رینجرزاہلکاروں سمیت 5 افراد شہید،100زخمی ،وفاقی دارالحکومت میں فوج طلب،شرپسندوں کو دیکھتے ہی گولی مارنے کا حکم

(24 نیوز) اسلام آباد میں آئین کے آرٹیکل 245 کے تحت فوج طلب کی گئی ہے،یہ آرٹیکل 245 کیا ہے؟ اور یہ کن حالات میں لگایا جاتا ہے؟

پی ٹی آئی کے احتجاج کے دوران اسلام آباد میں آرٹیکل  245 کے تحت فوج طلب کی گئی ۔

آرٹیکل 245 کیا ہے؟اہم نکات
آئین کے آرٹیکل 245 کے تحت فوج کو طلب کیا جا سکتا ہے، اس آرٹیکل کے تحت فوج کے فرائض متعین کیے گئے ہیں،فوج بلانے کے فیصلے کو کسی بھی عدالت میں چیلنج نہیں کیا جا سکتا۔

فوج کی موجودگی کے دوران ہونے والے اقدامات کو ہائی کورٹ میں چیلنج نہیں کیا جا سکتا،دوسرے معاملات میں ہائیکورٹس کام کرتی رہیں گی،آرٹیکل 245 کے عمل میں لانے کے بعد ہائی کورٹ کے اختیارات صرف اس آرٹیکل کی حد تک معطل ہو جاتے ہیں اور وہ اس حکم نامے کو چیلنج نہیں کر سکتی، تاہم ہائی کورٹس کی باقی روزمرہ کی کارروائیاں جاری رہتی ہیں اور ان پر کوئی اثر نہیں پڑتا۔

آرٹیکل 245 اور ایمرجنسی کے نفاذ میں فرق یہ ہے کہ اس آرٹیکل کے تحت فوج بلانے کا حکومت کو کوئی حساب نہیں دینا پڑتا لیکن ایمرجنسی کے نفاذ کے بعد ایک مخصوص مدت کے اندر حکومت کو اسمبلی میں آ کر اس عمل کی توثیق کروانی پڑتی ہے۔

آرٹیکل 245 کی مرحلہ وار تین شقیں

مسلح افواج وفاقی حکومت کی ہدایات کے تحت، بیرونی جارحیت یا جنگ کے خطرے کے خلاف پاکستان کا دفاع کریں گی اور قانون کے تابع شہری حکام کی امداد میں، جب ایسا کرنے کے لیے طلب کی جائیں، کام کریں گی۔

شق 1 کے تحت وفاقی حکومت کی طرف سے جاری شدہ کسی ہدایت کے جواز کو کسی عدالت میں زیرِ اعتراض نہیں لایا جائے گا۔

شق 2 کوئی عدالت عالیہ کسی ایسے علاقے میں، جس میں پاکستان کی مسلح افواج فی الوقت آرٹیکل 245 کی تعمیل میں شہری حکام کی مدد کے لیے کام کر رہی ہوں، آرٹیکل 199 کے تحت کوئی اختیارِ سماعت استعمال نہیں کرے گی، مگر شرط یہ ہے کہ اس شق کا اس دن سے عین قبل جس پر مسلح افواج نے شہری حکام کی مدد کے لیے کام کرنا شروع کیا ہو، کسی زیرِ سماعت کارروائی سے متعلق عدالت عالیہ کے اختیار سماعت کو متاثر کرنا مقصود نہیں ہو گا۔

شق 3 میں محولہ کسی علاقہ سے متعلق کوئی کارروائی جسے اس دن یا اس کے بعد دائر کیا گیا ہو، جبکہ مسلح افواج نے شہری حکام کی مدد کے لے کام شروع کیا ہو اور جو کسی عدالتِ عالیہ میں زیرِ سماعت ہو، اس عرصے کے لیے معطل رہے گی۔

پاکستان تحریک انصاف اس وقت عمران خان کی نہیں اپنی بقا کی جنگ لڑ رہی ہے اور یہ لڑائی کسی حافظ ، کسی محسن ، کسی شہباز اور کسی مریم کے ساتھ نہیں ہے خود اپنے ساتھ ہے ،جی ہاں یہ بقا کی وہ جنگ ہے جو خود کو ہی ختم کرکے لڑی جارہی ہے، آپ میں سے بہت سوں نے نوکیا 3310 میں سانپ والی گیم کھیلی ہوگی جس میں سانپ جیسے جیسے خوراک لیتا ہے برا ہوتا چلا جاتا ہے اور پھر ایک وقت آتا ہے کہ بل کھاتا یہ سانپ اپنی ہی دُم کو کاٹ لیتا ہے اور مر جاتا ہے ، یہ کھیل سانپوں کی ایک فطرت کو ہی مدنظر رکھ کر ایجاد کیا گیا تھا ۔
سانپ کے اپنی دُم کھانے کے عمل کو حقیقت اور علامت دونوں پہلوؤں سے دیکھا جا سکتا ہے، جو فلسفہ، نفسیات اور ادب میں گہرے معانی رکھتا ہے۔ حقیقت میں، یہ رویہ ذہنی دباؤ، بھوک، قید کی حالت یا مخصوص بیماریوں کی وجہ سے ظاہر ہوتا ہے، جو سانپ کی کمزوری یا الجھن کی نشاندہی کرتا ہے۔ علامتی طور پر، "اُوروبورس" کے نام سے مشہور یہ تصور دائرے کی تکمیل، تخلیق و تباہی کے تسلسل اور خود شناسی کی نمائندگی کرتا ہے۔ مختلف ثقافتوں میں اسے زندگی اور موت، آغاز اور انجام کے ساتھ جوڑا گیا ہے۔ ادب میں یہ اکثر خود تباہی، نرگسیت یا اندرونی جدوجہد کی علامت کے طور پر بیان ہوتا ہے جبکہ سماجی تناظر میں یہ کسی ایسے فرد یا نظام کی طرف اشارہ کرتا ہے جو اپنی بقا کے خلاف کام کر رہا ہو۔ یہ عمل نہ صرف ایک نایاب حیاتیاتی حقیقت ہے بلکہ گہرے فلسفیانہ اور سماجی مفاہیم کا حامل بھی ہے، جو ہمیں خود شناسی اور رویوں پر غور کرنے کی دعوت دیتا ہے۔
کچھ مواقع پر سانپ اپنی ہی دُم کو کھانے کی کوشش کرتا ہے، اور یہ ایک حقیقی مگر غیر معمولی واقعہ ہے،یہ رویہ عام طور پر ذہنی دباؤ یا الجھن کی وجہ سے ظاہر ہوتا ہے، خاص طور پر قید میں رہنے والے سانپ محدود جگہ اور تنہائی کی وجہ سے اپنی دُم کو شکار سمجھ کر کاٹنے لگتے ہیں، اگر ماحول کا درجہ حرارت بہت زیادہ ہو جائے تو یہ سانپ کو بے چین کر سکتا ہے اور وہ غیرمعمولی رویہ اختیار کر سکتا ہے، اسی طرح، بھوک کی حالت میں یا اگر شکار کی موجودگی کی خوشبو حواس کو الجھا دے تو سانپ اپنی دُم کو شکار سمجھ سکتا ہے بعض اوقات طبی مسائل یا اعصابی خرابی بھی اس رویے کا سبب بنتی ہیں۔ یہ عمل زیادہ تر قید میں رکھے گئے سانپوں میں دیکھا جاتا ہے جبکہ جنگلی سانپوں میں یہ رویہ بہت کم ہوتا ہے،یہ غیرمعمولی واقعہ عام طور پر سانپ کی صحت یا ماحول سے متعلق مسائل کی نشاندہی کرتا ہے۔
پاکستان تحریک انصاف کا سانپ (یہ صرف علامتی تاثر ہے ) قید میں ہے یعنی اُس پر آج پھر نرگسیت ، حسرت و یاس اور بھوک کے گہرے دبیز سائے چھائے ہوئے ہیں ، اور یہی وہ کیفیات ہیں جس میں سانپ اپنے انجام کو پہنچ جاتا ہے ، پاکستان تحریک انصاف، پیپلز پارٹی کے بعد دوسری جماعت ہے جس نے 2011 کے بعد بڑی تیزی سے اپنی نشو نما کا سفر طے کیا ،کھانے کی فراوانی تھی  ، فوجی و سول بیوروکریسی کا آشیرباد سر پر تھا،جنرل فیض (کورٹ مارشل والے ) کی چھتر چھاؤں میں جنرل پاشا کے پیدا کردہ اس عفریت نے تمام روائتی پارٹیوں کو اپنی خوراک بنایا ، سوشل میڈیا کا وہ جال جو دنیا بھر میں پھیلا ہوا تھا اسے استعمال میں لاکر مصنوعی ذہانت سے اذہان کو اپنی طرف مائل کیا جو ویڈیو گیم میں ایک کے بعد ایک خوراک ملنے پر اس پھلتے پھولتے سانپ کو دیکھ کر خوش ہورہے تھے اور دیگر روائتی سیاستدانوں کا بینڈ بجا رہے تھے ۔

