو جیل میں سہولتیں ملنے کے دعویٰ کی تردید کردی،قومی اسمبلی میں اظہار خیال کرتے ہوئے عمر ایوب کا کہنا تھا کہ بانی پی ٹی آئی کو موت کی کوٹھڑی میں رکھا گیا ہے،علی محمد خان نے کہا ہے کہ پاکستان کے سابق وزیراعظم عمران خان کو سیل میں بندکرکے عوام کی تضحیک کی جا رہی ہے۔

قومی اسمبلی کا اجلاس ڈپٹی اسپیکر سید میر غلام مصطفیٰ شاہ کی صدارت میں شروع ہوا، چیئرمین سینیٹ یوسف رضا گیلانی اسپیکر گیلری آئے اور ایوان کی کارروائی دیکھی۔پیپلزپارٹی کے چیئرمین بلاول بھٹو زرداری کی ایوان میں آمد کے موقع پر پارٹی اراکین نے ڈیسک بجا کر استقبال کیا، علی قاسم گیلانی نے بحیثیتِ رکن قومی اسمبلی حلف اٹھایا۔

اجلاس میں اظہار خیال کرتے ہوئے رہنما پی ٹی آئی علی محمد خان نے کہا کہ ایک سابق وزیراعظم صرف ایک شخص نہیں ہوتا، آج سے 80 سال پہلے بھی یہی کہانی تھی،کل نواز شریف کو ہتھ کڑیاں پہنائی گئیں، ایوان سے سوال ہے جویہ سب کررہے ہیں، ان کی باری کب آئے گی؟ پاکستان کے سابق وزیراعظم کوسیل میں بندکرکے عوام کی تضحیک کی جا رہی ہے۔

ضرورپڑھیں:ڈپٹی چیئرمین کی موجودگی میں پلوشہ خان کی صدارت پر اپوزیشن کاسینیٹ اجلاس میں ہنگامہ،تلخ جملوں کا تبادلہ

اپوزیشن لیڈر عمر ایوب نے بانی پی ٹی آئی کو جیل میں سہولتیں ملنے کے دعویٰ کی تردید کردی،قومی اسمبلی میں اظہار خیال کرتے ہوئے عمر ایوب کا کہنا تھا کہ بانی پی ٹی آئی کو موت کی کوٹھڑی میں رکھا گیا ہے، سرگودھا میں ہمارے لوگ رہا ہوئے، پھر ان کو گرفتار کرلیا گیا، پتا نہیں کون سی اڑن طشتری ہے جووہ اٹھا کر لے جاتے ہیں، یہ کون سی جمہوریت ہے جہاں کارکنوں کو اٹھا لیا جائے؟۔

انہوں نے کہا کہ مجھے ایف آئی اے سے نوٹس آیا ہے ، بانی پی ٹی آئی کے ٹوئٹر اکاؤنٹ پر انکوائری شروع ہوئی ہے ، اسٹیٹ تو پارلیمنٹ ہے، یہ کیسے ہمیں لیٹر لکھ سکتے ہیں، ایف آئی اے کے انسپکٹر کو نوٹس بھجوایا گیا،اس طرح کی ہتک ختم ہونی چاہیے پاکستان کو آگے بڑھنا چاہیے۔بانی پی ٹی آئی اور بشری بی بی کے پاس کوئی سہولت نہیں ہے ، ہم اس کی مذمت کرتے ہیں۔

سابق اسپیکر قومی اسمبلی اسدقیصر نے کہا کہ چمن سمیت دیگرمقامات پر احتجاج جاری ہے، حکومت معاملے کو سنجیدہ نہیں لے رہی، بلوچستان میں پیپلزپارٹی کی حکومت ہے، چمن کےلوگوں پرگولیاں،ڈنڈےنہ برساؤ۔

کل خیبر پختونخوا میں پاکستان تحریک انصاف کا تاریخی جلسہ ہو گا۔جلسہ آئین پاکستان کے تحت ہو رہا ہے ۔جلسہ کا مین مقصد ہے کہ پاکستان میں آئین اور قانون کی بلادستی ہو، جلسہ کا مقصد ہے کہ ملک میں عدلیہ آزاد ہو اور مضبوط پارلیمان موجود ہو۔ بانی چئیرمین تحریک انصاف کو جیل سے نکالنےکے لئے جلسہ کیا جا رہا ہے۔

(روزینہ علی)قومی اسمبلی اجلاس میں شدید ہنگامہ آرائی ، ارکان گتھم گتھا ہوگئے، طارق بشیر چیمہ اور زرتاج گل کاجھگڑا،سکیورٹی اہلکاروں اور دیگر اراکین نے ایوان میں بیچ بچاؤ کروایا۔

قومی اسمبلی کا اجلاس شہلا رضا کی زیر صدارت جاری تھا کہ وفاقی وزیر طارق بشیر چیمہ اور سنی اتحاد کونسل کی رکن زرتاج گل میں جھگڑا ہوگیا ۔اپوزیشن اراکین طارق پشیر چیمہ کے پیچھے حکومتی نشستوں تک جا پہنچے۔حکومتی اراکین نے طارق بشیر چیمہ کو فوری طور پر ایوان سے نکالا۔

ضرورپڑھیں:سپریم کورٹ :عمران خان ویڈیو لنک پر پیش،بانی پی ٹی آئی کو بغیر سنے کیس کی سماعت غیر معینہ مدت تک ملتوی
ہنگامہ آرائی کے باعث اجلاس کل 11بجے تک ملتوی کردیا گیا ۔

اس سے قبل طارق بشیر چیمہ کاکہنا تھا کہ گندم وفاقی حکومت امپورٹ نہیں کرتی، ہر صوبہ اپنی ڈیمانڈ بھیجتا ہے، گندم امپورٹ کیوں اور کس کی اجازت سے ہوئی؟ پنجاب حکومت کو چاہیےفوری گندم کی خریداری شروع کرے۔

اپوزیشن کے بولنے پر طارق بشیرچیمہ برہم ہوگئے، بولے کہ یہ مجھے ڈسٹرب کریں گے تو میں پھر انہیں چھیڑوں گا، پنجاب کو جس بے دردی سے لوٹا گیا، یہ حساب ان کو دینا پڑے گا،جنرل فیض بجٹ پر کورم پورا کرتے تھے، یہ کہتے ہیں ان کی 10فیصد غلطی تھی ان کی 100 فیصد غلطی تھی۔