ضرورپڑھیں:سکھ مت کا اونچا استھان اورسکھ سنگتیں
 ہر عروج کو زوال ہے اسٹیبلشمنٹ کی چھتری نیوٹرل ہوئی تو سانپ کو پالنے والا سپیرا پکڑا گیا سانپ کو بھی قید ڈالا گیا لیکن اب یہاں سے وہ کھیل شروع ہوا جس میں سانپ کو اضطراب و بھوک میں اپنی ہی دُم کو کھا کر ختم ہونا ہے ذرا تصور کیجئے اڈیالہ کے باہر موجود تحریک انصاف میں اس وقت گیم آف تھرون سیریز کا آخری پارٹ چل رہا ہے،3310 والی گیم کو تصور میں لائیے تو اپ کو اندازہ ہوگا کہ پنجاب جو کہ اس سانپ کا بڑا حصہ ہے جدو جہد سے عاری ہوچکا ،یہاں کے لیڈر یا بھاگ گئے یا اندر ہیں، جو باقی ہیں وہ خود کو ہر اہم موقع پر گرفتار کراتے ہیں اور چند دن سکون کے گزار کر پھر باہر آجاتے ہیں ، اس گیم آف تھرون میں سانپ کی دم اور سر ابھی بھی متحرک ہیں۔ بشریٰ بی بی کے باہر آنے سے علیمہ خان بمعہ اپنی دوسری بہنوں اور ہمنوا کے ساتھ بے بس ہیں ، علی امین گنڈا پور پوری پارٹی میں بے اعتبارے اور بشریٰ بی بی کے بعد اپنی کُرسی بچانے کے چکر میں ہیں آپس  کی ڈرامہ بازیاں اپنے اختتام کی جانب بڑھ رہی ہیں، خیبر پختونخوا میں اندر ہی اندر پلنے والا لاوا جلد ہی پھوٹ پڑے گا  اور بشریٰ بی بی سعودی عرب والا بیان دیکر اپنی سیاست اور گھریلو عورت کے تاثر کو ختم کرچکی ہیں ۔
اسلام آباد والے دھرنے کا انجام آپ کے سامنے ہے، پنجاب ، سندھ ، بلوچستان لا تعلق ہے، خیبر پختونخوا میں افغان مہاجرین کا جتھہ ساتھ ہےاور قیادت کون کر رہا ہے کسی کو علم نہیں،یہ جتھہ اسلام آباد کب پہنچے گا یا نہیں پہنچے گا کوئی نہیں جانتا؟ کہ کچھ احکامات بی بی کے مانے جارہے ہیں اور کچھ مس گائیڈڈمزائل گنڈا پور کے اور جیسے جیسے بند سانپ کی بھوک بڑھے گی وہ اپنی ہی دُم کو کاٹ کھانے کی کوشش کرے گا جو اس مقبول پارٹی کو آج کی پیپلز پارٹی والی پوزیشن پر لے آئے گا ،ایک صوبے کی حکومت اور بس،اللہ پاک لمبی عمر عطاء فرمائیں لیکن سوچیں جب کپتان نا ہوگا تو اس پارٹی کا کیا ہوگا ۔

نوٹ:بلاگر کے ذاتی خیالات سے ادارے کا متفق ہونا ضروری نہیں۔ایڈیٹر

 (24 نیوز)فائنل کال عمران خان کو مہنگی پڑ گئی ،مزید مقدمات درج،پی ٹی آئی کے کس کس رہنماء کو جیل جانا پڑے گا؟

پاکستان تحریک انصاف کی جانب سے 24 نومبر کو پرتشدد مظاہرے کرنے پر سابق وزیراعظم عمران خان، انکی اہلیہ بشریٰ بی بی اور سابق صدر پاکستان ڈاکٹر عارف علوی سمیت دیگر کے خلاف مقدمات درج کر لیے گئے۔ذرائع کے مطابق احتجاج کا پہلا مقدمہ تھانہ ٹیکسلا میں انسداد دہشتگردی دفعات کے تحت درج کیا گیا۔

مقدمے میں اپوزیشن لیڈر عمر ایوب، وزیراعلیٰ کے پی علی امین گنڈا پور، علیمہ خان، اعظم سواتی، تیمور مسعود، شہریار ریاض سمیت 300 سے زائد مقامی رہنما اور کارکنان کو نامزد کیا گیا ہے،مقدمے کے متن کے مطابق مظاہرین نے سرکاری موٹر سائیکل اور گاڑی کو نقصان پہنچایا جبکہ ملزمان نے پولیس ڈرائیور کو اغوا کیا اور تشدد کا نشانہ بنا کر چھوڑ دیا، بانی پی ٹی آئی نے اڈیالہ جیل سے پارٹی رہنماؤں کو اسلام آباد چڑھائی کا منصوبہ دیا۔

ضرورپڑھیں:عمران خان کی رہائی کیلئے احتجاج،کتنے افراد شریک؟کیا مذاکرات ہورہے ہیں؟اہم انکشاف

مقدمہ نمبر 2594 میں کار سرکار میں مداخلت، دفعہ 144 کی خلاف ورزی سمیت دیگر دفعات شامل ہیں جبکہ مظاہرین پر سرکاری پرائیویٹ املاک کو نقصان پہنچانے اور مجمع جمع کرکے شاہراہوں کو بند کرنے کا الزام بھی شامل ہیں۔

دوسری جانب فیصل آباد کے تھانہ غلام محمد آباد میں بانی پی ٹی آئی عمران خان سمیت 45 افراد پر مقدمہ درج کر لیا گیا، مقدمہ انسداد دہشت گردی کی دفعہ 7 سمیت 13 دفعات کے تحت درج کیا گیا ہے،پولیس کا کہنا ہے کہ املاک کو نقصان پہنچانے، پولیس پر حملے سمیت دیگر الزامات میں 35 افراد کو گرفتار کیا گیا ہے۔

واضح رہے کہ عمران خان کی کال پر اسلام آباد میں احتجاج کے لیے 24 نومبر کو پی ٹی آئی کے قافلے خیبر پختونخوا سے وزیراعلیٰ امین علی امین گنڈا پور کی قیادت میں روانہ ہوئے تھے۔

خیبر پختونخوا سے پنجاب میں داخل ہوتے وقت مظاہرین اور پولیس میں تصادم بھی ہوا، پی ٹی آئی کارکنان نے پولیس پر پتھراؤ کیا جس پر پولیس کی جانب سے شیلنگ کی گئی۔

 (24نیوز)سابق صدر مملکت عارف علوی نے کہا ہے کہ ملک اور عدلیہ کو آزاد کرنا ہوگا، بانی پی ٹی آئی نے ڈیل نہیں کی، میں بانی پی ٹی آئی کیلئے جان دینے کو تیار ہوں،مذاکرات کا وقت ختم ہوگیا، حکومت کو عمران خان کو رہا کرنا پڑے گا کیونکہ ان کے اس کے علاوہ کئی اور چارہ نہیں ہے۔ 

سابق صدر مملکت عارف علوی نے کہا کہ عوام نے آج اپنا فیصلہ سنا دیا، مذاکرات کا وقت گزر گیا، اب فیصلہ سڑکوں پر ہوگا۔عارف علوی کاکہناتھا کہ ملک اور عدلیہ کو آزاد کرنا ہوگا، بانی پی ٹی آئی نے ڈیل نہیں کی، میں بانی پی ٹی آئی کیلئے جان دینے کو تیار ہوں۔

تحریک انصاف کے پشاور سے نکلنے والے قافلے میں شریک سابق صدر عارف علوی نے کہا کہ  آج تک بانی پی ٹی آئی کی کوئی کال ناکام نہیں ہوئی، مذاکرات کا وقت ختم ہوگیا، حکومت کو عمران خان کو رہا کرنا پڑے گا کیونکہ ان کے اس کے علاوہ کئی اور چارہ نہیں ہے۔ 

انہوں نے کہا کہ ملک اورعدلیہ کوآزاد کرناہوگا، بانی پی ٹی آئی نے آج تک کوئی سمجھوتہ نہیں کیا، اسی لیے اگر الیکشن کے دن 70 فیصد لوگ ہمارے ساتھ تھے تو آج 90 فیصد لوگ ہمارے ساتھ ہیں ۔

سابق صدر کا کہنا تھا دنیا سوال اٹھا رہی ہےکہ یہ لوگ اپنے ملک کے ساتھ کیا کر رہے ہیں، بانی پی ٹی آئی کے لیے جان دینےکو تیار ہوں۔ 

واضح رہے کہ تحریک انصاف نے آج اسلام آباد کی جانب مارچ کی کال دے رکھی ہے جبکہ انتظامیہ نے احتجاج کے پیش نظر دارالحکومت اسلام آباد اور راولپنڈی کے مختلف راستوں کو بند کردیا ہے جب کہ تمام راستوں پر پولیس اور قانون نافذ کرنے والے اداروں کی بھاری نفری تعینات ہے۔

(24 نیوز)سیکیورٹی خدشات ،کراچی کے مختلف علاقوں میں موبائل فون انٹرنیٹ سروس متاثر ہوگئی جس کے باعث صارفین کو مشکلات کا سامنا ہے۔

گزشتہ روز اپنے بیان میں ترجمان وزارت داخلہ نے کہا تھا کہ صرف سکیورٹی خدشات والے علاقوں میں ہی موبائل ڈیٹا اور وائی فائی سروس کی بندش کا تعین کیا جائے گا۔

ان کا کہنا تھا ملک کے باقی حصوں میں انٹرنیٹ اور موبائل سروس چلتی رہے گی۔

ضرورپڑھیں:پی ٹی آئی احتجاج،اسلام آباد کے تمام داخلی راستے بند، پولیس تعینات

واضح رہے کہ اسلام آباد میں پاکستان تحریک انصاف کا احتجاج آج ہوگا، انتظامیہ کی جانب سے وفاقی دارالحکومت کے داخلی اور خارجی راستے سیل کرکے رینجرز، پولیس اور ایف سی کی بھاری نفری تعینات کر دی گئی ہے۔

(24 نیوز)فلسطین کے عوام سے اظہار یکجہتی کے لیے حکومت کی جانب سے بلائی جانے والی کثیر الجماعتی کانفرنس (ایم پی سی) کا آغاز ہو گیا ہے۔

ایوان صدرمیں فلسطینیوں سے اظہار یکجہتی کیلئے آل پارٹیز کانفرنس،صدرآصف زرداری ، وزیراعظم شہباز شریف،میاں نواز شریف، مولانافضل الرحمان آل پارٹیز کانفرنس میں شریک ہیں۔
امیرجماعت اسلامی حافظ نعیم الرحمان، خواجہ سعد رفیق، اعجاز الحق ،چیئرمین سینیٹ یوسف رضا گیلانی، ایمل ولی، سالک حسین،اسپیکر ایاز صادق، بلاول بھٹو زرداری بھی آل پارٹیز کانفرنس میں شریک ہیں،مولانا عبدالغفور حیدری، اسحاق ڈار، علیم خان، شیری رحمان،لیاقت بلوچ بھی موجود ہیں۔

صدرمملکت آصف زرداری نے اظہار خیال کرتے ہوئے کہا کہ  اسرائیل سفاکانہ کارروائیوں کا دائرہ کاربڑھا رہاہے،اسرائیل کے اقدامات عالمی امن کیلئے خطرہ بن گئےہیں،غزہ میں مظلوم فلسطینیوں کی نسل کشی کررہاہے،اسرائیل کی بمباری سے 41 ہزار فلسطینی شہید ہوئے. 

صدر پاکستان مسلم لیگ ن نواز شریف کا کہنا تھا کہ فلسطینی بچوں کی خون آلود تصاویردیکھ کر دل خون کے آنسو روتاہے،فلسطین میں بچوں کو والدین کےسامنے شہید کیاجارہا ہے،دنیا نے فلسطین کے مسئلے پر خاموشی اختیار کی ہوئی ہے،فلسطین میں مظالم کو نہ روک سکنا افسوسناک ہے،ان کا کہنا تھا کہ آج موقع ہے ہم سب کو مل کر ایک پالیسی بنانا پڑیگی،اگر ہم نے کچھ نہ کیا تو ہم ایسے شہادتیں ہوتا دیکھتے رہیں گے،اسرائیل کے پیچھے عالمی طاقتیں ہیں،عالمی طاقتوں کو سوچنا چاہیے وہ کب تک فلسطینیوں کے صبر کا امتحان لینگے،پاکستان کی عوام چاہتی ہے کہ کوئی فیصلہ کن اقدام کریں،پاکستان ہمیشہ فلسطینی عوام کیساتھ کھڑا رہا اور کھڑارہے گا۔

سربراہ جمعیت علمائے اسلام (جے یو آئی) مولانافضل الرحمان کا کہنا تھا کہ اسرائیل کے قیام کو قائداعظم نے ناجائز بچہ کہا،کس بنیاد پر پاکستان میں چند عناصر اسرائیل کو تسلیم کرنے کی بات کررہےہیں؟ہم فلسطین کے دو ریاستی حل کیخلاف ہیں،مولانافضل الرحمان نے مزید کہا کہ ایس سی او اجلاس میں ہمیں یکجہتی کا مظاہرہ کرنا ہوگا۔ 

یہ بھی پڑھیں:   فلسطینیوں کی حمایت میں مسلم ممالک کو آگے آنا ہو گا: حافظ نعیم الرحمان

علی امین گنڈا پور ہے دلچسپ کریکٹر وہ سیاست دان سے زیادہ ایک چھلاوہ نظر آتا ہے! چھلاوہ سمجھتے ہیں نا بھوت کا وہ بچہ جو بہت شرارتی ہوتا ہے، لوک داستانوں میں اس کا تذکرہ بہت ملتا ہے جس میں وہ کبھی ایک جگہ نمودار ہوکر کوئی شرارت کرتا ہے اور کبھی غائب ہوکر دوسری جگہ نمودار ہو جاتا ہے  اور شاید ایسے ہی کسی چھلاوے جیسا کردار ہے، وزیر اعلی خیبرپختونخوا  جو پشاور سے سرکاری وسائل کا جتھا لیکر اسلام آباد فتح کرنے کے لیے نکلے، راستہ بھر کبھی فائرنگ کے اشارے کرکے ڈراتے رہے اور کبھی سرکاری مشینری کو ہدایات جاری فرماتے رہے لیکن جیسے ہی اسلام آباد کی حدود شروع ہوئیں چھلاوہ یعنی گنڈا پور چھو منتر ہوگئے، ان کے اپنے ساتھی بھی حیران تھے کہ اچھا بھلا جیتا جاگتا انسان کیسے غائب ہو سکتا ہے، شائد یہ اڈیالہ میں قید ایک پیرنی کی دعا تھی یا کالے جادو کا کوئی عمل کہ  گنڈا پور اچانک بلیو ایریا میں نمودار ہوتے ہیں، چند پولیس والوں کے ساتھ ویڈیو سامنے آئی تو صاف دیکھا جاسکتا تھا کہ کنٹینر اپنی جگہ سے سرکے ہوئے تھے اور ایک راستہ بنایا گیا تھا جس میں سے گزر کر وہ اپنے ساتھیوں سمیت چند گاڑیوں کی جانب بڑھ رہے ہیں یہ قافلہ یہاں سے سلیمانی ٹوپی پہنتا ہے اور سب کی نظروں سے اوجھل کے پی کے ہاؤس اسلام آباد پہنچ جاتا ہے ۔
یہاں سے اگلا مرحلہ شروع ہوتا ہے جب کار سرکار میں مداخلت توڑ پھوڑ اور شراب کیس کی خبریں منظر عام پر آتی ہیں، خبر چلتی ہے کہ کے پی کے ہاؤس میں مقیم علی امین گنڈا پور کو گرفتار کرنے کے لیے رینجرز کے دستے پہنچ گئے فوٹیج بھی تھی جو میڈیا پر چلائی گئی، اس کے بعد تسلسل کے ساتھ کبھی گرفتاری کبھی تردید کبھی حراست کبھی رہائی کی خبریں چلیں لیکن کوئی نہیں جانتا تھا کہ چھلاوہ صاحب یعنی علی امین گنڈا پور کہاں گئے زمین کھا گئی یا آسمان اچک لے گیا ، پی ٹی آئی کے رہنما بھی بے سروپا افواہیں پھیلا رہے تھے۔ کوئی اسے فاتح اسلام آباد کہہ رہا تھا اور کوئی ایک وزیر اعلیٰ کی گرفتاری کی مذمت کر رہا تھا لیکن حقائق سے کوئی واقف نا تھا، اس صورتحال میں وفاقی وزیر داخلہ محسن نقوی کا یہ بیان بھی سامنے آیا کہ اسلام آباد پر چڑھائی کرنے والوں نے نا صرف فائرنگ کی بلکہ ان میں سو سے زائد افغانی بھی گرفتار کیے گئے ہیں۔ انہوں نے کہا کہ شنگھائی تعاون تنظیم کو ناکام بنانے والوں کی سازشوں کو ناکام بنایا جائے گا جو جو بھی اس میں ملوث ہوا اسے کیفر کردار تک پہنچایا جائے گا چاہے اس میں کوئی بھی اہم شخصیت شامل ہو ۔

ضرورپڑھیں:عمران خان کی رہائی کیلئےبلوچستان میں بھی احتجاج کا اعلان 
اب یہاں سے نئی کہانی شروع ہوتی ہے جس کے مطابق سیاست کے بلو بلرام عرف کھل نائیک کے لیے کے پی کے ہاؤس سے غائب ہونے کی خبریں منظر عام پر آتی ہیں، خیبرپختونخوا کے مشیر المعروف بھارتی وزیر خارجہ کو معاونت کے لیے بلانے کے الزام سے دو چار بیرسٹر سیف ایک بار پھر ریاست مخالف بیانیہ گھڑتے ہیں کہ وزیر اعلی خیبرپختونخوا علی امین گنڈا پور کی بازیابی کے لیے پریس کلب کے باہر احتجاج کیا جائے گا جس کے بعد وہ ویڈیو منظر عام پر آتی ہے جس کا انتظار مجھے بھی تھا اور آپ کو بھی اس ویڈیو میں علی امین گنڈا پور کو اپنے ساتھیوں کے ہمراہ کالے لباس میں ملبوس کے پی کے ہاؤس میں جاتے دیکھا جاسکتا ہے جس کے بعد ایک اور تصویر میں تمام افراد کو کپڑے بدل کر عقبی دروازے سے نکلتے ہوئے دیکھا جاسکتا ہے یہاں سے چھلاوہ میرا مطلب ہے علی امین گنڈا پور کہاں گیا؟ اسلام آباد کے تمام راستے تو بند تھے وہ کس کی گاڑی تھی جسے کسی جگہ روکا نہیں گیا ؟ کیا اسلام آباد میں علی امین گنڈا پور کے سہولت کاروں میں کچھ ایسے بااثر افراد بھی شامل ہیں جو علی امین گنڈا پور اور ان کے ساتھ سادہ کپڑوں میں ملبوس کے پی کے پولیس کے اہلکاروں کو سب کی نظر بچا کر لے جاسکتے ہیں ، ہماری اطلاعات کے مطابق علی امین گنڈا پور جہاں بھی ہیں محفوظ پناہ گاہ میں آج بھی اسلام آباد میں موجود ہیں وہ اس سارے منظر نامے میں ایک چھلاوے جیسا کردار ادا کررہے ہیں، یہ وہ علی امین گنڈا پور نہیں جو گاڑی چھوڑ کر بھاگا تھا وہ گاڑی جس میں سے بلیک لیبل شہد کی بوتلیں برآمد ہوئیں تھیں یہ ایک بار علی امین گنڈا پور ہے جو طاقت کی راہداریوں میں موجود ایسے جادوگروں کا دوست ہے جو پلک جھپکتے ہی سب غائب کرنے کی صلاحیت رکھتے ہیں ۔

نوٹ:بلاگر کے ذاتی خیالات سے ادارے کا متفق ہونا ضروری نہیں۔ایڈیٹر 

(احمدمنصور)وزیراعلیٰ خیبرپختونخواعلی امین گنڈا پورکے خیبر پختونخوا ہاؤس سے غائب ہونے کے حقائق منظر عام پرآگئے،احتجاج کی آڑ میں اسلام آباد داخل ہونیوالے علی امین گنڈا پور کے منظر عام سے غائب ہونے کی حقیقت آشکار ہوگئی ،کے پی ہاؤس اسلام آباد کی سی سی ٹی وی سامنے آگئی۔

سی سی ٹی وی میں علی امین گنڈاپور کو کے پی ہاؤس کے گیٹ سے داخل ہوتے دیکھا جا سکتا ہے، ذرائع کے مطابق علی امین گنڈا پور خیبر پختونخوا ہاؤس میں کالی شلوار قمیض میں داخل ہوئے، علی امین گنڈا پور لباس تبدیل کر کے کپڑوں میں روانہ ہوئے۔

علی امین گنڈا پور لباس تبدیل کر کے دوسرے رنگ کے سول کپڑوں میں بمعہ سول کپڑوں میں ملبوس پولیس اہلکاروں کے ساتھ خیبر پختونخوا ہاؤس سے روانہ ہوئے،سی ٹی وی فوٹیج میں دیکھا جاسکتا ہے کہ  کے پی کے وزیر اعلی اپنی مرضی سے اپنے حفاظتی اہلکاروں کے ہمراہ خیبر پختونخوا ہاؤس سے باہر جا رہے ہیں۔

ضرورپڑھیں:علی امین گنڈاپور کسی ادارے کی حراست میں نہیں ،خود بھاگے ہیں:وفاقی وزیرداخلہ

اِن نہ جھٹلائے جا سکنے والی تصاویر سے یہ بات ثابت ہوتا ہے کہ  علی امین گنڈا پور مظاہرین کو خود اپنی مرضی سے چھوڑ کر غائب ہو گئے جبکہ دوسری طرف اس خبر سے سیاسی فائدہ حاصل کرنے کے لئے چند عناصر عوام کی آنکھوں میں جھوٹ بول بول کر دھول جھونک رہے ہیں۔

(24 نیوز) وزیراعظم محمد شہبازشریف نے کہا ہے کہ پی ٹی آئی نے ہمیشہ احتجاج کی آڑ میں تشدد کا راستہ اپنایا ،تمام کرداروں کو کیفر کردار تک پہنچایا جائے،وفاقی وزیر داخلہ محسن نقوی نے کہا ہے کہ شہید عبدالحمید شاہ پر تشدد کرنے والوں کو انصاف کے کٹہرے میں کھڑا کیا جائے گا۔

وزیراعظم محمد شہباز شریف نےپی ٹی آئی مظاہرین کے پتھراؤ سے اسلام آباد پولیس کے اہلکار عبد الحمید کی شہادت پر گہرے دکھ اور افسوس کا اظہار کیا ہے،وزیراعظم نے واقعے کی شدید الفاظ میں مذمت کی ہے،وزیراعظم نےشہید اہلکار کی بلندی ء درجات کی دعاء اور اہل خانہ سے اظہار تعزیت کیا ہے،وزیراعظم نے کہا ہے کہ پی ٹی آئی نے ہمیشہ احتجاج کی آڑ میں تشدد کا راستہ اپنایا ۔

وزیر اعظم نے کہا ہے کہ اسی سیاسی جماعت نے ماضی میں سرکاری ٹی وی کی عمارت پر حملہ کیا اور پارلیمنٹ ہاؤس کا گیٹ توڑا ، وزیراعظم نے واقعے میں ملوث تمام افراد کو کیفر کردار تک پہنچانے کی ہدایت کردی ۔

ضرورپڑھیں:پی ٹی آئی مظاہرین کے پتھراؤسے اسلام آباد پولیس کا اہلکار شہید

دوسری جانب وفاقی وزیر داخلہ محسن نقوی نےشرپسندوں کے تشدد سے پولیس کانسٹیبل عبدالحمید شاہ کی شہادت پر گہرے دکھ اور افسوس کا اظہار کیا ہے،وزیر داخلہ محسن نقوی نے شہید کانسٹیبل عبدالحمید شاہ کے لواحقین سے دلی ہمدردی و تعزیت کا اظہارکیا ہے،وزیر داخلہ نے آئی جی اسلام آباد پولیس کو شہید کانسٹیبل عبدالحمید شاہ پر تشدد کرنے والے شرپسندوں کی جلد از جلد گرفتاری کی ہدایت کردی ہے۔

محسن نقوی نے کہا ہے کہ شہید عبدالحمید شاہ پر تشدد کرنے والوں کو انصاف کے کٹہرے میں کھڑا کیا جائے گا ،دوران ڈیوٹی شہادت کا اعلیٰ رتبہ پانے پر عبدالحمید شاہ کو خراج عقیدت پیش کرتے ہیں،غم کی گھڑی میں سوگوار خاندان کے غم میں برابر کے شریک ہیں اور ان کے ساتھ کھڑے ہیں،شہید کانسٹیبل عبدالحمید شاہ کے خاندان کی مکمل دیکھ بھال کی جائے گی۔

(24 نیوز) پی ٹی آئی کے سینکڑوں کارکنان چائنہ چوک اور جناح ایونیو سے متصل سیکٹرز میں  تاحال موجود ہیں جبکہ اسلام آباد پولیس کے اعلیٰ افسران ڈی چوک پہنچ گئے اور مظاہرین کے خلاف آپریشن کرنے کیلئے رینجر اور پولیس کے تازہ دم دستے چائنہ چوک کی طرف روانہ کر دیے گئے۔

 ذرائع کے مطابق آئی جی اسلام آباد ،ڈی آئی جی آپریشنز ، ایس ایس پی سمیت افسران ڈی چوک میں موجود ہیں پولیس کی جانب سے مظاہرین پر شیلنگ کا عمل جاری ہے۔

آئی جی اسلام آباد نے سکیورٹی صورتحال کا جائزہ لیتے ہوئے پولیس اہلکاروں سے ملاقات کی اور احوال دریافت کیا۔

 اس موقع پر آئی جی اسلام آباد کے ہمراہ ڈی آئی جی اسلام آباد بھی موجود تھے جبکہ اسلام آباد پولیس کے دیگر اعلیٰ افسران ڈی چوک پہنچ گئے اور مظاہرین کے خلاف آپریشن کرنے کا فیصلہ کیا گیا پولیس اور رینجزز مل کر آپریشن کریں گے۔

(ویب ڈیسک)تحریک انصاف کے احتجاج کے باعث راولپنڈی اور اسلام آباد میں سڑکیں اور موبائل فون سروس تیسرے روز بھی بند ہے جس کے باعث شہریوں کو شدید مشکلات کا سامنا ہے۔

راولپنڈی اسلام آباد کے بیشتر کاروباری مراکز بند ہیں جس کی وجہ سے معمولات زندگی بری طرح متاثر ہیں جبکہ موبائل سروس اور انٹر نیٹ بند ہونے سے آن لائن کاروبار بھی شدید متاثر ہو رہا ہے۔  اس کے علاوہ میٹرو بس سروس بھی تیسرے روز معطل ہے۔

ریڈ زون سمیت مخلتف شاہراہوں پر بدستور کنٹینرز موجود ہیں جبکہ مری روڈ سے آنے والے لنک روڈز اور گلیاں بدستور سیل ہیں ، لیاقت باغ سے فیض آباد تک جگہ جگہ رکاوٹوں کی وجہ سے مریضوں کا اسپتال پہنچنا بھی دشوار ہو گیا ہے۔

یہ بھی پڑھیں : تہہ خانے سے دریافت ہوئی تصویر لاکھوں ڈالرز مالیت کی نکلی

موبائل فون سروس کے حوالے سے حکام کا کہنا ہے کہ کچھ دیر میں موبائل فون سروس باضابطہ طور پر بحال کر دی جائے گی

(24 نیوز)پشاور ہائیکورٹ نے وزیراعلیٰ خیبرپختونخوا علی امین گنڈا پور کی 2 مقدمات میں 25 اکتوبر تک راہداری ضمانت منظور کرلی، انہوں نے گرفتاری کے خدشے کے پیش نظر راہداری ضمانت کیلئے درخواست دائر کی تھی۔

پشاور ہائیکورٹ کے چیف جسٹس اشتیاق ابراہیم نے لاہور جلسے اور راولپنڈی احتجاج کے بعد درج 2 مقدمات میں وزیراعلیٰ خیبرپختونخوا علی امین گنڈاپور کی راہداری ضمانت کی درخواست پر سماعت کی۔

درخواست گزار کے وکیل عالم خان ایڈووکیٹ نے عدالت کو بتایا کہ وزیراعلیٰ خیبرپختونخوا علی امین گنڈاپور نے راہداری ضمانت کے لیے ہائیکورٹ میں درخواست دائر کی ہے۔

اسے بھی پڑھیں: پی ٹی آئی کا احتجاج، اسلام آباد کی شاہراہیں, کنٹینرز رکھ دیئے گئے

وکیل نے مؤقف اپنایا کہ درخواست گزار کے خلاف اسلام آباد میں مقدمات درج کیے گئے ہیں، درخواست گزار متعلقہ عدالتوں میں پیش ہونا چاہتا ہے لیکن گرفتاری کا خدشہ ہے، درخواست گزار کو راہداری ضمانت دی جائے تاکہ وہ متعلقہ عدالتوں میں پیش ہو سکے۔

بعدازاں عدالت نے وزیراعلی خیبرپختوںخوا علی امین گنڈاپور کو 25 اکتوبر تک راہداری ضمانت دے دی اور درخواست گزار کو متعلقہ عدالتوں میں پیش ہونے کی ہدایت کر دی۔

(عابد چودھری)پاکستان تحریک انصاف کی احتجاج کی کال،لاہور پولیس کا پی ٹی آئی کارکنوں کی گرفتاریوں کیلئے کریک ڈاؤن جاری،سینکڑوں مقامی رہنماؤں و کارکنوں کوحراست میں لے لیاگیا۔
حراست میں لئے جانے والوں کو ہر ڈویژن کے ایک تھانے میں بند کیا گیا ہے،لاہور پولیس نے مطلوب ملزموں کی گرفتاریوں کے لئے بھی چھاپے مارے،پولیس نے کنٹینرز لگا کر موٹروے جانے والے راستے بند کر دیئے۔

موٹروے پولیس حکام نےلاہور اسلام آباد موٹروے، سیالکوٹ موٹروے اور ٹھوکر سے موٹروے بند کر دیا،لاہور آنے والی ٹریفک کے لئے موٹروے کھلی ہے۔

یہ بھی پڑھیں: اگر کسی نے تشدد کیا تو۔۔۔؟علی امین گنڈاپور نے بڑا بیان داغ دیا

 جو دکھتا ہے وہ ہوتا نہیں، جو ہوتا ہے وہ دکھتا نہیں۔ اسی فارمولے کی بنیاد پر کچھ نادیدہ قوتیں کام کرتی ہیں، ریاستی امور، نظام حکومت چلاتی ہیں، پاکستان کے ”معصوم لوگ“ ظاہری تبدیلیوں پر ہی ”ایمان“ لے آتے ہیں، کبھی کسی آمر کو اپنا مسیحا مان لیتے ہیں تو کبھی کسی جاگیر دار کو اپنے درد کا مداوا سمجھ لیتے ہیں، کبھی کسی ٹیکنو کریٹ کی بات پر کان دھرتے ہیں تو کبھی کسی کھلاڑی کے نعرے لگاتے لگاتے ہلکان ہوئے جاتے ہیں، تبدیلی کے اصل کرداروں کے بارے میں تو کبھی سوچتے ہی نہیں۔پی ٹی آئی کا احتجاج بظاہر تو عمران خان کی رہائی کیلئے ہے اور پی ٹی آئی کی دستیاب قیادت بھی  کچھ ایسے نعرے لگاتی نظر آتی ہے،اگر پورے منظر کو دیکھیں اور سابقہ احتجاج پر نظر ڈالیں تو دال میں کچھ کالا نظر آتا ہے۔صرف دال میں کچھ کالا ہے یا پھر پوری کی پوری دال ہی کالی ہے؟اس کا جائزہ لیتے ہیں ۔

پی ٹی آئی آج ایک بار پھر اسلام آباد پر چڑھائی کرنے جارہی ہے اور ریاست بھی ان کو روکنے کیلئے پورا بندوبست کرچکی ہے،راولپنڈی پولیس کے چار ہزار اہل کارذمہ داری سنبھال چکے ہیں ،موبائل سروس بند ہے اور پورا کا پورا شہر تہہ در تہہ کنٹینروں سے پیک کردیا گیا ہے۔اب پہلا سوال یہ ہے کہ کیا تحریک انصاف کو یہاں احتجاج کرنے کی اجازت بھی ملے گی یا نہیں؟کیونکہ تحریک انصاف نے تو یہ ارادہ کرلیا ہے کہ وہ ہر صورت ریڈزون میں داخل ہوگی ،اب سوال یہ پیدا ہورہا ہے کہ کیا تحریک انصاف ایک بار پھر ریاست کی رٹ کو چیلنج کرنا چاہتی ہے ،تحریک انصاف اپنے ریاست مخالف بیانیے کی وجہ سے سیاسی سپیس کو خود اپنے لئے محدود کرتی چلی جارہی ہے۔اگر تحریک انصاف ڈی چوک میں جلسہ یا احتجاج کرنے میں کامیاب ہوجاتی ہے اور اگر وہ یہاں کسی اور ارادے سے آتی ہے تو پھر سے سانحہ نو مئی جیسا واقعہ رونما ہوسکتا ہے،ناقدین تو تحریک انصاف پر یہ الزام لگاتے ہیں کہ وہ ہر صورت موجودہ چیف جسٹس کو ہٹانا چاہتی ہے اور اِس کیلئے وہ ہر حربہ استعمال کرسکتی ہے،پی ٹی آئی اگر کوئی ایسا ارادہ رکھتی ہے تو اس کے نتائج اچھے کے بجائے خطرناک ہوسکتے ہیں۔
اب ظاہر ہے تحریک انصاف نے 5 اکتوبر کو بھی مینار پاکستان میں احتجاج کی کال دی ہوئی ہے  یعنی پی ٹی آئی پنجاب حکومت کو بھی للکار رہی ہے ۔اور اِس للکار کا جواب نواز شریف نے بھی دیا ہے۔وہ کہتے ہیں کہ یہ لوگ ریاست اور ملک پر حملہ آور ہونا چاہتے ہیں۔پنجاب میں آنسو گیس کے شیل لے کر داخل ہوتے ہیں جسیا کہ قبضہ کرنے آئے ہوں ۔یہ اِن کا خواب ہے جو کبھی پورا نہیں ہوگا ۔حکومت ریاستی مشنیری سے مل کر اپنا کام کررہی ہے،اس نے احتجاج کو ہر صورت روکنا ہے مگر ادھر تحریک انصاف تضادستان بن چکی ہے،اس جماعت میں مختلف گروپ ہیں اور ہر گروپ کی الگ ہی رائے ہے،یہ تمام گروپ علیحدہ علیحدہ بانی پی ٹی آئی سے ملاقات کرتے ہیں ،ان کو کسی بھی مسئلہ پر غلط یا صحیح گائیڈ کرتےہیں اور اپنی مرضی کا فیصلہ کرو الیتےہیں،کپتان میدانی صورتحال سے آشنا نہ ہونے کے باعث ویسا ہی فیصلہ کر لیتےہیں جیسا یہ گروپ چاہتےہیں لیکن جب یہ گروپ باہر آکر ان فیصلوں اعلان کرتے ہیں تو ووٹرز ،سپورٹرز میں اس حوالے سے اضطراب پایا جاتا ہے۔کیونکہ یہ گروپ ان لوگوں کی بھی نہ صرف پارٹی میں واپس لا رہے ہیں جنہوں نے نو مئی کے بعد خود کو پارٹی سے الگ کیا بلکہ اس واقعہ کی مذمت بھی کی ۔ لیکن اب سینیٹ الیکشن ہو یا ضمنی انتخابات ،مختلف مواقع پر یہ سننے کو ملتا ہے کہ ان میں سے کچھ افراد کو ان کارکنان پر فوقیت دی جا رہی ہے جو ہر مشکل میں پارٹی کیساتھ کھڑے رہے۔

ضرورپڑھیں:اگر کسی نے تشدد کیا تو حالات کا وہ ذمہ دار ہوگا، ہرصورت ڈی چوک جائیں گے، علی امین گنڈاپور

گزشتہ دنوں جب سینیٹ کے لیے تحریک انصاف نے اپنے امیدواروں کا اعلان کیا تو ان میں ایک نام مرزاآفریدی کا بھی شامل تھا۔یہ وہ مرزا آفریدی تھے جو سب سے پہلے 9 مئی کی مذمت کر کے پی ٹی آئی چھوڑنے والوں میں شامل تھے ،اب ان کو سینیٹ کی نشست سے نوازا جا رہا ہے،مرزاآفریدی سانحہ نو مئی کے بعد نہ صرف سینیٹ ٹکٹ کے لیے اپنا نام طے کروا چکےہیں بلکہ ان کی پارٹی کے سینئر رہنماؤں کے ساتھ تصاویر بھی وائرل ہیں،اس کے علاوہ ضمنی انتخابات میں ٹکٹ کی جو فہرست جاری ہوئی اس میں بھی ایک ایسا نام تھا جس کو دیکھ کر تحریک انصاف کے کارکنوں میں بہت اضطراب پایا جا رہا تھا ۔یہ نام افضل ڈھانڈلہ کا تھا یوں تو اب ان کا ٹکٹ کے سخت ری ایکشن کے بعد کینسل کر دیا گیا ہے لیکن پہلے ان بھکر سے یہ ٹکٹ جاری کیا گیا تھا۔جس پر کارکنوں نے قائدین سے بھرپور احتجاج کیا اور ان کو تنقید کا نشانہ بنایا،حماد اظہر کے حوالے سے یہ بات سامنے آئی ہے کہ ان کا وزیر اعلیٰ خیبرپختونخواہ سے ’پھڈا‘چل رہا ہے ،لاہور میں علی امین گنڈاپور کے پہنچنے سے پہلے’کاہنہ‘جلسے کو ختم کرنا بھی اسی سلسلہ کی کڑی تھی ،اب جب پی ٹی آئی کی دستیاب قیادت اختلافات کا شکار ہے تو پھر حکومت کو کس بات کا خوف ہے؟

اس بات میں کوئی شک نہیں ہے کہ دنیا بھر میں عمران خان کے فالوورز کی تعداد کسی بھی پاکستانی سیاسی لیڈر سے زیادہ ہے،ایسے ایسے فالورز موجود ہیں جو عمران خان سے جڑی کسی بھی چیز کو لاکھوں روپے میں خرید سکتے ہیں،عمران خان غلط کو بھی ٹھیک کہیں گے تو کارکن اس کو سچ مان کر اس کے پیچھے چل پڑیں گے،اسی بات کا فائدہ اٹھاتے ہوئے بہت ساری طاقتیں میدان میں آچکی ہیں،یہ طاقتیں عمران خان کے نام کو اپنے مقاصد کیلئے استعمال کررہی ہیں،یہ پروپیگنڈا کامیابی سے چل رہا ہے،اس وقت بھی وہی مہرے استعمال ہورہے ہیں جو عمران خان کو ’مہاتما‘بنانے کیلئے استعمال کیے گئے۔یہ مہرے جو کہتے ہیں عمران خان لورز اس کے پیچھے چل پڑتے ہیں۔عمران خان کی سیاست ایک’فرقہ‘کی صورت اختیار کرچکی ہے،اس فرقہ کا وہ بھی حصہ بن چکے ہیں جو کالعدم ٹی ٹی پی کا حصہ رہے ۔ایسی صورتحال میں ریاست کے پاس کوئی آپشن نہیں بچتا کہ وہ کسی کو آزادی سے حملہ کرنے دے۔ریاستی مشنیری نے ہر صورت فساد کو روکنا ہوتا ہے اور وہ اس میں فی الحال کامیاب بھی نظر آتی ہے مگر اس ساری صورتحال میں نقصان جمہوریت کا ہورہا ہے،اس کلٹ کو ختم کرنے کیلئے ایسی آوازیں بھی دبائی جارہی ہیں جو ہمیشہ ملک کیلئے بلند ہوتی ہیں ۔

نوٹ :بلاگر کے ذاتی خیالات سے ادارے کا متفق ہونا ضروری نہیں۔ایڈیٹر 

(24 نیوز) اسلام آباد ہائی کورٹ نے احتجاج کی اجازت کے معاملے پر ضلعی انتظامیہ کو پی ٹی آئی کیساتھ 2 گھنٹوں میں مشاورت کا حکم دے دیا۔

اسلام آباد ہائیکورٹ کی جسٹس ثمن رفعت امتیاز نے پی ٹی آئی کو آج 26 جولائی کو اسلام آباد میں احتجاج کی اجازت کیلئے عامر مغل کی دائر درخواست پر سماعت کی، درخواست گزار کی جانب سے شعیب شاہین جبکہ ضلعی انتظامیہ کی جانب سے سٹیٹ کونسل ملک عبد الرحمان عدالت میں پیش ہوئے،سٹیٹ کونسل نے عدالت کو بتایا کہ پی ٹی آئی کی درخواست موصول ہو چکی ہے اور اس پر آرڈر آچکا ہے۔

جسٹس ثمن رفعت امتیاز نے کہا کہ میرے خیال میں آج اسلام آباد میں تو کوئی دوسرا احتجاج بھی ہے جس پر سٹیٹ کونسل نے کہا کہ اسلام آباد میں دوسرے احتجاج کا مجھے کوئی علم نہیں،سٹیٹ کونسل نے عدالت کو بتایا کہ ضلعی انتظامیہ نے اسلام آباد کے اندر احتجاج کرنے کی تمام درخواستیں مسترد کر دی ہیں، شہریوں کی حفاظت کیلئے اس وقت کسی کو کوئی اجازت نہیں مل سکتی۔

شعیب شاہین نے کہا کہ ہم نے جلسے کی درخواست دی تھی، این او سی دیا گیا اور پھر منسوخ کر دیا گیا، ہماری درخواست پر چیف جسٹس نے ان کو فیصلہ کرنے کی ہدایت کی، جلسے سے متعلق ہماری ان سے بات چل رہی ہے، وہ الگ معاملہ ہے، ہم اس وقت نیشنل پریس کلب کے باہر پُرامن احتجاج کرنا چاہتے ہیں جو ہمارا آئینی حق ہے، احتجاج، میٹنگز وغیرہ کیلئے اجازت مانگنے کی ضرورت نہیں، ہائی کورٹ کا فیصلہ موجود ہے۔

سٹیٹ کونسل نے کہا کہ جس آرڈر کا حوالہ دیا جارہا ہے وہ دفعہ 144 سے متعلق پاس نہیں ہوا، جسٹس ثمن رفعت امتیاز نے کہا کہ جو وجوہات آپ بتا رہے ہیں ایسے تو پھر کوئی احتجاج کر ہی نہیں سکتا۔

عدالت نے استفسار کیا کہ کیا قانون میں کہیں لکھا ہے کہ لارج نمبر آف پبلک یا زیادہ تعداد خواتین اکٹھی نہیں ہوسکتیں؟ پریس کلب تو شہر کے دل میں واقع ہے پھر تو پریس کلب کے باہر احتجاج ہو ہی نہیں سکتا، کیا آپ کہنا چاہ رہے ہیں کہ یہ پریس کلب کے باہر احتجاج کر ہی نہیں سکتے؟

عدالت نے کہا کہ آپ نے ہمیں قانون سے بتانا ہے کہ اتنے نمبر سے زیادہ لوگ پریس کلب کے باہر احتجاج نہیں کر سکتے یا تو آپ کوئی قانون بنا دیں کہ پریس کلب کے باہر اتنی تعداد سے زیادہ لوگ اکٹھے نہیں ہوسکتے،شعیب شاہین نے کہا کہ اگر یہ ہمیں پریس کلب کے باہر کی اجازت نہیں دیتے تو ایف نائن پارک کی اجازت دیں۔

بعد ازاں عدالت نے سماعت میں وقفہ کرتے ہوئے پی ٹی آئی کو احتجاج کی اجازت سے متعلق انتظامیہ کو 2 گھنٹے میں مشاورت کر کے  آگاہ کرنے کا حکم دے دیا۔